ئهڤرۆ نیوز:
سهفین دزهیى پهیڤدارێ حكومهتا ههرێمێ راگههاند كو رۆژا چارشهمبیى 14/10/2015 كو رۆژا ئێكێ موحهرهمێ یه، سهر سالا نوو یا كوچى، بهێنڤهدانه، بهلێ حكومهتا ههرێمێ رۆژا پێنج شهمبیى ژى 15/10/2015 كره بهێنڤهدان.
نووترين نووچه
- سەرۆكێ هەرێما كوردستانێ و سەرۆكێ ئیتالیایێ پرسێن گرنگ یێن دەڤەرێ و بهێزكرنا پەیوەندییان گەنگەشەكرن
- ئەڤ سەرەدانە بۆ پاراستنا قەوارەیێ هەرێما كوردستانێ یە
- پەرلەمان نە یێ حزبانە بەلكو یێ دەنگێ خەلكی یە و كاراكرنا وی ئەركەكێ نشتیمانی یە
- دخوازین پارتی و یەكێتی پتر ل ئێكدو نێزیك ببن
- كاراكرنا پەرلەمانی پێدڤییەكا نشتیمانی یە
- ئێكگرتنا هێزێن پێشمەرگەی د قۆناغێن دووماهیێ دایە و هەتا 25ـێ ئیلۆنێ دێ بیتە ئێك هێزا نشتیمانی
- سەرۆك بارزانی و پارێزگەرێ نەجەف دوپاتیێ ل سەر بەرفرەهكرنا پەیوەندییان د بوارێن ئاڤەدانی و ژینگەهێ دا دكەن
- پێكڤەژیان ناسنامەیا رەسەن یا هەرێما كوردستانێ یە
- مەسرور بارزانی و سەلاحەدین بەهائەدین دوپاتیێ ل گرنگییا كاراكرنا پەرلەمانێ كوردستانێ دكەن
- سەرۆكێ حوكمەتا هەرێمێ: دەرگەهێ مە بۆ هەڤكاری و هەماهەنگییا ل گەل هەموو پارێزگەهێن ئیراقێ ڤەكرییە
سهرهكى غير مصنف
كهسهك بوو قوربانى
رهفتارا داعش ژ كیژ تێگههی هاتیه و چاوا دێ هێته قهبارهكرن؟
رهفتارا ههر تاكهكی ژ وهرارا وی دهێت و ب باندۆرا خێزانێ و خویندنگههێ و سازیێن خزمهتگوزاری یێن ههمهجۆر و جڤاكی ل سهر. واته كو ژینگهه ل گهل وێرسیێ و كهساتیێ ب ههڤرا رۆلهكێ سهرهكی دلهیزینیت بۆ دهستنیشانكرنا رهفتارا مرۆڤی و ل ڤێره پرسیارهك خوه دسهپینیت: د ناڤ ڤی تێگههی دا: ئهرێ تاكێن ههمان جڤاكی د وهكههڤن د رهفتارێن خوه دا؟ د ژیوار دا و د ناڤا ئێك جڤاك دا، رهفتارا گشتی یا تاكان دبیت یا نێزیكی ههڤ بیت، بهلێ نه یا وهكههڤه، ههر وهكو دهستنیشانكرنا ئاستێ جوداهیێ دهێته دهستنیشانكرن د ئاستێ ژیارا ئابووری دا، ههروهسا هندهك دهستنیشانكرنێن دیتر ژی ههنه، بهلێ فاكتهرێ ئابووری ژ ههمیان پتر یێ ب كارتێكرنه، بهلێ نه مهرجه كو ئهڤ كارتێكرنه یا ئهكتیڤ بیت ل سهر رهفتارا تاكی. چونكو د رهوشا خۆشیا ژیارا تاكی دا هندهك فاكتهرێن دیتر ههنه د گرنگن پشكداریێ بكهن د تهرخانكرنا فاكتهرێ ئابووری دا كو رهفتارا تاكی بێخیته ئاستهكێ بهرز بهر ب نموونهیێ و ئهكتیڤ یان نهرێنی. ب رامانهكا دیار فاكتهرێن پشتهڤان دبیت نهكارن تهرخانكرنا ئهكتیڤ بكهن، بهلێ ئهڤ چهنده گرنگیا رهفاهیهتا تاكی كانسل ناكهت بۆ بجهئینانا بلندكرنا ئاستێ رهفتارا وی. ئهڤه ئێكه ژی وێ رامانێ نادهت ئهو تاكێن خوهدی ئاستهكێ نزم د ژیارا خوه دا كو د ناكۆك بن د رهفتارا نموونهیی یان یا ئهكتیڤ دا، ل ڤێره مهرهما مه ب ئهكتیڤیی یان نموونهیێ ئهو رهفتاره یا دكهڤیته د ناڤ پاراستنا مافێن