وه‌زاره‌تا ساخله‌میێ شه‌ش توشبوویێن دی ب كورونایێ راگه‌هاندن

02/05/2020 11:21

666

ئه‌ڤرۆ نیوز:

ئه‌ڤرۆ وه‌زاره‌تا ساخله‌میا حكومه‌تا هه‌رێما كوردستانێ شه‌ش توشبوویێن دی ل پارێزگه‌ها هه‌ولێرێ ب ڤایرۆسێ كورونا كوڤید 19 راگه‌هاند كۆ پێنح زه‌لامن و ئافره‌ته‌ك.

د راگه‌هاندنا وه‌زاره‌تا ساخله‌میا حكومه‌تا هه‌رێما كوردستانێ دا هاتیه‌ به‌لاڤكر د به‌رده‌وامیا پشكنین و لیگه‌ریان و دووڤچوونا گۆمانلیكریان، ئه‌ڤرۆ شه‌ش توشبوویێن دی ب ڤایرۆسێ كورونا كوڤید19 ل پارێزگه‌ها هه‌ولێری هاتنه‌ ده‌ست نیشانكرن، پێنج زه‌لام و ئافره‌ته‌كن، ئاكنجیێن قه‌زا سورانن ل تاخێ برایه‌تی و 26 گولان و جومه‌لگه‌ها گه‌لاله‌ هه‌موو به‌ركه‌فتیێن توشبویێن به‌ری نوكه‌ نه‌.

ژماره‌یا توشبوویێن هه‌ریما كوردستانێ تا نوكه‌ 387 كه‌سن، 327 توشبوو ساخ بووینه‌ و 5 ژی مرینه‌ و ئه‌ڤێن ژی ژی هێشتا ل نه‌خوشخانه‌یێ نه‌ ل بن چاڤدێرێا نوژداری دانه‌.

لژنا بلندا كورونایێ راگه‌هاندنه‌ك ل سه‌ر ڤه‌كرنا ده‌رگه‌هێن مزگه‌فتان به‌لاڤكر

01/05/2020 10:31

2398

ئه‌ڤرۆ نیوز:

لژنا بلندنا به‌رهنگاربوونا كورونایێ راگه‌هاندنه‌ك به‌لاڤكر تیدا به‌حسا ڤه‌كرنا ده‌رگه‌هێن مزگه‌فتان كریه‌.

لگۆری راگه‌هاندنا لژنا بلند یا به‌رهنگاربوونا كورونایێ، تێدا هاتیه‌ كۆ مامۆستا و وه‌لاتیێن هێژا پشتی داخوازیێن زۆر بۆ ڤه‌كرنا ده‌رگه‌هێن مزگه‌فتێ ل هه‌یڤا ره‌مه‌زانێ پشتی دانوستاندنێ كۆ ئه‌ڤ بابه‌ته‌ دناڤبه‌را لژنا بلندا كورونایێ و وه‌زیرێ ناڤخو و ساخله‌میێ و ئه‌وقافێ پارێزگاران ب باشی نه‌هاتیه‌ دیتن ده‌رگه‌هێن مزگه‌فتان ل ئه‌ڤی ده‌می دا بهێنه‌ ڤه‌كرن.

د ئه‌وێ راگه‌هاندنا لژنا بلندا كورونایێ دا هاتیه‌ ژ به‌ر ئه‌وان ئه‌گه‌رێن پالده‌ر بوون ده‌رگه‌هێن مزگه‌فتان نه‌هێنه‌ ڤه‌كرن، كۆ چه‌ند حاله‌ته‌كێن نوو یێن ڤایرۆسێ كورونایێ ل باژێرێن هه‌رێمێ هاتینه‌ توماركرن، له‌ورا ناخوازن ئه‌گه‌رێ به‌ربه‌لاڤبوونا ڤایرۆسی ب كه‌ڤته‌ ستویێن مامۆستایین ئاینی و مزگه‌فتان، بۆ دروست نه‌بوونا جوداهیا پاراستنا كو ده‌نگیێ ده‌رنه‌كه‌تن ژ ته‌ڤایا رایێن زانایێن ئاینی جڤاتا بلندا فه‌توایێ بریار دێ هه‌موو مزگه‌فتان بخوڤه‌ دگریت.

