جڤاتا وەزیران دێ دەنگى ل سەر پرۆژه قانوونا‌ بودجێ سالا 2021 دەت

20/12/2020 17:52

ئەڤرۆ نیوز:

جڤاتا وەزیرێن عیراقێ دێ دەنگى ل سەر پرۆژە قانوونا بودجێ سالا 2021 دەت و پاشى دێ بۆ جڤاتا نوونەران ره‌وانە کەت.

دوهى جڤاتا وەزیرێن عیراقێ کۆمببوون، لێ نەشیان دەنگی ل سەر پڕۆژە قانوونا بودجێ سالا ٢٠٢١ بدەن، هه‌ر دوهى وه‌زیرێ دارایی عیراقێ گۆتبوو، هه‌رێم و به‌غدا گه‌هشتینه‌ رێككه‌فتنێ.

ئه‌ڤرۆ ئیكشه‌مبى، جڤاتا وەزیرێن ئیراقێ ب سەرۆکاتیا مستەفا کازمی، سەرۆک وەزیرێن ئیراقێ ب مەرەما گوتۆبێژ كرن و دەنگدانێ ل سەر پرۆژە قانوونا بودجێ سالا 2021 یێ عیراقێ و هنارتنا وی پرۆژەیی بۆ پەرلەمانی دێ کۆم بیت، دهێته‌ پێشبینى كرن، هه‌ر ئه‌ڤرۆ دەنگى ل سەر بدەت و پاشى بۆ جڤاتا نوونەران رەوانە بکەت.

كۆمپانیا دانه‌ غاز رێژا بەرهەمئینانا غازێ ل بیرێن كۆرمۆر زێدە كر

20/12/2020 17:49

ئەڤرۆ نیوز:

كۆمپانیا دانه‌ غاز یا ئیماراتی راگەهاندییە ل 15‌ ڤێ هەیڤێ‌ رێكوردەكا نوو ژ بۆ بەرهەمئینانا غازێ ل كێلگەها كۆرمۆر تۆمار كرییە و شیاینە رێژا بەرهەمئینانا رۆژانە بگەهینە 430 ملیۆن پێ یێن سێجا یێن غازێ.
لدووڤ راگەهاندنا وێ كۆمپانیێ بەری نوكه‌ رۆژانە 400 ملیۆن پیێن سێجا غاز بەرهەم دئینا و ب هه‌ڤبه‌ر كرن ل گەل سالا 2019، 8% یا وێ رێژێ زێدە كرییە.

هەروەسا دانه‌ غاز دەستپێكرنا كاركرنێ‌ ل بەرفرەهكرنا كێلگەكا نوو یا غازێ راگەهاندییە، ل هەیڤا ئادارا بوری ب ئەگەرێ كورۆنایێ كار راوەستاند بوو و دهاتە پیشبینی كرن ل دەستپێكا سالا 2023 غاز ل وێ كێلگەهێ ژی 250 ملیۆن پێن سێجا بهێتە بەرهەمئینان.
د. پارتریك ئالمان وارد، رێڤەبەرێ‌ جیبەجێكار یێ‌ كۆمپانیا دانه‌ غاز راگەهاندییە كارێ مە بەردەوامی هەیە د تۆماركرنا رێكوردا نوو دا، دیسان سوپاسیا حكومەتا هەرێما كوردستانێ دكەین كو زور پشتگیریا مە كرییه‌، ب تایبەتى پشتی كو رێك دایە مە داكو ل ژێر كونترولا دژوارا ساخلەمیێ دا دەست ب بەرفرەهبوونێ بكەین.

كێلگەیا كۆمۆر دكەڤیتە ناحیا قادر كەره‌م یا سەر ب قەزا چەمچەمال ڤه‌.

ڤیزە د ناڤبەرا عیراقێ و تورکیا دا نامینیت

19/12/2020 14:35

158

ئه‌ڤرۆ نیوز:

بالیۆزێ عیراقێ ل تورکیا دیار كریه‌: ل هەیڤا بهێت رێککەفتنا راکرنا ڤیزێ د ناڤبەرا عیراق و تورکیا دا دوبارە دێ کەڤیتە کاری.
حەسەن ئەلجەنابی، ئەڤرۆ ل سەر ئەکاونتێن خوه‌ ل تۆرێن جڤاکی راگەهاندیه‌: شاندی عیراقی ب سەرۆکاتیا مستەفا کازمی، سەرۆکوەزیرێ عیراقێ بابەتێ دوبارە کارپێکرنا رێککەفتنا سالا 2009 یا د ناڤبەرا بەغدا و ئەنقەرە دا و تایبەت پرسا راکرنا ڤیزێ ل گەل بەرپرسێن تورکیا گەهاندیە ئاستەکێ باش.