مرۆڤی دا و ب جهئینانا قانوونا مهدهنی ل ناڤ ههمی سازیان و ژ وان ژی خێزان و جڤاك. ل سهر ڤێ چهندێ ههمی سیستهم لێگهریانا باشكرنا ئاستێ ژیارا تاكی دگهریێن بۆ بجهئیننانا وهرارا رهفتارا خوه. ههر دیسا ل ڤێره ژی پرسیارهكا دیتر خوه ژی خوه دسهپینیت: ئهرێ كارتێكرنا باشكرنا ئاستێ ژیارێ چهنده ل ههمبهر كارتێكرنهكا دیتر كو ژ گرنگترین پاشمایێن تاكینه وهكو بیروباوهریا ئاینی؟ چونكو جوداهیا ئاستێ ژیارێ وهكو پیڤهرێ رهفتارا تاكی یه، گرنگیا خوه ژدهست ددهت چهندی كارتێكرنا عهقائیدی یات ئاینی ل سهر ههبیت وه ب تایبهتی ل دهف ئایندارێن رادیكالی، تێگههێ رهفتارا تاكی دێ بیته: چهنداتی یان ئاستێ كارتێكرنا ئایینی ل سهر. لهورا عهقیدهیا ئاینی تاگیره ب تاكی و د ژیانێ دا و پشتی وێ، بهرهرڤای ئاستێ ژیارا كو ل گهل داویهاتنا ژیانێ ئهو ژی ب دووماهی دئێت. لهورا تاكێ ئایندارێ پێگیر چالاك دبیت و تێدكۆشیت پێ خهمهت بدهستڤهئینانا پاداشتهكێ ل ئاخرهتێ ئهو ژی بحهشته، ب رامانهكا دیتر ئهو تاكێ پێگیر ب ئاینێ خوه وهسا هزر دكهت كو ژیان ژ پێخهمهت بهریكانێ یه بۆ بدهستڤهئینانا رهزامهندیا رهبێ مرۆڤی (وسارعوا الی مغفره من ربكم وجنهٍ عرچها السماوات والارچ اعدت للمتقین. ێل عمران 133) ههر وهسا هندهك ئایهتێن دیتر بهحسێ تهقوایێ دكهن و ب بهحشهتێ ڤه گرێددهن ئهو ژی كاركرن ب وان ئهحكامێن تاك تێدا تاك باوهر دكهت و ب گۆر قهناعهتێن وی یێن تێگههێن خوه ئاراسته دكهت دا كون نێڕینا وان تشتان دهستنیشان بكهت یێن ب رهنگهكێ ڤهبڕی باوره دكهت، لهورا دێ ل سهر وێ چهندێ چیت یێن رهبی وی بۆ فهرمان كری، ئهڤجا دێ كارتێكرنا بیروباوهریێ بۆ وی یا رۆهن و ئاشكرا بیت و ب ههمی رێیێن ژیانێ خوه د گێۆل و چیژا خوه ژی دا. ل ڤێره جارهكا دی پرسیارهك خوه دسهپینیت: ئهرێ ل ژێر چو چووڤه رهفتارێن داعشێ دهێنه ههژمارتن ب رهنگهكێ گشتی و رهفتارا وی ل ههمبهر ئاراستهیا مهسیحیان ب رهنگهكێ تایبهت؟. ئهم ههمی دزانین كو رێخستنا داعش ئالایێ ئیسلامێ رادكهت ب رامانهكا دیتر كو رهفتارا وێ ژ ناڤ راسپاردهیێن ئیسلامێ یه، مهزنكرنا بیروباوهران ههر گاڤ یا نهرێنی یه، چونكو مرۆڤ خالقێ خوه ب سروشتی دزانیت (الفگره)، ههر دیسا دزانیت كو قورئانێ ماف و ئهركێن تاكان دیاركرینه ل ههمبهری خودێ و بوویه ئهرك ل سهر ل دووڤ بچیت، بهلێ دهمێ پرتووكێن راڤهكرن و فقهێ ژێكجودا ببن و پاشی بیدهع و د سهرداچوون دهێنه پێش و هشكباوهریا نهتهوی و بهرژهوهندیێن سیاسی، ئهڤه ههمی ب رهنگهكێ نهرێنی كارتێكرنێ دكهنه سهر رفتار و دهروونا موسلمانی و ل دووماهیێ ژێكدووری و ژێكڤهبوون و خوه كوشتن و خوینرێتنا بێگونههان، هندهك گرۆپ ل پشت عهقیدهیا ئاینی بۆ خوه ب دهسكهفتێن ئابووری دگهرن، زێدهباری تشتێ بۆری كو پرسگێریك ببیته ناكۆكی و شهڕ ل سهر ژێدهرێن هێزێ، ب ڤێ ئێكێ مافێن مرۆڤی پێشێل دكهن و شهرهفا وان و ژ وان ژی مهسیحی ژ وی دهرگههێ كو خودێ فهرمانا وان كریه و هندهك ئایهتان دێ ئینن، بۆ خورتكرنا نیازێن خوه یێن تاوانكار وهكو (وأنزل الژین ڤاهروهم من أهل الكتاب
