ئەڤرۆ نیوز:
ئومێد ئەحمەد پەیڤدارێ وەزارەتا کارەبێ یا حوکمەتا هەرێما کوردستانێ راگەهاند کو عیراقێ سوتەمەنی بۆ سێ وێستگەهێن کارەبێ ل دهۆکێ دابین کریە و دێ رەوشا کارەبێ ل دهۆکێ گەلەک باشتر لێ هێت و دێ کارەب زێدە بیت و ئەو دشێن چەند مێگاواتێن کارەبێ دەنە پارێزگەها نەینەوا.
ناڤهاتی راگەهاند دانا کارەبێ بۆ پارێزگەها نەینەوا چو کارتێکرنێ ل کێمبوونا کارەبا گشتی ل هەرێما کوردستانێ ناکەت.
ئەڤرۆ نیوز:
وەزارەتا ساخلەمیێ یا حوکمەتا هەرێما کوردستانێ ئامارا ٢٤ دەمژمێرێن بۆری یا کۆرۆنایێ بەلاڤکر و راگەهاند کو ٤٥٨ کەسێن دی ل هەرێما کوردستانێ تووشی ڤایرۆسێ کۆرۆنایێ بووینە و ٢٧ کەس ژی مرینە.
ل گۆر ئامارا وەزارەتا ساخلەمیێ ل پارێزگەها دهۆکێ ١٩٩ کەسێن دی تووشی ڤایرۆسێ کۆرۆنایێ بووینە و سێ کەس ژی مرینە.
ئەڤرۆ نیوز:
ل گۆر زانیاریان حەفتیا بهێت دێ شاندەکێ وەزارەتا پێشمەرگەی سەرەدانا بەغدا کەت و ئارمانجا سەرەدانێ ژی بۆ دانانا بنگەهێن هێزێن پێشمەرگێن کوردستانێ یە ل دەڤەرێن دەرڤەی ئیدارا هەرێما کوردستانێ یە.
ل گۆر زانیاریان دێ رێککەفتن ل سەر دانانا بنگەهێن هێزێن پێشمەرگەی ل مووسل، دیالە و مەخمور هێتە کرن لێ هەتا نها ل دۆر دانانا بنگەهێن هێزێن پێشمەرگەی ل کەرکووکێ رێککەفتنا دووماهیێ نەهاتیە کرن و دێ دانوستاندن ل دۆر هندێ د بەردەوام بن.
ئەڤرۆ نیوز:
ئەڤرۆ سپێدێ ٢٠٢٠/٨/٢٤ ئیرینا ڤوجاکوڤا نوینەرا جێگرا سکرتێرا گشتی یا UN ل عیراقێ سەرا پارێزگەها دهۆکێ دا ژلایێ د،عەلی تەتەر پارێزگەرێ دهۆکێ پێشوازی لێ هاتەکرن، د رونشتنەکێ دا بەحسێ رەوشا ئاوارە و پەنابەران و ئەوخزمەتکاریێن یو رونشتڤانێن کەمپێن سنورێ پارێزگەها دهۆکێ دهێنە پێشکێشکرن ب گشتی هاتەکرن.
پارێزگەرێ دهوکێ سوپاسیا سازیێن UNێ ل عیراقێ کر لدور وێ هەفکاری و هاریکاریێن پێشکێشدکەن وخواست بەردەوام هەماهەنگیێ ل گەل کارگێریا پارێزگەهێ بکەن بو وێ یەکێ باشتر خزمەتا ئاوارە وپەنابەران بهێتە کرن.
ژلایێ خوڤە نوینەرا جێگرا سکرتێرا گشتی یا UN بنافێ خو وسکرتێرا گشتی دەستخوشی ل کارگێریا پارێزگەهێ کر بو وێ خزمەتا بەردەوام پێشکێشی ئاوارە و پەنابەران دکەن و پشتەڤانیاخو دیارکر بو هەر هەڤکاری وهاریکاریەکێ ل گەل دام ودەزگەهێن حکومەتا هەرێما کوردستانێ وپارێزگەها دهۆکێ.
بریارە ئەوە هەر ئەفرو شاندێ ناڤبری سەرا کەمپێن کەپەرتو، و ،دومیز، بدەت وژنێزیک هایداری رەوشا رونشتڤانێن وان کەمپا ببیت.
