ئەڤرۆ نیوز:
بەری ب دووماھیی ھاتنا دەرگەھێ ڤەگوھاستنێن زڤستانێ ب چەند دەمژمێران یانەکا سعودی شیا ب گەھیتە رێککەفتنێ ل گەل ێک ژ ستێرێن ھەلبژارتیێ پورتوگال .
یانا ئەھلی جەدە یا سعودی ئێک ژ یانێن بەرنیاس ل سەر ئاستێ ئاسیا و وەلاتێ سعودی بەری ب دووماھیی ھاتنا دەرگەھێ ڤەگوھاستنێن زڤستانێ ب چەند دەمژمێران ب فەرمی راگەھاند ئەو گەھشتنە رێککەفتنێ ل گەل ستێرا یانا بەشکتاش یا تورکی و ھەلبژارتیێ پورتوگال کوارێزما .
ریکاردو کوارێزما یێ ٣٥ سالی بەری نوکە یاری ل چەندین یانێن بەرنیاس یێن ئورۆپی کرینە ژ ئەوانا بەرشەلۆنا ئیسپانی و چێلسی یا ئنگلیزی و ئەنتر میلان یا ئیتالی و ھەردو یانێن پورتو سپورتینگ لەشبونا یێن پورتوگالی و بەشکتاش یا تورکی ھەردیسان ٨٠ یاریێن نیڤدەولی بوو ھەلبژارتیێ ئێکێ یێ پورتوگال کرینە و ئێک ژ ستێرێن دەستکەفتیا مێژوی یا ھەلبژارتیێ پورتوگالێ بوو دەمێ شیان ناسناڤێ قارەمانیا یورۆ یا ھەلبژارتیا ب دەستخوڤە بینن.

ئەڤرۆ نیوز:
راپورتێن رۆژنامەڤانی ل ئەلمانیا دیارکرینە یانا بایرن میونیخ دخوازیت ھەر ژ وەرزێ بھێت دەست ب ئینانا چەند یاریزانێن نوو بکەت ب دروستکرنا تیمەکا ب ھێز بوو پاشەرۆژی و ھەڤبەستێ ل گەل چەند یاریزانێن خودان شیان و بەرنیاس ئیمزا بکەت گیانێ تیمێ یێ بەری ڤەگەرینتە ڤە تایبەت پشتی ل وەرزێ ئەڤ سالە ئەنجامێن لاواز تومارکرین دخۆلا بوندس لیگا دا.
رۆژنامەیێن نێزیکی یانا بایرن میونیخ دیارکرینە یانا باڤاری ھزر نەخشەیەک دانایە بوو دەستڤە ئینانا گولچیێ ھەلبژارتیێ ئیسپانیا و یانا مانچێستەر یوناید دڤید دی خیا کریە کو ل پاشەرۆژێ ھەڤبەستێ ل گەل ئەوی ئیمزا بکەن وەکو پێگوھورەکێ ب ھێز بیت بوو گولچیێ ئەوان مانویل نویەر ئەوێ ژیێ وێ گەھشتی یە ٣١ سالێ.
ھەردیسان ئەوان رۆژناما ئاشکراکریە ژی بایرن میونیخ دیارکریە ئەو دێ بێنڤرەھیەکا مەزن ل سەر ئینانا دی خیا کەن کو دێ چاڤەرێ ئەوی بن بوو پشتی وەرزەکێ دی ژی ژبەرکو ئەوان نوکە باوەریەکا مەزن ب شیانێن گولچیێ خوە ھەیە لێ ئەو دخوازن بوو وەرزێ ٢٠٢٠ ھەڤبەستێ ل گەل ئەڤی گولچی ئیمزا بکەن.

