ئەڤرۆ نیوز:
وەزارەتا نافخۆ یا هەرێما کوردستانێ بریار دا قەدەغەیا هاتنوچوونێ دناڤبەرا پارێزگەهان دا هەتا 15-6-2020 بهێتە درێژ کرن.
قەدەغەیا هاتنوچوونێ دناڤبەرا پارێزگەهان دا هاتە درێژ کرن
نووترين نووچه
- سەرۆك بارزانی پشتەڤانییا خۆ بۆ گرێدانا كۆنفرانسێ پارێزگارێن ئیراقێ ل هەولێرێ دوپات دكەت
- سەرۆكێ هەرێما كوردستانێ پێشوازی ل دەستەیا سەرۆكاتییا «ئەنەكەسەیێ» كر
- سەرۆكێ حوكمەتا هەرێمێ سوپاسییا خەلكێ هەلەبجە و هەورامان دكەت
- مەسرور بارزانی پێشوازیێ ل ئیمزاكرنا رێككەفتنا ئەمریكا و ئیرانێ دكەت
- بۆ ئێكگرتنا هێزێن پێشمەرگەی د قووناغا دووماهیێ داینە
- رێككەفتن هاتییە كرن كو مووچەیێ هەرێما كوردستانێ ل گەل مووچەیێ فەرمانبەرێن ئیراقێ بهێتە هنارتن
- كاراكرنا پەرلەمانی پێنگاڤا ئێكێ یە بۆ پێكئینانا كابینەیا نوو یا حوكمەتا هەرێمێ
- ئەمریكا هەرێما كوردستانێ وەك دۆست و هەڤپەیمان دبینیت
- د. زیرەك زێباری: چار دەولەت بەرهەڤییان بۆ ڤەكرنا نوونەراتیان ل هەولێرێ دكەن
- دڤێت کورد د ئاڤاکرنا سووریا نوو دا پشکدار بن
سهرهكى ههلبژارتى1
ژ ئەگەرێ ئاریشەیەکا جڤاکی چار کەس بریندار دبن
ئەڤرۆ نیوز،عەلی حاجی:
بەرپرسێ راگەهاندنا ساخلەمیا زاخۆ د داخویانیەکێ دا بۆ ئەڤرۆ نیوز دیار کر د درەنگیا شەڤا دەرباز بوویی دا ژ ئەگەرێ ئاریشەیەکا جڤاکی ل زاخۆ شەرەک دناڤبەرا چەند کەسان دا دروست دبیت و چار کەس بریندار دبن.
زێدەتر ئەمیر عەلی گۆت : د درەنگیا شەڤا دەرباز بوویی دا ل نێزیکی دەمژمێر ٢:٠٠ی شەڤێ ژ ئەگەرێ کێشەیەکا جڤاکی دناڤبەرا دو بنەمالان دا ل تاخەکێ باژێرێ زاخۆ ل دەست پێکێ شەرەک ب کێران دروست دبیت و د وی شەری دا دوو کەس بریندار دبن و و رەوشا بریندار بوویان یا باشە،ل دووف دا کەسەک د ژیێ وی دناڤبەرا ٢٠ بۆ ٢٥ سالیێ دا ب گوللەیان کەسەکێ ژ بنەمالا دیتر بریندار دکەت پشتی کو چەندین گولەیان ب مالەکێ ژ وێ بنەمالێ وەر دکەت و هەر دیسان ژ ئەگەرێ وێ تەقەکرنێ زاروویەکێ ١٠ سالی کو جیرانێ وان دو مالان بوویە ژ ئەگەرێ ڤێکەتنا گولەیەکێ ئەو ژی بریندار دبیت و رەوشا هەردوو برینداران نەیا جێگیرە و زاروویێ ١٠ سالی پشکنین بۆ هاتیە ئەنجام دان و کەسێ دیتر ژی بۆ نەخوشخانا دهۆکێ هاتە رەوانە کرن.
ناڤهاتی خویا کر ژی ” نوکە رەوش هاتیە کۆنترول کرن و ژلایێ پولیسێن زاخۆ ڤه و لاپەرێن ڤەکولینێ ژی دەست پێکرینە.
عیراق قهران ژ بهنكێن ناڤخۆ دكهت
ئهڤرۆ نیوز:
حكومهتا عیراقێ تاكو نها قهر ژ بهنكا رافیدهین و رهشید و بازرگانێن عیراقێ كریه.
