ئه‌ڤرۆ نيوز:

ئەڤرۆ نیوز:‏

سەروکێ ئێکەتیا تەپا پێ یا ئوروپا راگەھاند ئەو دژی وێ ھزرێ یە کو ب ھەڤپشکی ژلایێ ئسپانیا و مەغرب ‏موندیالا 2030 بھێتە مێڤانکرن.‏

زێدەتر ئەلکسەندر سێفرین ھەلویستێ خوە ل دور ھزر و داخوازیا ھەردو وەلاتیێن ئسپانیا و مەغرب بو ‏مێڤانداریا موندیالا 2030 و زێدەتر بەرسڤ دانا پێشنیارا سەروک وەزیرێن ئسپانیا بیدرو سانشێز پێشکێشی ‏سەروک وەزیرێن مەغرب کری بو مێڤانداریا موندیالێ ب ھەڤپشکی ل گەل پرتوگال دیارکر کو ئەو ل گەل ڤێ ‏ھزرێ نینە و ب ھەموو شیانا دێ کەرکەت موندیال ژ کێشوەرەکی دەرنەکەڤیت.‏

وەلاتێ مەغرب یێ بزاڤێن مێڤانداریا موندیالا 2030 دکەت پشتی بادەکا ھەرسێ وەلاتێن ئەمریکا و کەنەدا ‏و مەکسیک شیاین مێڤانداریا موندیالا 2026 ب دەستڤە ببەن و بەریا نوکە ژی پێنج جاران داخوازیا ‏موندیالان کربوو لێ نەشیابوو سەرکەفتنێ بدەستڤە بینت.‏

بو مێڤانداریا موندیالا 2030 بادەکا ھەرسێ وەلاتیێن ئسپانیا، مەغرب و پرتوگال دێ ھەڤرکیەکا ب ھێز یا ‏بادەکا ھەرسێ وەلاتیێن ئوروگوای، ئەرژەنتین و پارگوای کەت.‏

ئەڤرۆ نیوز، نەوزاد ھلۆری:

ل سەرانسەرێ جیھانێ ئەڤرۆ روژا ئێکشەمبی رێکەفتی 11/11 روژا جیھانیان سێنگلایە ئانکو روژا جیھانیا سەلتایە، دڤێ روژێ دا بزاڤ دھێتەکرن کو دیاریەک بو سێنگلا بھێتەدان ب تایبەتی ژلایێ خێزانداران.

رۆژا جیھانیا سێنگلا ئێکەمجار دزڤریت بۆ چینیان و تا نوکە دیروکا وێ دیار نینە کا بو کیژان سالێ دزڤریت، بڤێ ھەلکەفتێ ژی ل چینێ و چەند وەلاتەکێن دی دبیتە بێھنڤەدانا فەرمی، ئەگەرا سەرەکی یا ھەلبژارتنا رۆژا 11/11 ژی دزڤریت بو وێ یەکێ کو ھژمار تاکە و سێنگل ژی ھژمارەکا تاکە و ھەردەم ب تنێ یە ئانکو کەسا بەرامبەر کو رەگەزێ مێ یە یان نێرە نینە.

درۆژا سێنگلان دا بزاڤ دھێتەکرن کو خودان بازار و خودان دەزگر و خێزاندار دیاریەکێ بو سێنگلان بکرن ب تایبەتی ب رێیا ئون لاین ، بڤێ یەکێ بازارێن ئون لاین زێدەتر دبیتە قەرەبالغ و دڤێ روژێ دا خەلک زێدەتر تشتان دکرن ب تایبەتی وان تشتان یێن کو وان بینیتە بەرچاڤ مینا جوانکاری ، ھندەک ژ خودان بازاران ژی داشکاندنێن زۆر بو سێنگلا دکەن.

ئه‌ڤرۆنيوز:

رێ وره‌سمێن راده‌ستكرنا ده‌ستهه‌لاتێ ل عيراقێ ئه‌ڤرۆ پێنجشه‌مبيێ هاتنه‌ ئه‌نجامدان وتێدا حه‌يده‌ر عه‌بادى سه‌رۆك وه‌زيرێن عيراقێ يێ به‌رێ ده‌ستهه‌لات راده‌ستى سه‌رۆك وه‌زيرێن نوو عادل عه‌بدولمه‌هدى كر.

