ئیسماعیل تاھر جانگیر رێڤەبەرێ پەرتوکخانا بەدرخانییان گۆت: مەرەم ژ ڤێ روینشتنێ ساخکرنا چل رۆژیا وەغەرا ھەڤالێ وان عسمەت محەمەد بوو، ل دەف وان گەلەک یا گرنگ بوو ئەڤ یادە بھێتە ساخکرن وەکو ئاماژەک بۆ وەفاداریا گیانێ ھەڤالێ نڤیسەر.

ناڤھاتی گۆت ژی: ئێک ژ ئارمانجێن دی یێن ڤێ روینشتنێ دیارکرنا رول و  پێگەھێ گرنگ یێ ھەلبەستڤان عسمەتی بوو د دیتن و دەربرینا ھەڤال و دۆستێن وی دا، ب خۆوشحالی ڤە پێنج ژ ھەڤالێن وی د ڤێ روینشتنێ دا ئامادە بوون و باس ل رولێ گرنگ وی خەبات خودێ ژێ رازی کر ، ئەڤ روینشتنە وەک بھا دانەک ب نڤیسەر و ھەلبەستڤانەکێ کو گەلەک خزمەتا ڤی باژێری کریە و کورێ باژێرێ دھوکێ بوویە.

عسمەت محەمەد کەسەکێ خزمەتکار بوو د بیاڤێن جودا یێن رەوشەنبیری دا، ھەر ژ سالا ١٩٥٣ تا دوماھیک ھەناسا خۆ، ژیێ خۆ تەرخانکربوو ژ پێخەمەت خزمەتکرنا نڤیسین و میدیا و ھەلبەستێ، جودا ژڤێ خزمەتەکا مەزن د خەباتێن کادری و پێشمەرگاتی و زیندانی بوونا سیاسی دا ھەبوویە.

دهۆك، له‌زگین جوقى:
رێڤه‌به‌رێ نه‌خۆشخانا هیڤى یا زارۆكان ل پارێزگه‌ها دهۆكێ دیاركركو :” رۆژا 2/2/2021ێ ل نه‌خۆشخانا هیڤی دهۆك یه‌كا چاره‌سه‌ریا هه‌لمێ بۆ تووشبوویێن ته‌نگه‌نه‌فه‌سێ هاته‌ ڤه‌كرن”.
د. نزار به‌كر یه‌حیا، رێڤه‌به‌رێ نه‌خۆشخانا هیڤى یا زارۆكان ل پارێزگه‌ها دهۆكێ ئاشكه‌را كر” ب پشته‌ڤانیا كۆمپانیه‌كا كه‌رتێ تایبه‌ت یه‌كا چاره‌سه‌ریا هه‌لمێ بۆ تووشبوویێن ته‌نگه‌نه‌فه‌سێ ل نه‌خۆشخانا هیڤى یا زارۆكان هاته‌ دروستكرن وئه‌ڤرۆ ب ئاماده‌بوونا د. ئه‌فراسیاب موسا یونس، رێڤه‌به‌رێ گشتى یێ ساخله‌میا پارێزگه‌ها دهۆكێ د رێ وره‌سمه‌كێ دا یه‌كا چاره‌سه‌ریا ته‌نگه‌نه‌فه‌سێ هاته‌ ڤه‌كرن دێ خزمه‌ته‌كا مه‌زن بۆ چاره‌سه‌ریا زارۆكان كه‌ت”.
ئه‌وژى راگه‌هاندكو:” یه‌كا چاره‌سه‌ریا ته‌نگه‌نه‌فه‌سێ ژ 10 كورسیكا پێك دهێت گه‌له‌ك رێك وپێك هاتیه‌ دروستكرن هه‌موو پێدڤیێن وان جۆداكرینه‌ دناڤ وێ یه‌كا هاتیه‌ دروستكرن ئه‌ڤه‌ دێ پتر خزمه‌تا نه‌خۆشان كه‌ت”.
د. نزار به‌كر، گۆت:” به‌رێ نوكه‌ چوو جهێن تایبه‌ت بۆ ژوورا ته‌نگه‌نه‌فه‌سى نه‌بوون لى نوكه‌ یه‌كه‌كا تایبه‌ت هاتیه‌ دروستكرن دێ وه‌رزى زڤستانێدا پتر خزمه‌تا نه‌خۆشان كه‌ت چونكو زڤستانێ دا پتر زارۆك پێدڤیى یه‌كا چاره‌سه‌ریا ته‌نگه‌ نه‌فه‌سى بن”.

ئەڤرۆ رۆژا دووشەمبی رێکەفتی ٢٠٢١/٢/١ د.عەلی تەتەر پارێزگارێ دهۆکێ پێشوازی ل شاندەکێ ئێکەتیا ئافرەتێن کوردستانێ ب سەرۆکاتیا “د.ڤیان سلێمان”سکرتێرا “ی.ئا.ک” کر.

