ئه‌ڤرۆ نیوز: له‌زگین جوقی:

وه‌كو ئه‌ڤرۆ 15/8 به‌رێ‌ شه‌ش سالان كچ و ژن و زارۆك و زه‌لامیێن گوندێ‌ كوچۆ ژلایێ‌ تیرۆرستێن داعش ڤه‌ ناڤ قوتابخانه‌كێ‌ دا هاتنه‌ كۆمكرن تووشی جینوسایدێ بوون.

ئێدریس  بشار كوچۆ، ئێك ژ رزگاربوویێن جینوسایدا گوندێ‌ كوچۆ بۆ ئه‌ڤرۆ نیوز دیاركركو ل رۆژا 15/8/2014ێ‌ تیرۆرستێن داعش خه‌لكێ‌ گوندێ‌ كوچۆ تووشی جینوسایدێ كرن ئه‌ڤ ساله‌ ژبه‌ر ڤایرۆسێ‌ كۆرۆنایێ‌ چو چالاكیێن فه‌رمێ‌ نه‌هاتنه‌ ئه‌نجامدان بتنێ‌ خه‌لكی‌ خیر چێكرینه‌ كوهژمارا ئاكنجیێن گوندێ‌ كوچۆ 1700 كه‌س بوون تیرۆرستێن داعش زه‌لام دناڤ 11 گۆرێن بكۆمدا گوله‌بارانكرن و كچ و ژن و زارۆك ره‌ڤاندن بتنێ‌ 19 زه‌لام ژناڤ گۆرێن بكۆم رزگاربووینه‌ و 517 كه‌س هاتینه‌ شه‌هیدكرن .

ناڤهاتی ئه‌وژی ئاشكه‌را كركو هه‌تا نۆكه‌ 10 گۆرێن بكۆم یێن هاتینه‌ ڤه‌كرن روفاتێن ناڤدا بۆ نۆژداریا داد ل به‌غدا هاتینه‌ ره‌وانه‌كرن وهه‌تا نۆكه‌ ژی روفات نه‌داینه‌ مه‌یه‌ ئه‌م ڤه‌شێرین به‌ری نۆكه‌ مه‌ گۆره‌ستانه‌ك به‌رهه‌ڤكریه‌ بۆ قوربانیێن جینوسایدا گوندێ‌ كوچۆ.

ئه‌ڤرۆ نیوز، مه‌حمود نهێلی :

رێڤه‌به‌رێ ناحیا بامه‌رنێ بۆ ئه‌ڤرۆ نیوز دیاركر، كو ده‌مه‌كى كێم به‌رى نوكه‌ فرۆكه‌یێن توركیا ل نێزیک گوندێ ئەرەدنا ل سنورێ ناحیا بامەرنێ بوردومانکر و د ئه‌نجامێ دا ترۆَمبێلەک كرینه‌ ئارمانج.

حه‌مید زوبه‌یر رێڤه‌به‌رێ ناحیا بامه‌رنێ بۆ ئه‌ڤرۆ نیوز گۆت : ئەڤرۆ ١٤/٨/٢٠٢٠ فرۆکەیێن تورکیا ترۆمبێلەک ل نێزیک مینومێنتا گوندێ ئەرەدنا یێ سەر ب ناحیا بامەرنێ کریە ئارمانج و گۆت : د وێ تورۆمبێلێ دا کو ژ جورێ سیراتو بوو سێ کەس هەبووینە کو دو ژ وانا شەهید بوونە و ئێک ژی ب گرانی بریندار بوویە و ئاشکرا کر، هێشتا دیار نینە کا قوربانیێن ڤێ بوردومانێ، گەریلایێن پەکەکێ نە یان ژی هاولاتیێن سڤیلن .