جهمال كۆچهر ئهندامێ لژنا دارایی ل جڤاتا نوونهرێن عیراقێ د داخویانهیكا رۆژنامهڤانی دا راگههاند ئهو قهرێن كۆ حكومهتا عیراقێ دكهت ژ بهنكێن ناڤخو چهند مفایین خو ههنه وهك بهنین نێڤ دهولهتی، بهلێ د ههمان دهم دا ئهڤه تشتهكێ راست و دروست نینه، چونكۆ ل دهمێن بهێت مفایهكی زۆر دێ چیته سهر و دبیته بارگرانی ل سهر ملێن حكومهتێ.
ئهندامێ لژنا دارایی ل جڤاتا نوونهرێن عیراقێ ئهو چهندهژی راگههاند ههكه ئهڤ قهرێن ناڤخۆی یێن حكومهت بۆ پرۆژهیهكی یان مهبهستهكا دیاریكری نهبیت ئهڤه دبیته ئاریشه ل دهمین بهێت دا، ب تایبهتی ههكه ئهڤ قهره بۆ پرۆژهیێن وهبهرهێنانێ نههێنه مهزاختن.
ئهڤ چهنده د دهمهكی دایه، ب ئهگهرێ داكهتنا بهایێ پترۆلێ و داهاتێ ههیڤانهیێ عیراقێ ژ فرۆتنا پترۆلێ ژ 6 ملیار دۆلاران كۆ 1.5 ملیار دۆلاران كێمكریه ئهڤه ژی دبیته ئاریشهیهكا ئابووری و دارایی بۆ حكومهتێ ب تایبهتی دبیاڤێ دانا موچهی.
وهزیرێ دارایێ عیراقێ: كێمكرنا موچهیێ تایبهته بۆ پلهیێن بلند
ئهڤرۆ نیوز:
وهزیری دارایێ حكومهتا عیراقێ كێمكرنا موچهی دوپاتكر گۆت ژ ئهوان ناگریت یێن موچهیین وان ژ 500 هزاران كێمتر و ب تایبهت دێ پلهیێن بلند بخوڤه گریت.
عهلی عهبدلئهمیر وهزیرێ دارایی یێ حكومهتا عیراقێ راگههاند: پشكهكا زۆرا بودجا عیراقێ بۆ موچه و دهرمالهیێن پلهیێن بلند دچیت، لهورا كێمكرنا موچهیێن پله بلند بخوڤه دگریت.
وهزیرێ دارایێ حكومهتا عیراقێ ئهو چهنده ژی راگههاند كاری ئێكێ یێ حكومهتا عیراقێ خزمهتكرنا تهخا ههژارانه، ههر كێمكرنهك موچهیێ فهرمانبهر و خانهنشینان بخوڤه ناگریت كۆ موچهیێن وان ژ 500 هزار دیناران كێمتر بیت، ئهو فهرمانبهرێن موچهیێن وان ژ پله پینج نێزیكن دێ بزاڤی كهین زیانێن كێم بهروان بكهڤن ب ئهگهرێ كێمكرنا موچهیێن وان.
عهلی عهبدلئهمیر وهزیرێ دارایێ حكومهتا عیراقێ ئهو چهنده ژی بۆ میدیایان راگههاند نوكه حكومهتا عیراقێ ل سهر بنهمایێ بودجا سالا 2019 برێڤه دچیت، كۆ ب سهر 12 ههیڤان دا هاتیه پارڤهكرن، بهلی ب ئهگهرێ داكهتنا بهایێ پترۆلێ ل چاڤ وێ هژمارا دناڤ بودجهیێ دا هاتی، دێ كورت ئینانهكا مهزن دروست دبیت.
وهزیری دارایێ حكومهتا عیراقی پهسنا كارێن بهنكا ناڤهندا عیراقێ كر گۆت یهدهكێ بهنكا ناڤهندا عیراقێ دگههته 65 ملیار دۆلاران ئهڤه ژی تشتهكێ زۆر باشه.
مەسرور بارزانی: داخوازێ ژ هەموو ئالیان دکەم هەڤکاریا حوکمەتێ بکەن
ئەڤرۆ نیوز:
مەسرور بارزانی سەرۆک وەزیرێن هەرێما کوردستانێ د گوتارەکێ دا راگەهاند: چاکسازی داخوازیا پرانیا خەلکێ کوردستانێ یە، لەوما دێ د چاکسازیێ دا د بەردەوام بین، داخوازی ژ هەموو لایەنان کر، ب گیانێ هەستکرن ب بەرپرسیارەتیێ و پاراستنا ئێکرێزیا نافخۆ هەڤکاریا حوکمەتا هەرێما کوردستانێ بکەن.
