ئەڤرۆ نیوز:
سەرکردەکێ ئێکەتیێ راگەهاند کو چو ئاریشە د ناڤبەرا ئێکەتیێ و پارتی دا نەماینە و هەموو ئەندامێن سەرکردایەتیا ئێکەتیێ ژی دخوازن کو پەیوەندیێن وان ل گەل پارتی ئاسایی و باش ببیت.
نەسروللا سورچی ئەندامێ جڤاتا سەرکردایەتیا ئێکەتیێ راگەهاند کو راستە بەری نها ئاریشە د ناڤبەرا پارتی و ئێکەتیێ دا هەبوو لێ نها رەوش ب تەمامی هاتیە گوهۆرین و گەلەک پرسێن بەری نها هاتینە چارەسەرکرن و هەموو ئەندامێن سەرکردایەتیا ئێکەتیێ پشتەڤانیێ ل هندێ دکەن کو چو ئاریشە د ناڤبەرا پارتی و ئێکەتیێ دا نەمینیت.
ئەڤرۆ نیوز ، زنار تۆڤی:
ئەڤرۆ چارشەمبی 19.8.2020، هێزێن ئەسمانی یێن سۆپایێ تورکی ب مەرەما هەبوونا گەریلایێن پەکەکێ چیایێ زنارا کێستە ل دەڤەرا بەرواری بالا بوردۆماکر.
مستەفا وەلاتیەکێ گوندێ چەلکێ یە، بۆ ئەڤرۆ نیوز دیار کر: ل دەمژمێر 3:30 پشتی نیڤرۆ فرۆکێن سۆپایێ تورکی چیایێ زنارا کێستە ئەوێ دکەڤیتە هنداڤی گوندێ کێستە ل دەڤەرا بەرواری بالا بۆمبەباران کریە و دو بۆمبە ل سەرێ وی چیایی داینە، هەروەسا د ئەڤ سالەدا ئەڤە چەندین جاران ئەو چیایە ژ ئالیێ فرۆکێن تورکی ڤە هاتیە بۆمبە باران کرن.
ئەڤرۆ نیوز:
وەزارەتا ساخلەمیێ یا حوکمەتا هەرێما کوردستانێ ئامارا ٢٤ دەمژمێرێن بۆری یا کۆرۆنایێ بەلاڤ کر.
١. کەرەنتین: (٥١ هاوڵاتی نوێ لە کەرەنتین)
٥٩ هاوڵاتی لە کەرەنتینن لە ٦ شوێنی جیاواز لە پارێزگای دهۆك ماونەتەوە.
٢. پشکنین: (٢٨٨١ پشکنینی نوێ)
(١٣٦٢ هەولێر)، (٦٧٤ سلێمانی، ١٤٥ گەرمیان)، (٦٦٦ دهۆك)، (٣٤ هەڵەبجە)
٣. تووشبوو: (٤٤٣ تووشبووی نوێ)
(١٥٧ هەولێر)
(١٢٠ سلێمانی، ٢٠ گەرمیان)
(١٣٦ دهۆك)
(١٠ هەڵەبجە)
٤. چاکبوون: (١٩٢ چاکبوون)
(١٢٢ هەولێر)
(٢٩ سلێمانی)
(٢٣ گەرمیان)
(١٨ هەڵەبجە)
٥. مردن: (٢٢ مردن)
(١٤ هەولێر)
(٣ سلێمانی، ١ گەرمیان، ٢ ڕاپەڕین)
(٢ هەڵەبجە)
ئاماری گشتی:
کەڕەنتین ٢١٧٧٧ هاوڵاتی (٢١٧١٨ دەرچوو)
پشکنین ٢٥٩٠٣٧ (١٠٩٧٥٩ هەولێر، ٧٨٥٠٥ سلێمانی، ٦٨٣٠٩ دهۆك، ٢٤٦٤ هەڵەبجە)
تووشبوون ٢٢٧٢١ (٩٣٢٨ هەولێر، ١٠٤٤٨ سلێمانی، ٢٢٢٥ دهۆك، ٧٢٠ هەڵەبجە)
چاکبوون ١٢٩٩٩ (٤٦٩٢ هەولێر، ٦٨٤٥ سلێمانی، ٨٦١ دهۆك، ٦٠١ هەڵەبجە)
لەژێر چارەسەر ٨٨٩٧ (٤٣٥٧ هەولێر، ٣٠٨٩ سلێمانی، ١٣٤٦ دهۆك، ١٠٥ هەڵەبجە)
مردن ٨٢٥ (٢٧٩ هەولێر، ٥١٤ سلێمانی، ١٨ دهۆك ، ١٤ هەڵەبجە)
بۆ زانیاری زیاتر سەردانی داشبۆردی حکومەتی هەرێمی کوردستان بکەن لەم لینکە (https://gov.krd/coronavirus/dashboard/).
