ئەڤرۆ نیوز:
رێڤەبەریا گشتی یا ساخلەمیا پارێزگەها دهۆکێ ڕاگەهاند: 43 تووشبوویێن دی یێن ڤایرۆسێ کۆرۆنایێ ل دهۆکێ کو د نەخۆشخانێدا بوون، پشتی هەموو پشکنین بۆ هاتینە کرن، دیاربوویە کو ب تەمامی چارەسەربووینە و ب سلامەتی ژ نەخۆشخانێ دەرکەفتن و چوونە د ناڤ کەسوکارێن خوە دا.
هەروەسا گۆتیە: ب ئه‌ڤێ چەندێ هژمارا چارەسەربوویان گەهشتە 621 کەسان و نوکە 904 نەخۆش ماینە د نەخۆشخانێ دا.
ئەڤرۆ نیوز، زنار تۆڤی:
رێڤەبەریا فیستەڤالا فلمێن نێڤدەولەتی یا سلێمانیێ راگەهاند، ب ئەگەرێ بەلاڤبوونا ڤایرۆسێ کۆرۆنایێ ل جیهانێ و هەرێما کوردستانێ، ئەڤ سالە گەرا پێنجێ یا فیستەڤالا سلێمانیێ برێڤە ناچیت.
هەروەسا گۆتیە: ئەم ئاگەهداریا هەموو هونه‌رمه‌ندان و هونه‌ر دۆستان‌و سینه‌ماكاران و ده‌زگەهێن راگەهاندنێ د‌كه‌ین، سەرەرای دووڤچوونا مە یا هوور، هه‌روه‌ك ب رێیا میدیایان دهێتە زانین، کو رێكخراوا ساخلەمیا جیهانی و پشکەکا زۆر ژ ڤەگۆلینێن ساخلەمیێ هۆشداری داینە و ئاماژه ب ئه‌گه‌رێ شه‌پۆلا نوو یا كۆرۆنایێ د‌كه‌ن د وه‌رزێن داهاتی دا، لەوما وه‌کو رێكخه‌رێن فیستەڤالێ دێ ئەڤ سالە چالاكیان راگرین.
دیسان دیار کریە: یا ئاشكرایه کو پشکەکا مەزن یا چالاكیا مە ئینانا فیلم و مێهڤانانە ل وەلاتێن جیهانێ، لەوما ئامادەکاریێن هوور و پلاندانان یا ب زەحمەتە د نوکە و وه‌كو پێدڤی ناهێتە ئه‌نجامدان، دیسان ئەم نەشێین د ئارام بین ژ رەوشا ساخلەمیێ و باش برێڤەچوونا چالاكیانە، دیسان گەلەک فیستەڤالێن جیهانی یێن تایبه‌ت ب سینه‌مایێ ڤە، ب هه‌مان ئەگەر روو ب روو ڤێ گرفتێ بووینه.
دیسان گۆتیە: ئەم دخوازین هەر زوو چاره‌سه‌ریا بنه‌ره‌تی بۆ ڤی ڤایرۆسی بهێته دیتن یێ کو روو ب روو مرۆڤایه‌تیێ بووی، ئەم ژی سۆزێ د ده‌ین ل سالا بهێت و د ژینگه‌هەکا ئاسایی دا و ب هێزەکا مەزن ڤە، دوباره سلێمانیێ بكه‌ینه ناڤه‌ندا گه‌رم یا بزاڤ و چالاكیێن فیستەڤالێ.
ئەڤرۆ نیوز:
ب ئەگەرێ پێشکەفتنا ژیانێ، ژن ژی ب هەمان شێوێ زەلامان مژوولی کارکرنێ نە ل دەرڤەی مال، ڤەکولینەکا ئەمریکی کار کرن و ساخلەمیا ژنان پێکڤە گرێدایە.
لدووڤ ڤەکولینەکا رێکخراوا دل یا ئەمریکی، کو ل سەر ٦٥ هزار ژنان هاتیە ئەنجامدان، شەش کار هەنە کو وان باندورەکا نەرێنی ل سەر ساخلەیا دلێ ژنان هەیە.
