ئه‌ڤرۆ نیوز:

وه‌زاره‌تا ناڤخۆیا عیراقێ مۆله‌تا چه‌كی بۆ وه‌لاتیان توخیبدار دكه‌ت و ئه‌وان كه‌سان دیار دكه‌ن كۆ مۆله‌ت پێ دئێته‌دان.

عه‌بد سه‌عید حه‌سه‌ن رێڤه‌به‌رێ ناسنامه‌ و مۆله‌تا چه‌كی ژ وه‌زاره‌تا ناڤخویا عیراقێ راگه‌هاند: هێلانا چه‌كی ب تنێ دده‌ستێ ده‌وله‌تێ دا ژ كارێن پێشی یێن حكومه‌تێ یه‌.

عه‌بد سه‌عید حه‌سه‌ن ئه‌وان كه‌سان دیار دكه‌ت یێن كۆ دشێن چه‌كی هه‌لبگرن و مۆله‌تا چه‌ك هه‌لگرتنێ پێ دهێته‌ دان، كۆ ئه‌ڤێن خوارێ نه‌:-

سه‌رۆك كۆمار و به‌رپرسێن سه‌رۆكاتیا كۆماری، سه‌رۆك په‌رله‌مان و په‌رله‌مانتار، سه‌رۆك وه‌زیر و وه‌زیر، دادوه‌ر و پله‌ یێن تایبه‌ت، زێره‌ڤان، خه‌لكێ سه‌ر ب عه‌شیره‌تان ب مه‌رجه‌كی نڤیسارا پشته‌ڤانیا رێڤه‌به‌راتیا كارۆبارێن عه‌شیره‌تێ هه‌بیت، فه‌رمانبه‌ر ب مه‌رجه‌كی نڤیسارا پشته‌ڤانیكرنا فه‌رمانبه‌ری هه‌بیت، بازرگان ب مه‌رجه‌كی نڤیسارا پشته‌ڤانیكرنا ژوورا بازرگانی هه‌بیت.

ب ئه‌گه‌رێ نه‌ زیره‌كای هێزێن سه‌ربازی و ئه‌منی یێن عیراقێ، زۆرینه‌یا وه‌لاتیێن عیراقێ چه‌كێ بێ موله‌ت هه‌یه‌، ژبلی ب ده‌هان گرۆپ و ملیشیایێن چه‌كداری و تایفی و توندره‌و تیرۆریستان.

ئه‌ڤرۆ نیوز:

سه‌رۆك وه‌زیرێ عیراقێ وه‌زاره‌تێن به‌تال ل كابینا خودا ب وه‌كاله‌ت هنده‌كێن دی دانان.

لگۆری چه‌ند نڤیساره‌كان، مسته‌فا كازمی سه‌رۆك وه‌زیرێ عیراقێ وه‌زاره‌تێن به‌تال ب وه‌زیرێن دی یێن حكومه‌تێ ب وه‌كاله‌ت دانان، تا ئه‌وی ده‌می وه‌زیر بۆ ئه‌وان وه‌زاره‌تان بهێنه‌ دانان.

عه‌لی حه‌مید وه‌زیرێ په‌روه‌رده‌ ب وه‌كاله‌ت وه‌زاره‌تا بازرگانیێ ژی بریڤه‌ دبه‌ت.

نه‌بیل كازم وه‌زیرێ خاندنا بلند ب وه‌كاله‌ت وه‌زاره‌تا داد برێڤه‌ دبه‌ت، ناسر حسێن وه‌زیری ڤه‌گۆهاستنێ ب وه‌كاله‌ت وه‌زاره‌تا كوچ برێڤه‌ دبه‌ت، عه‌بدلكه‌ریم هاشم بریكارێ وه‌زیرێ ده‌رڤه‌ كارێن وه‌زیرێ ده‌رڤه‌ بریڤه‌ دبه‌ت، عه‌لی حه‌یده‌ر وه‌زیرێ دارایی ب وه‌كاله‌ت بوویه‌ وه‌زیرێ پترۆلێ، عه‌دنان ده‌رجال وه‌زیرێ وه‌رزش و لاوان ب وه‌كاله‌ت وه‌زیرێ ره‌وشه‌نبیرێ یه‌.

شه‌ڤا 6/5/2020 ل جڤاتا نوونه‌رێن عیراقێ ب زۆرینه‌یا ده‌نگان باوه‌ری ب 15 وه‌زیرێن كابینا نوو یا حكومه‌تا عیراقی ب سه‌رۆكاتیا مسته‌فا كازمی هاته‌ دان.