من صیاصیهم وقژف فی قلوبهم الرعب فریقا تقتلون وتأسرون فریقا وأورپكم أرچهم ودیارهم وأموالهم وأرچا لم تگئوها وكان الله علی كل شیء قدیرا )(الأحزاب 26 و 27 ) و( قاتلوا الژین لا یۆمنون بالله ولا بالیوم الێخر ولا یحرّمون ما حرّم الله ورسوله ولا یدینون دین الحق من الژین أوتوا الكتاب حتی یعگوا الجزیه عن ید وهم صاغرون )(التوبه 29)) ئها ب ڤێ چهندێ قهناعهتێن وان دگههنه راستیێ و ژ دل باوهر دكهن كو جیهاد ب نهفسا وان ل شووننێ دێ خودێ بهحشهتێ كهته بههرا وان (یا أیها الژین ێمنواهل أدلكم علی تجاره تنجیكم من عژاب ألیم. تۆمنون بالله ورسوله وتجاهدون فی سبیل الله بأموالكم وأنفسكم ژلك خیر لكم إن كنتم تعلمون. یغفر لكم ژنوبكم ویدخلكم جنات تجری من تحتها الأنهار ومساكن گیبه فی جنات عدن ژلك الفوز العڤیم. وأخری تحبونها نصر من الله وفتح قریب وبشر المۆمنین). الصف ێیه 10-13, ههر ب ڤێ گهلهك ئایهت و فهرمۆدهێن دیتر ژی. ههر دیسا چهندی د شیان دا نهبیت كو بیروباوهرێن ئاییینی یین جڤاكێن ملیۆنی یێن موئمن نههێنه گوهۆرین یان ب دووماهی بهێن سهرهرای ههبوونا گۆتنا خودێ تهعالا (ان الله لایغیر مابقوم حتی یغیروا ما بأنفسهم) و چهندی خوه نه گونجینن ل گهل جوداهیا د ناڤبهرا مهزاهبان دا ههیی، سهرهرای هندێ كو ئهو دلۆڤانی یه و جوانی یه، لێ پیدڤی یه كار بهێته كرن ب وی تشتێ د شیان و بهرئاقل دا بیت كو كریارا بهرهڤاژی نههێته كرنیا ههڤدژ و نهیا چاك ئهو ژی بۆ قهبارهكرنا هزرا تیرۆری و رهفتارا داعشی و ئهوێن د ئاڤا شێلی دا نێچیریێ دكهن، ئهو ژی ب رێیا هندهك كریاران كود بیت چهندهكێ دسهخت بن بهلێ وهكو دبێژن: رووبهرێ هزار میل ب ئێك پێنگاڤ دهست پێدكهت: 1ـ دروستكرنا نووكرنهكێ بۆ هزار ئاینی. 2ـ سازیێن بهرپرس كار بكهن ژ پێخهمهت ڤهدیتنا چارهسهریان كو ب قانوونان د پشتبهستكری بن، فهره بهێنه بجهئینان بۆ نههێلانا تهفروفێ و مهزنكرنان د ئاینی دا و كهیسگرتنا ئاینی بۆ مهرهمێن سیاسی و ئابووری و جڤاكی. 3ـ دهستپێكرنا دانان بنیاتان بۆ دامهزراندنهكا نوو بۆ جڤاكی. 4ـ ئایینزانێن چاكساز ههمی مهزاههبان خرڤهبكهن و هزرهكا ئیسلامی یا سهرجهم دهربێخن كو دلۆڤانی و پهیرهوهك بیت بۆ ههمیان. 5ـ نههیلانا بكارینانا ئاینی د ههمی سازیێن مهدهنی یێن گشتی دا. 6ـ نههێلانا بكارئینانا مهزاختنا دهمی و تێكۆشینێ و مالیهتێ ئهو ژی ب پێشهنگكرنا ئهزمۆنا رۆژئاڤایێ ” كو ب تنێ رۆژا ئێكشهمبێ بهسی وانه”ئهڤێ كریارێ وێرهكی و تێكۆشان و هاریكاری دڤێت د ناڤبهرا ههمی مهزاهبان دا.