ل دوماهیا راگه‌هاندنا لژنا بلندا به‌رهنگاربوونێ دا هاته‌یه‌ كۆ ئه‌ڤه‌ بابه‌ته‌كێ ساخله‌میی یه‌ و نابیت كه‌س ب كه‌ته‌ بابه‌ته‌كٍێ سیاسی، به‌رۆڤاژی خو جوداكرنێ و ده‌رچوون ژ بریارێن لژنا بلندا ده‌سته‌ جه‌معیا هه‌رێمێ دی بیته‌ جوداهی خوجوداكرنا سیاسی و جڤاكی، له‌ورا دخوازین ئارام بن تاكۆ 10/5 نڤێژ و تاعه‌تێن خۆ ل مالێن خودا بكه‌ن .

دەستگەهێ روانگە هاریکاری گەهاندنە کەمپا گەویلان

01/05/2020 00:18

113

ئەڤرۆنیوز، ڕەزوان ڕۆژبەیانی:

ئەڤرۆ دەستگەهێ روانگە ب هەڤکاری دگەل کۆمپانیەکێ هاریکاریێن خارنێ گەهاندنە سەرجەم ئاکنجێین کەمپا گەویلان ل قەزا بەردەڕەش، زەکەریا عەبدولکەریم محەمەد ژ ڕاگەهاندنا دەستگەهێ ڕوانگە یا ئوفیسا دهۆک بۆ ئەڤرۆنیوز خویاکر ئەڤرۆ رێکەفتێ پێنج شەمبی 30/4/3020 دەستگەهێ روانگە ب هەڤکاری دگەل کۆمپانیا پپسی ئەلحەیات رابوو ب دابینکرنا 2500کارتۆنێین کەره‌ستەیێن خارنێ ژبۆ سەرجەم ئاکنجێین کەمپا گەویلان ل سنوورێ قەزا بەردەڕەش گۆت ژی 2500خێزانێن پەنابەرێ رۆژئاڤا ل کەمپا گەویلان هاتینە ئاکنجیکرن دیار ژی کر ژبەر رەوشا نوکەو بارێ ئابووریی یێ حکومەتێ مە ب فەردیت کو هاریکاریا وان بکەین چونکو ئەوان ژی گەلەک پێدڤی ب وان هاریکاریان هەبوون.

چار ته‌قینێن تیرۆریستی نیڤا كاره‌با عیراقێ ژ ناڤبر

30/04/2020 22:14

264

ئه‌ڤرۆ نیوز:

وه‌زاره‌تا كاره‌با عیراقێ راگه‌هاند: ته‌ڤایا به‌رهه‌م ئینانا ووزه‌یا كاره‌بی ل شه‌ش پارێزگه‌هێن عیراقێ كۆ دبیته‌ سێ ئێكا وه‌لاتی ب ئه‌گه‌رێ چار ته‌قینین تیرۆریستی كۆ تاوه‌رین كاره‌بی ژناڤبرن.

وه‌زاره‌تا كاره‌بیا عیراقێ ئه‌و چه‌نده‌ ژی دیاركر ل شه‌شه‌ پارێزگه‌هێن عیراقێ دناڤا وێ دا ژی به‌غدا ب ئه‌گه‌رێ ئارمانجگرتنا تاوه‌رێن كاره‌بێ و ته‌قینانا وان ل دیاله‌ به‌رهه‌م ئینانا كاره‌بێ ژ ناڤچوو.

لگۆری به‌یاننامه‌یا وه‌زاره‌تا كاره‌بێ تاوه‌رێن هێلین 132 كه‌یڤی ل میقدادیه‌ و 400 كه‌یڤی ل رۆژهه‌لاتێ به‌غدا ب رێكا مینێن چاندی هاتنه‌ ته‌قاندن، بڤێ چه‌ندێ ته‌ڤایا كاره‌بێ ژ كاركه‌ڤت و ئه‌ڤه‌ژی تورا گشتی یا كاره‌بێ ئێك هزار و 500 میگاواتێن كاره‌بێ ژ ده‌ست دان.

ل 48 ده‌مژمێرین بوری چه‌كدارین ریكخراوا تیرۆریستی یا داعشێ چار تاوه‌رێن ڤه‌گۆهاستنا ووزه‌یا كاره‌بێ ل توخیبێ باژێرێ به‌عقوبه‌ ته‌قاندن.

