ئەڤرۆ نیوز، زنار زوبێر:
ژێدەرەکێ نێزیک ژ یانا زاخۆ تایبەت بۆ مالپەرێ ئەڤرۆ نیوز ئاشکرا کر د بریارەکا نە چاڤەرێ کری دا راھێنەرێ تیما تەپا پێ یا زاخۆ یێ نوو عەلی ھادی شەش یاریکەر ژ پێکھاتیێ سەرەکی یێ تیمێ دورخستن ژ ئەگەرێن جودا کو دبیت ئەڤ بریارە دەنگڤەدانەکا بھێز ل جادا وەرزشی یا زاخۆ پەیدا بکەت.
ئەوی ژێدەرێ کو دھی ل راھێنانێن تیما تەپا پێ یا زاخۆ ئامادە ببو دیارکر کو ژ ئەگەرێن جودا ھەر شەش یاریکەران کاپتنێ تیمێ خالد مشیر و یاریکەرێ پیشەکارێ سووری عەلا شبلی و عەلی مەنسور حاتم عەلی، ئەحمەد حسێن و حەیدەر عیسا ژ تیمێ دورخستن.
ئەڤ بڕیارا راھێنەرێ تیمێ ھاتە پێش پشتی ھندەک ژ ڤان یاریکەران پێگیری ب دەمێ راھێنانێن تیمێ نەکری دیسان پەیدابونا چەندین کێشەیان ناف تیمێ دا، دەربارەی ڤێ بریارا راھێنەرێ تیمێ عەلی ھادی دەستەیا کارگێریا یانێ ژی ھاتیە ئاگەھدار کرن و جێگرێ سەروکێ یانێ حسێن سالح ل گەل یاریکەرێن دورخستە و راھێنەرێ تیمێ جودا کومبویە بۆ دیتنا چارەسەریەکێ.
ب ڤێ بڕیارێ دبیت کارتێکرنەکا مەزن ل ئاستێ یانا زاخۆ بیت ل یاریێن بھێت یێن خولا عیراقێ یا تەپا پێ بۆ یانێن نایاب.
راھێنەرێ زاخۆ شەش یاریکەر ژ یانێ دوورخستن
نيشاندان