هەروەسا گۆت: لێکەفتێن ئابووری یێن کۆرۆنا یێ و داکەفتنا بهایێ نەفتێ کاریگەریەکا مەزن ل سەر هەرێما کوردستانێ هەبوویە، لەوما دێ رژد بین ل سەر فرەهکرنا ژێدەرێن داهاتی و ئەنجامدانا چاکسازیێ.
مەسرور بارزانی دەربارەی لامەرکەزیێ راگەهاند: ل گەل لامەرکەزیەتا کارگێرینە ب مەرجەکێ د چارچۆڤێ پاراستنا قەوارێ هەرێما کوردستانێ دا بیت.
دیسان گۆت ژی: مە هەموو شیانێن خوە چرکرینە بۆ دابینکردنا ژیانا وەلاتیان و مووچێ فەرمانبەران، د نەهـ هەیڤێن دەست بکاربوونا کابینا نەهێ دا، هەشت هەیڤان مووچە هاتیە دان و ب تنێ مووچێ هەیڤەکێ گیروبوویە، مە چەندین بڕیار دەرکرینە بۆ سڤککرنا رەوشا خەلکێ کێم دەرامەت و ئەوێن ب ئەگەرێ رێکارێن خوە پارێزیێ زیان گەهشتینێ.
قهتهرێ توركیا ژ ئیفلاسبوونا دراڤێ یهدهك قورتالكر
ئهڤرۆ نیوز:
بهنكا ناڤهندا توركیا راگههاند لگۆری گرێبهستهكێ بۆ ل ههڤگۆهارتنا دراڤی، ههفتیا بوری 10 ملیار دۆلار ژ قهتهرێ گههشتینه بهنكا ناڤهندی.
د بهیاننامهیهكێ دا، بهنكا ناڤهندا توركیا راگههاند 10 ملیار دۆلار ژ قهتهرێ گههشتینه بهنكا ناڤهندی، ئارمانجا هاتنا ئهوی پارهیی، پشتهڤانیكرنه ل لیره و یهدهكێ دراڤێ توركیا، كۆ بهریا نها توركیا ل گهل قهتهرێ رێكهت بوو، ل ههڤگۆهارتنا دراڤی دناڤبهرا خۆ ژ پێنج ملیار دۆلاران بلند بكهن بۆ 15 ملیار دۆلاران، بڤێ ژی یهدهكێ دراڤێ توركیا ژ ئیفلاسبوونێ هاته قورتالكرن.
لگۆری ئهوێ رێكهتنا دناڤبهرا قهتهرێ و توركیا ل سالا 2018 هاتیه ئیمزاكرن، لههڤگۆهارتنا دناڤبهرا ههردو وهلاتان پێشڤهببهن و ب ئاوایهكی قهتهر دراڤی لیرهیێ توركیا ب ریال بگهوریت.
جێگرێ پارێزگارێ نهینهوا: خێزانیێن داعش ژ ناڤ ئاواران دهێنه دهرخستن دێ ل كهمپهكێ دهێنه ئاكنجیكرن
دهۆك، لهزگین جوقی:
جێگرێ پارێزگارێ نهینهوا دیاركر بهرنامهك هاتیه دانان ب ههڤكاری دگهل رێكخراوان ل مووسل بۆ زڤرینا ئاواران ژ ناڤ كهمپێن مووسلێ دا بتنێ رێك خێزان داعش ناهێته دان ژ ناڤ كهمپان دهربكهڤن دێ ههموو د ناڤ كهمپهكێ دا هێنه ئاكنجیكرن.
عهلی عومهر كهبعو، جێگرێ پارێزگارێ نهینهوا بۆ كارۆبارێن ئاواره و رێكخراوان دیاركركو بهرنامێ زڤرینا ئاواران دهستپێكریه بهری چهندهكێ 106 خێزان ژ كهمپا سلامیه بۆ سهر مال ومولگێن وان هاتنه ڤهگوهاستن نوكه ژی ئهم یێ ل سهر كهمپهكا دێ كاردكهین بۆ هندێ هژمارهكا خێزانا ژ ناڤ كهمپێ بۆ سهر جهـ وارێن وان بهێنه ڤهگهراندن ههموو بۆ دهڤهرا بهعاج و عهیازیه ودهڤهرێن سهرڤه دهێنه ڤهگهراندن نوكه ل پارێزگهها مووسل چار كهمپ ههنه ئهم یێ كاردكهن ههموو بهێنه گرتن ههتا دووماهیا ئهڤ سالا ل قوناغا دوویێ بتنی دێ خێزانیێن داعش مینن.