به‌نكا ناڤه‌ندی كێمتر ژ رۆژێن چوی دۆلاری ل بازاری فروت

30/04/2020 12:53

101

ئه‌ڤرۆ نیوز:

به‌نكا ناڤه‌ندیا عیراقێ رێژا ئیخستنه‌ بازاری دۆلار بۆ 165 ملیۆن كێم كریه‌.

ئه‌ڤرۆ به‌نكاڤه‌ندیا عیراقێ 165 ملیۆن و 486 هزار و 216 دۆلار ئیخستنه‌ د بازاری دا، ئه‌و رێژا دۆلارێ دهی ژلایێ به‌نكا ناڤه‌ندی یا عیراقی ئیخستیه‌ دبازاری دا، كۆ 176 ملیۆن و 526 هزار دۆلار بوو.

به‌نكا ناڤه‌ندیا عیراقێ راگه‌هاند: ئه‌و پاره‌یێ ئه‌ڤرۆ ئیخستیه‌ بازاری دا، هه‌موو چوویه‌ ده‌رڤه‌ و چ پاره‌ نه‌هاتیه‌ دان ب عیراقیان.

ئه‌ڤرۆ بهایێ پترۆلێ بلند بوو

30/04/2020 10:52

1310

ئه‌ڤرۆ نیوز:

ئاژانسا رویته‌رز به‌لاڤكریه‌، بهایێ پترۆلێ ئه‌ڤرۆ رۆژا پێنج شه‌مبی 30/4/2020 بلند بوونه‌كا دی تووماركر، ب ئاوایه‌كی بهایێ به‌رمیلا بڕێنت بۆ 24.74 دۆلار ل بازارێن جیهانێ كرین و فروتن پێڤه‌ هاتیه‌كرن، هه‌ڤده‌م بهایێ پترۆلا خام یا ئه‌مریكی ژی ب 17.20 دۆلاران كرین و فروتن پێ هاتیه‌كرن.

ب ئه‌گه‌ری به‌لاڤ بوونا ڤایرۆسێ كورونایێ، پرانیا كارگه‌هـ و كه‌رتێن به‌رهه‌مهێنه‌ر هاتنه‌ گرتن و ژ كاركه‌ڤتن، له‌ورا خواست ل سه‌ر بهایێ بكار ئینانا پترۆلێ و كرینێ كێم بوو، ئه‌ڤه‌ ژی بوو ئه‌گه‌رێ داكه‌تنا بهایی پترۆلێ ل جیهانی و ئه‌و وه‌لاتێن پشت به‌ستنی ا سه‌ر به‌رهه‌مێ پترۆلێ دكه‌ن تووشی زیانه‌كا زۆرا مادی بوون.

ئه‌مریكا ڤه‌كۆلینێ ل سه‌ر سه‌رهلدانا كورونایی دكه‌ت

28/04/2020 13:13

133

ئه‌ڤرۆ نیوز:

سه‌رۆكێ ئه‌مریكا راگه‌هاند دێ ڤه‌كۆلینه‌كا رژد دكه‌ین و ژ چینێ نه‌ درازینه‌.

دونالد تره‌مپ سه‌رۆكێ ئه‌مریكا راگه‌هاند چین دشیا رێكێ ل ڤایرۆسێ كورونایی بگریت به‌ری ل هه‌می جیهانێ به‌لاڤ بیت، حكومه‌تا ئه‌مریكا دێ ڤه‌كۆلینه‌كا رژد ل سه‌ر ئه‌وێ چه‌ندێ كۆ ل ده‌ستپیكێ چ روودا و چه‌وا ده‌ستپێكر و ئه‌م نه‌رازینه‌ ژ چینێ.

سه‌رۆكێ ئه‌مریكا ئه‌و چه‌نده‌ ژی راگه‌هاند ئه‌م دوێ باوه‌ریێ داینه‌ ژی دشیان دابوو ڤایرۆس ل ژێده‌ری بهێته‌ راوه‌ستاندن، بله‌ز ژی بهێته‌ چاره‌كرن و نوكه‌ هه‌می جیهان بڤی ڤایرۆ ڤه‌ نه‌ دنالی.

غازی سروشتی فریاد ڕه‌سه‌كه‌ی بوودجه‌ی كوردستان

27/04/2020 13:24

564

ئه‌ڤرۆ نیۆز، عه‌زیز هه‌ورامی:

هه‌رێمی كوردستان له‌ ڕێگه‌ی غازی سروشتی ده‌توانێت ئه‌و كه‌میی بوودجه‌ییه‌ی پڕبكاته‌وه‌ به‌هۆی دابه‌زینی نرخی نه‌وت تووشی بووه‌ سه‌رۆكی ڕێكخراوی بواری نه‌وت و غاز باس له‌وه‌ده‌كات غاز كارتێكی گرنگی كورده‌ به‌رامبه‌ر به‌غدا.

