ئه‌ڤرۆ نيوز:
ده‌سته‌يا گه‌شتوگۆزارێ چه‌ند وێنه‌يێن ده‌ڤه‌رێن بلند يێن پارێزگه‌ها سلێمانيێ به‌لاڤ كرينه و ئاماژه ب وێ چه‌ندێ كريه كو ئه‌و ديمه‌ن يێن ئه‌ڤرۆ نه و وه‌كو ديار به‌فر يا ل وان ده‌ڤه‌ران د باريت.
نووترين نووچه
- مەسرور بارزانی و مستەفا كازمی رەوشا گشتی یا ئیراقێ و دەڤەرێ گەنگەشە كر
- بەختیار تالەبانی: بارەگەهێ بارزانی یێ بوویە ناڤەندا بڕیارا كوردی
- چارەنڤیسێ ئیراقێ ب هنارتنا پەترۆلا كوردستانێ و راگرتنا كڕینا غاز و كارەبا ئیرانێ ڤە یێ گرێدایە
- حەشدا شەعبی رێگرە ل پێشبەری ئیمزاكرنا رێككەفتنەكا نوو د ناڤبەرا ئیراقێ و ئەمریكا دا
- سەرۆك بارزانی ل سالڤەگەڕا 34 یا سەرهلدانا پیرۆز: سەرهلدان پەیامەكا رۆهن بوو كو گەلێ كوردستانێ ئازادی و سەربەستی دڤێت
- نێچیرڤان بارزانی: فیدرالی و دەستكەفتێن دستووری و كاریگەرییا ئەڤرۆ یا كوردستانێ بەرهەمێن سەرهلدانێ نە
- مەسرور بارزانی: سەرهلدان ئێك ژ سەروەریێن مەزن یێن گەلێ كوردستانێ یە كو هەردەم جهێ شانازییا مەیە
- دوپاتیێ ل رێكخستنا ناڤمالا كوردی دكەین
- سەرۆك بارزانی ل گەل شاندەكێ هەڤپشكێ سێ پارتێن باكوورێ كوردستانێ پرۆسەیا ئاشتیێ ل توركیا گەنگەشە كر
- سەرۆك بارزانی و ئەیاد سامەرائی دوپاتی ل پێگیریبوونێ ب بنەمایێن هەڤپشكیێ كر
سهرهكى Facebook
پارتی: سوبەی پەرلەمان دێ کۆم بیت و چاڤەڕێ بەربژێرا ئێکەتیێ دكه‌ين
ئەڤرۆ نیۆز، قائید میرۆ:
بڕیارە سوبەی رۆژا دوشەمبی پەرلەمانێ کوردستانێ بۆ ھەلبژارتنا دەستەیا سەرۆکایەتیا پەرلەمانی کۆم ببیت و پەرلەمانتارەکێ پارتی ژی دیارکر كو ئێک دەنگیەک ھەیە بۆ ب رێڤەچوونا کۆمبوونا پەرلەمانی.
زانا مەلا خالد، پەرلەمانتارێ فڕاکسیۆنا پارتی ل پەرلەمانێ کوردستانێ بۆ ئەڤرۆ نیۆز دیارکر كو پارتی ب تنێ بڕیار ل دۆر کۆمبوونا پەرلەمانی نەدایە، بەروڤاژی د کۆمبوونا ناڤبەرا شاندێ پارتی و ئێکەتیێ بڕیار ھاتیەدان و ھەر چاوان بیت سوبەی رۆژا دوشەمبی دێ کۆمبوون ھێتە ئەنجام دان، ئەف پاشڤەکێشانا ئێکەتیێ ژی بۆ پشکداریا کۆمبوونا پەرلەمانی هه‌تا رادەیەکی ھاتیە چارەکرن و د کۆمبوونا رۆژا ئەینیێ یا پارتی و ئێکەتیێ دا ھەردولا رێکەفتینە ئێکەتی ژی پشکداری کۆمبوونا پەرلەمانی بکەت.