و: ئهڤرۆ
ههڤژینا خوه كۆشت پاشان خوه ژى دكوژیت
ئهڤرۆ نیۆز, رۆژهات لوقمان :
ئەڤرو لدەمژمێر 5:30ێ سپێدێ ل سەنتەرێ ناحیا سەرسنکێ پولیس هاتنە ئاگەهدار کرن بهەبونا رویدانەکا کوشتنێ، پشتی پولیسێن بنگەهێ سەرسنکێ ونەهێلانا گونەهباریا لجهێ رویدانێ ئامادە بوین دیاربو زەلامەکی 36سالی پشتی بگوللێن کلاشنکوفێ هەڤژینا خوەیا 30سالی کوشتی ئێکسەر خوەژی دکوژیت و لاشێن وان هاتنە ڤەگوهاستن بو نوژدارێ دادی ل دهوکێ وپەرێن ڤەکولینێ هاتنە ڤەکرن لبنگەهێ پولیسێن سەرسنکێ لدیف بەندێ( ٤۰٦) ژیاسایێن سزای..
بو زانین ئەف خێزانە ژناحیا باشیکێ ئاوارە بوینە و دئاکنجی بون لسەرسنکێ.
كوردستان و مهدیایا فاشیستی
ههكه ئهم تهماشهی دیرۆكا سهربۆرێن جیهانێ بكهین، دێ گهلهك نموونێن وهكی ڕهوشا كوردستانێ یا ئهڤرۆ بینین. ئهڤا ئهڤرۆكه ل كوردستانێ ڕووددهت، ژ بلی هندێ كو شهڕهكه د ناڤبهرا دو هێزێن خودان دیتن و پرۆگرامێن جودا دا، كو ئێك ژ وان دڤێت وهڵاتهكی سهربخوه ژ بۆ كوردان ئاڤا بكهت و یا دی ژی دڤێت ل گهل وان دهولهتێن كوردستان داگیركری بژیت و نه هێلیت كوردستان ژ ڤان وهلاتان جودا ببیت. كورت و كرمانجی ئهگهرێ ڤان قهیران و خڕهجڕ و بگڕ و ڤهكێشا ههمی ئهڤهیه نه تشتهكێ دیه.
لێ یا ژ ڤێ مهترسیدارتر ئهو ماكینا مهدیایا فاشیسته یا كو ئهڤرۆكه خهلكێ كوردستانی تووشی دوودلی، ب هیڤیبوون و ڕهوشهكا دهروونی یا گهلهك خراب كری. فاشیزم نه تهنێ دهسهڵاتا مۆسۆلینی، هێتلهری و سهدامی یه، لێ ئهو تێگههێ ئیدۆلۆژیه كو ب ڕێیێن لهشكری، سیاسی و مهدیایی تێكههل ل گهل ترس و خوهسهپاندنێ هزر و دیتنێن خوه ل سهر خهلكی دسهپینیت و وان نهچار دكهت كو بكهڤنه بن بارێ وێ هزرێ.
ئهڤرۆكه ژی وهك پشكهك ژ وی شهڕێ ل دژی سهرخوهبوونا كوردستانێ دئێته كرن ب سهرپهرشتیا ئیرانێ و بجی ئینانا هندهك هێزێن كوردان، مهكینهیهكا مهدیایی یا فاشیستیا گهلهك ب مهترسی كهتیه كاری و ئهز دشێم بێژم كو تا ڕادهیهكێ شیایه ئارمانج و پیرۆزیێن خهلكێ كوردستانێ ل بهر دلێ ههژمارهكا مهزنا خهلكی ڕهش بكهت و ئهورهكێ تاری بێخیته سهر ڤی ناڤودهنگێ مهزنێ پێشمهرگهی و كوردستانێ پهیدا كری ل جیهانێ ب شهڕێ ل دژی داعش و دودلی و بێهیڤیاتیهكێ د ناڤ خهلكی و ب تایبهتی گهنجان دا پهیدا بكهت و بهرێ وان بدهته دهرڤه و كوردستانێ ژ وێ هێژا مهزنا كاریگهر ڤالا بكهت.