وێڕای دەستخۆشی بۆ پزیشکان و کارمەندانی تەندروستی و هەموو تیمەکانی پزیشکی کە لە ئەرکدان، جارێکی تر داوا دەکەین هاووڵاتیان پابەندبن بە ڕێنماییەکانی تەندروستی و دورکەوتنەوە لە شوێنی قەڵەبالغ و دانانی ماسك و دەستکێش، وە لەکاتی پێویستدا پەیوەندی بکەن بە هێڵی گەرمی ژمارە (١٢٢).
وەزارەتی تەندروستی
حکومەتی هەرێمی کوردستان
١٩ی ئاب ٢٠٢٠
ئه‌ڤرۆ نیوز، بارزان مزوورى:
شه‌مال محه‌مه‌د ئه‌دیب رێڤه‌به‌رێ ناحیا باعه‌درێ بۆ ئه‌ڤرۆ نیوز گۆت: (پشتى سنورداركرنا سنورێن دناڤبه‌را هه‌رێما كوردستانێ و پارێزگه‌هێن عێراقێ گه‌له‌ك ژ ئاوارێن ل كوردستانێ دژین تایبه‌ت كه‌مپێن قه‌زا شێخان كارێ وان ل وان پارێزگه‌هێن عێراقێ بۆ چوون و هاتن بۆ مالێن خوە گه‌له‌ك یا ب زه‌حمه‌ت بوو و ژ بەر هندێ ژی گه‌له‌ك ژ وان ئاوارێن شێخان بریارا ڤه‌گه‌ریانێ دا بۆ ڤه‌گه‌ریانا وان بۆ ده‌ڤه‌را خوە ئانکۆ جهێ لێ ئاواره‌بووین ل شه‌نگال و ده‌وروبه‌ر ل سنورێ مه زێده‌ترى 3 هزار و چارسه‌د و چل خێزان یێن كه‌مپێن دناڤ كه‌مپا ئیسیان و دناڤ سه‌نته‌رێ باعه‌درێ دژین رۆژانه یێ كاروبارێن خوە پێشكێشى مه دكه‌ن بۆ ڤه‌گه‌ریانا وان بۆ سه‌ر جهێن خوە، ئه‌م ژى وه‌ك ئیدارا ناحیێ هه‌موو كارئاسانیا بۆ دكه‌ین).
ناڤهاتى خویاكر هه‌تا نها رێژا 12% ئاوارێن ل ناحیا باعه‌درێ ڤه‌گه‌ریاینه سه‌ر جهێن خوە، هه‌ر خێزانه‌كا ڤه‌گه‌ریاى ناڤێ وان هاتیه ره‌شكرن د لیستان دا و ڤه‌گه‌ریانا وى دوباره ئه‌م نه‌شێین ڤه‌گه‌رینین هه‌تا بوردێ كاروبارێن ئاواران بریارێ سه‌ر بده‌ت د نها دا ب تنێ خێزانه‌ك ڤه‌گه‌ریایه ئه‌و ژى ژبه‌ر نه‌بوونا خزمه‌تگوزاریا ڤه‌ریایه دوباره د ژیانا ئاواره‌یێ دا.
ئه‌ڤرۆ نیوز، بارزان مزوورى:
ئه‌ڤه ماوێ پێنج هه‌یڤانه پرۆژێ نووژه‌نكرنا په‌رستگه‌ها لالش هاتبوو راوه‌ستاندن د نها دا دوباره ده‌ست ب نووژه‌نكرنێ هاتیه كرن ژلایێ خێرخازێن ئێزدیان ڤه.