پشتى رێکخستنا هەر ئێک ژ فاکتەرێن وەکی تەمەن و بارێ ژیانێ و مالباتێ، دەرکەفتیە کو ئەو ژنێن کارمەندێن جڤاکی، ئەگەرێ توشبوونێ ب نەخۆشیێن دلی ٣٦% زێدەترە ب هەڤبەرکرن ل گەل ژنێن دیتر، دیسان ئەو ژنێن دەروونناس و هاریکارێن نۆشداران و پەرستار ژى وەک ئێکبوون، کو ئەگەرێ توشبوونێ ١٦% یە، ئەو ژنێن مژوولی کارێ خانووبەران ٢٤% یە، ئەو ژنێن هاریکارێن رێڤەبەران ژی ١١% یە.
ئەڤرۆ نیوز:
ددان پشکەکا گرنگن د لەشێ مرۆڤی دا، دڤێت مرۆڤ هەردەم ددانێن خوە بپارێزیت، داکو ساخلەم ب مینن.
بۆ پاراستنا ددانێن خوە پێدڤیە ئەم وان ڤەخوارنان کێم ڤەخوین یێن زیانێ دگەهیننە ددانان، دو جۆرێن ڤەخوارنان گەلەک زیانێ دگەهیننە ددانان، بتایبەتی هەکە ب شەڤ ڤەخوین، مالپەرێ Health is Wealth ئەڤ هەردو جۆرێن ڤەخوارنان دیار کرینە.
ڤەخوارنێن کحولی، گەلەک زیانێ دگەهیننە ددانان، دبیتە ئەگەرێ زوو ژ ناڤچوونا ددانان، بتایبەتی هەکە ب شەڤێ بەری نڤستنێ بهێنە ڤەخوارن.
ئەو ڤەخوارنێن کو رێژەکا زۆر یا کافاینێ تێدا، هۆکارن بۆ ژناڤچوونا ددانان، نابیت ب شەڤێ ڤەخون، دڤێت خوە دوور بگرین ژ ڤەخوارنا قەهوێ ب شەڤێ.
ئەڤرۆ نیوز:
مستەفا کازمی سه‌رۆك وه‌زیرێن عیراقێ و كۆمسیۆنا بلند یا هه‌لبژارتنان و فه‌رماندێن ئه‌منى ئاماده‌كاریێن هه‌لبژارتنێن پێشوه‌خت ل عراقێ گه‌نگه‌شه كرن، د وێ كۆمبوونێ دا مسته‌فا كازمى رژد بوونا حوکمه‌تا خوە نیشاندا بۆ ئەنچامدانا هه‌لبژارتنێن پێشوه‌خت ل شەشی هەیڤا شەش ل سالا 2021.
هەروەسا مستەفا كازمى داخواز ژ كۆمسیۆنێ كریە، کو هه‌موو بزاڤێن خوە بێخیته كار بۆ تەمامكرنا ئاماده‌كاریان ژ بۆ ئەنجامدانا هەلبژارتنان، دیسان حوکمه‌تا وی ب هه‌موو شیانێن خوە ڤه دێ بزاڤێ کەت، کو هه‌لبژارتن د ده‌مێ خوە دا بهێنه ئەنجامدان.
ئەڤرۆ نیوز، زنار تۆڤی:
قوتابی دەریا سلێمان عەلی، قوتابیە ل ئامادەیا بژارە ل پەروەردا رۆژهەلات ل پارێزگەها دهۆکێ، ئەڤ سالە ل ئەزموونێن ویزاری دا، بوویە ئێکەم ل سەر ئاستێ هەرێما کوردستانێ ل پشکا زانستی، دیسان رۆژانە وێ سۆشیال میدیا ژی بکارئینایە و سناپچات و ئینستیگرام ژی هەبووینە، بەلێ وێ ب رەنگەکێ سنۆدار بکارئیناینە و نەهێلایە کاریگەریێ بکەتە سەر خواندنا وێ، داخوازا وێ ئەو بوو ل پشکا نۆشداریا گشتی بهێتە وەرگرتن.
