ئهڤرۆ نيوز: بارزان
عسمهت رهجهب بهبرپرسێ لقێ 14 يێ پارتى ل موسل بۆ ئهڤرۆ نيوز دياكر كو ئهڤ شهڤه ل دهمژمێر 9 و نيڤ، ل دهڤهرا سهلامييه ل باشوورێ مووسل، فرۆكێن ههڤپهيمانان ترومبێلا تايبهتا ( شاكر ئهلحهمدانى) واليێ مووسل توپبارانكرن و د ئهنجامدا ئهو ب خوه و ژمارهكا زێرهڤانێن وى ييێن تايبهت هاتنه كوشتن.
ئهڤرۆ نیوز، ناجی بهدهل:
عهمید عومهر بوسهلی هاریكارێ فهرماندهیێ دهۆكێ بو ئهڤرۆ نیوز دیاركر بزاڤ و ههولدان هاتبون دان بو پێك ئینانا حهشد شهعبی ل دهڤهرا رۆژئاڤایێ دیجله و شنگالێ لێ ئهو بزاڤ و هیڤی بجهـ نههاتن و رێك ژی پێ ناهێته دان ژی ئهڤه دێ ل پاشهرۆژێ كاریگهری ل سهر رهوشا ئهمنی یا ههرێما كوردستانێ ههبیت.
فهرماندهیێ ناڤبری ئهو چهنده ژی دیاركر دهڤهرا شنگالێ پیدڤی ب هێزهكا دی نینه ژبلی هێزا پێشمهرگهی ئهو هێزا ئیكهمن كو خو ل دهڤهرێ كریه خودان و وهلاتیین وێ بخوژی نهڤێت چ هیزێن دی نهبن و باوهری پێنهماینه و ڤهگهریانا وان ب ههبونا هیزا پێشمهرگهی ل دهڤهرێ ڤه گرێدایه .
عهمید عومهر گوت ژی: ئهو هژمارا خهلكێ ئهوێ ل دهڤهرێ ژی گههشتیێ كو بهحس لێ دهێتهكرن ب ئهگهرێ ئیغرائاتێن مادی و پله و پوستان چوینه و سهركردایهتیا سیاسی یا كوردی و سهرۆكێ ههرێمی ب ئاوایهكێ ئیك راست رهتكرنا ئهوێ هزرێ كریه و رێك ژی ب چ هێزێن دی ناهێته دان ژ وێرێ هێرشێ بكهنه سهر باژێرێ موسلێ.
فهرماندهیێ ناڤبری ئهو چهنده ژی دیاركر ئهڤێ دهڤهرێ پێدڤی ب چ هێزێن دی نینه و هێزا پێشمهرگهی ل گهل چهند هێزهكێن دی یێن كوردی ژ دهرڤهی ههرێمێ و و ب ئهركێ پاراستنا ئهڤێ دهڤهرێ رادبن و چ تشتهك نینه ههتا هزر ل دامهزراندن و پێك ئینانا ئهڤێ هێزێ ڤه بهێتهكرن و ئهڤه بخوژی دێ بیته ئاریشه و ئالوزی ل پاشهرۆژێ دا بو مادهیا 140 هێته كرن.
ئهڤرۆ نیوز، مللهت جهمال:
پشتى ئهنجامێن خرابێن ڤێ دووماهیێ یێن تیما تهپا پێى یا یانا تهلهبه كو د دووماهیك یاریا خوه دا توشى خوسارهتیێ بوو لسهر دهستێ یانا نهفت ب دو گۆلا بهرامبهر سێ گۆلان ئهڤ چهنده بوو ئهگهر كارگێریا یانێ دهستا ژ ستافێ راهێنهریێ بهردهت كو پێك دهات ژ عهبدولوههاب ئهبولهێل راهێنهر و بهدر شاكر راهێنهرێ گولچیان و عهلى ساعدى سهرپهرشت
لدور ڤێ چهندێ راگههاندنا یانا تهلهبه دیاركر كو لجهێ ستافێ ناڤبرى ههر ئێك ژ قهحتان چسهیر وهك راهێنهر و سهباح جعهیر هاریكار و موههنهد زێدان هاریكارێ دویێ و ههیسهم خهلیل راهێنهرێ گولچیان ههتا دووماهیكا ڤى وهرزى هاتنه دانان.