ناڤهاتى گۆتیه‌ ژى: شاندەکێ عیراقێ ل هەیڤا بهێت دێ دوبارە وێ پرسێ ل گەل بەرپرسێن تورکیا بەحس کەن و دبیت ڤیزە ل هەیڤا بهێت نەمینیت.
دهێته‌ زانین، سالانە نێزیكى ملیۆنەک و 300 هزار گەشتیارێن عیراقی سەرەدانا تورکیا دكه‌ن، هه‌روه‌سا د نوكه‌ دا نێزیکی 750 کۆمپانیێن تورکی ل عیراقێ کار دکەن و قەبارێ بازرگانیا د ناڤبەرا هەردو وەلاتان دا سالانە نێزیكى 20 ملیار دۆلارانە.

تورکیا چه‌ندین گوندێن سنورێ ناحیا باتیفا تۆپباران کرن

19/12/2020 14:03

ئه‌ڤرۆ نیوز، زنار تۆڤی:

ل شه‌ڤا بورى هه‌تا سسپێده‌هیا ئه‌ڤرۆ شه‌مبیێ، سۆپایێ تورکیا چه‌ندین گوندێن ناحیا باتیفا یێن سه‌ر ب قه‌زا زاخۆ ڤه‌ بۆمبه‌ باران کرینه‌.

دلشێر عه‌بدولستار، رێڤه‌به‌رێ ناحیا باتیفا بۆ ئه‌ڤرۆ نیوز دیار كر: ل شه‌ڤا بورى هه‌تا سپێده‌هیا ئه‌ڤرۆ، تۆپخانێن سۆپایێ توركیا ب بهانه‌یا هه‌بوونا گه‌ریلایێن په‌كه‌كێ چه‌ندین گوندێن سنۆرى ل ناحیا باتیفا تۆپباران كرینه‌ و هژماره‌كا تۆپان ب ده‌ردوورێن كۆمه‌لگه‌ها بێگۆڤا و ناحیا باتیفا داینه‌، لێ زیانێن گیانى دوان تۆپبارانكرنا دا نه‌بوون.
ناڤهاتى گۆت ژى : تۆپخانێن تورکیا جهێن په‌كه‌كێ ل گوندێن نزدورێ، رویسێ، شویدنێ، مەلا عەرەب، بەرانش، کەشانێ، خیزاڤا، بانکێ، منینێ، ئەڤلھێ تۆپباران کرینە و ڤێ چه‌ندێ ترس لده‌ف خه‌لكێ ده‌ڤه‌رێ په‌یدا كرییه‌.

دلشێرى گۆت ژى: ئه‌ڤه‌ جارا ئێكێ یه‌ سۆپایێ تورکیا گوندێ مەلا عەرەب تۆپباران دکەت، کو جهێ تۆپبارانێ چار کیلۆمەتران ژ سەنتەرێ باتیفا دوورە و هژمارەکا گۆلەیان نێزیکی سەنتەرێ باتیفا ژى کەفتیە.

ئه‌مریكا: سیسته‌مێ به‌رگریا رووسیا گەفە بۆ سه‌ر ئاسایشا ته‌كنه‌لۆژیا سه‌ربازێن مه‌

18/12/2020 10:15

ئەڤرۆ نیوز:

وه‌زیرێن ده‌رڤه‌ یێن ئه‌مریكا و توركیا پرسا سه‌پاندنا سزایان ل سه‌ر ئه‌نقه‌ره‌ ب ئەگەرێ كرینا سیسته‌مێ به‌رگریا رووسیا گوتوبێژ كرن و واشنتۆن دووپاتی ل هندێ کریه، كو ئه‌و سیسته‌م هێرشه‌ بۆ سه‌ر ئاسایشا ته‌كنه‌لوژیا سه‌ربازێن وه‌لاتێ وان.