ئاشكهرا كركو ههموو خێزانێن داعش دێ بۆ ناڤ كهمپهكێ هێنه ڤهگوهاستن چونكو رێك ب وان ناهێته دان ڤهگهرن ژبهر كو خێزانێن تیرۆرستێن داعشێ نه رهنگه پتر ژ دوو هزار خێزانێن تیرۆرستێن داعش بمینن ئهڤه ههموو دێ دناڤ كهمپهكێ دا هێنه كۆمكرن پشتی ههموو خێزانیێن دێ ژ ناڤ ههر چار كهمپان بۆ سهر جه وارێن وان دهێنه ڤهگوهاستن”.
مەسرور بارزانی: پێدڤیە داهاتێ هەرێما کوردستانێ هەمەجۆر بکەین
ئەڤرۆ نیوز:
مەسرور بارزانی سەرۆکێ حوکمەتا هەرێما کوردستانێ د کۆمبوونا جڤاتا بلند یا وەبەرهێنانێ ل هەرێما کوردستانێ راگەهاند: حوکمەتێ دڤێت ژێدەرێن داهاتی هەمەجۆر بکەت و گرنگیا زێدەتر ب کەرتێ چاندنێ بهێتە دان.
ئەو کۆمبوونە ئەڤرۆ چارشەمبی 2020/5/20 هاتیە ئەنجامدان و تێدا قوباد تالەبانی، جێگرێ سەرۆکێ حکومەتێ و وەزیرێن پەیوەندار پشکداربوون و گوتۆبێژ دەربارەی دۆخێ دارایی یێ نوکە یێ هەرێما کوردستانێ و پەرەپێدانا پرۆسا وەبەرهێنانێ ل هەرێما کوردستانێ هاتە کرن.
مەسرور بارزانی گۆت ژی: حوکمەتا هەرێما کوردستانێ کار دکەت بۆ هندێ کو بنەمایەکێ بهێز بۆ هەرێما کوردستانێ ئاڤا بکەت و ژێدەرێن داهاتی هەمەجۆر بکەت و گرنگیا زێدەتر ب کەرتێن چاندنێ و پیشەسازی و گەشتوگوزاری بهێتە دان.
هەروەسا گوتۆبێژ دەربارەی رەشنڤیسێ قانوونا نوو یا وەبەرهینانێ هاتە کرن، کو بریارە لڤان نێزین بکەڤیتە بەردەستێ جڤاتا وەزیران بۆ پەسەندکرنێ.
رێڤهبهرێ كۆمپانیا بازرگانیا دهخلۆدانی:ههتا نوكه بتنی بۆ سێ سایلۆیان رازهمهندیا وهرگرتنا بهرههمێ جۆتیاران دان
دهۆك، لهزگین جوقی:
رێڤهبهرێ كۆمپانیا بازرگانیا دهخلۆدانی ل پارێزگهها دهۆكێ دیاركركو ئهڤ سال سێ سایلۆ ل دهۆكێ بۆ وهرگرتنا دهخلۆدانێ جۆتیاران هاتنه دهستنێشانكرن و بنگههێ روڤیا نههاتیه دهستنیشانكرن وپێدڤیه بنگههێ روڤیا گهنمێ وهربگریت”.
نازم مهحمهد، رێڤهبهرێ كۆمپانیا بازرگانیا دهخلۆدانی ل پارێزگهها دهۆكێ و رێڤهبهرێ سایلویا فهیدیێ دیاركركو سایلویا زاخۆ شێان ههنه ههتا 30 هزار تهنان وهربگریت ئهوژی 15 هزار تهن ناڤ سایلۆیێ دانه و 15 هزار تهن ژی ل گۆرهپانێن سایلۆیێ، ههروهسا ژی سایلۆیا فهیدیێ ژی دگهل گۆرهپانێن سایلۆیێ شیان ههنه ههتا 50 هزار تهنان وهربگرین ئهوژی 30 هزار تهن ناڤ سایلۆیا فهیدیێ داههنه و 20 هزار تهن ژی ل ناڤ گۆرهپانێن سایلۆیێ ئهم دشێن وهربگرین زێدهباری سایلۆیا شێخان ژی دگهل گۆرهپانێن سایلۆیێ دشێن ههتا 85 تهنان وهربگرن كو ژوانا ژی 60 هزار تهنان دشێت ناڤ سایلۆیێ دا وهربگرن و 25 هزار تهنان ژی ل گۆرهپانێن سایلویا شێخان وهربگرن وپێدڤیه زووترین دهم ههول بهینهدان ل روڤیا ژی گهنمێ جۆتیاران بهێته وهرگرتن داكو بشێن كونترولهكا باش ل سهر وهرگرتنا ههموو بهرههمێ جۆتیاران بكهین.