ئەڤرۆ نیوز:
پشتی ل ماوێ چەند رۆژێن بوری بەرەڤانێ یانا یوڤانتوس و ھەلبژارتیێ مەغرەب بن عەتیە داخوازیا ب جە ھێلانا پێکھاتیێ وێ یانی کری ژبەر نە پشکداریا وی د زوربەیا یاریێن وەرزێ ئەڤ سالە دا ھەردیسان راھێنەرێ یانێ وەکو پێگوھورێ چارێ سەرەدەری ل گەل دکر پشت ھەر ئێک ژ جورجیو کیللینی و بونوتشی و دانیلی روگانی .
راپورتێن رۆژنامەڤانی ل ئیتالیا دیارکرن پشتی مەھندی بن عەتیە بریارا چوونا خوە ل گەل یوڤانتوس دای چەندین داخوازی ژ یانێن بەرنیاس ل سەر ئاستێ ئورۆپا گەھشتنە بەر دەستێ ئەوی لێ ئەوی ھەڤبەستێن ئەوان یانێن مەزن ل ئنگلتەرا و ئەلمانیا و فرەنسا رەتکرن و بەر ب خۆلا قەتەر ڤە ھات پشتی ب فەرمی گەھشتی یە رێککەفتنێ ل گەل یانا دەحێل یا قەتەری بوو ماوێ سێ سالان کو ل دیڤ گوتنا ئەوان رۆژناما موچەیێ وی یێ سالانە دێ ل گەل وێ یانا قەتەری ٥ ملیون یورۆ بن.

ئەڤرۆ نیوز:
یانا ئەنتر میلان یا ئیتالی ب فەرمی ل سەر مالپەرێ خوە یێ فەرمی دیارکر ئەوان ھەڤبەستا بەرەڤانێ پورتوگالی و یانا ساوسھامتون یا ئنگلیزی سیدریک سواریس ئیمزاکر .
ھەردیسان مالپەرێ ئەنتر میلان ئەو چەندە ژی دیارکریە ھەڤبەستا سیدریک ھاتیە ئیمزاکرن ب شێوەیێ خواستن ژ وێ یانا ئنگلیزی ھەتا دووماھیا ڤی وەرزی و ھەردیسان ئەنتر ماڤێ کرینا یاریزانی بوو وەرزێ بھێت ژی ھەیە.
ھەژی گوتنێ یە سیدریک سواریس ل سالا ٢٠١٥ ھەڤبەستا یانا ساوسھامتون یا ئنگلیزی ئیمزاکربوو ھەتا نوکە ل گەل وێ یانێ ١٠٤ یاری ئەنجامداینە .

ئەڤرۆ نیوز:
ھەردو یانێن چێلسی یا ئنگلیزی و پاریس سانجێرمان یا بزاڤێن مەزن کەن بوو دەستڤە ئینانا ستێرەکا یانا ریال مەدرید ل ھاڤینا بھێت .
رۆژناما دیلی میرو یا برێتانی ئاشکراکریە یانا چێلسی یا بزاڤێن مەزن دکەت بوو دەستڤە ئینانا ستێرا فرەنسی و یانا ریال مەدرید کەریم بن زیما ل مێرکاتویا ھاڤینا بھێت بۆ ب ھێز ئێخستنا ھێلا ھێرشبەریا خوە .

ھەردیسان ئەوێ رۆژنامێ ئاشکرا کریە ژی د نەخشەیێ یانا پاریس سانجێرمان ژی دایە ل هاڤینا بھێت ھەڤبەستێ ل گەل  بن زیمای ئیمزا بکەت وه‌کو پێگوهور ل جهێ هه‌ر ئێک ژ نیمار یێ به‌رازیلی یان مپاپێ یێ فره‌نسی ژبەرکو چاڤەرێ دھێتەکرن ل هاڤینا بهێت ئێک ژ ئه‌وان یاریزانان  پێکھاتیێ وێ یانێ ب جهـ بھێلت.

ژلایەکێ دیڤە رۆژناما موندو دیپورتیڤو یا ئیسپانی دیارکریە کەریم بن زیما ژى دخوازیت ل ھاڤینا بھێت پێکھاتیێ یانا ریال ب جهـ بھێلت بەر ب یانەکا دیڤە بچیت .

ئەڤرۆ نیوز:
ھژمارەکا مەزن یا ستێرێن بەرنیاس ل سەر ئاستێ جیھانێ د سالا ٢٠١٨ دا دەست ژ یاریێن نیڤدەولی ل گەل ھەلبژارتیێن خوە بەردا کو چەند ژ ئەوان ژبەر ژیێ ئەوان یێ مەزن و دەلیڤە بوو چەند یاریزانێن دی دا و چەند یاریزانێن دی ژبەر ئەگەرێن تایبەت و ل سالا بھێت ئەوان یاریزانان جارەکا دی نابینن د قارەمانیێن نیڤدەولی یێن ھەلبژارتیێن جیھانێ دا.
یازدە بەرنیاسترین ستێرێن جیھانێ یێن بریارا ب جە ھێلانا یاریێن نیڤدەولی دای د سالا ٢٠١٨ ئەڤێن خوارێ بوون .

