ئەڤرۆ نیوز،ھەژار مەعروف:
ھەر پێنچ نوونەرێن باکورێ کوردستانێ دخۆلا پلا سێ و دو یێن تورکیا دا ئەڤرۆ یاریێن خوە یێن قوناغا ئێکێ یێن وەرزێ ٢٠١٨-٢٠١٩ ب دووماھیی ئینا کو دووماھیی حەفتیا یاریێن قوناغا ئێکێ دا نوونەرێن کوردستانێ ب ئەنجامەکێ باشتر دەرکەفتن ژ حەفتیێن بوری بێ خوسارەتی یاریێن خوە دەربازکرن .
دخۆلا پلا دو دا یانا ئامەد سپور شیا سەرکەفتنا خوە یا حەفتێ ل وەرزێ ئەڤ سالە توماربکەت ]دەمێ د یاریا خوە یا گەرا ١٧ شیای سەرکەفتنێ ل سەر یانا بایرام پاشا توماربکەت ب دو گولان بێ بەرامبەر دوێ یاریێ دا ئەوا ل یاریگەھا دیاربەکر یا نیڤدەولی ھاتیەکرن کو ب ڤی ئەنجامی ئامەد خالێن خوە گەھاندنە ٢٤ خالان .
ژلایەکێ دیڤە د یاریێن خۆلا پلا سێ دا د یاریێن گەرا ١٦ دا و ژ یاریێن کوما ئێکێ تیما باتمان سپور ب خالەکا گرنگ ژ باژێرێ نەیڤشەھیر ڤەگەریا پشتی ل گەل سەرکێشا وێ کومێ یانا نەیڤشەھیر ل یاریگەھا وێ ب گولەکێ وەکھەڤبووی کو گولا باتمان ل خولەکا ٨٩ ب لێدا پەنەلتیێ ھاتبوو تومارکرن و باتمان خالێن خوە گەھاندنە ٢١ خالان و خوە نێزیکی پلێتا ھەڤرکیا قوناغا پلەی ئوڤ کرە ڤە.
د یاریێن کوما دوێ یانا وان سپور پشتی بورینا پێنچ یاریان ل دیڤ ئێک نەشیای سەرکەفتنێ توماربکەت ڤێ حەفتیێ ب رێیا دوزچە سپور شیا سەرکەفتنا خوە یا ئێکێ پشتی بورینا ل رێزا شەشێ یاریان توماربکەت دەمێ ب سەرکەفتی ل سەر وێ یانێ ب سێ گولان بەرامبەر دو گولان گولان و وان ب ڤێ سەرکەفتنێ خالێن خوە گەھاندنە ٢٦ خالان .
د یاریێن کوما سیێ دا کو دو نوونەرێن کوردی د پشکدارن ئەوژی ئەوژی یانێن دیاربەکر سپور و جەزیرە سپور کو ھەردو یانە دڤێ حەفتیێ دا وەکھەڤبوون دەمێ ژ دەرڤەی یاریگەھا خوە یاریێن خوە ئەنجامداین کو دیاربەکر سپور بۆ یاریا پێنچێ ل دیڤ ئێک نەشیا سەرکەفتنێ توماربکەت دەمێ وەکھەڤبووی ل گەل یانا فاستا سپور ب گولەکێ و خالێن خوە گەھاندنە ٢١ خالان ل رێزا پێنچێ دھێت ژلایەکێ دیڤە جزیرە سپور بەردەوامی دا ئەنجامێن خوە یێن لاواز ئەڤ جارە ژی وەکھەڤبوو ل گەل یانا کارەچەبەی بیرلیک سپور بێ گول و جزیرە خالێن وی بوونە ١٤ خال ل رێزا دووماھیێ دھێت د لیستەیا ڤێ کومێ دا

ئەڤرۆ نیوز،هه‌ژار مه‌عروف:

