ئەڤرۆ نیوز:

رێڤه‌به‌ریا كونترۆلكرنا كوالێتیا ده‌رمانان ل هه‌رێما كوردستانێ راگه‌هاند: هه‌موو ئه‌و ده‌رمانێن ل پشكنینان ده‌رچووین جهێ باوه‌ریێ نه‌ و وه‌لاتى دشێن پشتراست ب كاربینن.
رێڤه‌به‌ریا كونترۆلكرنا كوالێتیا ده‌رمانان ل هه‌رێما كوردستانێ د روونكرنه‌كێ دا به‌رسڤا كاروان گه‌زنه‌ى، ئه‌ندامێ په‌رله‌مانێ كوردستانێ دا و راگه‌هاند، گۆتنێن گه‌زنه‌یى ل دۆر كارێ وان دوورن ژ راستیێ و بێ به‌لگه‌ و بنه‌مانه‌، ئه‌و گۆتن ژى بێى دووڤچون و پسیاركرن لسه‌ر ده‌رمانان كرینه‌.
رێڤه‌به‌ریا كۆنترۆكرنا كوالێتیا ده‌رمانان ئاشكرا ژى كر، كاروان گه‌زنه‌یى چ په‌یوه‌ندى ب وێ پرسێ ڤه‌نینن و گۆت، ناڤهاتى پێشتر ژى هنده‌ك گۆتن ل هنده‌ك جهان به‌لاڤ كربوون و ئه‌و گۆتن هه‌موو دوور بوون ژ راستیێ.

گۆت ژى: ئه‌وان سه‌رۆكاتییا په‌رله‌مانێ كوردستانێ ب فه‌رمى ل سه‌ر وێ پرسێ ئاگه‌هداركریه‌ و داخوازه‌كا فه‌رمى ژى دایه‌ دادگه‌هێ بۆ پشتراستكرنا راستیان.

ئەڤرۆ نیوز، زنار تۆڤی:

ل سپێدەهیا ئه‌ڤرۆ ئێکشەمبی، 25/10/2020، (کاکە مەم فەخری سامی) یێ ناسیار ب كاكه‌ مه‌م بۆتانی، سه‌رۆكێ ئێكەتیا نڤیسه‌رێن كوردستانێ وەغەر كر، ئەڤرۆ پشتی نیڤرۆ د ل‌ گۆرستانا شێخ ئه‌حمه‌دی ل هه‌ولێرێ هێتە ڤەشارتن.

كاكه‌ مه‌م بۆتانی، ل‌ 10-1-1937 ل باژێرێ (کۆیە) ژ دایک بوویە، قۆناغێن خواندنا سه‌ره‌تایی ل‌ گوندی هه‌رته‌لی خۆشناوه‌تی و باژێرێ كۆیێ‌ و سلێمانیێ ته‌مام كرینه،‌ خواندنا دویێ ناڤنجی ل كه‌ركووكێ خواندیە، خواندنا بلند ژی ل‌ به‌غدا ته‌مام كریه‌.

كاكه‌مه‌م بۆتانی، ئێکەم چیرۆکا خوە ل سالا (1957) بەلاڤەکریە، ل سالا (1968) ب هاریکاریا هندەک ئەدیبێن کورد ل بەغدا، مژوولی دروستکرنا رێکخراوەکا ئەدەبی بوو، هەتا ل (10-2-1970) ب شێوەکێ فەرمی ئێکەتیا نڤیسەرێن کورد دامەزراند.
ل گەل چار ئەدیبێن گەنج بانگەوازیا (روانگە) بەلاڤکر، کو وەک رێبازەکا نوو یا ئەدەبێ کوردی دهێتە دیتن.

ل سالا (1971) دا ل گەل (30) ئەدیبان، دژی بیروباوەریا کەڤنەپەرست راوەستیان و پشگیریا سەربەستیا ژنان کر، بانگەوازیا (ئەی قەلەمێن نەترس ئێکبگرن ) بەلاڤکریه،
ل (1993) هەتا (2000) بۆ دەمێ حەفت سالان راوێژکارێ رووناکبیری بوو ل وەزارەتا رەوشەنبیری یا حوکمەتا هەرێما کوردستانێ.

ل سالا (2000) حوکمەتا (سوید) ئیقامە دا بوویێ، کاکەمەم سەرۆکێ ئێکەتیا نڤیسەرێن کورد و ئەندامێ ئێکەتیا ئەدیبێن سویدێ بوویە.