ستێرا بەرنیاس یا ھەلبژارتیێ ئیسپانیا و یانا بەرشەلۆنا ئەنیستا پشتی خوسارەتیا ھەلبژارتیێ ئیسپانیا ل گەل ھەلبژارتیێ روسیا د قوناغا ١٦ ژ موندیالا ٢٠١٨ وی یاریزانی ئێکسەر بریارا ب جهـ ھێلانا یاریێن نیڤدەولی دا ، ئەنیستا دھێتە ھژمارتن ئێک ژ بەرنیاسترین یاریزانێن ھەلبژارتیێ ئیسپانیا کو گولا وی یا ل دووماھیا موندیالا ٢٠١٠ ل سەر ھەلبژارتیێ ھولەندا چو جاران ناھێتە ژبیرکرن د مێژویا تەپا پێ یا ئیسپانی دا دەمێ شیای سەرکێشا ھەلبژارتیێ ئیسپانیا بکەت بوو سەرکەفتنێ ل دووماھیا موندیالا ٢٠١٠ ب گولەکێ بێ بەرامبەر ل سەر ھەلبژارتیێ ھولەندا، ئەنیستا ل گەل ھەلبژارتیێ ئیسپانیا ١٣٦ یاریێن نیڤدەولی ئەنجامدابوون و شیابوو ١٣ گولان توماربکەت و ھەردیسان خودانێ دو ناسناڤێن یورۆپا بوو ل گەل ھەلبژارتیێ خوە ئەوژی ل سالێن ٢٠٠٨ و ٢٠١٢ .

گولچیێ بەرنیاس یێ مسری عیسام حەزەری پشتی تومارکرنا چەندین نمرێن مێژوی ل گەل ھەلبژارتیێ خوە د ژیێ ٤٥ سالی دا ب فەرمی بریارا ب جهـ ھێلانا یاریێن نیڤدەولی دا پشتی شیای نمرەکا مێژوی د موندیالا ٢٠١٨ توماربکەت وەکو مەزنترین گولچی د مێژویا موندیالێن جیھانی دا پشکداری تێدا بکەت ، حەزەری ھەر ژ سالا ١٩٩٦ وەرە یاری ل گەل ھەلبژارتیێ مسری یاری کەت و ل گەل وی ھەلبژارتیی شیا ١٥٩ یاریێن نیڤدەولی بکەت و چار جاران شیا قارەمانیا ئەفریقیا یا ھەلبژارتیا ل گەل ھەلبژارتیێ خوە ب دەستخوڤە بینت ئەوژی ل قارەمانیێن ١٩٩٨ و ٢٠٠٦ و ٢٠٠٨ و ٢٠١٠ .

ستێرا ھێلا ناڤینا یانا مانچێستەر سیتی و ھەلبژارتیێ ئیسپانیا دڤید سیلڤا ژی پشتی بورینا ١٢ سالان یاری کرنێ ل گەل ھەلبژارتیێ ئیسپانیا بریارا دەست بەردانا یاریێن نیڤدەولی دا کو یاریزانێ ناڤبری ھەر ژ سالا ٢٠٠٦ ھەتا ٢٠١٨ ل گەل ھەلبژارتیێ ئیسپانیا ١٢٥ یاریێن نیڤدەولی ئەنجامدابوون و شیابوو ٢٥ گولان توماربکەت .

بەرەڤانێ ھەلبژارتیێ فرەنسا و یانا سیڤلیا بەری نوکە و مارسیلیا یێ نوکە عادل رامی پشتی ب دووماھیی ھاتنا موندیالا ٢٠١٨ ئەوی ژی بریار ب ژیانا خوە یا یاریێن نیڤدەولی دا سەرەرای برنا ناسناڤێ موندیالا جیھانێ ل گەل ھەلبژارتیێ خوە ، عادل رامی د ھەر سالا ٢٠١٠ یاری ل گەل ھەلبژارتیێ فرەنسا یاری کەت و ھەتا نوکە ٣٦ یاریێن نیڤدەولی کرینە.