زێدهتر راگههاندنا یانا تهلهبه ئهو چهنده ژى دیاركریه كو كارگێریا یانێ یاریا نهفت دووماهیك دهرفهت دابوو دهستهكا راهێنهریێ كو ژبلى سهركهفتنێ چو ئهنجامهكێ دى بینین دێ هێنه لادان لهورا هاتنهلادان و لجهێ وانا كورێن یانێ هاتنه دانان و بریاره ئهڤرۆ ئێكهم یهكا راهێنانێ ئهنجام بدهن.
دهێته زانین نوكه یانا تهلهبه ل رێزا پێنجێ دهێت د كوما دویێ دا ب 13 خالان .
ئهڤرۆ نیۆز، قائید میرۆ
سپێدههیا ئهڤرۆ ل قهزا شنگالێ هێزێن پێشمهرگهی هێرشهكا بهرفرهها تیرۆرستێن داعش شكاند و د ئهنجامدا ههشت پێشمهرگه شههیدبوون و هژمارهكا زۆرا چهكدارێن داعش هاتنه كوشتن.
ژێدهرهكێ بهرپرس ل میحوهرێ شنگال بۆ مالپهڕێ ئهڤرۆ نیۆز دیاركر” دهمژمێر پێنجی سپێدههیا ئهڤرۆ، تیرۆرستێن داعش ل ههموو لایهكیڤه هێرش كریه سهر چهپهرێن پێشمهرگهی ل شنگالێ و ههتا بهری نیڤرۆیا ئهڤرۆ شهڕهكێ دژوار دنێڤبهرا هێزێن پێشمهرگه و چهكدارێن داعش یێ بهردهوامبوو.
ئهڤی ژێدهری گۆتژی” پێشمهرگه شیا هێرشا داعش بشكێنیت و نهچاربوو پاشڤهبچن، ههر د ئهنجاما ئهڤی شهڕی ههشت پێشمهرگه شههید بووینه و هژمارهكا زۆرا چهكدارێن داعش ژی هاتینه كوشتن، بهلێ ژبهر كاودانێن دهڤهرێ هژمارا كوشتیێن داعش ناهێنه زانین.
ئهڤرۆ نيوز:
رێڤهبهريا گشتيا كهشناسيێ ل ههرێما كوردستانێ راگههاند كو سوبههى ئهسمان دێ د ناڤبهرا ههتاڤ و ئهورێن كێم دا بيت.
پشكا پێشبينيان ل رێڤهبهريا گشتيا كهشنايا ههرێمێ راگههاند كو ژ ئهنجامێ بهردهواميا فشارێن وهلاتێ توركيا بۆ سهر ههرێما كوردستانێ ئهو پێشبينى دكهن كو سوبههى رێكهفتى 2015.2.28 ئهسمان دێ د ناڤبهرا ههتاڤ و ئهورێن كێم دا بيت.
رێڤهبهريا گشتيا كهشناسيێ ل ههرێما كوردستانێ ئاشكهرا ژى كريه كو پلا گهرماتيێ دێ ههڤبهركرى بيت ل گهل رۆژێن بهرى نوكه ب رهنگهكى د ناڤبهرا 18 بۆ 8 دا.
ل دۆر پێشبينيا رێژا ههوايى و مهودايێ ديتنێ ژى دايه زانين كو دێ ئاراستهيێ وى باكوورێ رۆژههلات و باكوورێ رۆژئاڤا بيت ب رهنگهكى دێ يێ ل سهرخوه و ناڤهندى بيت د ناڤبهرا 20 بۆ 30 كلم د دهمژمێرهكێ دا و ماوێ ديتنێ ژى دێ 10 كلم دا بيت.
د.نوری عهبدولرهحمان ئیبراهیم رێڤهبهرێ پهیمانگهها گوتاربێژی و پێشنڤێژیێ ل دهۆكێ بو ئهڤرۆ نیوز دیاركر ل دیرۆكا كوردایهتیی دا چهندین بنگههـ و قوتابخانهیێن دینی ههبوینه ب كوردی و شرۆڤهیهكا كوردایهتی بو بابهتێن دینی دكرن و كوردپهروهربوینه و ل گوری بنهمایێن ئاینی ژی سهرهدهریكریه و وهلات پاراستی نه.
