ئەڤرۆ نیوز:
یوسف محمەد حەسەن سەروکێ لژنا هەڤپشکا قائیمقامیا قەزا دهوکێ راگەهاند ژبۆ پاراستنا وەلاتیان ژ ڤایروسێ کۆرۆنایێ هژمارەکا بریار و رێنمایێن جۆدا بۆ کومەلگەهێن نۆشداری وکلینیکا هاتنە دان، ئەو رێنمایی ئەڤە نە:
. نابیت هژمارا نەخۆشان لناڤ هولا روونشتنا کومەلگەها نۆشداری پتر ژ(٥) کەسان بیت، پێدڤیە سکرتێرێ نۆشداری رێکخستنا دەمێ سەرەدانا نەخۆشان بکەت.
. دابینکرنا مادێ تافیلکرنا دەستان بۆ کەسێ سەرەدانا کومەلگەهـ و کلینیکێن نۆشداری دکەن.
. رۆژانە تافیلکەرێ دەستان ل سەر مێزا دەرمانخانان بهێتە دانان.
. پێدڤیە مێز و کورسیکێن زێدە ل هولێن کومەلگەها نۆشداری رۆژانە بهێنە تافیلکرن.
. راکرنا کورسیکێن زێدە ل مەمەرێن کومەلگەهێ.
. راکرنا مێز و کورسیکێن زێدە ل دەوروبەرێن کافتیریایێن کومەلگەهێ.
. دانانا پرسگەهێ ل بەر دەرگەهێن کومەلگەهێن نۆشداری، داکو خەلکێ زێدە و بێکار نەچنە دکومەلگەهێ ڤە.
. رەشاندنا کومەلگەهێن نۆشداری، حەفتیێ دو جاران.
. پێدڤیە رێنمایێن خۆپاراستنێ ژ ڤایروسێ کۆرۆنایێ ل کومەلگەهێن نۆشداری بهێنە هەلاویستن.
یوسف محمەد حەسەن ئاشکرا کر، ئەڤ رێنمایە ژلایێ لژنا هەڤپشکا قائیمقامیا قەزا دهوکێ ب هەڤکاریا رێڤەبەریا گشتی یا ساخلەمیا دهۆکێ و سەندیکا نۆشداران هاتنە دەرئێخستن، گوت دێ دووڤچوونا ڤان رێنمایان ل کومەلگەهێن نۆشداری هێتە کرن و بەروڤاژی یێ پێگریێ ب ڤان خالان نەکەت دێ هێتە سزادان.
نيشاندان
