ئەڤرۆ نیوز:
کۆمیسیۆنا ئێکەتیا ئورۆپا ئەڤرۆکە د راپۆرتەکێ دا راگەهاند کو ژ بەر بنپێکرنێن مافێ مرۆڤی ل ئیرانێ و سێدارەدانا وەلاتیان ژ ئالیێ دەستهەلاتێ ڤە ئورۆپا سزایێن کو بەری نها ل سەر ئیرانێ سەپاندبوون دێ بۆ ماوەیێ سالەکا دی درێژ کەت و هەموو وەلاتێن ئەندامێن ئێکەتیا ئورۆپا ژی دێ پێگیریێ ب ڤان سزایان کەن.
ل ئالیێ دی جێگرێ سەرۆک کۆمارێ ئیرانێ ژی راگەهاند کو وەلاتێن ئێکەتیا ئورۆپا ژ ترسا ئەمریکا نەوێرن پەیوەندیێن خوە ل گەل ئیرانێ ئاسایی بکەن.
ئەڤرۆ نیوز:
قادر ئینانر هونەرمەندێ ناڤدارێ تورکیا و ئێک ژ ئەندامێن گرۆپا مرۆڤێن ئاقلمەند ل تورکیا راگەهاند کو ئەز ب باوەرم دێ قۆناغەکا نوو یا ئاشتیێ ل تورکیا دەستپێکەت، چونکو پێدڤیا جڤاکێ تورکیا ب ئاشتیێ یا هەی.
ناڤهاتی راگەهاند کو ئەز هێڤیدارم دەستهەلاتا نها ژی ل گۆر داخوازیێن جڤاکێ دەست ب قۆناغەکا نوو یا ئاشتیێ بکەت، چونکو شەر و ئالۆزی زیانا خوە بۆ هەموو ئالیەکێ یا هەی و ئاشتی د بەرژەوەندیا هەموو کەسەکێ دایە.
ئەڤرۆ نیوز:
موحرەم ئەرکەک پەرلەمانتارێ پارتیا کۆماریا گەل ل پەرلەمانێ تورکیا دیار کر کو ئەردۆگان هەر رۆژ دبێژیت کورد برایێ مە نە، هەکە وەسایە وی دەمی چو ئاریشە نینن بلا پەیەدە ل سەر سنورێ مە دەستهەلاتدار بیت، ب جهێ هندەک هێزێن توندرەو باشترە پەیەدە ل وێرێ بیت.
ئەردۆگانی ژی هەر زوو بەرسڤا پەرلەمانتارێن جەهەپێ دا و راگەهاند کو هندەک بەرپرسێن جەهەپێ پشتەڤانیێ ل تیرۆرستان دکەن.
ئەڤرۆ نیوز:
مالپەرێ بەغداد الیوم بەلاڤ کریە کو سەرۆک وەزیرێن عیراقێ عادل عەبدولمەهدی دڤێت سەرەدانا هەرێما کوردستانێ بکەت و ل گەل بەرپرسێن هەرێما کوردستانێ ل دۆر ئاریشێن د ناڤبەرا هەولێر و بەغدایێ دا دانوستاندنان بکەت.
هەمان مالپەرێ بەلاڤ کریە کو سەرۆک وەزیرێن عیراقێ چاڤەرێ پێکئینانا کابینا نوو یا حوکمەتا هەرێما کوردستانێ ب سەرۆکاتیا مەسرور بارزانی یە و پشتی کابینا نوو دەست ب کارێ خوە بکەت دێ سەرۆک وەزیرێن عیراقێ سەرەدانا هەرێما کوردستانێ کەت.
ئەڤرۆ نیوز:
پشتی هەر ئێک ژ وەزارەتێن پێشمەرگە، ناڤخوە و پەروەردێ کارێ شوفێریا تەکەسیێ ل فەرمانبەرێن خوە قەدەغە کری نها وەزارەتا رەوشەنبیری یا حوکمەتا هەرێما کوردستانێ ژی ئەڤرۆکە بریارەک ل دۆر هندێ دەر کریە و داخواز ژ فەرمانبەرێن خوە دکەت کو کارێ شوفێریا تەکسیێ نەکەن.
د بریارێ دا هاتیە دیار کرن کو هەر فەرمانبەرەک پشتی ١/٦/٢٠١٩ کارێ تەکەسێ بکەت دێ پێرابوونێن قانوونی دگەل دا هێنە کرن.
ئەڤرۆ نیوز:
دبیت ل ھاڤینا بھێت یانا مانچێستەر دو باشترین ستێرێن خوە ژ دەست بدەت ژ ئەگەرێ قارەمانیا چامپیونیز لیگا ئورۆپا.
رۆژناما تایمز یا برێتانی دیارکریە یانا مانچێستەر یوناید بوو وەرزێ بھێت د مەترسیا دەست دانا دو باشترین یاریزانێن خوە ھەکە ئەو یانە نەشیا ئێک ژ پلێتێن دەربازبوونێ بۆ قارەمانیا چامپیونیز لیگا ئورۆپا یا وەرزێ بھێت ب دەستخوڤە بینت کو ئەو ھەردو یاریزان ژی ستێرا وێ یا فرەنسی و ھێلا ناڤین پول پوکپا و گولچیێ ھەلبژارتیێ ئیسپانیا دی خیا کو ھەردو یاریزان دبیت ب رێژەیا ھەرە مەزن پێکھاتیێ وێ یانێ بجە بھێلن ھەر دەمێ نەشیان ل وەرزێ بھێت دەربازی چامپیونیز لیگ بەن.