درۆینشتنێ دا پشتی بخێرهاتنێ سکرتێرا “ی.ئا.ک”کوردستانێ دپەیڤەکێدا بەحسێ کاروبزاڤێن رێکخراوێ و بەرنامێ وان بۆ داهاتی و کاروچالاکیێن ئێکەتیا ئافرەتان و گرنگیا هەماهەنگیا کارکرنێ دگەل دام و دەزگەهێن حکومەتا هەرێما کوردستانێ بۆ پێشڤەبرنا رۆل و پێگەهێ ئافرەتێ کر.
پارێزگارێ دهۆکێ دیارکر: ئەم ل کارگێریا پارێزگەها دهۆکێ پشتەڤانین بو هەر کاروبزاڤەکێ خزمەتا پێشڤەبرن و هوشیاریا جڤاکی بکەت.

ھەولێر، قائید میرۆ

لایەنێن سیاسی پڕۆژە بۆ سیستەمێ لامەرکەزی بەرھەڤکرینە و بڕیارە کار بۆ بجھئینانا سیستەمێ لامەرکەزی بھێتەکرن ل ھەرێما کوردستانێ، سەرۆکێ فڕاکسیۆنا پارتی ل جڤاتا پارێزگەھا دھۆکێ ژی راگەھاند ، پارتی دگەل سیستەمێ لامەرکەزیا ئیداری و کارگێڕی یە ھەکە وەکی خوە بھێتە بجھئینان ھەروەسا دبێژیت، پارێزگەھا دھۆکێ دێ یا مفادار بیت ژ ڤی سیستەمی.

ھشیار فەریق، سەرۆکێ فڕاکسیۆنا پارتی دیموکراتی کوردستان ل جڤاتا پارێزگەھا دھۆکێ بۆ رۆژناما ئەڤرۆ گۆت” ئەم وەکی فڕاکسیۆنا پارتی ل جڤاتا پارێزگەھا دھۆکێ دگەل سیستەمێ لامەرکەزی نە، چونکە پارتی ژی دگەل سیستەمێ لا مەرکەزی یە ل ھەرێما کوردستانێ ئەوژی بۆ دابەزاندنا دەستھەلاتان ژبۆی پارێزگەھان، چونکە ھەکە دەستھەلات ب پارێزگا و یەکەیێن ئیداری بھێتەدان، بێگومان دێ وەلاتی زووتر شێت پەیاما خوە گەھینیت و ئاریشەیا خوە چارەسەر بکەت”.

ھشیاری زێدەتر گۆت” ئەم ب مەرجەکی ل گەل سیستەمێ لامەرکەزیا کارگێری و دارایی نە، کو ئەو سیستەمێ لا مەرکەزی وەکی خوە بھێتە چەسپاندن، نەکو ببیتە ئەگەرەک بۆ جوداکرنا ھەرێما کوردستانێ و چو زیان ژی بۆ پێگەھێ ھەرێما کوردستانێ نەبن، لەوڕا ژی د خۆلا دوویێ یا جڤاتا پارێزگەھێن ھەرێما کوردستانێ دا قانوونا ھژمار سێ یا جڤاتا پارێزگەھان یا سالا ٢٠٠٩ێ دەستپێکەک بوویە بۆ لامەرکەزیێ، ئەم ھەموو ببینە خودانێ ڤی پرۆژەی نەکو تنێ پارێزگەھەکێ ڤەگریت و ڤێ پارێزگەھێ ژ ھەرێما کوردستانێ ڤەقەتینیت، ھەکە پڕۆژێ لامەرکەزی ب شێوەیەکێ باش بکەڤیتە د بیاڤێ بجھئینانێ دا، چو گومان تێدانینە دێ ئێکسانیەکا جڤاکی ژی پەیدابیت”.

سەرۆکێ فڕاکسیۆنا پارتی ل جڤاتا پارێزگەھا دھۆکێ ئاماژەکر”ھەکە  پڕۆژێ سیستەمێ لامەرکەزی سەربگریت، پارێزگەھا دھۆکێ دێ مفادارترین پارێزگەھا ھەرێما کوردستانێ بیت،     ژ بەر کو ژ ھەموو لایەنان ڤە ئەم گەلەک د مەغدوورین، بەلێ ئەم دگەل بکارئینانا درووشمێن سیاسی و موزایەدێ نینین بۆ سیستەمێ لامەرکەزی، ئانکو ئەم دگەل لێدانا پێگەھێ ھەرێما کوردستانێ نینین بناڤێ چ سیستەم و پرۆژەیان، بەلکو ئەم دگەل نیەتەکا پاقژین بۆ زێدەتر خزمەتکرنا خەلکێ خوە”.

ھشیار فەریق دیارکر”پێدڤیە لیژنێن قانوونی ل جڤاتێن پارێزگەھان ل ھەرێما کوردستانێ و کەسێن شارەزا کار بۆ بەرھەڤکرنا پڕۆژە قانوونەکێ بکەن و کۆنفرانسەک بھێتە گرێدان، ھەتا ھەموو پشکداریێ بکەن و پڕۆژەیەکێ ئێکگرتی و سەردەمیانە بھێتە بەرھەڤکرن، پڕۆژە تنێ یێ سلێمانیێ نینە، ھەر ژدەستپێکا ڤێ خۆلا جڤاتێن پارێزگەھان داخواز ھاتیەکرن بۆ لامەرکەزیا ئیداری وەکی من ئاماژە ب وێ چەندێ کری ئەم وەکو پارێزگەھا دھۆکێ دێ ژ ھەموو پارێزگەھان مفادارتربین”.