ئهڤ ماكینهیا مهدیایا فاشیست گهلهك ب شارهزایی دئێته بكارئینان و شیایه گهلهك ڕاستیان ل بهرچاڤێن خهلكی تاری بكهت و چارچۆڤهیهكێ وهسا نیشا وان بدهت كو ئهو د وهڵاتهكی پڕی قهیران، نه ئارام، ههژار، بێ سهرۆك، بێ ڕێڤهبهری و بێ پاشهڕۆژ دا دژین!! و گهلهك جاران وهل خهلكی دكهت كو ڕاستیا ل بهر چاڤێن وان لێ ئهو نهشێن ببینن ژ ئهگهرێ ڤێ هێرشا مهدیایا فاشیست. بۆ نموونه ژێدهرهك دبێژیت كو چل هزار كاركهرێن بیانی ل دهۆكێ د تۆماركرینه، ئهم دێ بێژین بلا بیست هزار ژ وان د ناڤ كاری دا بن، ئهز باوهر دكهم ل ههولێر و سلێمانیێ ژی ههژمارێن وان گهلهك پترن، گهلۆ ما ئهڤه ژمارهیهكا بچووكه؟ لێ ڤێ مهدیایا فاشیست وهل گهنجان كریه كو وهڵاتێ خوه بهێلن و بهرێ خوه بدهنه چارهنڤیسهكێ نهدیار ل وهڵاتێن بیانی و دهمێ تۆ پسیارا گهنجهكی بكهی ژی بێژیێ: دێ بۆچی چیه دهرڤه؟ دێ بێژیته ته: بۆچی نهچم پا چ بكهم كار نینه ما دێ چكهم؟ باشه ههكه كار نهبیت پا ئهڤ ههژمارا هنده مهزنا بیانیا چاوا كار دكهن ل كوردستانێ؟ ههكه ئهم ههموو هزار خوه د ڤێ دا بكهین دێ زانین كو بهلێ كارێ ههی لهوما كوردستان تهژی بیانی بوویه. لێ ئاها ئهڤهیه ئهنجامێ كارێ مهدیایا فاشیست كو وهكی شڕكاكێ رۆژێ سهد جارا دبێژیت كار نینه ئێدی ئهڤه دكهڤیته د سهرێ خهلكی دا و باوهر دكهن، ههروهكی ئاخفتنا ب ناڤودهنگا گۆبلزێ نازی دبیژیت: درهوێ بكه و درهوێ بكه ههتا تۆ بخوه باوهر ژ خوه دكهی.
ههلبهت ئهڤ مهدیایه ژی یا دیاره و ههر كهس دزانیت كیژ دهزگهه و كهنالن و ئارمانجا وان ژی لێدانا پارتی دیمۆكراتی كوردستان و سهرۆك بارزنی یه كو ئهو پێشهنگیا هزرا سهرخوهبوونا كوردستانێ دكهن، لێ بهختڕهشیا وژ وێ مهزنتر ئهوه كو ڤێ مهدیایا فاشیست نه تهنێ خهلك ئێخستیه بن كاریگهریا خوه بهلكی هندهك دهزگههێن سهر ب پارتی دیمۆكراتی كوردستان ژی ڤه یان ژی نێزیكی وێ و ب پارێن وێ هاتینه دامهزراندن، ئهو ژی جار جار دكهڤنه ناڤ گۆڤهندا ڤێ مهدیایا فاشیست و خوه دههژینن. چونكی ڤێ مهدیایێ ژینگهههكا مهدیایی یا وهسا ئافراندیه كو ههركهسێ پتر درهو و بێبهختیا بكهت، زمان پیس بیت، سڤكاتیێ ب پێشمهرگهی و سهركهفتنێن وی بكهت، زمان درێژیان بكهت، هێرشێ بكهته سهر سهرۆك بارزانی و سهرخوهبوونێ، ئهو شرۆڤهكاره، سیاسهتمهداره، رۆشهنبیره، چاڤدێرێ سیاسیه و ئهو ب زێڕا ژی ب دهست تهلهڤزیۆن و رۆژنامه و رادیۆیان ناكهڤیت.
