ئه‌ڤرۆ نيوز

ھەلمەتا گرتنا خوەپێشاندەران ل پارێزگەھا بەسرە ل سەر شەوتاندنا کونسولخانەیا ‏کۆمارا ئیسلامی یا ئیرانێ ل وێ پارێزگەھێ د خوەپێشاندانێن ڤێ داویێ ژبۆ باشترکرنا ‏رەوشا خزمەتگوزاریێ دەستپێکر.

کەنالا سکای نیوز عەرەبیە ل سەر زارێ ئەندامەکی ژ ‏ھەڤپەیمانیا سائیرون بەلاڤ کریە کو ھێزێن ئەمنی نیزیکی 30 کەسان ژ خوەپێشاندەرێن ‏بەسرە گرتنە و ژبۆ جھەکی نەدیار برنە.‏

ھەروەھا چاڤکانیێن خوەجھی ئەشکەرە کرنە کو ھژمارەک ژ وان خوەپێشاندەرێن ھاتنە ‏گرتن تاوانبارن ب شەوتاندنا کونسولخانەیا ئیرانێ ل پارێزگەھا بەسرە د ‏خوەپێشاندانێن حەفتێ ڤێ مەھێ دە.‏

ل گۆری رێخکەرێن خوەپێشاندانان ل باژارێ بەسرە کو مەدیایێن ئیرانی چەند لیست ب ‏ناڤێ وان خوەپێشاندەرێن ڤێ داویێ بەلاڤ کرنە کو ب تۆمەتا ھەڤکاریا وان دگەل ‏بالیۆزخانەیا ئەمەریکا ل عێراقێ ژبۆ شەوتاندنا کونسولخانەیا ئیرانێ ل بەسرە.‏

د داوی خوەپێشاندانا خەلکێ پارێزگەھا بەسرە د حەفتێ ڤێ مەھێ دە کو ژبۆ پەیداکرنا ‏دەرفەتێن کار و خزمەتگوزاریێن سەرەکە دەردکەڤن ب تایبەت ئاڤا ڤەخوارنێ و د ئەنجاما ‏توندوتیژیا ھێزێن ئەمنی بەرامبەر خوەپێشاندەران، ھەژمارەک خوەپێشاندەر ئاڤێتن سەر ‏ئاڤاھیا کونسولخانەیا ئیرانێ ل بەسرە و شەوتاندن.‏

ئه‌ڤرۆ نيوز:

ئیسرائیلێ ب مووشه‌كان فرۆكخانه‌یا شامێ یا ناڤده‌وله‌تی ئارمانج گرت، سووریه‌ ژی دبێژه‌ كو وێ هه‌ژماره‌ك ژ مووشه‌كان رووخاندنه‌.

روانگه‌ها سووری یا مافێن مرۆڤان به‌لاڤ كر, شه‌ڤا بووری ده‌مژمێر 22:00 هه‌ژماره‌ك ژ مووشه‌كان كو تێ پێشبینیكرن كو ژ ئیسرایلێ ئاڤێتبن ل نێزیكی فرۆكخانه‌یا شامێ یا ناڤده‌وله‌تی كه‌تنێ, د ئەنجامێ زیانێن مادی یێن مه‌زن بوون.

ژ ئالیێ خوه‌ ئاژانسا “سانا” ئا سووری یا فه‌رمی به‌لاڤ كر, ئیسرایلێ ئێریشی فرۆكخانه‌یا شامێ یا ناڤده‌وله‌تی كر، لێ سیسته‌مێن وێ یێن به‌ره‌ڤانیا ئەسمانی كارین هه‌ژماره‌ك ژ مووشه‌كێن ئیسرایلی ژناڤ ببن. رۆژا 4ێ ڤێ مه‌هێ ژی فرۆكه‌یێن شه‌ر یێن ئیسرایلێ ده‌ڤه‌را د ناڤبه‌را باژارۆكێ مسیاف و وادی یۆن یا پارێزگه‌ها حه‌مایێ و باژارێ بانیاسێ ل پارێزگه‌ها ته‌رتووسێ بۆمبه‌باران كرن, كو پێگه‌هێن هێزێن ئیرانی ل ده‌ڤه‌رێ هه‌نه‌.

