زاخۆ، عەلی حاجی:
سایتێ کومپانیا ئالێکسا (Alexa ) یا جیھاتنی کو سالانە رادبیت پولینکرنا سایتێن جیھانی ، ل دووڤ نووترین رێزبەندیا سایتێن زانکویێن کوردستانێ، سایتێ فەرمیێ زانکویا زاخۆ بۆ سالا دوێ رێزا دوێ ھات.
ل دۆر ڤێ چەندێ دکتور دیار رێڤەبەرێ سەنتەرێ ئامار و تەکنەلوژیا زانیاری ل زانکویا زاخۆ بۆ ئەڤرۆ نیوز گۆت : سالانە کۆمپانیا ئالێکسا رادبیتب پولینکرنا ھەمی سایتێن جیھانێ، ل ئەڤ سالە دا و بۆ جارا دوێ ل دووڤ ئێک سایتێ زانکویا زاخۆ رێزا دوێ ھات ل سەر ئاستێ زانکویێن کوردستانێ ، ٣٧٥ رێزان درێزبەندیا سایتێن جیھانی ژی دا بەرەڤ پێش چوویە.
دکتور دیاری زێدەتر گۆت: روژانە گەلەک کەس سەرەدانا سایتێ زانکویا زاخۆ دکەن و سایتەکێ ئەکتیڤە ژبەر ڤێ چەندێ سایتێ زانکویا زاخۆ ل پلا دوێ ھات ، ل گورەی سالا دەرباز بووی ژی جیاوازیەک زور یا سەرەدانا سایتێ زانکویێ ھەیە و د ئەڤ سالە دا رێژەیا سەرەدانان زێدەتر لێھاتیە، لێ ل ئەڤ سالە دا ھزار و ٩١٧ کەسان سەرەدان کری یە ، سایتێ زانکویێ ب زمانا کار دکەت و ب شێوەیەکێ باش کار دکەت و ھەتا نمرەیێن قوتابیان ژی کری یە ئونلاین ، ژبەر ڤێ چەندێ رێژەیا سەرەدانا سایتێ زانکویا زاخۆ بەر ب زێدە بوونێ ڤە دچیت.
ئەڤرۆ نیوز:
شیار کۆبانی چاڤدێرێ سیاسی یێ رۆژئاڤایێ کوردستانێ بۆ ئەڤرۆ نیوز راگەهاند کو چیا فرات ئێک ژ فەرماندارێن هێزێن سووریا دیموکرات راگەهاندیە کو د دەمەکێ نێزیک دا ئەم دێ سەرکەفتنا ل سەر داعشێ ل سووریێ راگەهینین و هەموو دەڤەرێن ل ژێر دەستێ داعشێ ل سووریێ هاتینە کۆنترۆل کرن.
ناڤهاتی راگەهاند کو د ماوەیێ چەند رۆژێن بۆری دا ل دەوروبەرێن دێرازۆرێ شەرەکێ دژوار د ناڤبەرا داعشێ و هێزێن سووریا دیموکرات دا هەبوو و هێزێن سووریا دیموکرات شیا دربێن مەزن ل داعشێ بدەن و چو نەمایە هەموو دەڤەرێن ل ژێر کۆنترۆلا داعشێ بهێنە ئازادکرن و داعش ل سووریێ بەر ب دووماهیێ ڤە دچیت.
ئەڤرۆ نیوز:
د چارچۆڤێ کۆنفرانسێ ٥٥ یێ میونشن ل ئەلمانیا شیرەتکارێ جڤاتا ئاسایشا هەرێما کوردستانێ مەسرور بارزانی ل گەل محەمەد جەواد زەریف وەزیرێ دەرڤە یێ ئیرانێ کۆمبوو و پشتی کۆمبوونێ وەزیرێ دەرڤە یێ ئیرانێ راگەهاند کو مە دڤێت پەیوەندیێن خوە یێن ئابووری و سیاسی ل گەل هەرێما کوردستانێ باشتر بکەین.
ژ ئالیێ خوە ڤە مەسرور بارزانی ژی راگەهاند کو مە کۆمبوونەکا باش ل گەل وەزیرێ دەرڤە یێ ئیرانێ ئەنجام دا و مە بەحسێ گەلەک بابەتێن گرنگ یێن گرێدای رەوشا سووریێ و عیراقێ و پەیوەندیێن کوردستانێ و ئیرانێ کر.
ئەڤرۆ نیوز، لەزگین جۆقی:
بەرپرسێ سەنتەرێ ژین یێن نەخۆشێن پەنجەشێرێ ل دھۆکێ دیارکرکو ل ئەڤرۆ ١٦/٢/٢٠١٩ رۆژا جیھانیا نەخۆشیا پەنجەشێرا زارۆکان ل نەخۆشخانا ھیڤی یا زارۆکان ل دھۆکێ ھاتە ساخکرن.