ھەردیسان ئەوێ رۆژنامێ ئاشکراکریە ژی ھەردو یاریزانان ژی موچەیەکێ مەزن ژ یانە مانچێستەر یوناید داخوازکریە بوو وەرزێ بھێت کو پول پوکپا ٤٥٠ ھەزار جینێ ئیسترلینی ژ کارگێریا وێ یانێ داخوازکرینە بوو درێژکرنا ھەڤبەستا خوە و دی خیا ئەوێ دێ ھەڤبەستا وی ل وەرزێ بھێت ب دووماھیی ھێت ئەوی ژی داخوازیا ٣٥٠ ھەزار جینێ ئیسترلینی کریە وەکو موچەیێ حەفتیانە .
ھەژی گوتنێ یە نوکە ھەر ئێک ژ یانێن توتنھام و ئەرسینال و مانچێستەر یوناید و چێلسی ھەڤرکیێ ل سەر دو پلێتێن دەربازبوونێ بوو قارەمانیا چامپیونیز لیگ دکەن کو توتنھام ل رێزا ٣ د لیستا خولێ دھێت ب ٦٤ خالان و ئەرسینال رێزا چارێ دھێت ب ٦٣ خالان و چێلسی ل رێزا پێنچێ ب ٦٣ و مانچێستەر یوناید ل رێزا شەشێ ب ٦١ خالان بتنێ ھەر چار یانێن دەستپێکێ د رێزبەندیا خۆلا ئنگلتەرا دا دەربازی قارەمانیا چامپیونیز لیگ دبەن
ئه‌ڤرۆ نيوز:
ئه‌ڤرۆ رۆژا دوشه‌مبى 8ى نيسانا 2019ێ مه‌سرور بارزانى شيره‌تكارێ جڤاتا ئاسايشا هه‌رێما كوردستانێ پێشوازى ل عيرفان عه‌لى عه‌بدولعه‌زيز رێبه‌رێ گشتى يێ بزاڤا ئيسلامى كوردستان و شاندێ ل گه‌ل كر و ئێكرێزيا لايه‌نێن سياسى دووپاتكر.
د وێ ديدارێ دا، پێشهاتێن ده‌ڤه‌رێ و پێدڤيا ئێكرێزى و ته‌بايێ د ناڤبه‌را لايه‌نێن سياسى يێن كوردستانى دا گه‌نگه‌شه‌كر.
مه‌سرور بارزانى ئاماژه ب پێدڤيا ئێكرێزيا گه‌لێ كوردستانێ و گرنگيدان ب به‌رژه‌وه‌نديا گشتى دا و راگه‌هاند كو گه‌لێ كوردستانێ هه‌ژى خزمه‌تكرنا زێده‌تره و نابيت بكه‌ته قوربانى ئه‌جيندا حزبى.
شيره‌تكارێ جڤاتا ئاسايشێ، به‌حس ل گه‌نگه‌شێن پێكئينانا كابينا نوو يا حوكمه‌تا هه‌رێما كوردستا،ێ كر و ته‌كست ل وێ چه‌ندێ كر كو پێدڤيه د پێناڤى دابينكرنا داخوازى و هيڤيێن وه‌لاتيان، له‌ز د پێنگاڤێن وان دا بهێته كرن.
د به‌رامبه‌ر دا رابه‌رێ بزاڤا ئيسلامى كوردستان رۆلێ سه‌رۆك بارزانى ل نێزيكرنا لايه‌نان ب كاريگه‌ر و پێدڤى زانى و ته‌كتس ل ته‌باى و ئێكرێزيێ د پێناڤى ب هێزبوونا زێده‌تر يا هه‌رێما كوردستانێ. هيڤيا سه‌ركه‌فتنێ ژى بۆ مه‌سرور بارزانى ل ئه‌ركێ وى يێ نوو دا خواست و پشته‌ڤانيا حزبا خوه د بجهئينانا ئه‌ركێن نشتيمانى و گشتى دا راگه‌هاند.
ئه‌ڤرۆ نيوز:
عيماد ئه‌حمه‌د، ئه‌ندامێ مه‌كته‌با سياسى يا ئێكه‌تى نشتيمانى كوردستان بۆ رووداو راگه‌هاند: هه‌ر چه‌نده بڕيار بوو ئه‌ڤرۆ رۆژا دوشه‌مبى رێكه‌فتنا پارتى و ئێكه‌تى ل سه‌ر پێكئينانا كابينا نوو و چاوانيا پشكداريكرنا ئێكه‌تيێ د وێ كابينێ دا ب فه‌رمى ئيمزا بكه‌ن، به‌لێ ئيمزاكرن بۆ ده‌مه‌كێ دى يێ نێزيك هاته پاشخستن.
نيشاندان