ئه‌ڤرۆ نیوز، سالار محه‌مه‌د دۆسكی:
رێڤه‌به‌ریا گشتیێ ئه‌وقاف و كارۆبارێن ئاینی ل پارێزگه‌ها دهۆكێ، ب هه‌ڤكاری ل گه‌ل لقا دهۆكیا ئێكه‌تیا زانایێن ئاینێ ئیسلامێ‌سكالا ل سه‌ر چه‌ندین گه‌نجان ل دادگه‌ها دهۆكێ تۆماركر و به‌یاننامه‌ك ژی ب هه‌مان روودان به‌لاڤ كر.
مه‌لا جیهاد حه‌سه‌ن بێسفكی، سه‌رۆكێ لقا دهۆكیا ئێكه‌تیا زانایێن ئاینێ ئیسلامێ بۆ دهۆك نیوز گۆت: پتریا خه‌لكێ كوردستانێ‌بوسرمانن، له‌وما پێدڤییه ل سه‌ر هه‌ر تاكه كه‌سه‌كی رێزێ ل بوسرمانان بگریت و سڤكاتى به‌رامبه‌ر چ ئایینان نه‌هێته‌كرن چنكو پێكڤه دژین.
مه‌لا جیهاد ئاشكرا كر، ئه‌و گه‌نجێن ئه‌ڤ كاره كری بتنێ مه‌ره‌ما وا ئه‌و بوویه هنده‌ك پێ بكه‌نن و ئه‌ڤه كاره‌كێ گه‌له‌ك مه‌زنه، نڤێژ روكه‌نه‌كه ژ روكنێن ئیسلامێ و وان سكالا ل سه‌ر وان گه‌نجان تۆماركریه و پێدڤییه پێرابوونێن قانوونی به‌رامبه‌ر بهێنه وه‌رگرتن ئه‌ڤه بۆ وێ‌چه‌ندێ دا كه‌سه‌ك جورعه‌تێ نه‌ده‌ته خوه بێرێزیێ به‌رامبه‌ر چ ئایینان و تایبه‌ت ئایینێ ئیسلامێ‌بكه‌ت.
مه‌لا جیهاد گۆت: ئه‌و كارێ هاتیه‌كرن كافربوون بوو و مرۆڤ پێ سه‌ردادچیت، له‌وما پێرابوونێن قانوونی دێ به‌رامبه‌ر هێنه وه‌رگرتن و پێدڤییه وه‌ك ئایین ژی ئه‌ڤه بخوه توبه بكه‌ن و ئه‌و كاره نه‌هێنه دووباره‌كرن.
پارچه ڤیدیۆیه‌ك د تۆرێن جڤاكى دا به‌لاڤ بوویه و تێدا هه‌ژماره‌كا گه‌نجان ترانان ب نڤێژێ دكه‌ن و ئه‌و یه‌ك بوویه نه‌رازیبوونا خه‌لكى، له‌ورا ئه‌وقاف و ئێكه‌تییا زانایان ئه‌و سكالا تۆمار كرییه.
نيشاندان