ده‌مه‌كە فرۆكه‌یێن ئیسرایلی پێگه‌هێن له‌شكه‌ری ل سووریێ بۆمبه‌باران دكه‌ و دبێژه‌ ئەو ناڤه‌ندێن ئیرانی یێن ل سووریێ ئارمانج دكه‌. ئارتێشا ئیسرائیلی به‌ری چه‌ند رۆژان راگه‌هاند كو فرۆكه‌یێن وێ د ناڤا دو سالێن ده‌رباسبوویی ده‌، 200 جاری ئێریشی بنگه‌هێن ئیرانی ل ناڤ سووریێ كرنه‌.

نێچیرڤان بارزانی سەرۆک وەزیرێن ھەرێما کوردستانێ تەڤی “جۆن وێڵکس” باڵیۆزێ ‏بەریتانیا ل ئیراقێ و شاندا ‌پێرە جڤیا.

د ڤێ جڤینێ دە، داوی پێشھات و دانوستاندنێن ‏پێک ئانینا کابینەیا نوو یا حوکومەتا ئیراقێ گوتوبێژ کرن. د ڤێ دەربارێ دە شاندا ‏مێھڤان تەکەز لسەر پێویستیا رۆلا ھەرێما کوردستانێ د پێکئانین و ھەڤبەشی د بریارێن ‏حوکومەتا بێ و چارەسەرکرنا پرسگرێکێن ھەولێرێ و بەغدا ب رێیا دیالۆگێ رە کر و ‏دەست خوەشی ل دەستپێشخەریێن سەرۆک وەزیران نێچیرڤان بارزانی کرن.

شاندا مێھڤان ‏کەیفخوەشیا خوە، ژبۆ ئەنجامدانا ھەلبژارتنێن ھەرێمێ د دەمێ خوە یێ دیارکری دە ‏نیشان دا و ھیڤیا ب رێڤەچوونا ھەلبژارتنەکە سەرکەفتی ژبۆ ھەرێما کوردستانێ خوەست.

ژبال خوە ‌ڤە نێچیرڤان بارزانی ئاماژە ب گفتگویێن ھێزێن سیاسی یێن ھەرێما کوردستانێ ‏و ئیراقێ کرن. تەکەز ل سەر یەک دەنگی و یەک ریزیا فراکسیۆنێن کوردستانی و بھێزیا ‏پێگەیا ھەرێما کوردستانێ ل بەغدا کرن و بەشداری و رۆلا ئەرێنی یا ھەرێما کوردستانێ ‏د پەرلەمێنتۆیا حوکومەتا بێت یا ئیراقێ دە ژبۆ چارەسەرکرنا پرسگرێکێن ئیراقێ و یێن ‏ھەولێرێ و بەغدایێ ب گرنگ وەسف کرن. و کەیفخوەشیا خوە ژبۆ بەشداری کرنا پرانیا ‏ھێزێن سیاسی یێن ھەرێما کوردستانێ ژبۆ پەرلەمێنتۆیا کوردستانێ دیار کر و ئاماژە ب ‏دەستپیکرنا بانگەشەیا ھەلبژارتنێ کر، کو ھەتا نھا ب رەنگەکێ باش ب رێڤەدچە و ھیڤی ‏ژی خوەست کو پشتی ھەلبژارتنان حوکومەتەکە وەھا بێ پێک ئانین، ئەو پلانا ژبۆ ‏رێفراندۆما ھەرێمێ دانابو جیبجی بکەن.

گوتوبێژ کرنا رەوشا دەڤەرێ و د واری ئەولەھی ‏و سیاسی دە ئالیەکێ دن یێ ڤێ ھەڤدیتنێ بوو.‏

ئه‌ڤرۆ نيوز:

بالیۆزخانەیا ئیران ل بەغدایێ, دوبارە کونسولخانەیا وەلاتێ خوە ل باژارێ بەسرا یێ ‏باشوورێ ئیرقێ ڤەکر، کو بەری چەند رۆژان ژ ئالیێ خوەپێشاندەران ڤە ھاتبوو ‏شەوتاندن‎.‎‏