بەرەڤانێ یانا بەرشەلۆنا و ھەلبژارتیێ ئیسپانیا جیراد پیکێ ژی ژ ئەوان یاریزانێن ٢٠١٨ دووماھیی ب یاریێن نیڤدەولی ئینای لێ ئەگەرێ پیکێ یێ جیاواز بوو ئەوژی ژبەر ھژمارەکا جەماوەرێ ئیسپانی د چەندین یاریان دا دژاتیا خوە بەرامبەر وی یاریزانی دیارکری پشتی یاریزانێ ناڤبری پشتەڤانیا خوە بۆ سەربەخویا ھەرێما کەتەلونیا دیارکری و چەندین جاران داخویانی دژی سیاسەتا ئیسپانیا داین ژبەر ئەو رافتارێن ل گەل ھەرێما کەتەلونیا ، پیکێ ھەر ژ سالا ٢٠٠٩ وەرە ل گەل ھەلبژارتیێ ئیسپانیا یاری کەت و ل گەل وی ھەلبژارتی ١٠٥ یاری نیڤدەولی ئەنجامداینە و ٥ گول تومارکربوون ھەردیسان دو ناسناڤ ل گەل ئیسپانیا ب دەستخوڤە بربوون ئەوژی موندیالا ٢٠١٠ و قارەمانیا یورۆیا ٢٠١٢.

ستێرا ھێلا ناڤینا یانا ریال مەدرید بەری نوکە و ئەرسینال یێ نوکە مەسعود ئوزێل ژی پشتی موندیالا ٢٠١٨ یاریێن نیڤدەولی ب جهـ ھێلا لێ وی ژبەر ئاستێ ھونەری دەست ژ یاریێن نیڤدەولی نە بەردا بەلکو ژبەر  ئەو رافتارێن رەگەز پەرستی دژی وی ھاتینەکرن و ھەردیسان ئەو رافتارا نە باش یا ستاڤێ راھێنەری و ئێکەتیا تەپا پێ یا ئەلمانی ل گەل وی ھاتیەکرن وی دەست ژ یاریێن نیڤدەولی بەردا ، مەسعود ئوزێل دھێتە ھژمارتن ئێک ژ بەرنیاسترین یاریزانێن ھێلا ناڤین د مێژویا ئەلمانیا دا ل بیست سالێن بوری کو یاریزانێ ناڤبری ژ ٢٠٠٩ ھەتا ٢٠١٨ شیابوو ٩٢ یاریێن نیڤدەولی ل گەل ھەلبژارتیێ خوە بکەت و ٢٣ گولان توماربکەت ھەردیسان ئێک ژ ستێرێن دیار و بەرچاڤ بوو دەمێ شیان موندیالا ٢٠١٤ ل گەل ھەلبژارتیێ ئەلمانیا ب دەستخوڤە توماربکەن.

ماریو ماندزوکیتچ ھێرشبەرێ یانا یوڤانتوس و ھەلبژارتیێ کرواتیا د ژیێ ٣٢ سالی دا وی ژی دەست ژ یاریێن نیڤدەولی بەردا پشتی نەشیای ل دووماھیا موندیالا ٢٠١٨ سەرکەفتنێ ل سەر ھەلبژارتیێ فرەنسا توماربکەن کو یاریزانێ ناڤبری ٨٩ یاری ل گەل کرواتیا کربوون و شیابوو ٣٣ گولان توماربکەت

ستێرا بەری نوکە یا بەرشەلۆنا یاریزانی ھەلبژارتیێ ئەرژەنتین خافییر ماسکیرانو د ماوێ ١٥ سالێن بوری دا دھاتە ھژمارتن ئێک ژ بەرنیاسترین یاریزانێن ھێلا بەرەڤانی ل سەر ئاستێ جیھانێ کو یاریزانێ ناڤبری د مێژویا خودا شیا زێدەتر ژ ١٨ ناسناڤان ل گەل یانێن خوە ب دەستخوڤە توماربکەت لێ یاریزانێ ناڤبری نەشیا ل گەل ھەلبژارتیێ خوە ئێک ناسناڤ ژی ب دەستخوڤە بینت د مێژویا پشکداریێن وی کو سەرەرای جارەکێ گەھشتە دووماھیا موندیالا جیھانی و سێ جاران دووماھیا کوپا ئەمریکا و دەست ژ یاریێن تەپا پێ بەردا و نەشیا چو ناسناڤان ل گەل ھەلبژارتیێ وەلاتێ خوە توماربکەت کو ماسکیرانو ١٤٧ یاریێن نیڤدەولی ل گەل ھەلبژارتیێ خوە ھەبوون ھەر ژ سالا ٢٠٠٣ ھەتا ٢٠١٨ .