د. عەبدولرەحمان عەبدوللا، بەرپرسێ سەنتەرێ ژین یێن نەخۆشێن پەنجەشێری ل دھۆکێ بۆ ئەڤرۆ نیوز دیارکرکو ل پارێزگەھا دھۆکێ ژی سالانە ھەتا ٣٥ حالەتیێن نوو دھێنە دەست نێشانکرن دڤان ھەشت سالێن بۆری دا ل سەرانسەری پارێزگەھا دھۆکێ ھەتا ٣٠٠ زارۆکان تووشی نەخۆشیا پەنجەشێرا زارۆکان بووینە و ژوانا ژی ١٦٠ نەخۆش چارەسەر بووینە ژ نەخۆشیا پەنجەشێرا زارۆکان قورتال بووینە بتنی پشکنینن ( دوری) بۆ وان دھێنە کرن ئەڤ جۆرین پشکنینا ژی ل دھۆکێ ھەنە.
زێدەتر گۆت:” نوکە ل دھۆکێ رەوشا سەنتەری ژین یێ نەخۆشێن پەنجەشێرێ بەر ب باشیێ دچیت ھەموو دەرمانێن کیمیاوی دابینکرینە ل دھۆکێ ب رێیا وزارەتا ساخلەمیا ھەرێما کوردستانی و سندوقا پشتەڤانیا نەخۆشێن پەنجەشێرا زارۆکان ئەو ل نەخۆشخانا ھیڤی ب رێیا ریڤەبەریا گشتی یا ساخلەمیا دھۆکێ و پارێزگەھا دھۆکێ و ئەوقافا دھۆکێ ھاتیە دانان” .
ئه‌ڤرۆنيوز:
برياره ل حه‌فتيا داهاتى، وه‌زاره‌تا دارايى وئابوورى ل هه‌رێما كوردستانێ ده‌ست ب به‌لاڤكرنا مووچێ هه‌يڤا 11 سالا 2018 يێن وه‌زاره‌تێن هه‌تا نوكه وه‌رنه‌گرتين بكه‌ت. ب ڤى شێوێ ل خوارێ دياركرى:
وه‌زاره‌تا ناڤخوه
وه‌زاره‌تا سامانێن سروشتى
وه‌زاره‌تا ئه‌وقاف وكاروبارين ئايينى
ريڤه‌به‌ريا گشتى يا ره‌گه‌زنامێ ل هه‌رێمێ
جڤاتا ئاسايشێ
ده‌زگه‌هێ گشتى يێ ئاسايشێ
هێزا زێره‌ڤانيێ
هێزا به‌رگريا فرياكه‌وتن
پۆليسێن په‌ترۆلێ وغازێ
وه‌زاره‌تا باژێرڤانيان وگه‌شتوگوزارێ
وه‌زاره‌تا چاندنێ
وه‌زاره‌تا كاره‌بێ
وه‌زاره‌تا پلاندانانێ
وه‌زاره‌تا ڤه‌گوهاستن وگه‌هاندنێ
ديوانا چاڤدێريا دارايى
ده‌سته‌يا مافێن مرۆڤ
ده‌سته‌يا وه‌به‌رئێنانێ
ده‌سته‌يا ده‌ستپاكيێ
ده‌سته‌يا ژينگه‌هێ
ده‌سته‌يا گشتى يا ده‌ڤه‌رێن كوردستانى يێن ده‌رڤه‌ى ئيدارا هه‌رێمێ
كۆمسيۆنا هه‌لبژارتن وراپرسيێ
ده‌زگه‌هێ گشتى يێ كاروبارێن مينان
وه‌زاره‌تا پيشه‌يازى وبازرگانى
وه‌زاره‌تا ره‌وشه‌نبيرى
وه‌زاره‌تا ئاڤه‌دانكرنێ
سه‌رۆكايه‌تيا هه‌رێمێ
سه‌رۆكايه‌تيا په‌رله‌مانى
جڤاتا وه‌زيران
خانه‌نشينێن له‌شكرى
خانه‌نشينێن مه‌ده‌نى
ئه‌ڤرۆنيوز:
ل درێژيا كۆمبوون ودانوستاندنێن ل دۆر پێكئينانا كابينا نوو يا حوكمه‌تا هه‌رێما كوردستانێ، سوباهى شه‌مبيێ 16/2/2019 شاندێ مه‌كته‌با سياسى يا پارتى ديموكراتى كوردستان وبزاڤا گۆران دێ جاره‌كادى ل سلێمانيێ كۆمبن.