ناڤهاتیێ دیار کریە: وێ ل سەر دەمێ پەتایا کۆرۆنایێ و د قۆناغەکا هەستیاردا خواندیە، وێ بزاڤکرینە کو ب رەنگەکێ ئاسایی رۆژانە ژیانا خوە ب بورینیت و دیسان گرنگە د دەمێ خواندنێ دا مرۆڤ بێهنا خوە ڤەدەت، هەروەسا وێ تۆرێن جڤاکی ژی وەکو سناپچاتی و ئینستیگرام ژی هەبوو، بەلێ ڤێ چەندێ کاریگەری ل سەر خواندنا وێ نەبوو، چونکی ل دەمێ بهێنڤەدانێ بۆ دەمێ چەند خۆلەکان ب کار د ئینا، رۆژانە وێ بۆ دەمێ 7 بۆ 8 دەمژمێران دخواند، بەلێ ل دەمێ ئەزموونان بۆ دەمێ 17 دەمژمێران وێ دخواند.
ئەڤرۆ نیوز:
ل دەمژمێر 8:30 ئەڤ شەڤە، وه‌زاره‌تا په‌روه‌ردێ یا حوکمه‌تا هه‌رێما كوردستانێ، ئه‌نجامێن ئەزموونێن پۆلا دازدێ ئامادەیی راگەهاندن.
لیستا قوتابیێن ئێکێ یێن ل سەر ئاستێ هەرێما کوردستانێ ب ڤی رەنگینە:
1. ڤانیا شێركۆ حەسەن فه‌ره‌ج – هه‌له‌بجه – زانستی – سەرجەمێ گشتی یێ نمرەیان: 700 – رێژە: 100
2. له‌نیا فه‌لاح حه‌سه‌ن مه‌حمود – هه‌له‌بجه – زانستی – سەرجەمێ گشتی یێ نمرەیان: 700 – رێژە: 100
3. حه‌سه‌ن ئامانج بورهان محه‌مه‌د ره‌شید – هه‌ولێر – زانستی – سەرجەمێ گشتی یێ نمرەیان: 700 رێژە: 100
4. ده‌ریا سلێمان عه‌لی تاهر – دهۆك – زانستی – سەرجەمێ گشتی یێ نمرەیان: 700 – رێژە: 100
5. سارا به‌ردخان محه‌مه‌د عه‌بدوللا – هه‌ولێر – وێژه‌یی – سەرجەمێ گشتی یێ نمرەیان: 690 – رێژە: 98.57
6. ده‌رباز ئیسماعیل حسێن عه‌لی – سلێمانی – وێژه‌یی – سەرجەمێ گشتی یێ نمرەیان: 690 – رێژە: 98.57
7. مینا زاهر مسته‌فا خه‌لیل – سلێمانی – خواندنا ئیسلامی – سەرجەمێ گشتی یێ نمرەیان: 874 – رێژە: 97.11
8. حه‌سیبه جه‌مال عومه‌ر ره‌مه‌زان – هه‌ولێر – ئاماده‌یا پیشه‌یا چاندنێ- سەرجەمێ گشتی یێ نمرەیان: 827 – رێژە: 91.89
9. زه‌ینه‌ب عه‌بدولكه‌ریم ئه‌حمه‌د سه‌عید – سلێمانی – ئاماده‌یا پیشه‌یا گه‌شتوگوزارێ – سەرجەمێ گشتی یێ نمرەیان: 760 – رێژە: 95
10. میر ره‌حیم كه‌ریم حه‌مه سالح – سلێمانی- ئاماده‌یا پیشه‌سازی – سەرجەمێ گشتی یێ نمرەیان: 750 – رێژە: 93.75
11. له‌نجه هیدایه‌ت عه‌بدولره‌حمان عوسمان – سلێمانی – ئاماده‌یا بازرگانی – سەرجەمێ گشتی یێ نمرەیان: 629 – رێژە: 89.86.