تیم کاھیل ئێک ژ بەرنیاسترین یاریزانێن ئوسترالی یە د ژیێ ٣٩ سالی دا دەست ژ یاریا تەپا پێ بەردا پشتی مێژویەکا درێژ ل گەل ھەلبژارتیێ خوە کو ١٠٧ یاریێن نیڤدەولی کربوون و شیابوو ٥٠ گولان توماربکەت ھەر ژ سالا ٢٠٠٤ ھەتا ٢٠١٨.

ھێرشبەرێ یانا چێلسی و ھەلبژارتیێ نێچیریا فیکتور موسیس د بریارەکا نە چاڤەرێکری دا پشتی یاریێن موندیالا ٢٠١٨ بریارا ب جهـ ھێلانا یاریێن نیڤدەولی دا د ژیێ ٢٨ سالی دا کو ھەموو چاڤدێرێن ئەفریقی ب وێ بریارێ مانە حێبەتی.

پشتی بورینا ٢١ سالان ل گەل ھەلبژارتیێ مەکسیک یاریزانێ بەری نوکە یێ یانا بەرشەلۆنا راڤائێل مارکینز ب فەرمی پشتی موندیالا ٢٠١٨ ل روسیا دەست ژ یاریێن نیڤدەولی بەردا کو یاریزانێ ناڤبری ژ سالا ١٩٩٧ ھەتا ٢٠١٨ ل گەل ھەلبژارتیێ وەلاتێ خوە شیابوو ١٤٦ یاریان بکەت و ١٩ گول تومارکربوون.

ستێرا ھێلا ناڤینا ھەلبژارتیێ ھولەندا و یانێن ئەنتر میلان و ریال مەدرید یێن بەری نوکە ویسلی شنایدر ژی ئێک ژ ئەوان یاریزان بوو یێن ل سالا ٢٠١٨ دەست ژ یاریێن نیڤدەولی بەردەی پشتی بورینا ١٥ سالان کو یاریزانێ ناڤبری د وێ ماوەی دا ١٣٣ یاریێن نیڤدەولی کربوون شیابوو ٣١ گولان توماربکەت.

ئەڤرۆ نیوز:
یانا بەرشەلۆنا دخوازیت ل ماوێ بھێت و چەند سالێن بھێت پێکھاتیەکێ خوە جە دروست بکەت ب ئینانا چەند یاریزانێن نوو ئەو پێکھاتی وەکو پێکھاتیێن بەری نوکە بوو ماوێ چەند سالا ل گەل ئێک بمینن ب ئینانا ھژمارەکا ستێرن بەرنیاس .
راپورتێن رۆژنامەڤانی ئاشکراکرینە یانا بەرشەلۆنا پشتی ل ماوێ چەند رۆژێن بوری ھەڤبەستا یاریزانێ یانا ڤالنسیا ….. ب شێوەیێ خواستن ڤەگوھاستی و دبیت ل دووماھیا ڤی وەرزی ب فەرمی ھەڤبەستا وی ئیمزا بکەن یانا بەرشەلۆنا دخوازیت یاریزانەکێ دی ژی ل ھێلا بەرەڤانی ل تیما خوە زێدە بکەت ھەردیسان یاریزانەکی ل ھێلا ناڤین ژی و ئەو ھەردو یاریزان نوکە ژلایێ کارگێریا یانا کەتەلونی ڤە ھاتینە دەست نیشانکرن و بەری نوکە ژی دەست ب دانوستاندنان کرینە.
ئەوان رۆژناما دیارکریە یانا بەرشەلۆنا دخوازیت ھەڤبەستێ ل گەل ھەر ئێک ژ یاریزان رابیو یێ فرەنسی و یاریزانێ پاریس سانجێرمان و دی یونگ یێ ھولەندی و یاریزانێ ھێلا بەرەڤانیا ئەجاکس ئەمستردام یا ھولەندی ئیمزا بکەن کو ھەردو یاریزانان ژی بەری نوکە حەزا کرنا یاری بوو یانا بەرشەلۆنا دیارکربوو تایبەت یاریزانێ یانا پاریس رابیو ئەوێ ھەڤبەستا خوە ل گەل یانا خوە نوو نەکری و چونا وی ژ وێ یانێ تەکید بوویە .