ئه‌ڤرۆ نیوز:
وه‌زیرێ دارایی و ئابووری یێ حوكمه‌تا هه‌رێما كوردستانێ ئیمزا ل سه‌ر چه‌ند بریاره‌كێن ده‌ربارێ چاكسازیێ ل سیسته‌مێ خویكێ ل هه‌رێما كوردستانێ كر.
ئه‌ڤرۆ 24/8/2020 وه‌زاره‌تا دارایی و ئابووری یا حوكمه‌تا هه‌رێما كوردستانێ راگه‌هاندنه‌ك به‌لاڤكر و تێدا هاتیه كۆ وه‌زیری دارایی ئیمزا ل سه‌ر چه‌ند بریاره‌كان ده‌ربارێ چاكسازیێ ل سیسته‌مێ خویكێ ل هه‌ریما كوردستانێ كر كۆ ئه‌ڤه‌نه:
ئه‌ڤرۆ نیوز:
د.خالس قادر رێڤه‌به‌رێ گشتی یێ دیوانێ ل وه‌زاره‌تا ساخله‌میێ یا حوكمه‌تا هه‌رێما كوردستانێ راگه‌هاند ئه‌و هاندانا سه‌رۆكێ حوكمه‌تا هه‌رێما كوردستانێ بریار ل سه‌ر دایی، بۆ ئه‌وان كه‌سانه كۆ ل ده‌مێ به‌لاڤبوونا كورونایێ ده‌وام كرین، ژ وان نوژدار و كارمه‌ندێن ساخله‌میێ و كارمه‌ندێن كارگێری و تیمێن وه‌رگرتنا نمونه‌یێن پشكنینان، تیمێن 122 و تیما ئه‌مبولانس و بنگه‌هێن پشكنینی و تیمێن پاراستنا ساخله‌میێ، ئانكو ئه‌ڤێن كار كرین دبیاڤێ كونترۆلكرنا كورونایێ ژ ده‌ستپێكا به‌لاڤبوونا وێ هه‌تانوكه، هاندان دێ بۆ هێته مه‌زاختن كو زێده‌تری 10 هزار نوژدار و كارمه‌ندێن ساخله‌میێ بخوڤه دگریت.
رێڤه‌به‌رێ گشتی یێ دیوانێ ل وه‌زاره‌تا ساخله‌میێ یا حوكمه‌تا هه‌رێما كوردستانێ ئه‌و چه‌نده ژی راگه‌هاند رێژه‌یا پاره‌ی لگۆری ده‌وامكرنێ و مه‌ترسیا ل سه‌ر ئه‌وان جوداهی هه‌یه، ل چه‌ند رۆژین بهێت دا ئه‌و پاره‌یه هێته پارڤه‌كرن، جارێ ئه‌و رێژا پاره‌یی دیار نینه، كۆ هه‌ر كه‌سه‌كێ وه‌ر دگریت، هاندان بتنێ بۆ ئێك جاره، بزاڤێ كه‌ین به‌رده‌وام بیت ئه‌ڤ چه‌نده.
ئه‌ڤرۆ نیوز:
په‌یڤدارێ وه‌زاره‌تا ساخله‌میا حوكمه‌تا هه‌رێما كوردستانێ راگه‌هاند وه‌ك سالێن بوری به‌رهه‌ڤكاریان ده‌ستپێكر بۆ به‌رهنگاربوونا ڤایرۆسێ وه‌رزی یێ تایبه‌ت ب ئه‌وان ڤایرۆس و به‌كتریایێن ل وه‌رزێ زڤستانێ زێده دبن، و ئیسال ژی گرنگیه‌كا زێده‌تر ب لایه‌نێ كورونایێ ده‌ین بۆ پرسا خوه پارێزیێ.
محه‌مه‌د قادر خوشناو په‌یڤداری وه‌زاره‌تا ساخله‌میا حوكمه‌تا هه‌رێما كوردستانێ راگه‌هاند: وه‌ك سالین بوری وه‌زاره‌تا ساخله‌میێ پلان و به‌رنامه‌یێ خوه دانایه بۆ چه‌وانیا به‌رهنگاربوونا ئه‌وان ڤایرۆس و به‌كتریان و هه‌وێن ڤاكسیندانی و به‌رهنگاربوونا ڤایرۆسێ H1N1.
