ئەڤرۆ نیوز:
بەری دەمەکێ هەلبژارتنا دەستەیا سەرۆکاتیا پەرلەمانێ کوردستانێ برێڤە چوو و ل گۆر رێککەفتنا کو بەری نها هاتبوو کرن پۆستێ جێگرێ دویێ یێ پەرلەمانێ کوردستانێ بۆ پێکهاتا تورکمان بوو و مونا قەهوەچی ب ٦٠ دەنگان وەکو جێگرا دویێ هاتە هەلبژارتن، پێکهاتێن تورکمان وەسا رێککەفتینە کو هەر دو سالان ئێک کەس ڤی پۆستی برێڤە ببەت و هەتا دو سالان دێ مونا قەهوەچی جێگرا دویێ یا سەرۆکێ پەرلەمانێ کوردستانێ بیت.
ئەڤرۆ نیوز:
هەلبژارتنا دەستەیا سەرۆکاتیا پەرلەمانێ کوردستانێ برێڤە چوو و بەری دەمەکێ هێمن هەورامی بەربژارێ پارتی دیموکراتی کوردستان شیا ٦٨ دەنگان بدەستڤە بینیت و بوو جێگرێ ئێکێ یێ سەرۆکێ پەرلەمانێ کوردستانێ.
هەروەسا بەربژارێ نەوەێ نوێ کاوە عەبدولقادر ژی ٨ دەنگ بدەستڤە ئینان و ب ڤی رەنگی هێمن هەورامی ب فەرمی بوو جێگرێ ئێکێ یێ سەرۆکێ پەرلەمانێ کوردستانێ.
ئەڤرۆ نیوز:
بەری دەمەکێ ڤالا فەرید بەربژارا پارتی دیموکراتی کوردستان ب ٦٤ دەنگان بوو سەرۆکا پەرلەمانێ کوردستانێ و هەتا ئێکەتی پشکداریێ د پەرلەمانی دا بکەت دێ ڤالا فەرید سەرۆکا پەرلەمانی بیت و پشتی پشکداریا فراکسیۆنا ئێکەتیێ دێ ڤالا فەرید دەست ژ کارێ خوە بەردەت و پۆستێ سەرۆکێ پەرلەمانی دێ بۆ ئێکەتیێ بیت، هەتا وی دەمی ڤالا فەرید دێ ب شێوەیەکێ بەروەخت سەرۆکا پەرلەمانی بیت.
هەروەسا سپیان سالم بەربژارێ نەوەێ نوێ بۆ سەرۆکێ پەرلەمانێ کوردستانێ ژی ٨ دەنگ بدەستڤە ئینان.
ئەڤرۆ نیوز ، عەلی حاجی:
ل گورەی ئامارەکا رێڤەبەریا رێڤەبەریا بەرەڤانیا باژێرێ زاخۆ ، ل ماوێ دو ھەیڤ و نیڤێن بوری یێن ٢٠١٩ دا ١٢ روودانێن ئاگر بەربوونێ ل زاخۆ دروست بوینە و پرانیا وان روودانا ژی بۆ ئەگەرێ شورتێ کارەبێ ڤەگەراند.
ل دور ڤێ چەندێ رائید بێوار عەبدولعەزیز ژ راگەھاندنا بەرەڤانیا پارێزگەھا دھوکێ بۆ ئەڤرۆ نیوز گۆت: ھەر ژ دەست پێکا سەرێ سالا ٢٠١٩ ھەتا ١٥ی ھەیڤا شوباتێ ١٢ روودانێن ئاگر بەربوونێ روویدانە ل زاخۆ ، پرانیا وان روودانا ژی ل ھەیڤا ١ یا ئەڤ سالەدا ھاتینە تومار کرن و پرانیا وان ژی ژئەگەرێ شورتێ کارەبێ بویە ، ھەر دیسان ل ماوەیێ ١٥ روژێن ھەیڤا شوباتێ ژی تنێ ٥ روودانێن ئاگر بەربوونێ دروست بوینە.
ناڤھاتی ئەو چەندە ژی گۆت: ب خوەشبەختانە د ھەمی روودانێن ھاتینە تومارکرن چو روودانێن بریندار یان مرنێ نەھاتینە تومارکرن.
ئەڤرۆ نیوز، بارزان مزووری:
د رێورەسمەکێ دا ئەڤرۆ سپێدێ رێکەفتی ١٨ی شوباتێ ٢٠١٩ی ب بەشداریا “سەردار یەحیی عەبدولعەزیز”قائیمقامێ قەزا شێخان “مەحمود ئێزدی “بەرپرسێ لقا ٢٠ شێخان یا پارتی دیموکراتی کوردستان و رێڤەبەرێن دامو دەزگەھێن میری و حیزبی و لایەنگرێن ھەردو رێکخراوێن ئێکەتیا قوتابیان و لاوان چەندین ئەڤ یادە ب چەندین چالاکیێن جوراوجور ھاتە ساخکرن ل بارەگایێن ھەر دو رێکخراوێن جێمک و خواندگەهێن سەر ب پەروەردا شێخان ڤە، دیسان چەندین ستران و ھەلبەست و شانوگەری ژلایێ ئامادەیا ھەژەند یا کچان ھات بوونە بەرھەڤکرن ھاتنە ئەنجام دان دووماھیێ ئەو کەسێن ھەردەم پشتەڤان و ھاریکار بووینە دگەل ھەر دو رێکخراوا خەلاتێ رێزلێنانێ پێشکێشی وان ھات کرن.
ئەڤرو نیوز، ئێقبال عومەر:
ب ھەلکەفتا سال روژا دامەزراندنا ئێکەتیێن قوتابی و لاوێن دیموکراتا کوردستانێ ئەڤرو ١٨/٢/٢٠١٩ چەندین چالاکیێن جودا جودا ل سنورێ قەزا ئامێدیێ ھاتنە ئەنجام دان.
ئەڤرو ل ناحیا شێلادزێ یا سەر ب قەزا ئامێدیێ ڤە ب بەرھەڤبوونا بەرپرسێن ئیکەتیا قوتابی و لاوان و بەرپرسێن حزبی و حوکمی یێن دەڤەرێ چەندین قوتابی ھاتنە خەلاتکرن ب ھەلکەفتا سال روژا دامەزراندنا ئێکەتیێن قوتابی و لاوێن دیموکراتا کوردتانێ و ھەروەسا ئاھەنگەک بۆ قوتابیان ھاتە سازکرن تێدا چالاکیێن جورا و جور ھاتنە ئەنجام دان.
نيشاندان