ئەڤرۆ نیوز:
وەزارەتا ساخلەمیا ئیرانێ راگەهاند کو د ماوەیێ ٢٤ دەمژمێرێن بۆری دا ١٨٨ کەسێن دی ل ئیرانێ ژ بەر کۆرۆنایێ مرینە و ب گشتی هەتا نها ١٨ هزار و ٩٨٨ کەس ژ بەر کۆرۆنایێ ل ئیرانێ مرینە.
د. سیما لاری پەیڤدارا وەزارەتا ساخلەمیا ئیرانێ ئەو یەک ژی دیار کر کو هەتا نها ٣٦٦ هزار و ٦٩٩ کەس ل ئیرانێ تووشی ڤایرۆسێ کۆرۆنایێ بووینە.
ئەڤرۆ نیوز:
سیرگێی لاڤرۆڤ وەزیرێ دەرڤە یێ روسیا راگەهاند کو هەبوونا هێزێن بیانی ئاستەنگیێ ل هەمبەر چارەسەریا سیاسی ل لیبیا دروست دکەت و دڤێت هەموو هێزێن بیانی ژ لیبیا دەرکەڤن دا هێز و ئالیێن سیاسی یێن لیبیا بشێن پێکڤە قەیرانا نها ل وەلاتی چارەسەر بکەن.
داخۆیانیا روسیا ب دلێ تورکیا نابیت چونکو ناکۆکیێن مەزن د ناڤبەرا روسیا و تورکیا دا ل لیبیا هەنە.
ئه‌ڤرۆ نیوز:
به‌رپرسێن چینێ راگه‌هاندن نه‌خوشیه‌كا نوو ل وه‌لاتێ كازخستناێ به‌لاڤ بوویه، پێشبینی دهێته‌كرن زۆر كوژه‌كتر بیت ژ ڤایرۆسێ كورونایێ.
وه‌زاره‌تا ساخله‌میا كازاخستانێ راگه‌هاند نه‌خوشی ئێكه ژ ئه‌وان ڤایرۆسێن كو تووشی كوئه‌ندامێ هه‌ناسه‌دانێ دبیت، تانوكه 32 هزار توشبوو ل وی وه‌لاتی هاتینه توماركرن.
ساول كیسیكوڤا سه‌رۆكێ چاڤدێریا ساخله‌میێ كازاخستانێ راگه‌هاند رۆژانه 300 توشبوویێن نوو بڤی ڤایرۆسی ل نه‌خوشخانه‌یێن پایته‌ختی دهێنه توماركرن.
ئه‌ڤه دده‌مه‌كی دایه نوكه 53 هزار و 21 توشبوویێن كورونایێ ل ئه‌وی وه‌لاتی هاتینه توماركرن، ژڤێ ژماره‌یێ ژی 264 كه‌سان گیانێ خوه ژ ده‌ست دایه.
ئه‌ڤرۆ نیوز:
ئێكه‌تیا ته‌پا پێ یا نێڤ ده‌وله‌تی فیفا و ئێكه‌تیا ته‌پا پێ یا ئاسیا ئاشكراكر ب ئه‌گه‌رێ به‌لاڤ بوونا ڤایرۆسێ كورونایێ، یاریێن ڤاڤارتنا جاما جیهانی یا 2022 و جاما ئاسیا یا 2023بۆ سالا بهێت باش ئێخستن.
بریار بو هه‌یڤا 10 یا ئیسال گه‌را دوێ یا یاریێن ڤاڤارتنا جاما جیهانی یا 2022 یا قه‌ته‌رێ بهێنه ئه‌نجامدان، به‌لێ فیفا د به‌یاننامه‌یه‌كا هه‌ڤپشك دا ل گه‌ل ئێكه‌تیا ته‌پا پێ یا ئاسیا راگه‌هاند ب ئه‌گه‌رێ به‌لاڤبوونا ڤایرۆسێ كورونایێ ڤاڤارتن بۆ سالا بهێت هاتنه پاش خستن.
ئه‌و چه‌نده ژی روونكر، هه‌ر ب وێ ئه‌گه‌ری ڤاڤارتنێن جاما ئاسیا یا 2023 كۆ بریار بۆ ل چینێ بهێته ئه‌نجامدان هاته پاشخستن، دێ دوماهی هیرده‌كاریێن ده‌مێن نوو وزانیاریان سه‌باره‌ت ڤاڤارتنا هه‌ردو جامان به‌لاڤ كه‌ین.
هه‌ر دو ئێكه‌تیا ته‌ئكید ل سه‌ر ئه‌وێ چه‌ندێ كر، كۆ بریار ژبه‌ر پاراستنا ساخله‌می و سلامه‌تیا گشتی و ته‌ڤایا پشكداربوویانه، هه‌ردو ئێكه‌تی د كارێ به‌رده‌وام دانه بۆ چاڤدێریكرنا ره‌وشێ و دیاریكرنا خشته‌یی نوو یێ ڤاڤارتنان.