په‌یڤداری وه‌زاره‌تا ساخله‌میا حوكمه‌تا هه‌رێما كوردستانێ ئه‌و چه‌نده ژی راگه‌هاند: بۆ ئیسال كو ڤایرۆسێ كورونایێ سه‌رهلدایه و لگۆری گوتنێن بسپورێن ساخله‌میێ ڤایرۆس ل وه‌رزێ پائیزێ و زڤستانی زێده‌تر گه‌شه‌یێ دكه‌ن، له‌ورا وه‌كو وه‌زاره‌تا ساخله‌میێ ته‌ڤایا به‌رهه‌ڤكاری بۆ چه‌وانیا به‌رهنگاربوونێ دارشتینه.
ئەڤرۆ نیوز، زنار تۆڤی:
موقەدەمێ مافپەروەر ئازاد تاها بەرپرسێ راگەهاندنا رێڤەبەریا گشتی یا هاتنوچوونا پارێزگەها دهۆکێ، بۆ ئەڤرۆ نیوز دیار کر: رێڤەبەريا هاتنوچوونێ ل پارێزگەها دهۆكێ، ئاگەهداريا هەموو وان شۆفيران دكەن، ئەوێن ترۆمبێلێن وان ژمارا كاتى بن و ب سەرڤه چووين، يان سالناما ترۆمبێلێ يان دەستووردانا هاژۆتنا ترۆمبێلێ ب سەرڤه چووبيت، دشێن سەرەدانا رێڤەبەريا هاتنوچوونا پاريزگەها دهۆکێ بكەن هەتا رێکەفتی ١/٩/٢٠٢٠ ، بۆ نووكرنا وان، بێی کو بهێنه سزادان.
ئه‌ڤرۆ نیوز:
ب ئه‌گه‌رێ نێزیك بوونا باهوزا ئه‌مریكا ل ده‌ڤه‌را كه‌نداڤێ مه‌كسیك و راوه‌ستاندنا قه‌باره‌یێ به‌رهه‌م ئینانا پترۆلێ ل وێ ده‌ڤه‌رێ، ئێخستنه‌ریا به‌رهه‌می د بازاری دا كێمكریه، به‌لێ ب ئه‌گه‌رێ دودلیێ ده‌ربارێ بلند بوونا ژماره‌یا توشبوویێن كورونایێ ل جیهانێ، بهایێ پترۆلێ تا راده‌یه‌كی جێگیر دبیت.
ل بورسه‌یێن جیهانی، ئه‌ڤرۆ بهایێ پترۆلا برێنت 8 سه‌نتان بلند بو كۆ دبیته 0.18% یا بهایێ وێ و دوماهی كرین و فروتن پێ هاتیه كرن ب 44.43 دۆلاران بوو، بهایێ پترۆلا ته‌كساس یا ئه‌مریكی 5 سه‌نتان بلند بوو كۆ ب 42.39 دۆلاران كرین و فرۆتن پێ هاتیه كرن.
ئه‌ڤرۆ نیوز:
بالیوزێ عیراقێ ل سعودیێ راگه‌هاند گرێدانا كاره‌با عیراقێ ب كاره‌با وه‌لاتێن كه‌نداڤێ عه‌ره‌بی ئاریشه‌یا كاره‌بێ ل عیراقێ چاره دبیت.
ریاز جه‌نابی بالیوزێ عیراقێ ل سعودیێ راگه‌هاند وه‌زاره‌تا كاره‌با عیراقێ و ئه‌مینداری گشتی یێ جڤاتا هاریكاریا كه‌نداڤی رێكه‌تنه‌كا لێك تێگه‌هشتنێ بۆ گه‌هاندنا كاره‌با كه‌نداڤی ب رێا كوێێ بگه‌هینه عیراقێ ئیمزاكر، تێچوویێن گه‌هاندنا كاره‌با كه‌نداڤی بۆ عیراقێ ژ وان هاریكاریان دهێته دابینكرن كۆ ل كۆنگرێ كوێت بۆ ئاڤه‌دانكرنا عیراقێ هات بووكرن.
عیراق بۆ دابینكرنا كاره‌بێ و گازا سروشتی بۆ ئیسگه‌هێن به‌رهه‌م ئینانا كاره‌بێ، ب شێوه‌یه‌كێ سه‌ره‌كی پشت به‌ستنێ ب ئیرانێ دكه‌ت، ئه‌مریكا و وه‌لاتێن كه‌نداڤێ عه‌ره‌بی به‌رده‌وام فشارێ دكه‌ن بۆ دوركه‌ڤتنا عیراقێ ژ كرینا كاره‌با ئیرانێ.
نيشاندان