ئه‌ڤرۆ سپێدێ 25/1/2021 ل كوچكا پارێزگه‌هێ ب ئاماده‌بوونا د.على ته‌ته‌ر پارێزگارێ دهۆكێ وماجد سه‌ید صالح جێگرێ پارێزگارێ دهۆكێ ب وه‌كاله‌ت رێ ورسمه‌كێ رێزگرتنێ یێ تایبه‌ت بۆ هه‌ردو ده‌ڤه‌ردارێن خانه‌نشینبووین ( بوتان محسن )و(حسین خالد) هاته سازكرن.
پارێزگارێ دهۆكێ دپه‌یڤه‌كێدا گوت: بناڤێ حكومه‌تا هه‌رێمێ وكارگێریا پارێزگه‌هێ ده‌ستخوشى و پیرۆزباهى ل هه‌ر هه‌ردو ده‌ڤه‌ردارێن خانه‌نشیبووین كر كو ل ساڵێن ده‌ربازبوى وسه‌ره‌رایى هه‌بوونا چه‌ندین قه‌یرانا كاره‌كێ سه‌ركه‌فتى و خزمه‌ته‌كا گرنگ پێشكێشكریه وگوت: كار وخزمه‌تا هه‌وه ئه‌نجامداى جهێ رێزگرتن وسوپاسیێ یه وداخازا ژییه‌كێ درێژ وته‌ندورستییه‌كا باش بۆ هه‌ردو یان خواست.
پاش جودا جودا بوتان محسن وحسین خالد په‌یڤێن خو پێشكێشكرن وسوپاسیا حكومه‌تا هه‌رێمێ وپارێزگارێ دهۆكێ كر ل دور ئه‌و رێ ورسمێن رێزگرتنێ یێن بۆ وان هاتینه ئه‌نجامدان هه‌روه‌سا سوپاسیا وان هه‌موو لایه‌ن وستافێ كارى كر یێن كو ل سالێن خزمه‌تكرنێ هه‌ڤكارى دگه‌ل وان كرى و ته‌كه‌زكرن كو ئه‌و كار وخزمه‌تا وان ل سالێن ده‌ربازبوى ئه‌نجامداى ل دووڤ یاسا ورێنمایێن حكومه‌تا هه‌رێما كوردستانێ وپارێزگه‌ها دهۆكێ هاتینه پێشكێشكرن .
هه‌روه‌سا ئه‌ركه‌كێ مروڤایه‌تى و نیشتمانى بوو وداخازا لێبورینێ ژهاولاتیان كر كو هه‌كه نه‌شیابن هه‌موو داخازیێن وان یێن ره‌وا بجه بینن.
پاش خه‌لاتێن رێزلێنانێ ل سه‌ر هه‌ردوو ده‌ڤه‌ردارا هاتنه به‌ڵاڤكرن.
نيشاندان