بالیۆزێ ئیرانێ ل ئیراقێ (ئیرەج مەسجدی), د دەما ڤەکرنا کونسولخانەیا ‏وەلاتێ خوە دە ل بەسرایێ گۆت:.ئێریشا ل سەر کونسولخانەیا مە باندۆرە ل پێوەندیێن د ‏ناڤبەرا ھەردو وەلاتان دە ناکە، ژ بەر کو دوژمنێن مە یێن ھەڤبەش ھەنە و دخوازن ‏پێوەندیێن مە تێک بدن، ئەم ناخوازن کونسولخانەیا مە، رۆژەکێ ژی، ژ پێشکێشکرنا ‏خزمەتکاریان راوەستە‏‎.‎

ئیرەج مەسجدی دیار کر، کو ئەو چوو ئالیەکی دەستنیشانکری ب ‏شەوتاندنا کونسولخانەیێ ئیرانی ل بەسرا تۆمەتبار ناکن، لێ ژ ئەرکێ بەرپرسێن ئیراقێ ‏یە ئەو کەسێن ئێریش کرنە دەستنیشان بکن, ئەوێن ئێریش کرنە چوو پێوەندیا وان ب ‏گەلێ ئیراقێ یێ دۆستێ ئیرانێ رە توونەیە‏‎.‎

مەسجدی زەلال کر, کو چوو پێوەندیا ئیرانێ ‏ب نەبوونا ئاڤێرە ل بەسرا تنە یە و گۆت: ناڤچە ب گشتی راستی کریزا زوھابوونێ ھاتیە ‏و ل ناڤچەیێن باشوورێ ئیرانێ ژی ھەمان کێشە ھەیە.

ژ ئالیێ خوە ڤە، پارێزگارێ بەسرا ‏‏(ئەسعەد ئیدانی) راگەھاند, کو ڤەکرنا کونسولخانەیا ئیرانێ ب ڤی ئاوایێ لەزگین، ‏نیشانا پێوەندیێن بھێز یێن د ناڤبەرا ئیراق و ئیرانێ دە یە.‏

وه‌زیرێ ده‌رڤه‌ یێ سووریێ وه‌لید موه‌لیم راگه‌هاند هه‌گه‌ر ده‌ستوه‌ردانێن ده‌رڤه‌ د ناڤ كارووبارێن سووریێ ده‌ بێن راوه‌ستاندن، ئەو ئاماده‌نه‌ ل گه‌ل دژبه‌ریێ گۆتووبێژان بكن.

وه‌لید موه‌لیم د هه‌ڤپه‌یڤینه‌كێ ده‌ ب رۆژنامه‌یه‌كه‌ رووسی ره‌ گۆت: پرسگرێكا مه‌ نه‌ ب دژبه‌ریا سووری ب خوه‌ ره‌یه‌، لێ ب ئالیان ره‌ یه‌, كو دژبه‌رێ برێڤه‌ دبن.

موه‌لیم دیار كر كو ل سووریا دژبه‌ریه‌كه‌ هه‌ڤگرتی تنه‌ یه‌ و هه‌ر كۆمه‌ك هه‌لوه‌ست و داخوازێن وێ ژ یێن كۆمه‌كه‌ دن جودا نه‌.ناڤهاتی ته‌كه‌ز كر, كو حكوومه‌تا سووریێ ئاماده‌ یه‌ ل گه‌ل دژبه‌ریێ دیالۆگێ بكه‌، لێ ب مه‌رجێ كو ده‌ستوه‌ردانێن ده‌رڤه‌ د ناڤ سووریێ ده‌ بێن راوه‌ستاندن.

ئه‌ڤرۆ نيوز:

ئه‌ڤرۆ جڤاتا نوونه‌رێن عيراقێ دێ د ده‌رباره‌يى داخوازيێن خوه‌نيشانده‌رێن به‌سرا دا كۆم بيت.

محه‌مه‌د عه‌لى زه‌ينى، سه‌رۆكێ ژيدارێ جڤاتا نوونه‌رێن عيراقێ راگه‌هاند ئه‌ڤرۆ رۆژا شه‌مبى رێكه‌فتى 8ى ئيلۆنا 2018ێ جڤاتا نووونه‌ران دێ ل دۆر ره‌وشا باژێرێ به‌سرا ب ئاماده‌بوونا حه‌يده‌ر عه‌بادى كۆم بيت.