ئەڤی پەرلەمانتارێ پارتی ئاماژەکر كو پارتی دەمێ پێدڤی بۆ پێکئینانا کابینا حوکمەتێ تەرخانکریە، بەلێ د ھەمان دەم دا چاڤەڕێی چو لایەنەکی ژی نابین کو دەم یێ ڤەکری بیت د ھەمبەر دا ھەتا خوە ئێکلا دکەت، ژ بەر کو ئێدى خەلکێ کوردستانێ چاڤەڕێی لایەنێن سیاسی ناکەت.
زانا مەلا خالد گۆت: “د کۆمبوونا سەرۆکێ دەمکی یێ پەرلەمانی د گەل سەرۆکێن فڕاکسیۆنان ژبلی نەوەی نوێ ھەموو فڕاکسیۆنێن پەرلەمانی ئێک دەنگ بووینە کو سوبەی رۆژا دوشه‌مبى ١٨ی شواتێ کۆمبوونا پەرلەمانی دێ بڕێڤە چیت، تنێ ئێکەتیێ گۆتیە دڤێت کۆمبوونا مەکتەبا سیاسی د گەل پارتی بڕیارێ بدەت، نوکە ئەم چاڤەڕێی دیارکرنا بەربژێرا ئێکەتیێ دکەین بۆ وەرگرتنا پۆستێ سەرۆکا پەرلەمانی و دخوازین برادەرێن ئێکەتیێ ئێک بەربژێر پێشکێش بکەن”.
ل دۆر ئەرزان نەکرنا بھایێ ئه‌نترنێتێ بەغدا ھۆشداریێ ددەته کۆمپانیا
ئەڤرۆ نیۆز، قائید میرۆ:
وەزارەتا گەھاندنا حوکمەتا ھەرێما کوردستانێ ل دۆر ئەرزانکرنا بھایێ ئه‌نترنێتێ ئاماژە ب وێ چەندێ دکەت كو وەزیرێ گەھاندنا عيراقێ ھۆشداری دایە کۆمپانیێن گەھاندنێ و پەیڤدارێ وەزارەتێ ژی دبێژیت، “ب گورەيی بڕیارا وەزارەتا گەھاندنا عيراقێ دڤێت ئاریشا خاڤیا ھێلێن ئه‌نترنێتێ بھێتە چارەسەرکرن و بھا ژی بھێتە كێمكرن”.
ئومێد محەمەد سالح، پەیڤدارێ وەزارەتا ڤەگوھاستن و گەھاندنا حوکمەتا ھەرێما کوردستانێ بۆ ئەڤرۆ نیۆز دیارکر بەری سێ رۆژان وەزیرێ گەھاندنا عيراقێ ل گەل کۆمپانیێن گەھاندنێ و ئه‌نترنێتێ کۆمبوویە و وەزیرێ گەھاندنێ ئەف پەیامە گەھاندیە کۆمپانیا، کو بھایێ کریا بکارئینانا کێبلێ ئه‌نترنێتێ ل سەر کۆمپانیا ٢٥%ێ ئەرزانکریە، ھەتا بھایێ ئه‌نترنێتێ بھێتە ئەرزانکرن ل سەر وەلاتیان.
ئومێد محەمەد سالح ئاماژەکره وێ چه‌ندێ كو ب گورەی بڕیارا وەزارەتا گەھاندنا عيراقێ دڤێت کۆمپانیا باجا خوە بدەنە حوکمەتێ و ئاریشا خاڤیا ھێلێن ئه‌نترنێتێ ژی بھێتە چارەسەرکرن، بەلێ ھێشتا دیار نینە، “ھەكە کۆمپانى د پێگیر نەبن دێ بەغدا چاوا سەرەدەریێ ل گەل دا بکەت”.
ره‌وشا سه‌قايێ سوبه‌هى
ئه‌ڤرۆ نيوز:
رێڤەبەریا گشتیا کەشناسی و بیڤەلەرزێ ل ھەرێما کوردستانێ راگەھاند کو سوبەھی رۆژا سێشه‌مبى رێکەفتی 18ی شوباتا 2019ێ ئەسمان دێ ئه‌وره‌كێ كێم بيت.