ناڤبری زێدهتر گۆت: ههتا نوكه بتنی بۆ سێ سایلۆیان رازهمهندیا بهرههمێ جۆتیاران وهربگرن هاتیهدان، لێ هیشتا بۆ بنگههێن وهرگرتنا گهنمی نههاتیه كرن چونكو بهغدا وهسا هزر دكهت ههر سی سایلۆ دشێن ههموو بهرههمی وهربگرن لهورا بنگههان ڤهناكهن لێ پێدڤیه بنگههێ روڤیا بهێته ڤهكرن داكو بارسڤكی بۆ جۆتیاران دروست بیت .
ناڤبری ئهو چهنده ژی دازانین كۆ ل باتێلێ ژی بنگهههكێ وهرگرتنا گهنمی ژلایێ پارێزگهها دهۆكێ ڤه هاتیه چێكرن شیان ههنه ههتا ههشت هزار تهنان وهربگرن ئهم دشێن ل دهۆكێ زێدهتر ژ 260 هزار تهنێن گهنمێ بێ ئاریشه وهربگرن”.
نازم مهحمهد، رێڤهبهرێ كۆمپانیا بازرگانیا دهخلۆدانی ل پارێزگهها دهۆكێ و رێڤهبهرێ سایلویا فهیدیێ دیاركرههتا نوكه بههرا مه یا وهرگرتنا گهنمی نههاتیه دیاركرن كا ئهڤ سالا دێ چهند گهنمێ وهرگرین لێ ههموو بهرههڤی هاتینه كرن بۆ وهرگرتنا دهخلۆدانێ جۆتیاران ههر جۆتیارهك دێ بهرههمێ خوه رادهستی سایلۆیا دهڤهرا خوه كهت”.
وهزارهتا چاندنا عیراقێ: ڤهگۆهاستنا پهلهوهران دناڤبهرا پارێزگههان دا هاته قهدهغهكرن
ئهڤرۆ نیوز:
وهزارهتا چاندنا عیراقێ راگههاند پشی توماركرنا توشبوونا پرۆژهیهكێ پهلهوهران ل پارێزگهها نهینهوا ب ڤایرۆسێ ئهنفلهوهنزا بالنده، ڤهگۆهاستنا پهلهوهران ل عیراقێ هاته قهدهغهكرن.
حهمید نائیف پهیڤدارێ وهزارهتا چاندنا عیراقێ راگههاند پشتی توماركرنا توشبوونا پرۆژهیهكێ پهلهوهران ل پارێزگهها نهینهوا ب ڤایرۆسێ ئهنفلهوهنزا بالندا، وهزارهتا چاندنێ ڤهگۆهاستنا پهلهوهران ل ناڤخۆ دناڤبهرا پارێزگههان دا قهدهغهكریه.
پهیڤدارێ وهزارهتا چاندنا عیراقێ ئهو چهندهژی راگههاند پرۆژهیێ توشبوویی ل نهینهوا ل دهڤهرهكا دیره دهست و چ پرژهیێن دی یێن پهلهوهران نێزیكی وێ نینن، ب تایبهت ئهگهرێ تووماركرنا ڤایرۆسێ زۆرێ لاواز بوو، ب ئهگهرێ ئهڤی ڤایرۆسی 60 هزار پهلهوهر هاتنه ژناڤبرن.
حهمید نائیف پهیڤدارێ وهزارهتا چاندنا عیراقێ راگههاند ژی نهخوشیا ڤایرۆسێ ئهنفلهوهنزا بانلدا نهخوشیهكا كوچهریه دهێته ڤهگۆهاستن نوكه ل 38 وهلاتان بهربهلاڤه.
رۆژا ههینێ 15/5/2020 وهزارهتا چاندنا عیراقێ دهستنیشانكرنا توشبوویهكا پرۆژهیهكێ پهلهوهران ل پارێزگهها نهینهوا راگههاند.
نيشاندان
WP Facebook Auto Publish Powered By : XYZScripts.com