ماوێ چار رۆژايه‌ خوه‌نيشاندانێن نه‌رازيبوونێ ل پارێزگه‌ها به‌سرا ب رێڤه‌ دچن و دوهى ژى ل به‌غدا پايته‌خت خوه‌نيشاندان بۆ پشته‌ڤانيا داخوازيێن خه‌لكێ به‌سرا هاتنه‌ ئه‌نجام دان.

ئه‌ڤرۆ نیوز، مه‌نار ئه‌كره‌م:

ب گورەیی ئامارەکا رێڤەبەریا کاروبارێن خوپاراستنا ساخلەمیێ ل مەھا بوری ٢٩ جھێن گشتی ھاتینە گرتن و 118 جھـ ھاتینە سزادان.

رێڤەبەریا کاروبارێن خوپاراستنا ساخلەمیێ دیارکر کو تیمێن پشکا چاڤدێری و سلامەتیا خوراکی ل مەھا (تەباخ 2018) سەرەدانا چەندین جھێن گشتی کریە ل سەرانسەری پارێزگەھا دھۆکێ و کارگەھەکا ئاھێن خوارنێ ژ بەر نەپێگری کرن ب رێنماێن ساخلەمیێ داخستیە و رەوانەی دادگەھێ کریە.

خویا ژی کر کو 118 جھێن گشتی ھاتینە سزادان ژ کارگەھـ و خوارنگەھـ و سەرتراشخانە و مارکێت و کازینۆ و کافێ و چایخانا پێک ھاتینە.

ژ ئالیەکێ دی ڤە ئاشکرا کر کو تیمێن وان د مەھا تەباخێ دا سەرەدانا پتری دو ھزار و 900 جھان کریە، ھوشداری دایە 446 جھان و 29 جھێن گشتی ھاتینە گرتن، ئەگەر ژی بۆ نەپێگریا وان ب رێنمایێن ساخلەمیێ ڤەگەراندیە، دیسان کارتێن ساخلەمیێ بۆ ھزار و 63 کرێکاران چێکرینە، ھەروەسا 676 دەستووریێن ساخلەمیێ ھاتینە نووکرن.

سەبارەت ژ ناڤبرنا کەرەستەیێن دەم ب سەرڤەچوویی ژی د ئامارا وان دا ھاتیە کو د مەھا بوری دا 25 تەنێن کەرەستێن خوارنێ و ڤەخوارنێ یێن روون و ھشک ھاتینە ژناڤبرن.

ئه‌ڤرۆ نيوز:

هن چاڤكانی یێن خۆجێهی یێن پارێزگه‌ها به‌سره‌ به‌لاڤكرن كو هێزێن ئه‌منی یێن عیراقێ ب گازا رۆندكڕێژ خوه‌پیشانده‌رێن نه‌ڕازی ل نێزی ئاڤاهی یا پارێزگه‌ها به‌سره‌ ب داوی ئانینه‌ و هن ژ خوه‌پیشانده‌ران ژی ده‌سته‌سه‌ر كرنه‌.

چاڤكانیان زه‌لال ژی كرنه‌ كو هێزێن سوات رۆژا دووشه‌میێ گه‌هشتنه‌ پارێزگه‌ها به‌سره‌ و ل نێزیكی ئاڤاهی یا پارێزگه‌هێ به‌لاڤ بوونه‌ داكو رێ ل خوه‌پیشاندانێن دن بگرن.

ده‌ربارێ خوه‌پیشاندانێن رۆژا یه‌كشه‌میێ ژی كازم سه‌هلانی په‌یڤدارێ ته‌ڤگه‌را به‌سره‌ راگه‌هاند، د خوه‌پیشاندانێ ده‌ هێزێن ئه‌منی ل پێشی یا ئاڤاهی یا پارێزگه‌ها به‌سره‌ بۆمبه‌یێن رۆندكڕێژ و گولله‌ ل دژی خوه‌پیشانده‌ران بكارئانینه‌ و هن ژ مالێن وه‌لاتی و نۆرینگه‌هێن پزیشكی زرار دیتنه‌.