لوقمان سلێمان به‌رپرسێ نڤیسینگه‌ها راگه‌هاندنا په‌رستگه‌ها لالش بۆ ئه‌ڤرۆ نیوز گۆت: (ژ ده‌سپێكا هاتنا پێلا ڤایرۆسێ كورونایێ كارێ نووژه‌نكرنێ هاتبوو راوه‌ستاندن ژ به‌ر پاراستنا وه‌لاتیان دا، د نها دا ئێكه‌م پێنگاڤ یا ده‌سپێكرنا كارى ل سه‌ر نووژه‌نكرنێ دڤێ قوناغێ دا دێ مه‌زارگه‌هێن ئاینى هێنە نووژەنکرن).
ناڤهاتى خویاكر نووژه‌نكرنا په‌رستگه‌ها لالش ئه‌ڤه ماوێ دو سالانه كار ل سه‌ر هاتیه كرن هه‌تا نها یا به‌رده‌وامه و به‌رده‌وامیا نووژه‌نكرنا وێ یا گرێدایه ب وان كه‌سێن خێرخاز یێن ئێزدى ئه‌وێن ب كوژمه‌كێ پاره‌ى دابین دکەن.
ئەڤرۆ نیوز:
رێڤەبەريا گشتى يا پەروەردێ ل پارێزگەها دهوكێ ئاگەهداريا هەمى قوتابيێن خوشتڤى دكەت كو سوبەهى رێكەفتى 20/08/2020 ئەزموونێن خولا دووێ دوماهيا وەرزێ ئێكێ بو پولێن (4-11) دێ بەردەوامى پێ هێتنە كرن و ئەزموون دێ هێنە ئەنجام دان سەرەراى وێ چەندێ كو سوبەهى بێنڤەدانا فەرمى يە ل دام ودەزگەهێن حكومەتێ ب هەلكەفتا سەرێ سالا نوى يا مشەختى، ب ڤێ هەلكەفتێ پيروزباهى يێ ل هەمى موسلمانێن جيهانێ و كوردستانێ ب تايبەتى دكەن و ژخودێ مەزن دخوازين هەوە و كوردستانا خوشتڤى بپارێزيت .
رێڤەبەريا گشتى يا پەروەردێ ل پارێزگەها دهوكێ
19/08/2020
ئەڤرۆ نیوز ، زنار تۆڤی:
ئەڤرۆ چارشەمبی 19.8.2020، هێزێن ئەسمانی یێن سۆپایێ تورکی ب مەرەما هەبوونا گەریلایێن پەکەکێ ئاقارێ گوندێ کانی مەزنێ ل دەڤەرا بەرواری بالا بوردۆماکر و هەتا نوکە سێ جاران ئاقار و دەردورا گوندی هاتینە بۆمبەباران کرن.
خالد عەبدولرەحمان وەلاتیەکێ گوندێ کانی مەزنێ یە بۆ ئەڤرۆ نیوز دیار کر: ل دەمژمێر 1:00 پشتی نیڤرۆ فرۆکێن سۆپایێ تورکی ئاقارێ گوندێ وان بۆمبەباران کریە و ئەو جهێ بۆمبە لێداین، نێزیکی 700 میتران ژ گوندی دوورە و هەر جارەکا فرۆکێ بۆمبە هاڤێتین، گەلەک پرچکێن وان بۆمبان بناڤا گوندی کەفتینە.
ناڤهاتی گۆت ژی: دەنگەکێ مەزن ژ وان بۆمبان دهات و دەرگەهـ و پەنجەرێن مە تێک دهەژاندن و زیان گەهشیە هندەک مالان، دیسان ئەڤە جارا ئێکێ یە فرۆکێن تورکی گوندێ وان بۆمبەباران دکەت، هەروەسا ژ ئەگەرێ وێ بۆمبەبارانێ ئاگر بەربوویە ئاقارێ گوندی و نوکە ژی ب بەردەوامی دەنگێ فرۆکان یێ دهێت و دبیت هێشتا بۆمبان بهاڤێژن.
ئه‌ڤرۆ نیوز:
دیموكراتێن ئه‌مریكا، جوبایدن جێگرێ سه‌رۆكێ به‌رێ ئه‌مریكا ب فه‌رمی وه‌ك هه‌ڤركێ دونالد تره‌مپی بۆ هه‌لبژارتنێن سه‌رۆكاتیا ئه‌مریكا ده‌ست نیشانكر كۆ دێ ل سیێ تشرینا دوێ یا ئیسال هێته كرن.
