ئەڤرۆ نیوز ٬ عەلی حاجی :
دداخویانیەکێ دا پەرلەمانتار هیڤیدار ئەحمەد بۆ ئەڤرۆ نیوز دیار کر پشتی دیفچوونەکا بەردەوام یا حکومەتاهەرێمێ و باژێرڤانیا زاخۆ و وەکو پەرلەمانتار بریارا زێدەکرنا کوژمێ پارەی بو دروستکرنا جادەیا ئیبراهیم خەلیل هاتیە دەرکرن و ددەمەکێ نێزیک دا دێ کار ل سەر هێتە کرن .
ناڤهاتی زێدەتر گوت : دسەرەدانەکا مە دا بو دەف  نێچیرڤان ئەحمەد سه‌رۆكێ ديوانا جڤاتا وه‌زيرێن هه‌رێمێ بومە دیار کر کوژمێ ۸ ملیار دیناران هەتا ۹ ملیار دیناران هاتیە خەرچ کرن بو دروستکرنا رێيا  ئیبراهیم خەلیل با و زاخۆ ژبەرکو جادەیەکا گرنگە و نێڤدەولەتی یە لەورا ددەمەکێ نێزیک دا دێ کار ل سەر دروست کرنا وێ جادەیێ هێتە کرن ؍ وەکو باژێرڤانیا زاخۆ دێ سەرپەرشتیا دروست کرنا وێ جاددەیێ کەت وهەر دیسان دێ ب ئامیرەێن بژێرڤانیا زاخۆ کار ل سەر دروست کرنا وێ جاددەیێ هێتە کرن ئەڤە ژی پشتی وێ چەندێ هات کو چەندین دیفچوون ل دور تێچوویێ وێ جاددەیێ هات بونە ئەنجام دان .
ل گورەی پێزانیان پێشتر ۲ ملیار دینار بو چێکرنا وێ جادەیێ هات بونە تەرخان کرن، بەلێ ل گورەی داخویانیا رێڤەبەرێ ناحیا رزگاری بو ئەڤرۆ نیوز دیارکر بو ئەو پارە یێ کێمە تێرا هندێ ناکەت ئەو جاددەیە ب وی کوژمەی بهێتە دروست کرن .

ئەڤرۆ نیوز ؍ عەلی حاجی :
ئەڤرۆ  چارشەمبێ  ۸/٥/۲۰۱۹ ب سەروکاتیا قایمقامێ زاخۆ بوتان محسن و سەروکێ باژێرڤانیا زاخۆ لژنەیەک هاتە پێکئینان ب مەرەما نەهێلانا زێدەگیان و دانانا بهایان ل سەر کەلوپەلان دناڤ بازارێ زاخۆ دا دهەیڤا رەمەزانێ دا و دئێکەم روژ دا سەرەدانا چەندین جهان کرن دناڤ بازاری دا .
بوتان محسن، قایمقامێ زاخۆ بۆ ئەڤرۆ نیوز ئاشکەراکر ئەڤ لژنە سالانە دمەها رەمەزانێ دا دهێتە پێکئینان کو هەمی لایەنێن شولەژێ دناڤ ڤێ لژنێ دا ئەندامن و ئەڤ لژنە دێ روژانە دناڤ بازارێن زاخۆ دا کارێ خوە کەت و ئەڤرۆ ل روژا چارشەمبێ وەکو لژنا دەست بکار بویی ژنێزیک ڤە مە سەرەدانا گەلەک جهان ل بازاری کر ب مەرەما زێدەگیان نەهێلین و بها ل سەر کەلوپەلان بهێنە دانان و جهێن شریناهیان ژی ل گورەی رێنمایان کاربکەن ؍ ئەڤ لژنە نەهاتیە دانان دئێکەم روژا خوە دا خەلکەکێ سزا بدەت بەلکو دئێکەم روژا دەرکەڤتنا ڤێ لژنێ بو ناڤ بازاری دا هایدارکرنا دوکانداران بو لەورا پشتی دهێنە هایدارکرن هەر دوکانەک ل گورەی رێنماێن مە کار نەکەت دێ هێتە سزادان ژلایێ لژنا دەست ب کار بویی ڤە ل باژێرێ زاخۆ ؍ ئەڤ لژنە دێ روژانە سەرەدانا ناڤ بازاری دا کەت هەر چەندە پێشتر لژنەیەک هەبو ئەڤ کارە ئەنجام دا بەلێ لژنا نوو هاتی پێکئینان دێ ب هووربینی كارێ خوە ئەنجام دەت .

ئەڤرۆ نیوز ٬ عەلی حاجی :
دکوومبونا ئەڤرۆ چارشه‌مبى 8/5/2019  یاجڤاتا پارێزگەها دهوکێ دا ب تێکرایا ئەندامێن جڤاتێ بریارا ناحیە کرنا کومەلگەها بێگوڤا هاتە پەسەند کرن و برێیا نڤیسارەکێ دێ بۆ حوكمه‌تا هەرێما کوردستانێ هێتە رەوانەکرن .
هشیار فەریق، سەروکێ فراکسیونا پارتی دئەنجومەنێ جڤاتا پارێزگەها دهوکێ بو ئەڤرۆنیوز ئاشکەرا کر پروژەیێ ب ناحیەکرنا کومەلگەها بێگوڤا پروژەیەکێ گرنگێ فراکسیونا پارتی بوویە، ژبەر ڤێ چەندێ من کار ل سەر ڤێ چەندێ کریە ‌٫ پشتی ب دووماهی هاتنا رێکارێن یاسایی ب تێکرایا دەنگێن ئەندامێن جڤاتا پارێزگەها دهوکێ ناحیە کرنا کومەلگەها بێگوڤا هاتە پەسەند کرن و ئەڤ چەندە ژی ب هاریکاریا هەموو ئەندامێن جڤاتێ هاتە ئەنجام دان؍هندەک کارێن کارگێریێن ماین و ل حەڤتیا داهاتی دا دێ برێیا نڤێسارەکێ بۆ وەزارەتا ناڤخوه‌ رەوانەکەین .
هشیارى ئەو چەندە گوت ژی : پشتی نڤێسار بۆ وەزارەتا ناڤخوه‌ دهێتە رەوانە کرن، دێ ب رێیا وێ وەزارەتێ ئەو نڤێسار بۆ جڤاتا وەزیران هێتە رەوانەکرن داکو رازیبوون ل سەر وێ بریارێ بهێتە دان و ب رژدی و بەردەوامی دێ دیفچوونێ ل سەر کەین هەتا کو ئەو بریار بکەڤیتە دبوارێ بجهئینانێ دا ؍ هەر چەندە ژبەری ده‌مه‌كى بریارا ناحیەکرنا ئاسیهێ و خانکێ هاتبوو پەسەندکرن، بەلێ ژبەر قەیرانا دارایی هەتا نوکە رازی بوون ژلایێ جڤاتا وەزیران ڤە بریار ل سەر نە هاتیە دان، بەلێ ئەڤە قەیرانا دارایی ب دووماهی هات و ئەز ل وێ باوەرێ مە ئەڤ چەندە دێ چیتە دبوارێ بجهئینانێ دا .