ئەڤرۆ نیوز، زنار تۆڤی:
موقەدەمێ مافپەروەر ئازاد تاها بەرپرسێ راگەهاندنا رێڤەبەریا گشتی یا هاتنوچوونا پارێزگەها دهۆکێ، بۆ ئەڤرۆ نیوز دیار کر: د روودانەکا ترافیکێ دا دو کەس بریندار بوون.
ناڤهاتی زێدەتر ئاشکرا کر: د روودانەکا ترافیکێ دا ل سەر جادا سەرەکی یا دێرەبینێ و ل نێزیکی گوندێ تیسانا دو ترۆمبێلان لێکدا، کو ترۆمبێلەکا بارهەلگر تۆیۆتا پیک ئاب یا رەنگێ سور ل گەل ترۆمبێلەکا بارهەلگر کەیا دوتەن بوویە، د ئەنجامدا دو کەس ب گرانی بریندار بوون و زیانێن مادی یێن مەزن ژی گەهشتنە وان ترۆمبێلان.
ئه‌ڤرۆ نیوز:
ئاوات شیخ جه‌ناب وه‌زیرێ دارایی و ئابووری یێ حوكمه‌تا هه‌رێما كوردستانێ، رۆژا 29 ته‌موزا 2020 ره‌زامه‌ندی ل سه‌ر بجهكرنا ئێكه‌مین داخوازكاریا سسته‌مێ ئونلاین بۆ مه‌زاختیێن حوكمه‌تێ دا.
لگۆری راگه‌هاندنا وه‌زاره‌تا دارایی و ئابووری یا حوكمه‌تا هه‌رێماكوردستانێ ئه‌وا هاتیه به‌لاڤكرن، ب هه‌ماهه‌نگی ل گه‌ل فه‌رمانگه‌هێن ته‌كنولوژیا زانیاریان خۆله‌كا تایبه‌ت بۆ نوونه‌رێن ته‌ڤایا وه‌زاره‌تێ و ده‌سته و فه‌رمانگه‌هێن نه‌گرێدایی وه‌زاره‌تێ ل ده‌مێ بوری بۆ بكارئینانا سیسته‌مێ ئه‌لكترونی (IIS) بۆ وه‌رگرتنا ره‌زامه‌ندیێ ل سه‌ر مه‌زاختیێن بكاربرنێ كریه.
سیسته‌مێ ئونلاین بۆ چه‌وانیا وه‌رگرتن و ره‌زامه‌ندیا دخازكاریێن مه‌زاختنێ ژ لایێ وه‌زاره‌ت و ده‌سته و فه‌رمانگه‌هێن نه گرێدایی وه‌زاره‌تێ ل چارچوڤه‌یێ بجهكرنا كارنامه‌یا كابینه‌یا نه‌هێ و ب ئارمانجا پێشڤه‌برنا شه‌فافیه‌ت و كێمكرنا روتین و برێڤه‌برنا كاران بله‌ز دبیاڤێ مه‌زاختیێن بكاربر یێن خهوكمه‌تێ و كێمكرنا مه‌زاختیان بریار ل سه‌ر هاتیه دان.
لگۆری ئه‌وی سیسته‌مێ وه‌زاره‌تا دارایی و ئابووریا حوكمه‌تێ دانایی، دیوانا وه‌زاره‌تێ و ده‌سته و فه‌رمانگه‌هێن نه‌گریدایی وه‌زاره‌تێ، داخازكاریێن مه‌زاختنێ ب سیسته‌مێ ئونلاین بۆ وه‌زاره‌تا دارای و ئابووری ره‌وانه كه‌ن و پشتی هیربینیێ بریار ل سه‌ر دهێته دان.
ئه‌ڤرۆ نیوز:
ئاژانسێن نووچه‌یان به‌لاڤكرن، بهایێ پترۆلێ داكه‌تیه، ب ئاوایه‌كی بهایێ پترۆلا برێنت ب 44.66دۆلاران ل بازارێن جیهانێ كرین و فروتن پی هاتیه‌كرن، هه‌ڤده‌م بهایێ به‌رمیلا پترۆلا ئه‌مریكی ب 41.70 دۆلاران كرین و فرۆتن پی هاتیه‌كرن.
بلند بوون و داكه‌تنا بهایێ پترۆلێ دده‌مه‌كی دایه كۆ ژماره‌یه‌كا وه‌لاتان بۆ به‌رهنگاربوونا ڤایرۆسێ كورونایێ ته‌ڤایا كه‌رتێن پیشه‌سازیێ و بازرگانیێ راوه‌ستاندبوون، به‌لی نوكه ب ئه‌گه‌رێ كێم بوونا مه‌ترسیێن كورونایێ، پشكه‌كا چالاكیێن ئابووری یێن خوه ده‌ستپێكرینه ئه‌ڤه‌ژی بوویه ئه‌گه‌رێ بلند بوونا بهایێ پترۆلێ.