پیپ گواریولا راھێنەرێ ئیسپانی نوکە دھێـتە ھژمارتن ئێک ژ بەرنیاسترین راھێنەران ل سەر ئاستێ جیھانێ کو ماوێ دەە سالانە وەکو راھێنەر ل گەل یانێن مەزن ل ئورۆپا شیا چەندین دەستکەفتیان ل سەر ئاستێ ئورۆپا و جیھانی ب دەستخوڤە توماربکەت کو د مێژویا خوە یا راھێنەری دا ٥٤٣ یاری ئەنجامداینە کو ٤٠٠ یاریا شیا سەرکەفتنێ توماربکەت کو ١٧٩ یاریان ل گەل بەرشەلۆنا شیا سەرکەفتنێ توماربکەت و ١٢٤ یاریان ل گەل بایرن میونیخ و ٩٧ یاریان ل گەل مانچێستەر سیتی .
گواردیولا ئەوێ ل سالا ٢٠٠٧ دەست ب ژیانا راھێنەری کری ل گەل تیما B یا بەرشەلۆنا و ل سالا ٢٠٠٨ ب فەرمی ل گەل تیمەکا ئێکێ کار کری ئەوژی ل گەل یانا بەرشەلۆنا کو ژ سالا ٢٠٠٨ ھەتا ٢٠١٢ باشترین مێژو ل گەل ڤێ یانێ تومارکر کو د ماوێ چار سالان دا شیا ١٤ ناسناڤان توماربکەت سێ جاران ل دیڤ ئێک ناسناڤێ خولا ئیسپانیا ئەوژی ل وەرزێن ٢٠٠٨-٢٠٠٩ و ٢٠٠٩- ٢٠١٠ و ٢٠١٠-٢٠١١ ھەردیسان کاس شاھێ ئیسپانیا دو جاران ئەوژی ٢٠٠٩ و ٢٠١٢ ل گەل برنا سێ کاس سوپەرا ئیسپانیا ئەوژی ل سالێن ٢٠٠٩ و ٢٠١٠ و ٢٠١١ ، ھەردیسان ل سالێن ٢٠٠٩ و ٢٠١١ دو جاران ھەر ئێک ژ قارەمانیێن چامپیونیز لیگ و سوپەرا ئورۆپی و موندیالا یانێن جیھانێ .

ل سالا ٢٠١٣ ھەتا ٢٠١٦ ھەڤبەست ل گەل بایرن میونیخ ئیمزاکر کو د ماوێ سێ سالان دا ل گەل یانا باڤاری شیا حەفت ناسناڤان ب دەستخوڤە بینت ئەوژی سێ ناسناڤێن خولا بوندس لیگا ھەردیسان دو جاران کاسا سوپەرا ئەلمانیا و جارەکێ کاسا سوپەرا ئەورۆپی ل گەل ناسناڤەکێ موندیالا یانێن جیھانی .

ل سالا ٢٠١٦ وەرە ل گەل یانا مانچێستەر سیتی یێ بەردەوامە ھەتا نوکە ل گەل ڤێ یانێ دو ناسناڤ ب دەستخوڤە تومارکرینە ل دو وەرزێن بوری ئەوژی کاسا ئنگلتەرا و خۆلا پرێمیرلیگ کو ھەردو ناسناڤ ل وەرزێ بوری دەستخوڤە بربوون کو ل وەرزێ ئێکێ ل گەل یانا مان ستی ٢٠١٦- ٢٠١٧ نەشیابوو چو ناسناڤان ب دەستخوڤە توماربکەت لێ سالا دوێ دا شیا دو ب دەستخوڤە توماربکەت و نوکە ژی بەربژارەکێ ب ھێزە بوو برنا ناسناڤێ خولێ.

ھەردیسان دو جاران راھێنەرێ ناڤبری بوویە باشترین راھێنەر ل سەر ئاستێ جیھانێ ئەوژی ٢٠٠٩ و ٢٠١١ ھەردیسان تیما وی وەکو باشترین تیم ل ئورۆپا ل سالێن ٢٠٠٩ و ٢٠١٠ ھاتیە خەلاتکرن ھەردیسان وەکو باشترین کەساتیێ کەتەلونی ل سالا ٢٠٠٩ ھاتە خەلاتکرن و ٢٠١٨ ب باشترین راھێنەرێ خۆلا ئنگلتەرا ھاتە خەلاتکرن

ئه‌ڤرۆ نیوز،هه‌ژار مه‌عروف:

پشتی دوهی و ئه‌ڤرۆ یاریێن گه‌را پێنچێ ژ خۆلا پلا نایاب دووماهیی هاتین کو ب حه‌فتیا وه‌کهه‌ڤیا هاته‌ دیارکرن کو سه‌رجه‌مێ حه‌فت یاریان پێنچ ب وه‌کهه‌ڤی ب دووماهیی هاتن و ١٣ گول دڤێ حه‌فتیێ دا هاتنه‌ تومارکرن.

هه‌لویستێ خۆلێ ب ڤی ره‌نگی یه‌ پشتی بورینا ٥ یاریان 

۱- پ. سلێمانیێ ۱۱ خاڵ

۲- دهۆک ۱۱ خاڵ

۳- ئارارات ۱۰ خاڵ

٤- پ. هەولێر ۱۰ خاڵ

٥- هەولێر ۷ خاڵ

٦- گازی باکوور ٦ خاڵ

۷- زێرەڤانی ٦ خاڵ

۸- دەربەندیخان ٦ خاڵ

۹- نەورۆز ٦ خاڵ

۱۰-هەندرێن ٥ خاڵ

۱۱- زاخۆ ٤ خاڵ

۱۲- ئاکرێ ٤ خاڵ

۱۳- برایەتی ۲ خاڵ

۱٤- شێروانە ۱ خاڵ