بۆ ده‌مێ دو رۆژان بوو كۆنگرێ پارتا دیموكراتا ئه‌مریكا برێڤه دچوو و تێدا ئه‌ندامێن ئه‌وێ پارتێ ب زۆرینه‌یا ده‌نگان جوبایدن جێگرێ سه‌رۆكێ به‌رێ یی ئه‌مریكا وه‌ك به‌ربژارێ پارتێ بۆ هه‌لبژارتنێن سه‌رۆكاتیا ئه‌مریكا ئیسال هاته ده‌ست نیشانكرن.
ئه‌ڤرۆ نیوز:
ده‌زگه‌هێ شه‌هیدێن عیراقێ راگه‌هاند د نێزیكترین ده‌م دا ده‌ست ب پارڤه‌كرنا فورمێن ئه‌لكترونی بۆ كه‌س و كارێن خونیشانده‌ران یێن هاتینه كوشتن و دشێن تژی بكه‌ن وه‌ك شه‌هید دێ هێنه هژمارتن.
تارق مه‌نده‌لاوی رێڤه‌به‌رێ گشتی یێ فه‌رمانگه‌ها قوربانیێن تیرۆر و پرۆسه‌یێن سه‌ربازی یێ ده‌زگه‌هێ شه‌هیدان راگه‌هاند ل بن روناهیا بریارا جڤاتا وه‌زیران بۆ هژماركرنا شه‌هید و بریندارێن خونیشاندانێن هه‌یڤا 10 یا سالا بوری تا نوكه، یاسایا قوربانیێن تیرۆر و پروسه‌یێن سه‌ربازی بخوڤه دگریت، فورمه‌كا ئه‌لكترونی ل سه‌ر مالپه‌رێ ده‌زگه‌هێ شه‌هیدان به‌رهه‌ڤه بۆ خوه توماركرنێ.
مه‌نده‌لاوی رێڤه‌به‌رێ گشتی یێ فه‌رمانگه‌ها قوربانیێن تیرۆر و پرۆسه‌یێن سه‌ربازی یێ ده‌زگه‌هێ شه‌هیدان ئه‌و چه‌نده ژی راگه‌هاند دێ فورم ل چه‌ند رۆژێن بهێت هێته راگه‌هاندن ژبوی ئه‌وێ چه‌ندێ كه‌س و كارێن شه‌هیدان ژ قوربانیێن تیرۆر و بریندار و ره‌ڤاندیێن ئه‌وێن بێسه‌روشین بووین خو تومار بكه‌ن، ئه‌ڤ فورمه جارائێكێ یه ده‌زگه‌هێ شه‌هیدان بۆ توماركرنا ناڤێن شه‌هیدان و برینداران بكار دئینیت، به‌لێ پێنگاڤه‌كا باش و گرنگه بۆ ئه‌وێ چه‌ندێ ب زووترین ده‌م مامه‌له‌یێن كه‌س و كارین قوربانیان بهێنه بجكرن.
هاشم داود راوێژكارێ مسته‌فا كازمی سه‌رۆك وه‌زیرێ عیراقێ راگه‌هاند ژماره‌یا شه‌هیدێن شوره‌شا تشرینا ئێكی گه‌هشتیه نێزیكی 500 شه‌هیدان، ب بریارا سه‌رۆك وه‌زیران هه‌می ب شه‌هید هاتینه هژمارتن.
ئه‌ڤرۆ نیوز، زنار تۆڤى:
د. سه‌نگه‌ر سه‌ید قادر مامۆستایێ زانكۆیا ئه‌مریكى ل قاهیره، به‌رپرسێ دیسكێ عیراقى و كوردستانى و ناڤه‌ندا ئیماراتێ بۆ ڤه‌كۆلینێن ستراتیجى، بۆ ئه‌ڤرۆ نیور دیار كر: ئارمانج ژ سه‌ره‌دانا كازمى بۆ ئه‌مریكا ب هێزكرنا په‌یوه‌ندیێن ئه‌مریكا و عیراقێ یه، هه‌ر چه‌نده كازمى گۆتیه كو مه پێدڤى ب هێزێن ئه‌مریكا هه‌یه، هه‌روه‌سا بابه‌تێ په‌یوه‌ندیێن بازرگانى و ئابوورى و وزێ پرسه‌كا گرنگ یا گوتۆبێژانه دناڤبه‌را عیراقێ و ئه‌مریكا دا، چونكى ئه‌مریكا دڤێت كه‌رتێ وزا عیراقێ ژ ده‌ستێن رووسیا و توركیا و ئیرانێ رزگار بكه‌ت و رێككه‌فتنا چینێ و عیراقێ ژى هه‌لوه‌شینیت، دیسان ئه‌مریكا دێ هه‌موو بزاڤان كه‌ت كو ئیرانێ ژ عیراقێ دووربێخیت و بالا ده‌ستیا وێ نه‌هێلیت، لێ مسته‌فا كازمى دڤێت هه‌ڤسه‌نگیێ دناڤبه‌را ئه‌مریكا و ئیرانێ دا بكه‌ت و وى نه‌ڤێت عیراق ببیته مه‌یدانا ململانا ئیرانێ و ئه‌مریكا و دیسان ئه‌مریكا دڤێت چه‌ك ژ میلیشیاتان بهێته وه‌رگرتن.
