ئه‌ڤرۆ نيوز:
سه‌رۆك مه‌سعود بارزانى ئه‌ڤرۆ ئێكشه‌مبى 1/9/2019 پێشوازى ل فوئاد مه‌عسووم سياسه‌تمه‌دارێ كورد و سه‌رۆكێ به‌رێ يێ عيراقێ كر.
د كۆمبوونه‌كێ دا، بير و را ل دۆر دووماهى پێشهاتێن سياسى ل سه‌ر ئاستێ عيراقێ و ده‌ڤه‌رێ هاتنه ئالوگۆركرن، هه‌روه‌سا به‌حسێ پرۆسا سياسى ل هه‌رێما كوردستانێ هاته كرن ودووپاتى ل پێدڤيا ته‌بايى و برايه‌تى و ئێكرێزيا لايه‌نێن كوردستانى هاته كرن.
ئەڤرۆ نیوز، عەلی حاجی :
مەلا سەعید عەبدولرەحمان، رێڤەبەرێ ئەوقاف و کاروبارێن ئایینی، د داخویانیەکێ دا بۆ ئەڤرۆ نیوز ئاشکەرا کر ژ بەر نەپێگریا گوتاربێژان ب رێنمایێن ئەوقافێ، سێ گوتار بێژ ب ئێکجاری ھاتنە دورخستن. دا زانین ژی کو د نوکە دا پێنچ مزگەفت دھێنە ئاڤا کرن.
مەلا سەعید عەبدولرەحمان زێدەتر گوت : ژبەر کو مە ھەژمارەکا رێنمایان ھەنە و ئەو رێنما ژلایێ وەزارەتا ئەوقاف و کاروبارێن ئاینی ھاتینە دەر کرن ، کو ژگرنگترین رێنمایان ژی نابیت گوتاربێژ تەشھیرێ بکەت یان ژی گوتارەکا توند پێشکێش بکەت ، زێدەباری وێ چەندێ ژی نابیت فەتوا ل سەر مینبەرێن مزگەڤتان بھێنە ددان،دئەڤ سالە دا و ھەتا نوکە ، ژبەر نەپێگریا سێ گوتاربێژان ب ڤان رێنمایان و پشتی چەندین ھوشداریان ھاتنە دوور خستن ژ کارێ گوتاربێژیێ ، بەلێ دو ژ وان کەسان نەئیمام بون و نە ب گرێبەست و نە ب دامەزراندن دگەل مە نەبون بتنێ وەکو خوەبەخش بون دگەل مەدا کار دکرن.
ناھاتی گوت ژی : ژبەر ھاتنا قەیرانا دارایی حکومەتا ھەرێمێ ھەمی پروژەیێن خوە راوەستاندن بون ، بەلێ نیچزیکی 36 مزگەڤتان ژلایێ خێرخوازان ڤە ھاتنە ئاڤا کرن ، پشتی وەرگرتنا رەزامەندیێ و دابینکرنا پارچە زەڤیەکێ ژلایێ باژێرڤانیا زاخۆ ڤە، دنوکە دا کار کرن ل سەر پێنچ مزگەڤتان ڤە دھێتە کرن ژلایێ خێرخوازێن دەڤەرا زاخۆڤە ، ئەو پێنچ مزگەڤتە ژی دێ ب شێوەیەکێ مودرن ھێنە ئاڤا کرن .
ئه‌ڤرۆ نيوز:
په‌يڤدارێ حوكمه‌تا هه‌رێما كوردستانێ ، جوتيار عادل ئه‌ڤرۆ شه‌مبيێ 31/8/2019 رۆهنكرنه‌ك به‌لاڤكر وتێدا دياركر كو هنده‌ك كه‌نالێن راگه‌هاندنێ يێن عيراقى به‌حسێ هه‌بوونا سه‌ربازگه‌هه‌كا ئيسرائيلى ل هه‌ولێرێ كريه كو ژه‌نه‌راله‌كا ژن ب رێڤه دبه‌ت.
د وێ رۆهنكرنێ دا هاتيه ژى” حوكمه‌تا هه‌رێما كوردستانێ ڤى ده‌نگوباسێ بێ بنه‌ما ره‌ت دكه‌ت و ب ديتنا مه ئه‌ڤه تنێ پرۆپاگنده‌كا سياسى يا بێ بهايه وئارمانج ژێ بۆرۆڤاژيكرنا راستيانه بۆ مفا و ده‌ستكه‌فتێن كه‌سايه‌تى”.
ئه‌ڤرۆ نيوز:
سه‌رۆك مه‌سعود بارزانى ئه‌ڤرۆ پێنجشه‌مبى 29/8/2019 پێشوازى ل ياسين ئه‌لياسرى وه‌زيرێ ناڤخوه‌يا عيراقێ كر.