برياره د وێ كۆمبوونێ دا هه‌ردو شاندێن پارتى وگۆران دووماهى پێشهات وگوهۆريێن تايبه‌ت ب پێكئينانا كابينا نوو يا حوكمه‌تا هه‌رێما كوردستانێ به‌حس بكه‌ن.
دوهى پێنجشه‌مبى 14/2/2019 شاندێ مه‌كته‌با سياسى يا پارتى وبزاڤا گۆران ل پيرمام كۆمببون وپشتى كۆمبوونێ په‌يڤدارێن هه‌رد لايه‌نان بۆ رۆژنامه‌ڤانان راگه‌هاندبوو كو لێكنێزيكبوونه‌كا باش ل دۆر پرسا پێكئينانا كابينا نوو يا حوكمه‌تا هه‌رێما كوردستانێ دناڤبه‌را هه‌ردو لايه‌نان دا هه‌يه.
ئەڤرۆنیۆز، سالار دۆسكی
پشتی ده‌مه‌كێ درێژ ژ بەرهەمێن نوو دووركەفتی، هونەرمەندێ سترانبێژ هەڤال ئیبراهیم نووترین سترانا خوە یا ب ناڤێ (رحا من گەلەك شرینە د دەستێ تەدا) ب دووماهی ئینایە و ژڤانە نێزیكترین دەم بەلاڤ بكەت
هونەرمەندێ ئاوازدانەر، یوسف رەمەزان كو خودانێ پەیڤ و ئاوازێن نووترین سترانا هونەرمەند هەڤال ئیبراهیمی یە یا بناڤێ (رحا من گەلەك شرینە د دەستێ تەدا) ل پەیجێ خوەیێ تایبەتێ فەیسبووكێ پارچەك ژ سترانا هەڤال ئیبراهیم یا نوو بەلاڤەكریە و تێدا ئاماژە كریە وێ چەند كو پەیڤ و ئاوزاێن ڤێ سترانێ یێن وی نه.
ئه‌ڤرۆنيوز:
كۆمسيۆنا بلند يا هه‌لبژارتنان وراپرسيێ ل هه‌رێما كوردستانێ دبه‌رپه‌رێ خوه يێ فه‌رمى دا ل سه‌ر تۆرا جڤاكى يا فه‌يسبووكى به‌لاڤكر، پشتى تمامبوونا هه‌موو پێرابوونان وده‌رچوونا فه‌رمانا خه‌رجكرنا پارێ كارمه‌ندێن گرێبه‌ستێن كۆمسيۆنێ بۆ رۆژا ده‌نگدانا په‌رله‌مانێ كوردستانێ، نوكه به‌لاڤكرنا پاره‌ى دقۆناغا دووماهيێ دايه.
ئه‌ڤرۆنيوز:
شيره‌تكارێ جڤاتا ئاسايشا هه‌رێما كوردستانێ، مه‌سرور بارزانى، ئه‌ڤرۆ ئه‌ينيێ 15/2/2019 دچارچۆڤێ كۆنگرێ ئاسايشا جيهانى ل مونشن ل ئه‌لمانيا ل گه‌ل فالح فه‌ياز شيره‌تكارێ ئاسايشا نيشتمانى يا عيراقێ كۆمبوو.
دديداره‌كێ دا، مه‌سرور بارزانى دووپاتى ل سه‌ر پێدڤيا به‌رده‌واميا هاريكاريا ئه‌منى دناڤبه‌را هه‌ولێرێ وبه‌غدا كر.
هه‌ر د وێ كۆمبوونێ دا گرنگيا زڤرينا كاركرنێ ب ميكانيزما ئه‌منى يا هه‌ڤپشك دناڤبه‌را هێزێن پێشمه‌رگه‌ى وهێزێن عيراقى ل ده‌ڤه‌رێن تايبه‌ت ب مادێ 140 ڤه هاته به‌حسكرن ول دۆر زێده‌بوونا لڤين وكريارێن داعشێ ل پارێزگه‌هێن كه‌ركووك، نه‌ينه‌وا، سه‌لاحه‌دين، ديالا وپشكه‌ك ژ ئه‌نبار دلته‌نگى هاته نيشاندان.
مه‌سرور بارزانى دووپاتكر كو راوه‌ستاندنا داعشێ وئايديولۆژيا وێ پێدڤى ب هاريكاريا به‌رده‌وام دناڤبه‌را حوكمه‌تا هه‌رێما كوردستانێ وحوكمه‌تا فيدرال هه‌يه.
هه‌ر د وێ كۆمبوونێ دا هه‌ڤرايى هه‌بوو ل دۆر گرنگيا ئاساييكرنا ره‌وشا كه‌ركووكێ ل سه‌ر بنه‌مايێ وێ نه‌خشه‌رێيا دمادێ 140 يێ دستوورى هاتى.
نيشاندان