پشکا پێشبینیان ل رێڤەبەریا گشتیا کەشناسی و بیڤەلەرزێ ل ھەرێما کوردستانێ د نڤیسارەکێ دا کو دانەک بۆ ئەڤرۆ نیوز رەوانە کرینە راگەھاند کو دهێته پشبينيكرن ئه‌سمان ئه‌وره‌كێ كێم بيت.
پشکا پێشبینیان دایە زایە زانین کو دێ لەزاتیا بایی د ناڤبەرا 5 ھەتا 10کم دا و ماوێ دیتنێ ژی دێ د ناڤبه‌را 8 بۆ 10کم دا بیت، پلێن گەرمێ ژی دێ د ناڤبەرا 6 بۆ 12 پلان دا بن.
ڤێ حه‌فتيێ به‌لاڤكرنا مووچه‌ى دێ ب دووماهى هێت
ئه‌ڤرۆ نيوز:
به‌لاڤكرنا مووچێ چريا دويێ 11ێ يا سالا بۆرى يا به‌رده‌وامه و هه‌تا ئێكشه‌مبيا بهێت دێ مووچێ چريا دويێ 11يێ هه‌موو وه‌زاره‌ت و ده‌سته‌يان ل حوكمه‌تا هه‌رێما كوردستانێ هێته به‌لاڤكرن.
ژێده‌ره‌كى ژ وه‌زاره‌تا دارايى و ئابوورى ل حوكمه‌تا هه‌رێما كوردستانێ بۆ ئه‌ڤرۆ نيوز ئاشكه‌را كر كو ئه‌ڤرۆ رۆژا ئێكشه‌مبى 17ى شوباتا 2019ێ دێ مووچێ وه‌زاره‌تا ناڤخۆ و ژێده‌رێن سرۆشتى و ئه‌وقاف و كاروبارێن ئاينى و رێڤه‌به‌ريا گشتى يا ره‌گه‌زنامێ ل هه‌رێمێ هێته به‌لاڤكرن.
ئاماژه ب وێ چه‌ندێ ژى كر كو سوبه‌هى 18ى شوباتا 2019ێ دێ مووچێ جڤاتا ئاسايشێ و ده‌زگه‌هێ گشتى يێ ئاسايش و هێزێن زێره‌ڤانى و به‌ره‌ڤانى و هه‌وار هاتن و پۆليسێن په‌ترۆلێ و گازێ به‌لاڤ كه‌ت.
ئه‌وى ژێده‌رى دا زانين ژى كو ل رۆژا سێشه‌مبى 19ى شوباتا 2019ێ بڕياره مووچێ باژێرڤانى و گه‌شتوگۆزار، چاندن، كاره‌ب، پلاندانان، ڤه‌گوهاستن و گه‌هاندن، ديوانا چاڤدێريا دارايى، ده‌سته‌يا مافێن مرۆڤى، ده‌سته‌يا وه‌به‌رهێنانێ، ده‌سته‌يا ده‌ستپاكى، ده‌سته‌يا ژينگه‌هێ، ده‌سته‌يا گشتى يا ده‌ڤه‌رێن كوردستانى يێن ده‌رڤه‌ى ئيدارا هه‌رێما كوردستانێ، كۆمسيۆنا هه‌لبژارتن و راپرسيان و ده‌زگه‌هێ گشتى يێ كاروبارێن مينان.
خۆيا ژى كر كو ل رۆژا چارشه‌مبى 20ى شوباتا 2019ێ دێ مووچێ وه‌زاره‌تا پێشه‌سازى و بازرگانى، وه‌زاره‌تا ره‌وشه‌نبيرى، وه‌زاره‌تا ئاڤه‌دانكرنێ، سه‌رۆكاتيا هه‌رێمێ، سه‌رۆكاتيا په‌رله‌مانى و جڤاتا وه‌زيران هێته به‌لاڤكرن.
