ئەڤرۆ نیوز، قائید میرۆ:

بڕیارە ل ھەیڤا بھێت دو پێشانگەھێن نێڤدەولەتی ل ھەولێرێ بھێنە ڤەکرن و سەرپەرشتیارێ پێشانگەھێن نێڤدەولەتی ژی دبێژیت، پشتی جەژنێ دێ مەزنترین پیشەنگا کەلوپەلێن ئیرانی ھێتە ڤەکرن و چەندین کۆمپانیێن ئیرانێ دێ پشکداریێ تێدا کەن.

عەبدوللا عەبدولڕەحیم، سەرپەرشیارێ پێشانگەھێن نێڤدەولەتی ل ھەولێرێ بۆ ئەڤرۆ نیوز دیار کر کو بڕیارە پشتی بھێنڤەدانا جەژنا رەمەزانێ دو پێشانگەھێن مەزن یێن نێڤدەولەتی ل باژێڕێ ھەولێرێ بھێنە ڤەکرن، کو پێشانگەھا ئێکێ یا کەلوپەلێن وەلاتێ ئیرانێ یە و ھژمارەکا بەرچاڤ یا کۆمپانیێن ئیرانێ دێ تێدا پشکداریێ کەن و چەندین کەلوپەلێن ئەڤی وەلاتی دێ ھێنە نمایشکرن.

ناڤھاتی ئاماژە دا وێ چەندێ کو ھەر د ھەیڤا داھاتی دا دێ پێشانگەھا ئاڤاکرنێ ھێتەکرن ل دۆر دەڤەرێن عیراقێ یێن پشتی شەڕێ داعش ھاتینە ئازادکرن و بڕیارە بھێنە ئاڤاکرن، لەوڕا ژی چەندین کۆمپانیێن ناڤخۆ و بیانی ژی دێ پشکداریێ تێدا کەن، چونکی دێ کاریگەری ل سەر پڕۆسا ئاڤەدانکرنێ ھەبیت بۆ دەڤەرێن عیراقێ و گۆت: “ئەڤ سالە رەوشا پێشانگەھێن نێڤدەولەتی گەلەک پێشڤەچوویە و ھەتا نوکە چەندین پێشانگەھێن نێڤدەولەتی ھاتینە ڤەکرن”.

نوش نيوز:

تایبەتمەندا نەخۆشیێن ژن و زارۆبوونێ ل نەخۆشخانا ژن و زارۆکبوونێ پارێزگەھا دھۆکێ دیارکر کو ژنەکێ چار زارۆ پێکڤە بوون و ژن ژی د ساخلەمیەکا باش دایە.

د. چنار مستەفا، تایبەتمەندا نەخۆشیێن ژن و زارۆبوونێ ل نەخۆشحانا ژن و زارۆبوونا دھۆکێ ئاشکەرا کر ژنەک ھاتە نەخۆشخانێ بۆ زارۆبوونێ و چار زارۆ د زکی وێ دا بوون ب مخابنی ڤە ژی ئێک ژ وان یێ مری بوو د زکێ دایکا خوە دا و ھەر سێ زارۆيێن دێ د ساخ بوون و رەوشا وان یا ساخلەمیێ ژی گەلەک يا باشە ھەروەسا ژی رەوشا ساخلەمیا وێ دایکێ ژی گەلەک يا باشە.

زێدەتر گۆت: “سەنگا ھەر سێ زارۆيان گەلەک يا باشە کو سەنگا وان ژی دگەھيتە زێدەتر ژ دو كیلۆیان، دو کور کچه‌كن”.

د. چنار مسته‌فا دا زانين ژى كو پێشتر ڤێ ژنێ پێنج كچ هه‌بوون و دهاته‌ نه‌خۆشخانێ ب مه‌ره‌ما وێ چه‌ندێ كو بۆ ڤێ جارێ كوڕه‌ك هه‌بيت.