د كۆمبوونه‌كێ دا ره‌وشا سياسى و دووماهى پێشهاتێن عيراقێ و ده‌ڤه‌رێ هاتنه به‌حسكرن، هه‌روه‌سا به‌حسێ وى سه‌قايێ ئه‌رێنى كو د په‌يوه‌ديێن
د ناڤبه‌را هه‌ولێرێ و به‌غدا هاتينه پێش وب ده‌ليڤه‌كا باش هاته زانين بۆ چاره‌سه‌ركرنا هه‌موو كێشان.
د پشكه‌كا دى يا كۆمبوونێ دا دووپاتى ل هه‌ماهه‌نگيێ د ناڤبه‌را هه‌ولێرێ و به‌غدا د دروستكرنا ئاسايش و سه‌قامگيريێ و روو ب رووبوون و ژ ناڤبرنا تيرۆرێ هاته كرن.
ئەڤرۆ نیوز، مەحمود نهێلی:
فرۆکەیێن تورکیا پشتی نیڤرۆیا ئەڤرۆ ۲۹/۸/۲۰۱۹ ب دژواری گوندێن دەڤەرا بەرێگارێ بوردومانکرینە ، زێدەباری زیانێن مالی یێن گەهشتینە رەز و باغێن وەلاتیان، وەلاتیەکی سڤیل ژی ب سڤکی بریندار بوویە.
کەسەکی بناڤێ سەگڤان شێرانەی بۆ ئەڤرۆ نیوز دیار کر، کو نوکە هەژمارەکا زۆرا هاولاتیان و خەلکی دەڤەرێ ل سەر گۆندانە ب مەرەما چاندنێ و تایبەت چنینا سماقێ و گۆت : ل گۆر ئاخفتنا وی خەلکی، ئەڤرۆ پشتی نیڤرۆ فرۆکەیێن تورکیا ب دژواری گوندێ شێرانە یێ سەر بناحیا دێرەلۆک ل قەزا ئامێدیێ بوردۆمانکرینە و ئاگر بەربوویە دەڤەرێ وزیانێن مادی گەهشتینە رەز و باغێن هاولاتیان.
هەروەسا ل گۆر ئاخفتنا شاهد حالەتان هاولاتیەکی سڤیل ژ ئەنجامێ وان بوردومانان ب سڤکی برینداربوویە.
ئه‌ڤرۆ نيوز:
ئه‌ڤرۆ ئێڤارى شانده‌كێ حوكمه‌تا عيراقێ ب سه‌رۆكايه‌تيا ياسين ئه‌لياسرى وه‌زيرێ ناڤخوه گه‌هشته فرۆكخانا نێڤده‌وله‌تى يا هه‌ولێرێ و ژ لايێ رێبه‌ر ئه‌حمه‌د وه‌زيرێ ناڤخوه ل هه‌رێما كوردستانێ پێشوازى لێ هاته كرن.
وه‌زیرێ ناڤخوه ل هه‌رێما كوردستانێ، رێبه‌ر ئه‌حمه‌د دوهى سێشه‌مبى 27/8/2019 راگه‌هاندبوو، سوباهى شانده‌كێ وه‌زاره‌تا ناڤخوه یا عیراقێ دێ سه‌ره‌دانا هه‌ولێرێ كه‌ت وهه‌ردو وه‌زاره‌ت دێ دانوستاندنێ ل دۆر كێشێن د ناڤبه‌را هه‌ولێرێ و به‌غدا كه‌ن.
ئه‌ڤرۆ نیوز:
لژنا دووڤچوونا بازارى ل قایمقامیا قه‌زا دهۆكێ ئه‌ڤرۆ سێشه‌مبى 27/8/2019 دووڤچوونا چه‌ندین سه‌مونخانا وماركێتا وخوارنگه‌هان ل سنورى ناحیا زاویته كر.
قایمقامیا قه‌زا دهۆكێ راگه‌هاند” د ڤێ سه‌ره‌دانێ دا خوارنگه‌ها (شاد) هاته سزادان ب گۆژمه‌كێ پاره‌ى ژبه‌ر نه‌پێگیریا وان ب رێنمایێن لژنا دووڤچوونێ، هه‌روه‌سا چه‌ندین كه‌ره‌ستێن ئێكسپایه‌ر ل ماركێتا هاتنه ده‌سته‌سه‌ركرن وهوشدارى ژى بۆ چه‌ندین جهان هاتنه دان.
ئه‌ڤرۆ نیوز:
وه‌زاره‌تا ئه‌وقاف وكاروبارێن ئایینى ل هه‌رێما كوردستانێ سنووره‌كى بۆ ده‌نگێ بلندگۆیێن مزگه‌فتان د دانیت، وه‌لاتیان ژى ئاگه‌هدار دكه‌ت هه‌ر مزگه‌فته‌كا بلندگۆیێ وێ ببیته ئه‌گه‌رێ بێزاركرنێ، ئاگه‌هداریا وه‌زاره‌تێ بكه‌ن.