ئه‌ڤرۆ نیۆز، عه‌زیز هه‌ورامی:
ئه‌مڕۆ له پاركی ئازادی سلێمانی گردبوونه‌وه‌یه‌ك سازدرا بۆ داواكردنی مووچه له حكوومه‌تی هه‌رێمی كوردستان، شاسوار عه‌بدولواحید سه‌رۆكی گروپی نه‌وه‌ی نوێ بۆ گوتاردان ڕۆشته پاركی ئازادی و له‌لایه‌ن خۆپێشانده‌ران ڕاوندرا.
ئۆژین محه‌ممه‌د یه‌كێك له گردبوانی پاركی ئازادی سلێمانی ، به ئه‌ڤرۆ نیۆزی ڕاگه‌یاند، ئێمه نامانه‌وێت كه‌س بێت و داوا و خواسته‌كانی ئێمه بكاته په‌یجه بۆ به‌دیهێنانی مه‌رامه‌كانی خۆی شاسوار عه‌بدولواحید، خۆی شادزه ئه‌مڕۆ له كاتێك له پاركی ئازادی كۆبوینه‌ته‌وه هاتووه هوتاف لێده‌دات بۆ ئه‌وه‌ی له پاڵ ئێمه به‌مه‌رامه‌كانی بگات.
محه‌ممه‌د زیاتر وتی، له كاتی قسه كردنی شاسوار عه‌بدولواحید فیكه و هه‌را له‌لایه‌ن به‌شداربووانه‌وه به‌رز بوویه‌وه ڕێگه‌یان نه‌دا قسه‌كانی ته‌واو بكات وه‌ده‌ر ندرا.
بۆ چه‌نده‌مین جاره له كاتی خۆپێشاندانی هاوڵاتییانی سلێمانی شاسوار عه‌بدولواحید سه‌رۆكی گروپی نه‌وه‌ی نوێ، وه‌ده‌رندرێت و ڕازی نابن له‌گه‌ڵیان به‌شداربێت و ده‌ڵێن، شاسوار خۆی پیاوێكی دز و ساخته‌چییه.
سارا باران كچه به‌شدارێكی خۆپێشاندانی ئه‌مڕۆی پاركی ئازادی سلێمانی ده‌ڵێ، ئێمه كوشته‌ی ئه‌م سیاسییه پۆپۆلیستانه‌ین بۆیه هه‌رگیز ڕێگه ناده‌ین سواری شه‌پۆلیی داواكارییه‌كانمانبن، شاسوار خۆی ده‌سه‌ڵاتی نییه له ڕێگه‌ی كۆمپانیاكه‌ییه‌وه سه‌دان ملیۆن دۆلاری هاوڵاتییانی خواردووه ده‌ی ئه‌گه‌ر له ده‌سه‌ڵاتبێت چی ده‌كات.
ئاماژه‌ی به‌وه‌كرد، شاسوار و هاوزمانه‌كانی ده‌یانه‌وێت له پاڵ ده‌نگی ناڕازی ئێمه بگه‌ن به خواسته‌كانی خۆیان بۆیه ئه‌مڕۆ خه‌ڵك وتی به‌شاسوار بوه‌سته و ده‌ریان كرد.ح
ئەڤرۆ نیوز:
وه‌زاره‌تا ساخله‌می و ژینگەها عیراقێ ئامارێن 24 ده‌مژمێرێن بورى یێن ڤایرۆسێ كۆرۆنا راگه‌هاندن و دیار کریە: سێ هزار و 441 كه‌سێن دى تووشى ڤایرۆسێ كۆرۆنا بووینه و 57 تووشبوویان ژى وەغەرکریە.
هەروەسا دو هزار و 493 كه‌س ژى چاره‌سه‌ر بووینه،
ب ڤێ چه‌ندێ ژى هژمارا گشتی یا تووشبوویێن ڤایرۆسێ كۆرۆنایێ ل عیراقێ گەهشتە 160 هزار و 346 كه‌سان، هه‌تا نوكه پێنج هزار و 588 كه‌سان وەغەرکریە، دیسان 114 هزار و 541 كه‌س ژى باشبووینه .
نيشاندان