ئه‌ڤرۆنيوز:

ده‌زگه‌هێن راگه‌هاندنێ يێن عيراقێ به‌لاڤكر، ب رازيبوونا وه‌زاره‌تا ساخله‌ميا عيراقى، جۆره‌كێ حه‌بكان هاتيه‌ به‌لاڤكرن كو دبيته‌ هۆكاره‌ك بۆ تووشبوونێ ب نه‌خوه‌شيا په‌نجه‌شێرێ.

مالپه‌رێ (بغداد نيوز) يێ عيراقى به‌لاڤكر” ل چه‌ند رۆژێن بۆرى تۆرێن جڤاكى وده‌زگه‌هێن راگه‌هاندنێ ل عيراقێ به‌حس ل به‌لاڤبوونا ده‌رمانه‌كى دكه‌ن كو ئه‌گه‌ره‌كێ مه‌زن يێ هه‌ى كو بكارئينانا وى مرۆڤى تووشى نه‌خوه‌شيا په‌نجه‌شێرێ بكه‌ت”.

ئه‌و ده‌رمانێ به‌حس لێ دهێته‌ كرن جۆره‌كێ حه‌بكايه‌ ب ناڤێ (DIOVAN).

وى مالپه‌رێ عيراقى دياركر كو ژلايێ وه‌زاره‌تا ساخله‌ميا عيراقى رازيبوونا ئينانا وى ده‌رمانى ژده‌رڤه‌ هاتيه‌ دان، هه‌رچه‌نده‌ كۆمپانيا ده‌رمانێن عيراقى هوشدارى ل دۆر بكارئينانا وى ده‌رمانى دايه‌ وداخواز كريه‌ ژده‌رمانخانان بهێته‌ كۆمكرن ورێگرى ل به‌لاڤكرنا وى بهێته‌ كرن.

ئه‌ڤ جۆره‌ ده‌رمانێ به‌حس لێ دهێته‌ كرن، بۆ فشارا خوينێ ورێكخستنا سوورا خوينێ وهنده‌ك نه‌خوه‌شيێن دلى دهێته‌ بكارئينان.

ئەڤرۆ نیوز ، زنار تۆڤی:

بریاره‌ سوبەهی شه‌مبیێ 20 ئۆكتۆبه‌رێ خولا شه‌شێ یا فلمە فێستیڤالا نێڤده‌وله‌تی یا دهۆكێ ده‌ست پێ بكەت و بۆ ماوێ حه‌فت رۆژان دێ یا به‌رده‌وام بیت.

ئه‌ڤ سالە ژ سەرجەمێ 600 فلمان یێن کو گه‌هشتینە ‌‌ ده‌ستێ لیژنێن فیستیڤالێ، 107 فلم ژ 50 وەلاتان هاتینە هه‌لبژارتن بۆ هه‌موو پشکێن هەڤبەرکێن فیستیڤالێ، د‌ چارچۆڤێ به‌رنامێن فیستیڤالێدا دێ 40 فلمێن كوردی و 67 فلمێن نێڤده‌وله‌تی دێ هێنە نیشاندان.

پێشتر رێڤەبەرا به‌رنامێن نێڤده‌ولە‌تی یێن فیستیڤالێ لیسا گول د‌ كۆنفرانسەکێ رۆژنامه‌ڤانیدا ئاماژە ب تایبه‌تمه‌ندیێن فیستیڤالێ كریە و گوتیە ئەڤ ساله فۆكس د فیستیڤالێدا‌ دێ ل ‌سه‌ر ژنان بیت و كار دێ له سه‌ر وان بابه‌تان هێتت‌ كرن یێن كو‌ پەیوە‌ندیدارن به ژنان ڤه، هەروەسا پێنج فیچه‌ر و دو فلمێن دكۆمێنتاری و پێنج كورته‌ فلمێن تایبه‌ت ب ژنان ڤە د فێستیڤالێدا دێ هێنە نیشاندان.

هەروەسا بریاره‌ سێ پەنەلێن تایبه‌ت ب سینه‌مایێ ڤە برێڤە بچیت، پەنەلێ ئێکێ ل سه‌ر به‌رپرسیاریەتا حوکمه‌تێ ل سەر به‌رهه‌مئینانا فلمانە و پەنەلێ دویێ ده‌رباره‌ی به‌رهه‌مئینانا فلمانە ل ‌گه‌ل پەنەلەکێ تایبه‌ت ب‌ ژنێ و سینه‌مایێ و سینه‌ما و ژنێ ڤەیە، هەروەسا فلمێ ڤەکرنا فیستیڤالا هۆکێ دێ فلمێ زاگرۆس یێ دەرهێنەرێ کورد سەهیم عومەر خەلیفەی بیت.