ل رۆژا پێنجشه‌مبى ژى 21ى شوباتا 2019ێ مووچێ خانه‌نشينيا له‌شكرى و رۆژا ئێكشه‌مبى 24ى شوباتا 2019ێ ژى دێ خانه‌نشينيا مه‌ده‌نى هێنه به‌لاڤكرن هه‌ر وه‌كو ژێده‌رێ ژ وه‌زاره‌تا دارايى و ئابوورى بۆ ئه‌ڤرۆ نيوز ئاشكه‌را كرى.
رێڤه‌به‌ريا گشتى يا ره‌گه‌زنامێ ل هه‌رێمێ وه‌لاتيان ئاگه‌هدار دكه‌ت
ئه‌ڤرۆنيوز:
په‌يڤدارێ رێڤه‌به‌ريا گشتى يا ره‌گه‌زنامێ ل هه‌رێما كوردستانێ راگه‌هاند، وه‌لايێن ژن يێن عيراقى ئه‌وێن شوو ب وه‌لاتيێن بيانى كرين ودخوازن زارۆيێن وان بهێنه تۆماركرن، پێدڤيه سه‌ره‌دانا وان فه‌رمانگه‌هان بكه‌ن كو ناڤێ دايكێ لێ هاتيه تۆماركرن وناسناما بارێ شارستانى وه‌رگرتى.
كه‌يفى عومه‌ر، په‌يڤدارێ رێڤه‌به‌ريا گشتى يا ره‌گه‌زنامێ ل هه‌رێما كوردستانێ بۆ مالپه‌رێ كوردستان تى ڤى گۆت” پێدڤيه ل ده‌مێ سه‌ره‌دانێ ئه‌ڤ به‌لگه‌نامه دگه‌لدا بن:
- ناسناما بارێ شارستانى وره‌گه‌زناما عيراقى يا دايكا زارۆكى.
- كارتا پێزانينان ب ناڤێ دايكێ بيت.
- به‌لگا بيانى وكارتا نشينگه‌هێ يا بابێ زارۆكى.
- به‌لگه‌يا پێكئينانا هه‌ڤژينيێ ب زمانێ عه‌ره‌بى.
- به‌لگه‌يا ژدايكبوونا زارۆكى ب زمانێ عه‌ره‌بى.
- ناسناما بارێ شارستانى وره‌گوزناما دايك وبابێن دايكا زارۆكى (ئانكو باپير وداپيرێن زارۆكى).
- پشتگيريا جهێ ئاكنجيبوونێ يا فه‌رمى يا دايكێ وزارۆكان ب زمانێ عه‌ره‌بى.
- وێنێ تۆمارا سالا 1957 يا دايكێ وباپير وداپيرێن زارۆكى.
گۆت ژى”پشتى هووربينيكرنا به‌لگه‌يان ژلايێ فه‌رمانگه‌ها بارێ شارستانى يان فه‌رمانگه‌ها كارتا نيشتمانى، كارێ پێدڤى دێ هێته ئه‌نجامدان”.
وەزارەتا پەروەردێ به‌حسێ كامیرێن چاڤدێريێ ل قوتابخانان دكه‌ت
ئەڤرۆنیۆز، سالار دۆسكی:
سەرۆكێ ئێكەتیا مامۆستایێن كوردستانێ، عەبدولواحد محەمەد بۆ ئەڤرۆ نیۆز دیاركر، ئێكەتیا مامۆستایێن كوردستانێ ل گەل هەبوونا كامیرێن چاڤدێریێ نینه دناڤ پولێن قوتابخانان دا.
ناڤبری گۆت ژى”هەبوونا كامیران ل قوتابخانان تشتەكێ گەلەك باشە ل باغچێ قوتابخانێ یان ل گوره‌پانا وێ يان ده‌وروبه‌رێن وێ، لێ دناڤا پولان دا تشتەكێ شارستانی نینە”.