ئه‌ڤرۆ نیوز:
په‌یڤدارێ فه‌رمانده‌یێ هێزێن چه‌كدارێن عیراقێ ته‌ئكید كر كۆ رێكێ نادهین خوینا عیراقیان ب هه‌روه بچیت و داخازا روونكرنێ ژ سوپایێ توركیا دكه‌ت.
یه‌حیا ره‌سول په‌یڤدارێ فه‌رمانده‌یێ گشتی یێن هێزێن چه‌كدارێن عیراقێ راگه‌هاند د هێرشه‌كا توركیا دو به‌رپرسێن سه‌ربازی یێن هێزێن پاسه‌وانێن توخیبی هاتینه كوشتن و ئه‌و هێرش ژی دناڤا ئاخا عیراقێ هاتیه ئه‌نجام دان، ئه‌وێ تاوانا توركیا ئیدانه دكه‌ین و داخازێ ژ سوپایێ ئه‌وی وه‌لاتی دكه‌ین ب زووترین ده‌م روونكرنێ ل سه‌ر ئه‌نجامدانا ئه‌وێ هێرشێ و ئه‌نجامده‌رێن وێ ژی سزا بده‌ت.
یه‌حیا ره‌سول راگه‌هاند كۆ به‌ریا نها هوشداری مه دایه ژ ده‌ست درێژیێن توركیا بۆ سه‌ر ئاخا عیراقێ و خوینا عیراقیان ب بهایه و رێكێ نادهین ب هه‌روه بچیت.
ئه‌ڤرۆ نیوز:
رێڤه‌به‌رێ سندوقا پشته‌ڤانیكرنێ ل وه‌زاره‌تا كارۆبارێن جڤاكی یا حوكمه‌تا هه‌رێما كوردستانێ ده‌مێ وه‌رگرتنا قستێن قه‌رێن بچیك هاته دیاركرن.
ئارام ئه‌نوه‌ر رێڤه‌به‌رێ سندۆقا پشته‌ڤانیكرنێ ل وه‌زاره‌تا كارۆبارێن جڤاكی یا حوكمه‌تا هه‌رێما كوردستانێ راگه‌هاند: ب ئه‌گه‌رێ به‌لاڤبوونا ڤایرۆسێ كورونایێ، وه‌رگرتنا قستێن قه‌رێن بچیك كۆ به‌ریا نها بۆ پرۆژه‌یێن بچیك هاتبوونه دان بۆ چه‌ند وه‌لاتیه‌كان، ب بریارا حوكمه‌تێ هات بوونه راوه‌ستاندن.
ئارام ئه‌نوه‌ر ئه‌و چه‌نده ژی راگه‌هاند: نوكه ره‌وش به‌ره‌ڤ ئاسای بوونێ دچیت، پلان دانایه ل دوماهیا ئه‌ڤێ هه‌یڤێ ده‌ست ب وه‌رگرتنا قستێن قه‌رین بچیك بكه‌ن.
رێڤه‌به‌رێ سندوقا پشته‌ڤانیكرنێ ل وه‌زاره‌تا كارۆبارێن جڤاكی ئه‌و چه‌نده‌ژ ی دازانین دێ شیواز و ده‌مێ وه‌رگرتنا قه‌ران ب هیری هیته دیاركرن.
ئه‌ڤرۆ نیوز،محه‌مه‌د عه‌لی:
دهێته چاڤەرێكرن ل ناڤەراستا ڤێ هەیڤێ شەش یاریزان و راهێنەرێ یانا دهۆک پشکداری قارەمانیا دەولەتی یا یاریا تایکواندویێ نیشاندان ب شێوێ ئۆنلاین بن ئەوا دێ بنگەهێ دادڤانێن بریاردەر ل وەلاتێ تونس هێتە ئەنجامدان.
دلشاد ئەحمەد بادی راهێنەرێ نێڤدەولەتی ویانا دهۆکێ و پشکدارێ قارەمانیێ بۆ ئەڤرۆنیوز گۆت: یانا دهۆک دێ پشکداریێ دقارەمانیێ دا کەت کو پێکهاتیە ژ یاریزانا ڤەگێر رەشید محمد، سەمەدار ئەڤراز سالح، حسێن وەلی عەلی، طیب وەلی عەلی، ئارام ئێدریس موسا، سامان عەبدولسەلام سەفەر و ئـەز وەکو راهێنەر و پشکدارم.
هەروەسا ناڤهاتی گوت: قارەمانیا دەولەتی یە دێ ل 15 ڤێ هەیڤێ دەستپێکەت و پێشبینی دهێتە کرن پشکداریەکا بەرجاڤ و رێژەکا مەزن بهێتە ئەنجامدان، وەکو یانا دهۆک بەرهەڤیێن باش کرینە پێخەمەت پشکداریەکا سەرفەراز و بلندکرنا ناڤێ یانا دهۆکێ.
نيشاندان