ناڤهاتى گۆت ژى: كازمى لبه‌ره ژێده‌رێن داهاتێ میلیشیاتان كونترۆل بكه‌ت و دیسان وى بزاڤ كرینه كو سه‌ركردێن میلیشیاتان ئه‌وێن دناڤ ده‌زگه‌هێن ئه‌منى دا نه‌هێلیت و هه‌روه‌سا وى سۆپا و ده‌زگه‌هێن هه‌والگیریێ و دژه تیرۆرێ بهێز كرینه، داكو چالاكیێن میلیشیاتان بێ هێز بكه‌ت، هه‌ر چه‌نده ئه‌مریكا دڤێت كازمى ب هێزا چه‌كى روو ب روو میلیشیاتان ببیت و ئه‌ڤه ژى بۆ كازمى یا ب زه‌حمه‌ته، لێ كازمى دڤێت حه‌شدا شه‌عبى و كورد و سنه و پێشمه‌رگه و توركمان و ئێزدى و شیعه و هه‌موو پێكهاتێن عیراقێ بێخیته دناڤا چارچۆڤێ نیشتیمانى یێ عیراقى دا.
د. سه‌نگه‌ر هێشتا دبێژیت: بۆ ڤێ سه‌ره‌دانێ سه‌رۆكێ ئه‌مریكا دۆنالد تره‌مپى دڤێت بانگه‌شا ڤه‌كێشانا هێزێن ئه‌مریكا ل عیراقێ بكه‌ت، دیسان ئه‌مریكا دڤێت عیراق خودانا بریارا خوه بیت و ب ته‌مامى بكه‌ڤیته ژێر ستراتیجیه‌تا وێ، د قۆناغا داهاتى ژى دا عیراق بشێت بچیته به‌ره‌یێ هه‌ڤپه‌یمانیا ئه‌منى و ستراتیجى ل رۆژهه‌لاتا ناڤین، هه‌روه‌سا ل ڤان هه‌یڤێن بورى كازمى زیان گه‌هاندینه به‌رژه‌وه‌ندیێن ئیرانێ ل عیراقێ، رۆلێ ئیرانێ ل عیراقێ لاواز بوویه، لێ ژبه‌ركو بارێ ئیرانێ یێ ئابوورى خراب بوویه‌ن له‌وما پێدڤى ب عیراقێ هه‌یه، ئیرانێ نه‌ڤێت وه‌سا خوه نیشان بده‌ت، كو ل دژى چاكسازیێن عیراقێ یه، دیسان د ده‌مێ سه‌ره‌دانا كازمى دا بۆ ئه‌مریكا دهێته چاڤه‌رێ كرن، كو میلشیاتێن ئیرانێ و حه‌شدێ هێرشێ بكه‌نه سه‌ر بنگه‌ه و بالیۆزخانا ئه‌مریكا، خۆپیشاندان ژى ل دژى ڤێ سه‌ره‌دانێ بهێنه كرن، هه‌ر چه‌نده ئه‌مریكا دزانیت هه‌كه ده‌ست ژ كازمى به‌رده‌ت، دێ جاره‌كا دى عیراق كه‌ڤیته ده‌ستێ ئیرانێ و توركیا و دیسان ئه‌مریكا گۆتیه كازمى بابه‌تێ هێرشا و مه‌ترسیێن توركى بگه‌هینیته ناڤه‌ندێن بریاردانێ ل ئه‌مریكا.
نيشاندان