هۆسا مهدیایا فاشیست كارێ خوه دكهت و گهل و وهڵاتان خراب دكهت و ئهم ژی دگوهێ گای دا دنڤستینه، یان ژی ژ بهر باندێن خوه یێن بازرگانی و ڤیللا و رهز و باغێن چاڤ قهتره نهكهن و گهلهك تشتێن دی.. . هایا مه ژ ڤان تشتان نینه!!
ل مهخموور هژمارهكا چهكدارێن داعش هاتنه كوشتن
ئهڤرۆ نیۆز، قائید میرۆ
ژ ئهگهرێ بۆردومانا فڕۆكهیێن ههڤپهیمانان بۆسهر دهڤهرێن نێزیك قهزا مهخموور هژمارهك چهكدارێن داعش هاتنه كوشتن.
ئهحمهد جاف، پهیڤدارێ میحوهرێ مهخموور ب ئهڤرۆ نیۆز راگههاند” سپێدههیا ئهڤرۆ فڕۆكهیێن ههڤپهیمانان ههر ئێك ژ گوندێن تلشعێر و نهسرو حومیده یێن میحوهرێ مهخموور بۆردومانكرن، ههروهسا ههڤپهیمانان پاریزینگهههكا بهرههم ئینا پانزینی ل نێزیك ناحیا گهیاره بتهمامی وێرانكرن.
ئهحمهدی گۆتژی” ژ ئهگهرێ ئهڤێ بۆردومانێ زیانێ، مهزن گههاندن تیرۆرستێن داعش و هژمارهك چهكدارێن داعش هاتنه كوشتن، ئهڤه ژبلی زیانێن ماددی یێن بهر بارهگایێن داعش كهفتین.
نازدار جزيرى وێنهكێ خوه يێ جهژنێ بهلاڤكر
د رووبارێ زێ دا ل دێرهلۆكێ سنێلهیهك گیانێ خوه ژ دهست ددهت و ئێكێ دن ژى بێ سهروشوون دبیت
ئهڤرۆ نیوز، مهحمود نهێلى:
د روودانهكى دا ل سهر رووبارێ زێ ل ناحیا دێرهلۆك ل ئێڤاریا ئهڤرۆ پێج شهمبى 24/9/2015 سێ كهس دكهڤنه د ئاڤێ و دا، پشتى قورتال كرنا ئێك ژ وانا و ئێكێ دى ب خهندقى د ئاڤێ دا دئیننه دهر و ئێكێ دن ژى تا نها یێ بێ سهرو شووینه.
ژێدهرهكێ ژ بنگههێ بهرهڤانیا با ژێرى ل شێلادزێ بۆ ئهڤرۆ نیوز دیاركر، كو ئهو روودان ئێڤاریا ئهڤرۆ دروست بوویه و گۆت: ( ددهمهكى دا كو ئهڤان سنێلهیان ل گهل چهند ههڤالهكێن دى ل نێزیك كومهلگهها هێتوتێ ل سهر رووبارى زێ ب مهبهستا مهلهڤایا یارى دكرن و دیاره یێن مهله نهبووینه و د ئاڤێ دا چووینه).
ناڤبرى دیاركر، ئێكێ ژ وانا ههر زوو ب سلامهتى د ئاڤێ دا ئینایه دهر لى َ ب مخابنى ڤه پشت نێزكى ئێك كیلومهتر ئێك ئاڤێ دا چوویى تهرمێ وى ژى ئینایه دهرێ و ئێكێ دن ژى تا نها یێ بێ سهروشوونه.