سامان سیوەیلی، پەیڤدارێ وەزارەتا پەروەردێ ل هەرێما كوردستانێ بۆ ئەڤرۆ نیۆز گۆت” هەبوونا كامیران ل قوتابخان گەلەك كێشە چارەكرینە، ئه‌م ل گەل وێ چه‌ندێ نه كامیره ل قوتابخانێ هەبیت، لێ نه دناڤ پۆلان دا، بتنێ ل گورەپانێ وجهێن دی دروستە”.
پارتى وگۆران رێككه‌فتن
ئه‌ڤرۆنيوز:
به‌رى ده‌مه‌كێ كێم كۆمبوونا هه‌ردو شاندێن بلند يێن پارتى ديموكراتى كوردستان وبزاڤا گۆران ل سلێمانيێ ب دووماهى هات، پشتى ب دووماهى هاتنا كۆمبوونێ به‌ياننامل كۆمبوونا هه‌ڤپشك يا پارتى وگۆران هاته به‌لاڤكرن.
د وێ به‌يانناما هه‌ڤپشك يا پارتى وگۆران هاتيه” ل رۆژا شه‌مبيێ 16/2/2019 شاندێ بلند يێ پارتى ديموكراتى كوردستان وبزاڤا گۆران ل باژێرێ سلێمانيێ كۆمبوون ودسه‌قايه‌كێ دۆستانه ودانوستاندنێن راشكاوانه وبه‌رپرسيارانه، په‌يوه‌نديێن هه‌ردو لايه‌نان ودانوستاندنێن پێكئينانا كابينا نه‌هێ يا حوكمه‌تا هه‌رێما كوردستانێ ورێككه‌فتنا سياسى يا هه‌ردو لايه‌نان هاتن به‌رچاڤكرن”.
دكۆمبوونێ دا پارتى وگۆران ل سه‌ر ڤان خالان رێككه‌فتن:
- رێككه‌فتن سياسى دناڤبه‌را پارتى وگوران هاته په‌سه‌ندكرن.
- دكۆمبوونا 18/2/2019 يا په‌رله‌مانێ كوردستانێ دێ فراكسيۆنا پارتى وفراكسيۆنا گۆران پشكدار بن.
- ل سه‌ر شێوازێ پێكئينانا حوكمه‌تێ گه‌هشتنه قۆناغا دووماهيێ وپێشڤه‌چوونه‌كا باش ب خوه‌ڤه ديتيه.
- پرۆژێ رێككه‌فتنێ دێ هێته برن بۆ سه‌ركردايه‌تيا هه‌ردو لايه‌نان بۆ په‌سه‌ندكرنا دووماهيێ.
كۆمبوونا پارتى وگۆران ب دووماهى هات
ئه‌ڤرۆنيوز:
به‌رى ده‌مه‌كێ كێم كۆمبوونا هه‌ردو شاندێن بلند يێن پارتى ديموكراتى كوردستان وبزاڤا گۆران ب دووماهى هات.
شاندێن بلند يێن پارتى وگۆران ئه‌ڤرۆ شه‌مبيێ 16/2/2019 ل سلێمانيێ كۆمبوون ل دۆر پێكئينانا كابينا نوو يا حوكمه‌تا هه‌رێما كوردستانێ.
ل رۆژا پێنجشه‌مبيا بۆرى ژى 14/2/2019 هه‌ردو شاندێن بلند يێن پارتى وگۆران كۆمببوون كو پشتى وێ كۆمبوونێ مه‌حموود محه‌مه‌د ئه‌ندامێ شاندێ دانوستاندكارێ پارتى بۆ پێكئينانا كابينا نوو يا حوكمه‌تا هه‌رێما كوردستانێ وپه‌يڤدارێ پارتى دكۆنگره‌كێ رۆژنامه‌ڤانى دا دياركربوو كو پێشبينيێ دكه‌ت كو پارتى وگۆران گه‌له‌ك نێزيك بووينه ژهه‌ڤدوو.