وریا هەورامی، سەرۆكی ڕێكخراوی دۆر بۆ زانیاریی نەوت و غاز، به‌ ئه‌ڤرۆ نیۆزی ڕاگه‌یاند:” قه‌باره‌ی وه‌به‌رهێنان له‌ كه‌رتی غازی هه‌رێمی كوردستان نزیك بووه‌ته‌وه‌ له‌ ده‌ ملیار دۆلار، كوردستان له‌ سنووری پارێزگای هه‌ولێر دوو كێڵگه‌ی گرنگی غازی سروشتی هه‌یه‌ میران و بنه‌باوی هه‌یه‌ له‌لایه‌ن كۆمپانیای گنێڵ ئینێرجی سه‌رپه‌رشتی ده‌كرێت، له‌ سنووری پارێزگای سلێمانیش هه‌ردوو كێڵگه‌ی چه‌مچه‌ماڵ و خۆرمه‌ڵه‌ هه‌یه‌، بۆ زیاتر بۆ دابینكردنی غازی ناوخۆ به‌كاردێت، به‌ڵام هه‌ردوو كێڵگه‌ی میران و بنه‌باوی له‌ ده‌شتی هه‌ولێر زیاتر بۆ هه‌نارده‌كردنی بۆ بازاڕه‌كانی جیهان كاری له‌سه‌ركراوه‌ بڕیاربوو ئه‌مساڵ ده‌ست به‌هه‌نارده‌ی غازی سروشتی كوردستان بكرێت.

گوتیشی،هه‌رێمی كوردستان ده‌ستبكات به‌ هه‌نارده‌كردنی غازی سروشتی سه‌رچاوه‌یه‌كی داهاتی گرنگی ده‌بێت بۆ جێگره‌وه‌ی نه‌وت، ئێسته‌ جیهان به‌ره‌و سه‌ده‌ی غازی سروشتی ده‌ڕوات كوردستان به‌شێك ده‌بێت له‌ پڕكردنه‌وه‌ی غازی سروشتی بۆ وڵاتانی ناوچه‌كه‌ وه‌ك توركیا و عێراق وه‌ یه‌كێك ده‌بێت له‌و ناوچه‌یه‌ی ئه‌وروپا چاوی له‌سه‌ره‌ بۆ پڕكردنه‌وه‌ی كه‌می غازی و خواستی وڵاتانی ئه‌و روپی بۆ غازی سروشتی چاویان بڕیوه‌ته‌ له‌سه‌رغازی كوردستان‌.

به‌پێ زانیارییه‌كانی ئێمه‌ له‌لایه‌ن كۆمپانیایی گنێڵ ئینێرجی ،چه‌ند كۆمپانیایه‌كی تایبه‌تمه‌ند هێندراون بۆ ئه‌وه‌ی چاكسازی له‌ غازی سروشتی هه‌رێمی كوردستاندابكه‌ن و ئاماده‌ی بكه‌ن بۆ هه‌نارده‌كردن، به‌ قیاساتیی نێوده‌وڵه‌تی كۆمپانیاكان ده‌ستیان به‌كاره‌كانیان كردووه.

گرێبه‌ستی غازی سروشتی نێوان عێراق و ئێران كۆتایی هاتووه‌ ئه‌مریكا ده‌یه‌وێت پێوه‌ندی ئێران و عێراق ببڕێت له‌ ئاستی ناوخۆدا عێراق پێویستی غاز پڕبكاته‌وه‌ بۆ به‌رهه‌م هێنانی كاره‌با و غازی ماڵان ،عێراقیش ئێسته‌ تاكه‌سه‌رچاوه‌ی هه‌رێمی كوردستانه‌ ،بۆیه‌ غاز كارتێكی باش ده‌بێت به‌رامبه‌ر عێراق بۆ ڕه‌وانه‌ كردنی مووچه‌ و بوودجه‌ی كوردستان.