د.نوری ئهو چهنده ژی دیاركر پهروهردهكرنا كهسێن ژ دهرڤه دبیاڤێ ئاینی دا خواندى و ڤهگهریانا وان بو ههرێمێ جهێ دیڤچونێ یه و ل ناڤا جكاڤێ مه دا ئهو بخو پسبور نهبیت و خوه فێری پرسێن ئاینی كری و باوهرنامه نینه و تێنهگههشتیه كو ب شێن بهرسڤا وان پرسیارا بدهت و دێ مێشكێ خو بكار ئینیت ل ڤی دهمی دا یێ نه متهكامله بو زانینێ، دڤێت عهقل تابعێ دینی بیت نهك دین تابعێ عهقلی بیت.
ناڤبری ئهو چهنده دازانین كو نه دینی بگری و دونیایی بهردهی نه دونیایێ بگری و دینی بهردهی دڤێت ههردوك ل گهل یهك بن.
د.ئیبراهیم ئهحمهد سمو سهرۆكێ لیژنهیا خواندنا بلند ل پهرلهمانێ كوردستانێ بو ئهڤرۆ نیوز دیاركر ڤهكرنا كولیژێن شهریعێ ل ههرێمێ باشتره ل شونا قوتابیێ كورد بهێته هنارتن بو دهرڤه چ حكومهت یان ئهو بخو ل سهر ئهركێ خو بچیت.
د.ئیبراهیم ئهحمهد سمو ئهو چهنده ژی دازانین كو ل سهر چهوانیا زوو چارهكرنا ئاریشهیێ دڤێت حكومهتا ههرێمێ زوو ترین دهم چارهیهكێ ل ڤێ ئاریشهیێ و ڤهكرنا كولیژێن شهریعهیێ بهێتهكرن، ل شونا قوتابیێن مه بچنه دهرڤه و كولیژێن شهریعێ كو بهرێ وان ددهنه توندرهویێ و ل دووماهیكێ ژی دا ئهم كوردستان دێ باجا نهڤهكرنا كولیژێن شهریعێ دهن، بهلێ ب مهرجهكی كولیژێن شهریعا ل كوردستانێ دهێنه ڤهكرن خواندنهكا باش بو بهێتهكرن و ب پلانهكا باش بهێته دامهزراندن ل شوونا كورێ مه یێ كورد بچیته دهرڤه ل ههرێمێ كهسێ نابینیت ژبلی ههڤالێ خو یێ كورد و دێ ب تنێ كورد و كوردستانێ مێشكی وی دابیت و بهرهڤانیێ ژ كوردستانێ كهت .
ئهڤرۆ نیۆز، قائید میرۆ
لیوا مستهفا دێرانهیی، فهرماندێ پێشمهرگهی ل میحوهرێ گوێڕ بۆ ئهڤرۆ نیۆز گۆت” ئهڤ شهڤه ل گوندێن سولتان عهبدولا و تهلریم داعش ئێرشهكا بهرفرهه كریه سهر پێشمهرگهی و ههتا نوكه شهڕ یێ بهردهوامه.
دێرانهیی گۆتژی” پێشمهرگه یێ سهركهفتیه ههتا نوكه و تنێ پێشمهرگهك یێ برینداربووی.
ژلایهكێ دیڤه ژێدهرهكێ ل قهزا مهخموور بۆ ئهڤرۆ نیۆز دیاركر” هێزهكا مهزن یا پێشمهرگهی ب چهكێن گرانڤه بهرهف چهپهرێن پێشیێ ب رێكهفتیه دا ب گرانی بهرسڤا داعش بدهن.
ئهڤرۆ نیوز:
ل دووڤ چهند پێزانینهكان كو ژ وهزارهتا دارایى هاتینه زانین، حهفتیا بێت دێ مووچێ ههیڤا 12 یێ سالا 2014 یێ وهزارهتێن ( ناڤخو، پهروهرده، كاروبارێن شههیدان، كارهبا، چاندن و ژێدهرێن ئاڤێ، ئهوقاف و كاروبارێن ئاینى، خواندنا بلند و ڤهكولینێن زانستى، كار و كاروبارێن جڤاكى، باژێرڤانى و گهشت و گوزار ) هێنه بهلاڤكرن.
نيشاندان