وه‌زاره‌تا ده‌رڤه‌ یا ئه‌مریكا راگەهاندییە، مایك پۆمپیۆ وه‌زیرێ ده‌رڤه‌ ل گه‌ل مه‌ولود چاویشئۆغلۆی وه‌زیرێ ده‌رڤه‌ یێ توركیا ده‌رباره‌ی سیسته‌مێ ئێس-400 و سه‌پاندنا سزایان ل سه‌ر ئه‌نقه‌ره‌ ژ ئالیێ ئه‌مریكا ڤه‌ گوتوبێژ کرینه‌.

هەروەسا مایك پۆمپیۆی به‌حسێ وێ چەندێ كرییه‌، کو سیسته‌مێ ئێس-400، یێ کو نوکە توركیا دڤێت وه‌كو سیسته‌مێ به‌رگریا ئه‌سمانی ل هه‌موو ئاخا وه‌لاتێ خۆ جێگر بكه‌ت، گەفه‌ بۆ سه‌ر ئاسایشا ته‌كنه‌لوژیا سه‌ربازێن ئه‌مریكی، چونكه‌ رێكێ ب رووسیا دده‌ت بگه‌هیته‌ هێزێن توركیا و پێشه‌سازیا به‌رگریا وی وه‌لاتییه‌.

پۆمپیۆی گۆتیە ژی‌، ئارمانج ژ سەپاندنا سزایان ل سه‌ر توركیا، كێمكرنا رول و هه‌ژمونخوازیا رووسیایه‌، نه‌كو لێدانه‌ ل شیانێن سه‌ربازی یێن توركیا، ئەڤە د ده‌مه‌كێ دایه‌، کو ل رۆژا 14 ڤێ هەیڤێ، وه‌زاره‌تا گه‌نجینا ئه‌مریكا سزا ل سه‌ر سازییا پیشه‌سازیا به‌رگریا توركیا و ئیسماعیل ده‌میر سه‌رۆكێ وێ دا سه‌پاندینە.

ل هه‌مبه‌ر وێ چەندێ، وه‌زاره‌تا ده‌رڤه‌یا توركیا ڕاگه‌هاندیە، ئه‌و پێنگاڤا ئه‌مریكا یا شاشه‌ و دێ زیانێ گه‌هینیته‌ په‌یوه‌ندیێن مه‌، داخوازێ دكه‌ین ئه‌مریكا ژ وان پێنگاڤا په‌شیمان ببیت.

د رۆژەکێ دا ب كوژمێ ٢٧ ملیار دیناران زیان گه‌هشتنه‌ عیراقێ

16/12/2020 01:19

ئەڤرۆ نیوز:
جێگرێ سەرۆکێ لژنا دەستپاکیێ ل جڤاتا نوونه‌رێن ئیراقێ دیار كر: دوهى ژ ئه‌گه‌رێ فرۆشتنا دراڤى ب كۆژمێ ٢٧ ملیار دیناران زیان گه‌هشتینه‌ ئیراقێ.
خالد جەشعەمى، گۆت ژى: دوهى د بازارێ فرۆشتنا دینارى دا ل هه‌مبه‌رى دۆلارێ ئه‌مریكى، ب كوژمێ ٢٧ ملیار و ٦٠٠ ملیۆن دیناران زیان گه‌هشتنه‌ ئیراقێ.
دوهى بهایێ دۆلارى بلندبوونەکا بەرچاڤ د بازارێ ئیراقێ دا ب خۆڤە دیت و هەر ١٠٠ دۆلارێن ئەمریکى ب ١٣٠ هزار دیناران هاتە فرۆشتن.

ژڤانێ هەلبژارتنا سەرۆکه‌كێ نوو بۆ یانا بارسێلۆنا هاته‌ ئاشکرا کرن

16/12/2020 01:15

ئەڤرۆ نیوز:

یانا بارسێلۆنا یا ئسپانی ب فەرمی ژڤانێ هەلبژارتنا سەرۆکێ نوو بۆ وێ یانێ ئاشکرا کر و 10 کەسان بۆ وەرگرتنا وی پۆستی خوه‌ بەربژاركرییه‌.
مالپەرێ یانا كه‌ته‌لۆنى راگەهاندیه‌: هەلبژارتنێن دیارکرنا سەرۆکێ نوو دێ ل رۆژا 24 هەیڤا کانوونا دویێ و ل دەمژمێر نەهى سپێدێ هه‌تا نەهى شەڤێ هێنە کرن.
پشتی دەست ژ کارکێشانا سه‌رۆكێ وێ یانێ جۆزێف بارتۆمیۆى ل هەیڤا چریا ئێکێ یا ئەڤ سالە، هه‌تا نوکە یانا كه‌ته‌لۆنى یا بێ سەرۆکە و هەر ئێک ژ ڤیکتۆر فۆنت، خوان لاپۆرتا، سەرۆکێ پێشتر، جۆردی فاری، تۆنی فرێکسا، ئەگۆستی بینیدیتۆ، لویس فێرناندێز، ئیمیلی رۆساود، چاڤی ڤیلاوانا، جۆردی رۆچی و خوان رۆسێل بەربژارن بۆ وەرگرتنا وی پۆستی، هه‌روه‌سا هەر ئێک ژ ڤیکتۆر فۆنت، خوان لاپۆرتا بەربژارێن سەرەکی نە ژ بۆ وه‌رگرتنا سه‌رۆكاتیا وی یانێ.

جۆ بایدن ب فەرمی وەكو سەرۆکێ ئەمریکا هاتە هەلبژارتن

16/12/2020 01:12

ئەڤرۆ نیوز:

جۆ بایدن، بەربژارێ دیموکراتان، پرانیا دەنگێن جڤاتا هەلبژارتنێن ئەمریکا ب دەستڤه‌ئینان و ب فه‌رمى بۆ سه‌رۆكێ نوو یێ ئه‌مریكا.

بایدنى 306 دەنگ د جڤاتا هەلبژارتنان دا ب دەستڤه‌ئینان، ب ڤێ چه‌ندێ وى ده‌نگێن پێدڤى بۆ سەرۆکاتیا ئەمریکا ب دەستڤه‌ئیناینه‌.

د بەرامبەر دا دۆنالد ترەمپى، 232 دەنگێن جڤاتا هه‌لبژێری ب دەستڤه‌ ئینان. ب پەسه‌ندکرنا دەنگێن وێ جڤاتێ، جۆ بایدن دێ بیتە سه‌رۆكێ 46 یێ ویلایەتێن ئێکگرتى یێن ئەمریکا.

ل شه‌ڤا بورى پرۆسا دوبارە ڤاڤارتنا دەنگێن ویلایەتا کالیفۆرنیا ب دووماهی هاتن و ب وەرگرتنا 55 دەنگێن جڤاتا هەلبژارتنان یا وێ ویلایەتێ، جۆ بایدنى، بەربژارێ دیمۆکراتان ب 306 دەنگان و ب فەرمی وەکو سەرۆکێ نوو هاتە هەلبژارتن.
دەستەیا هەلبژارتنان یا کۆنگرێسێ ئەمریکا سەرکەفتنا بایدنی دوپات کر و بزاڤێن دۆنالد ترامپی یێن تۆمارکرنا سکالایێن سەختەکاریێ و گوهرینا ئەنجامێن هەلبژارتنان د بەرژەوەندیا وی دا سەرنەگرتن.

هەر شڤێدی جۆ بایدنى گۆتارەک پێشکێشکر و تێدا ب توندی هێرشی ترامپی کر و گۆت: ترامپ رێزێ ل ئیرادا گەلێ ئەمریکا و سەروەریا قانوون و دستووری ناگریت.

ڤێ حەفتیێ کازمی دێ سه‌ره‌دانا توركیا كه‌ت

13/12/2020 19:04

ئەڤرۆ نیوز:

سەرۆکوەزیرێ عیراقێ، ل دووماهیا ڤێ حەفتیێ دێ سەرەدانا وه‌لاتێ تورکیا کەت و بابه‌تێن پەترۆلێ و بەرهنگاریا تیرۆرێ دێ مژارێن سەرەکی یێن وێ سەرەدانێ بن، بەری سەرەدانا کازمی، فوئاد حسێن، وەزیرێ ده‌رڤه ‌یێ عیراقێ دێ چیتە تورکیا و دێ رێککەفتنێ ل سەر وان بابەتان کەت یێن دێ گوتۆبێژ ل سەر هێنە کرن.

حەسەن جەنابی، بالیۆزێ عیراقێ ل وه‌لاتێ تورکیا دیار كریه‌: ل پێنجشەمبیا بهێت دێ مسته‌فا كازمى سەرەدانا تورکیا کەت و د كڤانێ سەرەدانێ دا، دێ ل گەل رەجەب تەیب ئەردۆغانى، سەرۆککۆمارێ تورکیا کۆم بیت، هه‌روه‌سا ئه‌ڤه‌ ئێکەم سەرەدانا كازمییه‌ بۆ وه‌لاتێ تورکیا.

رۆنالدۆ بوویه‌ یاریزانێ ئێكێ یێ سه‌دێ 21 کو ئه‌ڤ ژماره‌یه‌ تۆمار كربیت

13/12/2020 18:57

ئەڤرۆ نیوز:

هه‌ر چه‌نده‌ رۆنالدۆى ریال مه‌درید بجهـ هێلایه‌، لێ نوكه‌ د بلندترین ئاست دایه‌ ل ‌گه‌ل یانا یوڤێنتۆس، پێگه‌هێ تراسنفێر ماركێت هژماره‌كا وى یاریزانى ل گه‌ل یانا ریال مه‌درید به‌لاڤكریه‌، كو هه‌تا نوكه‌ چ یاریزان نه‌شیاینه‌ تۆمار بكه‌ن.

پێگه‌هێ ترانسفێر ماركێت یێ تایبه‌ت ب ڤه‌گۆهاستن و بهایێ یاریزانان و ژمارێن‌ پیڤانه‌یى، د ڕاپۆرته‌كێدا به‌حس كریه‌ كو رۆنالدۆ ئێكه‌م یاریزانێ سه‌دێ 21 یه‌ شیایه‌ د كێمترین یاری دا 100 گۆلان تۆمار بكه‌ت، وى پێگه‌هى‌ ناڤێ وان 10 یاریزانان به‌لاڤه‌ كریه‌، كو د‌ كێمترین یاری دا شیاینه‌‌ 100 گۆلان ل ‌گه‌ل یانێن خوه‌ تۆمار بكه‌ن، رۆنالدۆیێ 35 سالى نوكه‌ ل گه‌ل یانا یۆڤێنتۆس یاریێ دكه‌ت و د‌ 99 یاریان دا شیایه‌ 77 گۆلان دا تۆمار بكه‌ت، به‌لێ پێشتر ل ‌گه‌ل ریال مه‌درید ب‌ 105 یاریان 100 گۆل تۆمار كرینه‌ و ل پلا ئیكێ یا وێ لیستێ دا‌ دهێت.

لیستا وان 10 یاریزانێن كو شیاینه‌ ب‌ كێمترین یاری 100 گۆلان تۆمار بكه‌ن.
. رۆنالدۆ ( ریال مه‌درید ) 100 گۆل د‌ 105 یاریان دا
. لویس سوارێز (بارسێلۆنا ) 100 گۆل د‌ 120 یاریان دا
. زلاتان ئیبراهیمۆڤیچ ( پاریس سانجێرمان ) 100 گۆل د 124 یاریان دا
. رود ڤان نسته‌رۆی ( مانچسته‌ر یونایتد ) 100 گۆل د‌ 131 یاریان دا
. ئیدینسۆن كاڤانی ( ناپۆلی ) 100 گۆل د‌ 135 یاریان دا
. رۆبێرت لیڤاندۆڤسكی ( بایرن موینشن ) 100 گۆل د‌ 136 یاریان دا
. كیلیان مباپێ (پاریس سانجێرمان ) 100 گۆل د ‌137 یاریان دا
. كریستیان ڤێری (ئینته‌ر میلان ) 100 گۆل د 138 یاریان دا
. چیرۆ ئیمۆبیلی ( لازیۆ ) 100 گۆل د‌ 147 یاریان دا
. ساموێل ئیتۆ ( بارسێلۆنا ) 100 گۆل د‌ 154 یاریان دا

نيشاندان 1...234...765 زێده‌تر

لاپه‌ر 3 ژ 765