ئه‌ڤرۆ دێ شاندێ دانوستانكار و فراكسیونێن كورد ل جڤاتا نوونه‌رێن عیراقی كۆم بن

27/04/2020 09:41

ئه‌ڤرۆ نیوز:

بریاره‌ ئه‌ڤرۆ شاندێ دانوستانكارێ حكومه‌تا هه‌رێما كوردستانێ ل گه‌ل به‌غدا و سه‌رۆك فراكسیونێن كوردستانی ل جڤاتا نوونه‌رێن عیراقێ كۆم بن.

ڤیان سه‌بری سه‌رۆكا فراكسیونا پارتی ل جڤاتا نوونه‌رێن عیراقێ راگه‌هاند: ل جڤاتا وه‌زیرێن حكومه‌تا هه‌رێما كوردستانێ سه‌رۆك فراكسیونێن كوردستانی و شاندێ دانوستانكارێ حكومه‌تا هه‌رێمێ ل گه‌ل به‌غدا دێ كۆم بن، ئه‌ڤ كۆمبوونه‌ ژی بۆ دانوستاندنه‌ ل سه‌ر دوماهی كۆمبوونا شاندێ حكومه‌تێ ل گه‌ل عیراقێ بۆ چاره‌كرنا ئاریشه‌یێن ناڤبه‌را هه‌ولێرێ و به‌غدا، دێ دوماهی ده‌رئه‌نجام و لێك تێگه‌هشتنان ئیخنه‌ هه‌مبه‌ری فراكسیونان و هه‌ڤده‌م پێشنیار و تێبینێن وان ل سه‌ر لیك تێگه‌هشتنێ هێنه‌ وه‌رگرتنێ.

دهی شاندێ دانوستانكاری حكومه‌تا هه‌رێما كوردستانێ سه‌رۆك فراكسیونێن په‌رله‌مانێ كوردستاێ كۆمبوون ده‌ستخوشی ل حكومه‌تا هه‌رێما كوردستانێ بۆ بزاڤ و چالاكیێن د پێخه‌مه‌تا چاره‌كرنا گرفت و ئاسته‌نگان كرن.

ئه‌ڤرۆ شاندنێ هه‌رێمێ دێ ل گه‌ل په‌رله‌مانێ كوردستانێ كۆم بیت

26/04/2020 10:08

ئه‌ڤرۆ نیوز:

بریاره‌ ئه‌ڤرۆ ئه‌و شاندێ هه‌رێما كوردستانێ كۆ چه‌ند رۆژێن بوری سه‌ره‌دانا به‌غداكری، سه‌ره‌دانا په‌رله‌مانێ كوردستانێ بكه‌ت، ل گه‌ل سه‌رۆكایه‌تی و سه‌رۆكێن فرتاكسیونان كۆمبیت.

ئاوات شێخ جه‌ناب وه‌زیرێ داراییێ هه‌رێمێ و شاندێ هه‌ڤالبه‌ند كۆ چه‌ند رۆژه‌كێن بوری ل به‌غدا بوون و پرسا پترۆل و غازێ و بودجێ و كاره‌بێ ل گه‌ل لایه‌نێن په‌یوه‌ندیدارێن حكومه‌تا فیدرال ڤه‌ دانوستاندن ل سه‌ر كرین، دێ ئه‌ڤرۆ سه‌ره‌دانا په‌رله‌مانێ كوردستانێ كه‌ن و ل گه‌ل سه‌رۆكاتی و سه‌رۆكێن فراكسیونێن په‌رله‌مانێ كوردستانێ كۆم بن و بریار و ده‌رئه‌نجام و هیرده‌كاریێن ئه‌وێ سه‌ره‌دانێ بۆ په‌رله‌مانی روون بكه‌ن.

رۆژا 19/4/2020 ل سه‌ر داخوازیا حكومه‌تا عیراقێ شانده‌كێ هه‌رێما كوردستانێ كۆ پێك هاتبوون ژ وه‌زیرێ دارای و وه‌زیرێ پلاندانانێ و سه‌رۆكێ دیوان و سكرتێرێ جڤاتا وه‌زیران و وه‌زیرێ هه‌رێم بۆ كارۆبارێن په‌یوه‌ندێن هه‌رێم و به‌غدا سه‌ره‌دانا به‌غدا كر و سێ رۆژان چه‌ندین دیدار و دانوستاندن كرن ل سه‌ر پرسێن هه‌لاویستی یێن ناڤبه‌را هه‌رێم و به‌غدایێ دا.

نيشاندان 1...474849...121 زێده‌تر

لاپه‌ر 48 ژ 121