ئه‌ڤرۆ نیوز:

لژنا بلندا ساخله‌میێ سه‌ر ب جڤاتا وه‌زیرێن عیراقێ ڤه‌، سێ بریارێن نوو ده‌ربارێ ڤایرۆسێ كورونایێ ده‌ركرن، یا ئێكێ بریار دا هاتنوچون ل رۆژێن چه‌ژنێ ب ته‌مامی بهێته‌ قه‌ده‌غه‌كرن.

لژنا بلندا ساخله‌میا عیراقێ ئه‌و چه‌نده‌ ژی دیاركر كۆ ب سه‌رۆكاتیا مسته‌فا كازمی سه‌رۆك وه‌زیرێ نوو یێ عیراقێ و بریارا قه‌ده‌غه‌كرنا هاتنوچونێ ل عیراقێ تا دوماهیا رۆژێن چه‌ژنێ دێ یا به‌رده‌وام بیت.

بریار كودێ ل رۆژین چه‌ژنێ قه‌ده‌غه‌یا هاتنوچونێ ب ته‌مامی هێته‌ بجهكرن، وه‌زاره‌تا ڤه‌كۆهاستنێ ژی چه‌ند مه‌رجه‌كین نوو بۆ سلامه‌تیێ بۆ ڤه‌وگۆهاستنا وه‌لاتیان ب رێیا ئالاڤێن ڤه‌گۆهاستنا ناڤخۆ دادنیت.

ئه‌ڤرۆ نیوز:

وه‌لاتیێن باشوورێ عیراقێ دێ ده‌ست ب خونیشاندانان كه‌ن و دژاتیا خو بۆ حكومه‌تا نوو یا عیراقی راگه‌هاندینه‌.

شه‌ڤا بوری وه‌لاتیێن واست ئاگر به‌ردا باره‌گه‌هێ به‌رێ یێ رێكخراوا به‌در كۆ مه‌زنترین میلیشیا حشدا شه‌عبی یه‌ و هادی عامری سه‌رۆكاتیا وان دكه‌ت، ل نه‌جه‌ف ژی خونیشانده‌ران رێكا سه‌ره‌كی یا پارێزگه‌ها دیوانیه‌ ب ئاگری داخست.

ده‌ست ژكارڤه‌كێشانا عادل عه‌بدلمه‌هدی ل سه‌ر داخوازیا مه‌رجعێ بلندێ شیعه‌یێن عیراقێ به‌رفره‌هبوونا خونیشاندانان بوو،كۆ ل پرانیا باژێرێن عیراقی دژی گه‌نده‌لیێ و نه‌بوونا حزمه‌تگۆزاریێن ده‌ستپێكی وه‌ك ئاڤێ و كاره‌ب و بێكاریا گه‌نجان ده‌ست ب خونیشاندانان كربوو.

ئه‌ڤرۆ نیوز:

سه‌رۆك وه‌زیرێ نوو یێ عیراقێ د داخویانیا ئێكێ دا ده‌ربارێ موچا دیاركر كارێ ئٍێكێ یێ حكومه‌تێ دابینكرنا موچان.

ئه‌ڤرۆ مسته‌فا كازمی سه‌رۆك وه‌زیرێ عیراقێ راگه‌هاند: حكومه‌ت دێ به‌رده‌وام بیت د پارڤه‌كرنا موچه‌یێن خانه‌نشینان.

مسته‌فا كازمی ئه‌و چه‌نده‌ ژی راگه‌هاند نابیت چ عیراقیه‌ك ب شه‌ڤێ بنڤیت هه‌كه‌ حكومه‌ت ئه‌ركێن خو هه‌مبه‌ری وی وه‌لاتی بجهـ نه‌ئینابیت.

سه‌رۆك وه‌زیرێ نوو یێ عیراقێ دیاركر عیراق خانه‌نشینان ژبیر ناكه‌ت كو ژیێ خو دپێخه‌مه‌تا خزمه‌تا وه‌لاتی بووراندیه‌.

د شه‌ڤا 6/5/2020 جڤاتا نوونه‌رێن عیراقێ ب زۆرینه‌یا ده‌نگان كابینا نوو یا حكومه‌تا عیراقێ ب سه‌رۆكاتیا مسته‌فا كازمی هاته‌ په‌سندكرن.