نه‌به‌ز ئیسماعیل، په‌یڤدارێ وه‌زاره‌تا ئه‌وقاف وكاروبارێن ئایینى ل هه‌رێما كوردستانێ ل دۆر دیاركرنا ئاستێ ده‌نگێ بلندگۆیێ مزگه‌فتان راگه‌هاند” ئاستێ ده‌نگێ بلندگۆیێ مزگه‌فت وجهێن ئایینى ب سیسته‌م هاتیه رێكخستن ودیاركرن وهه‌موو مزگه‌فت یێن هاتینه ئاگه‌هداركرن كو پێدڤیه د پێگیر بن ونابیت ببنه ئه‌گه‌رێ بێزاركرنا وه‌لاتیان وده‌نگێ بلندگۆیان ژ وى ئاستى هاتیه دیاركرن یێ بلندتر بیت”.
گۆت ژى” هه‌ر وه‌لاتیه‌كێ، بلندبوونا ده‌نگێ بلندگۆیا مزگه‌فتان وى بێزار بكه‌ت، دشێت مه ئاگه‌هدار بكه‌ت بۆ وێ چه‌ندێ پێرابوونێن پێدڤی وه‌ربگرین”.
ئه‌ڤرۆ نيوز، نيوار محه‌مه‌د سه‌ليم:
سپێدەھیا ئەڤرۆ، بەرێز فەھیم عەبدولا، سەرۆکێ جڤاتا پارێزگەھا دھۆکێ پێشوازی ل بەرێز ئالان حەمە سەعید وەزیرێ پەروەردێ ل حوکمەتا ھەرێما کوردستانێ و شاندێ ل گەل دا کر.
د پەیڤەکێ دا، بەرێز فەھیم عەبدولا، سەرۆکێ جڤاتا پارێزگەھا دھۆکێ وێرای پیرۆزباھیکرنێ ل ناڤری د ئەرکێ وی یێ نوو دا و داخواز ژێ کر کو چارەکێ ل ئاریشێن قوتابخانێن سێ دەوامی بکەن و وێ ئاریشێ نەھێلن ژ بەر کارتێکرنا وێ یا خراب ل سەر سیستەمێ خواندنێ.
د لایەکێ دی یێ پەیڤا خوە دا تەکست ل سەر سیستەمێ خواندنێ کر و دا زانین کو گوھۆڕینا سیستەمێن پەروەردەیی نەیا ب ساناھی یە و دەم پێ دڤێت و ل کوردستانێ ھەر کەسێ بۆ وەزیر کارێ وی یێ ئێکێ یێ بوویە گوھۆڕینا سیستەمێ پەروەردی و گۆت: “ل دنیایێ ھەموویێ سیستەمێ پەروەردەیی ب زەحمەت دھێتە گوھۆڕین و کەسانێن شارەزا پێ دڤێن. گوھۆڕینا سیستەمێ پەروەردەی وەکو گوھۆڕینا دستووری یە”.
ھەردیسا سەرۆکێ جڤاتا پارێزگەھا دھۆکێ داخواز ژ وەزیرێ پەروەردێ کر کو چارەکێ بۆ میلاکی ببینن و وەکھەڤیەکێ پەیدا کەن.
ژ لایێ خوە ڤە، بەرێز ئالان حەمە سەعید وەزیرێ پەروەردێ سۆپاسیا سەرۆکێ جڤاتا پارێزگەھا دھۆکێ کر و دا زانین کو ژ بەر گرنگیا جڤاتێ و پەیوەندیا وێ ب ھەموو سێکتەرێن پارێزگەھێ ڤە ئەوان سەرەدانا وان کریە.
دا زانین ژی کو پەروەردە ژ بەر کو پشکەکە ژ ژیانا پتریا خەلکی، ب کەرتەکێ گەلەک گرنگ دھێتە دانان و یا بێ کێماسی ژی نینە. ئاشکەرا ژی کر کو دێ بزاڤێ کەن وان ئاریشان چارەکەن.
د پشکەکا دی یا ئاخفتنا خوە دا، ئیشارەت ب وێ چەندێ کر کو ھەتا نھا ل ھەرێما کوردستانێ قانوونەکا تایبەت ب پەروەردێ ڤە نینە، قانوونا وەزارەتا پەروەردێ یا ھەی، بەلێ ئەو بزاڤێ دکەن قانوونەکا سەردەمانە بۆ کەرتێ پەروەردێ ل ھەرێما کوردستانێ ب دارێژن و بەرھەڤ کەن.
دەربارەیی سیستەمێ پەروەردی ژی دا زانین کو ئەو بزاڤێ دکەن پشت بەستنێ ل سەر زمانێ کوردی و ناڤخۆ بکەن کو پێشتر خەلکەکی سیستەم بۆ پەروەردێ ددانا، د دەمەکی دا کو ژمارەکا زۆر یا کەسانێن شارەزا یێن ناڤخۆ یێن ھەین.
نيشاندان