ژێده‌ر: نوش نيوز

ئه‌ڤرۆ نيوز:

نها كۆمبوونا په‌رله‌مانێ كوردستانێ بۆ پێشنيازا راستڤه‌كرنا قانوونا سه‌رۆكاتيا هه‌رێما كوردستانێ ده‌ستپێكر

ئه‌ڤرۆ نيوز، نيوار محه‌مه‌د سه‌ليم:

وه‌زاره‌تا ناڤخۆ يا هه‌رێما كوردستانێ ئينانا ترۆمبێلێن لێداى و چێكرى و بن ئاڤ بوويى قه‌ده‌غه‌كر.

ب گۆره‌ى نڤيساره‌كێ ئه‌ڤرۆ رۆژا پێنجشه‌مبى 2ى گۆلانا 2019ێ به‌لاڤكريه‌ و ئيمزا كه‌ريم شنگالى وه‌زيرێ ناڤخۆ ل سه‌ره‌، هاتيه‌: ژ به‌ر به‌رژه‌وه‌نديا گشتى و ب مه‌ره‌ما پاراستنا گيان و سامانێ وه‌لاتيان و ب گۆره‌ى وان ده‌سته‌لاتێن ب مه‌ هاتينه‌ دان ژ قانوونا وه‌زاره‌تا ناڤخۆ ژماره‌ 6 يا سالا 2009ێ بريار هاته‌ دان ب:

1- قه‌ده‌غه‌كرنا ئينانا ئه‌و ترۆمبێلێن (لێداى، چێكرى و بن ئاڤ بوويى) دئيننه‌ ناڤ هه‌رێما كوردستانێ د رێيا ده‌رگه‌هێن نێڤده‌وله‌تى و زالگه‌هێن ناڤبه‌را پارێزگه‌هێن عيراق و هه‌رێما كوردستانێ.

2- ئه‌ڤ بڕياره‌ دێ ژ رۆژا 1ى تيرمه‌ها 2019ێ كار پێ هێته‌ كرن.

ئه‌ڤرۆ نيوز:

وەزارەتا ئەوقاف و کاروبارێن ئایینی ل ھەرێما کوردستانێ راگەھاند، ل دووڤ رێنما و بڕیارێن ‏وەزارەتێ کۆمکرنا پارەی ل مزگەفتێن کوردستانێ ب ھەموو شێوەکی قەدەغەیە.‏

نەبەز ئیسماعیل، پەیڤدارێ وەزارەتا ئەوقاف و کاروبارێن ئایینی ل ھەرێما کوردستانێ د داخویانیەکا ‏رۆژنامەڤانی دا گۆت: “ئەوێ سەرپێچیا ڤێ بڕیارێ بکەت دێ پێرابوونێن ئیداری و قانوونی بەرامبەر ‏ھێنە وەرگرتن”.‏

وەکو دیار ل مزگەفتێن ھەرێما کوردستانێ سندۆقەک بناڤێ سندۆقا (سەدەقا) دھێتە دانان و وەلاتی ب ‏کەیفا خوە و بۆ خێرا خوە ھەر کەسێ بڤێت د دووڤ شیانێن خوە کوژمەکێ پارەی دکەتە تێدا، ئەو ‏پارە ژی بۆ کێماسیێن مزگەفتێ دھێتە مەزاختن.‏

ئه‌ڤرۆ نيوز:

رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ رێژا باران بارينا 24 ده‌مژمێرێن بۆرى ل سنورێ هه‌رێما كوردستانێ به‌لاڤكر كو ل ويستگه‌هێن جودا يێن هه‌رێمێ رێژێن جودا يێن باران بارينێ هاتينه‌ تۆماركرن و ب ڤى ره‌نگێ ل خوارێ دياركرى:

رێڤه‌به‌ريا سه‌قاناسى و بيڤه‌له‌رزێ ل پارێزگه‌ها دهۆكێ ژى ئامارا پارێزگه‌هێ به‌لاڤكريه‌ كو ب ڤى ره‌نگێ ل خوارێ يه‌: