ئەڤرۆ نیوز:
ئەحمەد موللا تەلال پەیڤدارێ سەرۆک وەزیرێن عیراقێ د توویتەکێ دا دیار کریە: جڤاتا وەزیران رازیبوویە ل سەر دامەزراندنا دەرچوویێن پشکا نۆشداری و بیاڤێن دی یێن ساخلەمیێ ل عیراقێ، دیسان گۆتیە ژی: ئەو دەرچوویێن پشکا نۆشداری و ساخلەمیێ، یاکو بریارا دامەزراندنێ بۆ هاتیە دان، داخوازا پەسەندکرنا قانوونا بوودجێ گشتی ژی بۆ هاتیە دان ن دێ دەست ب خزمەتکرنێ کەن.
ئه‌ڤرۆ نیوز:
وه‌زاره‌تا پلاندانانا عیراقێ پێشبینیێ دكه‌ت تا سالا 2025 ژماره‌یا ئاكنجیێن عیراقێ بگه‌هته زێده‌تری 47 ملیۆن كه‌سان.
عه‌بدلعه‌زیز هنداوی په‌یڤدارێ وه‌زاره‌تا پلاندانانا عیراقێ راگه‌هاند لگۆری لێنێرینا عیراقێ بۆ گه‌شه‌پێدانا به‌رده‌وام، تا سالا 2025 ژماره‌یا ئاكنجیێن وێ بگه‌هته 47 ملیۆن و 199 هزار كه‌سان، ره‌وشا خراپا ئاسایشا خوارنێ دیارترین ئالوزی نه، ب شیوه‌یه‌كی كارتێكرنا خوه ل سه‌ر ساخله‌میا گشتی هه‌یه، ب ئاوایه‌كی هه‌ر چار زارۆكێن بن ژیێ پێنج سالی دا ئێك ژ گه‌شه‌كرنێ دهێته راوه‌ستاندن.
په‌یڤدارێ وه‌زاره‌تا پلاندانانا عیراقێ ئه‌و چه‌نده ژی راگه‌هاند عیراق ئێكه ژ گه‌نجترین جڤاكێن جیهانێ و ژماره‌یا ئه‌وێن ژیێ وان ل بن 19 سالیێ 50% یا ئاكنجیان پێك دئینن، ئه‌ڤه ژ هه‌ر ده‌مه‌كێ دیتر فشاری زێده‌تر دكه‌ت ل سه‌ر ژێده‌رین ئابووری، ژوان ژی خوارن و ئاڤ و ژێرخانا خزمه‌تگۆزاری، دهێته پێشبینیكرن 5 بۆ 7 ملیۆن خواست ل سه‌ر كاری زێده بن، ئه‌ڤ ژماره‌یه ژی زۆر ژ وێ چه‌ندێ زێده‌تره هه‌كه هێزا كارێ تایبه‌ت ب ژنان لبه‌ر چاڤ بگرین.
ئه‌ڤرۆ نیوز:
په‌یڤدارێ فه‌رمی یێ حوكمه‌تا هه‌رێما كوردستانێ راگه‌هاند كۆمبوونا ئه‌ڤرۆ یا رۆژا 17/8/2020 یا جڤاتا وه‌زیرێن هه‌رێما كوردستانێ، دێ بۆ دانوستاندن و بریار دانا پێدڤی ده‌رباره‌ی موچه و ره‌وشا دارایی یا نوكه بیت.
د.جوتیار عادل په‌یڤدارێ فه‌رمی یێ حوكمه‌تا هه‌رێما كوردستانێ راگه‌ها جڤاتا وه‌زیرێن هه‌رێما كوردستانێ ئه‌ڤرۆ دێ كۆمبوونا خوه یا ئاسایی یا هه‌فتانه ئه‌نجام ده‌ت.
ناڤبری ئه‌و چه‌نده ژی دا زانین كۆ د كۆمبوونا ئه‌ڤرۆ دا ره‌وشا دارایی و موچه‌ی ل هه‌رێما كوردستانێ ئێخنه به‌ر دانوستاندنان، ب مه‌به‌ستا بریاردانا پێدڤی.
په‌یڤدارێ حوكمه‌تێ دیار كر ئه‌ڤرۆ ده‌مژمێر 10:30 سپێدێ ب سه‌رۆكاتیا مه‌سرور بارزانی سه‌رۆك وه‌زیرێ هه‌رێما كورستانی و پشكداریا جێگرێ سه‌رۆك وه‌زیرێ حوكمه‌تێ و ئه‌ندامێن كابینا حوكمه‌تێ برێڤه بچیت.
ئه‌ڤرۆ نیوز، بارزان مزوورى:
د رێوره‌سمه‌كێ دا ئه‌ڤرۆ ئیڤارى 16/8/2020 ب به‌شداریا فه‌رمانده‌یێن له‌شكه‌رى یێن سه‌نگه‌رێ تلسقوف چله‌یا فه‌رمانده”خدر حسێن “جێگرێ فه‌رمانده‌یا سپیلك یێن هێزێن پێشمه‌رگه‌ى ل سه‌نگه‌رێ تللسقوف هاتە گێران .
لیوا تارق هه‌رنى، فه‌رماندێ فه‌رمانده‌یا سپیلك بۆ ئه‌ڤرۆ نیوز گۆت: لیوا خدر ئێك ژ كه‌سێن قه‌هره‌مان بۆ د شه‌رێ به‌رگریا ئاخا كوردستانێ دا هه‌رده‌م ئێك ژوان كه‌سا بوویه كۆ به‌رده‌وام ل پێشیا شه‌رى بوویه تایبه‌ت د شه‌رێ تیرۆرستێن داعشدا دناڤ شه‌رى دا جاره‌كێ بریندار بوویه به‌لێ پشتى چاره‌سه‌ریا برینا وى دوباره ڤه‌گه‌ریایه سه‌ر ئه‌ركێ خو دناڤ پێشمه‌رگه‌ى دا،
ناڤهاتى خویاكر خودێ ژێ رازى به‌رى 40 رۆژان ب نه‌خوشیكا گران چوویه به‌ردلوڤانیا خودێ چه‌ندین جاران ژى ل سه‌ر راسپارده‌یا سه‌رۆك بارزانى بۆ ده‌رڤه‌ى وه‌لاتى ره‌وانه‌كریه بۆ چاره‌سه‌ریێ.
ناڤهاتى گۆت:دڤێ رێوره‌سمێ دا رێز ل خه‌باتا خودێ ژێ رازى هات گرتن وكه‌س و كارێن وى ژى سوزدا كو به‌رده‌وام بن ل سه‌ر رێبازا خودێ ژێ رازى.
ئەڤرۆ نیوز:
ئاژانسا هەوالگیریا وەزارەتا ناڤخۆ یا عیراقێ گرتنا شەش چەکدارێن داعشێ ل باشورێ رۆژئاڤایێ پارێزگەها کەرکوکێ راگەهاند.
هەروەسا دیار کریە: هێزێن وان د ئۆپەراسیۆنەکێ دا شەش چەکدارێن داعشێ ل سنورێ قەزا حەویجە ل باشورێ رۆژئاڤایێ کەرکوکێ دەستەسەرکرینە، د دەمێ دەستەسەرکرنا وان چەکداران دا ، برەکا مەزن یا تەقەمەنیان ژی هاتینە گرتن.
ئەڤرۆ نیوز:
وەزارەتا دەرڤە یا عیراقێ دیار کریە: ل هەموو دەروازێن سنۆری و فرۆکخانان ژی ئەو رێکێ نادەنە بەرپرسێن تورکی بهێنە عیراقێ، دیسان سەرەدانا وەزیرێ دەرڤە یێ تورکیا ژی بۆ عیراقێ هەلوەشاند.
ئەڤرۆ ئێکشەمبی 16.8.2020 ئەحمەد سەحاف پەیڤدارێ فەرمی یێ وەزارەتا دەرڤە یا عیراقێ راگەهاند: وەزارەتا دەرڤە دو جاران ل سەر ئێک بالیۆزێ تورکیا ل بەغدا گازیکریە و دو یاداشت ل سەر دەست درێژیێن تورکیا بۆ سەر سەروەریا عیراقێ داینێ، د وان یاداشتان دا داخواز ژ تورکیا کریە، کو تۆمەتبارێن دوژمنکاریێ ئاشکرا بکەت و لێپرسینێ ل گەل دا بکەت.
دیسان گۆتیە ژی: هەموو وەلاتان ل سەر هەردو ئاستێن عەرەبی و ئورۆپی ژی پشتەڤانیا خوە بۆ هەلویستێ عیراقێ نیشانداینە و پشتەڤانیێ ژی لێ دکەن.
ئەڤرۆ نیوز، زنار تۆڤی:
وەسا بریارە ل 20.8.2020 مستەفا كازمی سەرۆک وەزیرێن عیراقێ ل گەل شاندەکێ کو پێکدهێن ژ وەزیرێ بەرگریێ و وەزیرێ نەفتێ و كارەبێ و پلاندانێ و كۆچ و کۆچبەران و هژمارەکا شیرەتکاران سەرەدانا واشنتۆن بکەن، ل دەمژمێر ١ شەڤێ ب دەمێ بەغداد دێ برێکەڤن و ل دەمژمێر ٦ ئێڤارێ دێ گەهنە فرۆكخانا سەربازی یا ئەندروا ل نێزیك واشنتۆن و د مەراسیمەکێ سەربازی دا دێ پێشوازی ل كازمی و شاندێ ل گەل دا هێتە کرن.
د وێ سەرەدانێ دا دێ دانوستاندنێن ستراتیژی یێن عیراقێ و ئەمریكا ل بارەگایێ وەزارەتا دەرڤە یا ئەمریكا ب سەرۆكاتیا وەزیرێ دەرڤە یێ عیراقێ فوئاد حسێنی و وەزیرێ دەرڤە یێ ئەمریکا مایک پۆمپیۆی برێڤە چیت، پاشی ل دەمژمێر ٨ ب دەمێ بەغدا دێ ترەمپ و كازمی كۆم بن.
ئەڤرۆ نیوز ، زنار تۆڤی:
پرۆژەك ل سەرۆكاتیا جڤاتا وەزیرێن هەرێما کوردستانێ یە بۆ ئێكلا كرنا كێشا باغ و ڤلان و مەزرەعان، هەکە جڤاتا وەزیران بریار ل سەر دا، ژنوو دێ ئەو پرۆژە چیتە پەرلەمانێ کوردستانێ داکو دەنگدان ل سەر بهێتە دان و هەکە بریار ل سەر هاتەدان، دێ ئەو باغ و ڤلە ب قانوونەکێ هێنە رێکخستن و دێ كرێ ژی ژێ هێتە وەرگرتن.
حوسێن حەمە كەریم، پەیڤدارێ وەزارەتا چاندنێ بۆ ئەڤرۆ نیوز دیار کریە: وان پڕۆژەك پێشكێش کریە بۆ سەرۆكاتیا جڤاتا وەزیرێن ھەرێما كوردستانێ، بۆ وان زەڤیێن چاندنێ، یێن کو زێدەگاڤی ل سەر هاتینە کرن و كرینە باغ و ڤلە و مەزرەعە، چونكی چێنابیت ئەو بابەتە بمینیت و پێدڤی ب چارەسەركرنێ یە، ژبەرکو گەلەک زەڤیێن چاندنێ بۆ مەبەستێن دیتر بكار ھاتینە و پرانیا وان كرینە باغ و ئاڤاهی.
هەروەسا گۆتیە: حوکمەتا هەرێمێ دڤێت چارەسەریەکا قانوونی بۆ بابەتێ زێدەگاڤیا ل سەر زەڤیێن چاندنێ ب بینیت، هەروەسا كۆمەکا ئەرك و مافان دكەڤیتە سەر وان كەسێن زێدەگاڤی كرین، وەك مافێ دارایی و ژ وان ژی ھندەک رێكارێن قانوونی دێ بەرامبەر خودانێن وان هێنە وەرگرتن، دێ ب قانوونەکێ هێنە رێكخستن بۆ نوکە و ل داھاتی ژی، دیسان دێ هەیڤانە کرێ ژی ژێ هێتە وەرگرتن، بەلێ نوکە ئەڤ پرۆژە د دانوستاندنێ دایە ل سەرۆكاتیا جڤاتا وەزیران.
ئەڤرۆ نیوز:
د یاریەکا پری هەڤرکی دا، یانا لیۆن یا فرەنسی سەرکەفتنەکا مەزن ل سەر یانا مانچستەر ستی یا ئینگلیزی تۆمار کر.
د قارەمانیا چامیۆنزلیگا ئورۆپی دا، هەردو یانێن لیۆن و مانچستەر ستی گەهشتنە ئێک، یانا لیۆن شیا سەرکەفتنەکا گرنگ ل سەر یانا مانچستەر ستی تۆمار بکەت ب سێ گولان بەرامبەر گولەکێ و ب ڤی ئەنجامی یانا فرەنسی شیا خوە بگەهینیتە یاریا بەری دووماهیێ ژ قارەمانیا چامپیۆنزلیگێ و دێ یاریا خوە بەری دووماهیێ ل گەل یانا بایرن میۆنخ یا ئەلمانی ئەنجام دەت.
ئەڤرۆ نیوز:
سەرۆک وەزیرێن هەرێما کوردستانێ و عیراقێ پەیوەندیەکا تەلەفۆنی ئەنجامدا و ل سەر چەند پێنگاڤێن سەرەکی بەرەف چارەسەركرنا کێشان رێککەفتن و بریار هاتەدان لدووڤ دۆخێ دارایی یێ نوکە یێ عیراقێ، ل نزیکترین دەمدا 320 ملیار دیناران وەک بەشە مووچەک ژ بەغدا بۆ ھەرێما کوردستانێ ڤرێکەت.
ئەڤرۆ شەمبیێ 15-08-2020 د پەیوەندیەکا تەلەفۆنیدا، مەسرور بارزانی، سەرۆک وەزیرێن ھەرێما کوردستانێ و مستەفا کازمی، سەرۆک وەزیرێ عیراقێ کێشێن دناڤبەرا ھەولێرێ و بەغدا گوتۆبێژ کرینە.
نيشاندان