ئەڤرۆ نیوز:
بریارە ئەڤ شەڤە یانا مانچێستەر یوناید ل دەمژمێر ١٠:٠٠ شەڤ ل دیڤ دەمێ کوردستانێ مێڤانداریا یانا بەرشەلۆنا بکەت ژ چارچوڤێ یاریێن قوناغا ھەشتێ ژ قارەمانیا چامپیونیز لیگا ئورۆپا .
بۆ ڤێ یاریێ راھێنەرێ یانا مانچێستەر یوناید سولشایر بەری یاریێ دیارکر بوو یاریا ئەڤ شەڤە ئەو پێدڤی ب بارودوخەکێ تایبەت و یاریەکا چیاواز ژ یاریێن خولێ و یاریێن بوری یێن قارەمانیا چامپیونیز لیگ بکەن ژبەرکو ئەو دێ یاریێ بەرامبەر ئێک ب ھێزترین یانێن جیھانێ کەت ھەردیسان ئەوان بوو یاریا ئەڤ شەڤە پێدڤی ب پشتەڤانیا جەماوەری یە .
سەبارەت میسی راھێنەرێ مان یوناید دیارکر میسی ئێک ژ باشترین یاریزانێن جیھانێ یە و راگرتنا ئەوی د یاریێ دا یا ب زەحمەتە لێ نابیت ئەو بتنێ تەرکیز ل سەر میسی بکەن د یاریێ دا ژبەرکو بەرشەلۆنا بتنێ میسی نینە بەلکو ١١ یاریزان دێ بەرامبەر ١١ یاریزانان کەن و بەرشەلۆنا ھژمارەکا یاریزانێن دی ژی خودان شیان ھەنە وەکو سوارێز و کوتیھنو ڤیدال گەلەک یاریزانێن دی .
سەبارەت یاریا پاریس راستە سەرکەفتنا ل سەر وێ یانێ باوەریەکا مەزن دایە ئەوان ناڤبری دیارکر ئەکید سەرکەفتنا ل سەر پاریس باوەریەکا مەزنتر دایە ئەوان نە بتنێ بوو یاریزانان بەلکو بوویە پالدەرەکێ ب ھێزتر بوو جەماوەرێ یانێ ژی و نوکە ئارمانجا ئەوان یا دەستپێکێ ب ئەنجامەکێ باش ژ یاریگەھا ئولترافورد دەرکەڤن و پاش ھزر ل یاریا کامپ نوو بکەن .
سەبارەت پشکداریا یاریزانان ناڤبری دیارکر ھەر ئێک ژ سانشێز و ڤالنسیا و بایلیش نەشێن پشکداریێ بکەن ل گەل ئەوان ھەردیسان پشکداریا ماتیچ و ھێرێراو ژی یا گومان دا لێ راشڤورد رەوشا وی نوکە یا باشە .

ئەڤرۆ نیوز:
چاڤەرێ دھێتەکرن ئەڤ شەڤە بەردەوامی ب یاریێن قوناغا ھەشتێ ژ قارەمانیا چامپیونیز لیگا ئورۆپا بھێتەکرن ب دو یاریێن گرنگ ئەوژی مانچێستەر یوناید دێ ل یاریگەھا خوە مێڤانداریا بەرشەلۆنا کەت و یەیاکس ئەمستردام ل گەل یوڤانتوس کەت و بریارە ھەردو یاری ل دەمژمێر ١٠:٠٠ شەڤ ل دیڤ دەمێ کوردستانێ بھێتەکرن.
بەری یاریا بەرشەلۆنا ل گەل مانچێستەر یوناید راھێنەرێ بەرشەلۆنا ڤالڤێری بۆ دەزگەھێن راگەھاندنا ئیسپانی دیارکر بوو نوکە دەمەکێ گونجاوە ئەو بشێن ئەنجامەکێ باش ل دەرڤەی یاریگەھا خوە توماربکەن ژبەرکو نوکە تیما وی د رەوشەکا گەلەک باش دایە لێ ژبیر نەکەین ئەو دێ یاریێ بەرامبەر یانەکێ کەن ئەوان ھێزەکا باش ھەیە تایبەت پشتی سەرکەفتنا ل سەر پاریس سانجێرمان ھێزەکا دی و باوەریەکا مەزنتر دایە یاریزانێن ئەوان بوو قارەمانیا چامپیونیز لیگ .
ھەردیسان راھێنەرێ بەرشەلۆنا دیارکر ژی مانچێستەر یوناید چەند خال ب ھێز ل دەڤ ئەڤێ تیمێ ھەنە گەلەک ب مەترسی نە ئەوژی دەمێ تەپ د دەستێ یاریزانێن ئەوان دا بیت ئەو گەلەک ب ھێزن ژبەرکو یاریزانێن ئەوان شیانێن مەزن ھەنە بوو پەیداکرنا ھێرشان ھەردیسان ب تەپێن بلند ژی ئەوان مەترسیەکا مەزن ھەیە و یا ژ ھەموو مەزنتر سەرکەفتنا ل سەر پاریس بوویە پالدەرەکێ ھەرە مەزن بوو سەرکەفتنێ ژ دەرڤە و ناڤ یاریگەھا خوە یاری بکەن لەورا ل سەر ئەوان پێدڤی یە دەستپێکێ ئەو وەکو بەرشەلۆنا ب ئەنجامەکێ باش ژ یاریگەھا ئولترافورد دەرکەفن داکو یاریا دوێ ب شێوەکێ ئارامتر یاری بکەن و چ مەترسی ل سەر ئەوان نەبن بوو یاریا دوێ.