جهژنا ههوه پیروز بیت
ئهڤرۆ نیوز:
ب ههلكهفتا هاتنا جهژنا قوربانا پیرۆز، ئهڤرۆ نیوز پیروزیێ ل ههموو خواندهڤانێن خوه دكهت، ب تایبهت جهژنا پێشمهرگێن قارهمان پیرۆز دكهین كو نوكه د چهپهرێن بهرهڤانیێ دا نه بهرامبهر تیرورستان كو بێ گومانه دوژمن دێ ههر شكێت و سهركهفتن ههر بۆ مللهتێ كورده، دووباره جهژنا ههوه پیرۆز، هیڤیخوازین حهجیێن مه بسلامهتى ڤهگهرنهڤه و قهیرانێن ب سهر مللهتێ كورد هاتى ب دووماهى بهێن، ههر ئاڤهدان بیت كوردستان
ئهڤ ساله راسپارده و پێشنیارێن كونگرێ پهروردێ دێ هێنه بجهئینان
ئهڤرۆ نیوز، ئهكرهم ئیبراهیم
ئهڤرو سپێدێ ل قوتابخانا پیرهمهگرون ل باژێرێ دهوكێ ب ئامادهبونا بهرێز پشتیوان صادق وزیرێ پهروهردا حكومهتا ههرێما كوردستانێ و بههزاد على ئادهم پارێزگهرێ دهوكێ ب وهكالهت رێڤهبهرێ گشتى یێ پهروهردا پارێزگهها دهوكێ و سكرتێرێ ئێكهتیا ماموستایێن كوردستانێ رێ و رهسمێ دهسپێكرنا سالا خواندنێ 2015- 2016 هاتنه گێران دڤان رێو رهسمان دا بهراهیێ ئالایێ كوردستانێ هاته بلند كرن دگهل سرودا ئهى رهقیب و دیڤدا بهرێز عهبد یوسف رێڤهبهرێ گشتى یێ پهروهردێ ل پارێزگهها دهوكێ دپهیڤهكێ دا سهربارى بخێرهاتنا مێهڤانا خوشحالیا خو دیار كر ههمبهر دهستپێكرنا سالا نوى یا خواندنێ و لێدانا زهنگا خواندنێ و ئهف سالا نوى ل ههمى ماموستا و قوتابیێن كوردستانێ و دهوكێ ب تایبهت كر و هیڤى خواست كو ئهف ساله بو خواندنێ یا سهركهفتى بیت و دیار كر كو ئهو كاودانێن سالا بورى ب سهر ههرێما كوردستانێ ب تایبهت پارێزگهها دهوكێ هاتین گهلهك سهخت و دژوار بون و باهرا پێتریا قوتابخانێن پارێزگههێ ئاواره تیدا بون و ب هاریكارى و پشتهڤانیا پارێزگههێ و سهروكاتیا جڤاتا وهزیران شیان ل ههیڤا 12 دهست ب خواندنێ بكهن و ب مانیبونا ماموستایان شیان وان روژێن جویى قهرهبو بكهن و رێژا سهركهفتنێ ژ سالیت بورى زێدهتر بێت .
دیڤدا وهزیرێ پهروهردێ دپهیڤهكێ دا ب ناڤێ رێزدار نێچیرڤان بارزانى سهروكێ حكومهتا ههرێما كوردستانێ و جڤاتا وهزیران پێروزباهی ل خهلكێ كوردستانێ ب گشتى و ههمى ماموستا و قوتابیان كر ب ههلكهفتا دهشپێكرنا سالا نوى یا خواندنێ و دیار كر كو ئهڤرو ل 15-9 ئێك ملیون و 700 هزار قوتابى ل كوردستانێ دێ قهستا خواندنێ كهن ئهڤرو زێدهتر ژ 50 هزار قوتابى دێ ژنوى دهست ب خواندنێ كهن و چنه رێزا ئێكێ سهرهتایى.
و گوت : دسهر هندێ را كو بارودوخێ كوردستانێ نهیێ جێگیره ژبهر شهرێ تیرورستێن داعش و ئالوزیێن ئابورى و هاتنا ڤان ههمى ئاوارا بو كوردستانێ خواندنێ ل كوردستانێ دهست پێكر و دسهر ڤان ههمى ئاستهنك و كێماسیا دا دێ كاروانێ زانستى و خواندنێ ل كوردستانێ ب مانیبونا ماموستا و قوتابیێن بهرێز بهردهوان بیت و پێشڤهچیت و ئهڤه مهزنترین بهرسڤه بو دوژمن و نهحهزێن كوردستانێ ,, ههوهسا رولێ ماموستایێن خوشتڤى دسهر ڤان ههمى كاودانین سهخت و نهخوش دا و نهجونا موچهى بلند سهنگاند و گوت : ماموستا داینهمویێ وێ چهندى بون كو ههرێما كوردستانێ ژ لایێ زانستى ڤه بهرهف پاشڤه نهچیت بهلكو بهرهف پێشڤه دچیت ,, و گوت ئهف ساله دێ پێنگاڤێن مهزن هاڤێژین بو پێشڤهبرنا خواندنێ ل كوردستانێ و راسپاردهو پێشنیارێن كونگرێ پهروردێ هێنه بجهئینان چ ئهوین پهیوهندى ب سهرپهرشیاریێ و كارگێریێ ههیه و ئهوێن پهیوهمدى ب پروگرام و چهندین لایهنین دى ڤه ههیه و دیسان ب سهردا پولێن زمانێ ئینگلیزیێ ل كوردستانێ دێ هێنه ڤهكرن ئهڤهژى گوهرینهكا مهزنه ژبهر كو زمانێ ئێنگلیزیێ زمانهكێ جیهانى و مهزنه و دێ پویتهكێ مهزن ژى دهینه زمانێ كوردى یى شرین دیسان دیار كو وان 3 ملیار دینار پهیدا كرینه بو دابینكرنا پێدڤیێن گرن گیێن پهریوهردێ و قوتابخانان بو نوژهنكرنا قوتابخانا و دیسان ب بهایێ 12 ملیار و 500 ملیون دینارا پهرتوك بو قوتابیان چاپ كرینه دیسان گوت : دێ ئێك جل و بهرگیا قوتابیان ل كوردستانێ یا بهردهوام بیت داكو جوداهى دنافبهرا قوتابیا دا نه هیته دیتن دجل و بهرگا دا ,,
دیڤدا زهنگا خواندنێ هاته لێدان و قوتابیا قهستا پولێن خواندنێ كر , ل دیماهیێ بهرێز عهبد یوسف رێڤهبهرێ گشتى یێ پهروهردێ ل پارێزگهها دهوكێ دكونگرهكێ روژنامهڤانى دا دیار كر كو ل پارێزگهها دهوكێ ئهڤرو دهرگههێ 1409 قوتابخانا ها ته ڤهكرن بو خواندنێ و نێزیكى 450 هزار قوتابیان ل سنورێ پارێزگههێ دێ قهستا خواندنێ كهن زێدهتر ز 25 هزار ماموستا ههنه و زێدهتر ژ 11 هزار فهرمانبهرا ههنه سهر ب پهروهردا گشتى یا پارێزگههێ ڤهنه بو خزمهتا پروسا خواندنێ ,,,دیسان گوت ههمى پێدڤیێن قوتابى پێدڤى بیت دبیاڤێ پهرتوكا دا دائامادهنه و بتنێ رێڤهبهریا گشتى یا پهروهردا دهوكێ كێماسیا ئاڤاهیا نه ژبهر كو ئهڤه دوو ساله ئاڤاهى نههاتینه ئاڤاكرن و گوت : ژبهر ڤێ چهندێ ئهز دبێژمه ههمى ماموستایێن قوتابخانا كو دهرگههى بو ههمى قوتایبان ڤهكهن و نهبیژنه چ قوتابیان جه نینه و نابیت چ قوتابى بهێنه زڤراندن ههر چاوا بیت دڤیت قوتابى بهێته وهرگرتن و ئهز دبێژمه رێڤهبهرێن ههمى قوتابخانا ئهو مالا نێزیكى تهبیت و ل دهوروبهرێن تهبیت دڤیت قوتابیێ وان وهرگرى و نهزڤرینى ,
دهربارهى قوتابیێن ئاواره گوت : قوتابیێن ناف باژێرا ههمى دشێن بخوینن ئهوێن ل دهڤهرێن كوردستانى هاتین و دهرگهه بو وان دڤهكرینه و ئهوێن ل جهێن دى یێن ئێراقى هاتین ئهو پهروهردێن وان سهرپهرشتیا كارێ وان دكهن و مه جه ل قوتابخانا دایێ ل ههمى قهزایێن پارێزگههێ ئهو خواندنا خو برێڤه ببهن , و ئهوێن ل ناف كهمپا ل ههر كهمپهكێ قوتابخانه ههنه هندهك زێدهتر ژ ئێك قوتابخانه هاتیه ڤهكرن ,
ددهربارهى ماموستایێن چوینه ژدهرڤهى وهلاتى گوت : دبیت تا 400 ماموستا مولهت وهرگرتیه و دبیت پێتر ههبن بى مولهت ژى چوبن لهوما مادهم دامهزراندن نینه و گریبهست نینه دێ قهیرانا بهمه دورست كهن لهوما ئهز دبیزم دهرگههێ مه یێ ڤهكریه بو وانه بیژا بهێن دهرچویێن كولیژا و پهیمانگهها گهلهكن بهێن قهستا قوتابخانا بكهن و بهرمبهر پارهكى دێ بو هێته مهزاختن.
نيشاندان
WP Facebook Auto Publish Powered By : XYZScripts.com