ژلايێ خوه‌ڤه ئاراس وه‌لى، ئه‌ندامێ جڤاتا نيشتمانى يا گۆران وئه‌ندامێ شاندێ دانوستاندكارێ گۆران دكۆنگرێ رۆژنامه‌ڤانى دا راگه‌هاندبوو كو يێ هيڤداره دڤێ حه‌فتيێ دا مزگينيا خوه‌ش بده‌نه خه‌لكى وگۆت” ب ديتنا مه ئه‌و به‌رنامێ چاكسازيا حوكمه‌تێ هه‌ى، ببه‌ين بۆ په‌رله‌مانى، براده‌رێن پارتى ژى ل گه‌ل چو خالان ناكۆكى نه‌بوو”.
ئه‌گه‌رێ ده‌ست ژكاركێشانا سه‌عدى پيره‌ى ئاشكرابوو
ئه‌ڤرۆنيوز:
سه‌عدى ئه‌حمه‌د پيره ئه‌ندامێ مه‌كته‌با سياسى يا ئێكه‌تى نيشتمانى كوردستان پشتى ئه‌ڤرۆ ده‌ست ژ پۆستێ په‌يڤدارێ ئێكه‌تيێ به‌رداى، ئه‌گه‌رێ ده‌ست ژكاركێشانا وى دهێته ئاشكراكرن.
ژێده‌ره‌كى دياركر كو ئه‌گه‌رێ ده‌ست ژ كاركێشانا سه‌عدى پيره‌ى دزڤريت بۆ نڤيسينه‌كا قوباد تاله‌بانى كول حه‌فتيا بۆرى دبه‌رپه‌رێ خوه دا ل سه‌ر تۆرا جڤاكى يا تويته‌رى به‌لاڤكربوو وتێدا تانه ل سه‌عدى پيره‌ى دابوو.
وى ژێده‌رى بۆ باسنيوز گۆت” ل حه‌فتيا بۆرى دخۆلا ئينگليزى يا ته‌پا پێى دا پشتى يانا شيلسى تووشى دوراندنێ بووى ل سه‌ر ده‌ستێ يانا مانشسته‌ر سيتى ب ئه‌نجامێ 6-0، راهێنه‌رێ يانا شيلسى كۆنگره‌كێ رۆژنامه‌ڤانى سازكربوو، قوباد تاله‌بانى دبه‌رپه‌رێ خوه دا ل سه‌ر تويته‌رى ئاماژه ب وێ چه‌ندێ كر كو”ئه‌و كۆنگرێ رۆژنامه‌ڤانى شێوێ كۆنگرێن رۆژنامه‌ڤانى يێن سه‌عدى پيره‌ى نه”. ئه‌ڤ چه‌نده ژى وه‌سا هاته شرۆڤه‌كرن كو ئێكه‌تيێ ژى ب جه‌هان كێشه دكۆمبوونێن خوه دا يێن هه‌ين، به‌لێ سه‌عدى پيره وه‌سا دئاخڤيت كو چو روونه‌دا بيت.
ژلايێ خوه‌ڤه سه‌عدى پيره بۆ باسنيوز گۆت” من ده‌ست ژ كارێ پۆستێ په‌يڤدارێ ئێكه‌تيێ ل سه‌ر داخوازا خوه به‌ردا، به‌لێ هنده‌ك بابه‌تێن هه‌ستيار يێن هه‌ين كو يا گرانه هه‌موو كه‌سه‌ك بخوازيت ل سه‌ر باخڤيت”.
دكۆمبوونا ئه‌ڤرۆ شه‌مبيێ 16/2/209 يا جڤاتا سه‌ركردايه‌تيا ئێكه‌تيێ، ده‌ست ژكاركێشانا سه‌عدى پيره‌ى هاته په‌سه‌ندكرن ول جهێ وى (له‌تيف شێخ عومه‌ر) وه‌كو په‌يڤدارێ نوو يێ ئێكه‌تيێ ده‌ست ب كاربوو.
نيشاندان
WP Facebook Auto Publish Powered By : XYZScripts.com