ئەڤرۆ نیوز:
چاڤى هێرناندێز راهێنه‌رێ یانا سەد یا قه‌ته‌رى و یاریکەرێ به‌رێ یێ یانا به‌رشه‌لونا یا ئسپانى راگه‌هاند: کو تووشى ڤایروسێ كۆرۆنایێ بوویه و نه‌شێت بچیته یانا خوە ل ده‌مێ ده‌ست پێكرنا هه‌ڤركیێن فه‌رمى دا و دێڤێد باراتس دێ كارێت وى برێڤه به‌ت.
چاڤى ئاشكرا كر: به‌رى چه‌ند رۆژان پشكنینێن وى ب ئه‌رێنى هاتینه و تووشى ڤایروسى بوویه، دبێژیت ب دلخوشى هه‌ست ب باشیێ دكه‌م دێ به‌رده‌وام ل ژێر چاڤدێریێ دا بم هه‌تا ب باشى چاره‌سه‌ر دبم.
ئەڤرۆ نیوز:
وەزارەتا ساخلەمیا هەرێما کوردستانێ راگەهاند: د دەمێ 24 دەمژمێرێن بوری دا 215 کەسێن دی تووشی کۆرۆنایێ بوون، ژ وان ژی(٧٦ ل هەولێرێ)، (٧٢ ل سلێمانیێ، ٣٩ ل گەرمیان، ٣ ل راپەرین، ١١ ل پارێزگەها دهۆكێ، ١٤ ل هەلەبجە)
هەروەسا گۆتیە: ١٤٠ نەخۆش چێبووینە، کو ١١٣ ل هەولێرێ، ٦ ل گەرمیان، ١٢ ل دهۆكێ، ٩ ل هەلەبجە).
دیسان دیار کریە: ١٠ کەسان ژی وەغەرکریە، ٣ ل هەولێرێ، ٦ ل سلێمانیێ، ١ ل گەرمیان).
ئەڤرۆ نیوز، زنار تۆڤی:
توپخانا سوپایێ تورکی گوندێ بێدۆهێ یێ سەر ب ناحیا كانی ماسێ ڤە ل سنورێ قه‌زا ئامێدیێ توپ باران كر.
ئەڤرۆ ئێڤاری تۆپخانا سۆپایێ توركی گوندێ بێدۆهێ یێ سەر ب ناحیا كانی ماسێ ڤه تۆپباران کریه، به‌لێ هه‌تا نوکە زیانێن وێ تۆپبارانێ نه‌هاتینه زانین، ئەڤە چەندین جاران ئەو گوندە ژ ئالیێ تۆپخانا سۆپایێ تورکی ڤه هاتە تۆپباران کرن.
ئەڤرۆ نیوز ، زنار تۆڤی:
موقەدەم بێوار عەبدولعزیز پەیڤدارێ بەرەڤانیا باژێرێ دھۆکێ، بۆ ئەڤرۆ نیوز راگەھاند: ئەڤرۆ شەمبیێ و ل دەمژمێر ١١ سپێدێ ل گوندێ خازیاڤا گەنجەکێ ئاکنجیێ باژێرێ دهۆکێ ب ناڤێ( م، ک) د ژیێ 16 سالیێ دا د ئاڤێ دا خەندقیە.
ناڤهاتی دیار کر ژی: پشتی تەرمێ وی ژ ئاڤێ ئیناینەدەر، بۆ نۆشداریا داد ل دھۆکێ ھاتیە ھنارتن، د ئەڤ سالە دا ١٧ کەس د ئاڤێن سنورێ پارێزگەها دهۆکێ دا خەندقینە.
ئەڤرۆ نیوز:
کەمال کلچدار ئوگلۆ سەرۆکێ گشتی یێ پارتا کۆماریا گەل راگەهاند کو ژ بەر سیاسەتا شاش یا ئەردۆگانی ئەڤرۆ تورکیا تووشی قەیرانەکا گەلەک مەزن بوویە.
ناڤهاتی راگەهاند کو پرسا کوردی پرسا سەرەکی یا تورکیا یە و دڤێت ل پەرلەمانێ تورکیا پرسا کوردی ب رێیێن سیاسی بهێتە چارەسەرکرن و گۆت: (ئێدی دڤێت ئەم رێ نەدەین کو هندەک وەلات پرسا کوردی ل دژی تورکیا بکار بینن، ژ بەر هندێ ژی دڤێت پرسا کوردی و هەموو پرسێن دی یێن تورکیا د چارچۆڤێ دیموکراسیێ و ل پەرلەمانێ تورکیا دا بهێنە چارەسەر کرن).
ئەڤرۆ نیوز:
سەرۆک مەسعود بارزانی پێشوازی ل رۆب والەر کونسولێ گشتی یێ نوو یێ ئەمریکا ل هەولێرێ کر و د روونشتنەکێ دا بەحسێ دووماهیک پێشهاتێن سیاسی ل عیراقێ و کوردستانێ هاتە کرن، ب تایبەتی ژی بابەتێ ڤایرۆسێ کۆرۆنا کو بوویە ئاریشەکا مەزن بۆ هەموو وەلاتان.
سەرۆک بارزانی هەروەسا داخوازا سەرکەفتنێ بۆ کونسولێ نوو یێ ئەمریکا ل هەولێرێ کر.
ئەڤرۆ نیوز:
ژوورا ئۆپەراسیۆنان ل ئیدارا گەرمیان کۆمبوو و ١٣ بریارێن تایبەت سەبارەت ب خوەپاراستنێ و رۆژێن جەژنێ هاتنە دان.
د راگەهاندنەکێ دا کو ژ ئالیێ ژوورا ئۆپەراسیۆنان یا ئیدارا گەرمیان هاتیە بەلاڤکرن تێدا هاتیە دیار کرن کو سپێدێ رۆژا ئێکشەمبیێ دێ دەرگەهێن مزگەفتان هێنە ڤەکرن و رۆژا جەژنێ ئانکۆ رۆژا ٣١/٧/٢٠٢٠ ژ بۆ رێگریکرن ژ بەلاڤبوونا ڤایرۆسێ کۆرۆنا دێ قەدەغا هاتنوچوونێ بیت و دڤێت هەموو وەلاتی ژی پێگیریێ پێ بکەن.
ئەڤرۆ نیوز:
سەرۆکێ حوکمەتا هەرێما کوردستانێ مەسرور بارزانی ب هەلکەفتا ١١مین سالیادا دامەزراندنا بزاڤا گۆڕان د پەیامەکێ دا پیرۆزباهیێ ل رێکخەرێ گشتی، ئەندام و ئالیگرێن بزاڤا گۆڕان دکەت.
سەرۆکێ حوکمەتا هەرێما کوردستانێ هەروەسا دیار دکەت کو بزاڤا گۆڕان وەکو ئێک ژ وان هێزێن کو پشکداری د حوکمەتێ دا کریە، د هەمان دەمی دا رۆلەکێ خوە یێ بەرچاڤ ل بزاڤا سیاسی ل کوردستانێ دا هەیە.
سەرۆکێ حوکمەتێ هەروەسا دیار دکەت کو ئەو هێڤیدارە ب پشتەڤانیا هەموو ئالیێن پشکدار و هێزێن سیاسی ل کوردستانێ حوکمەت بشێت بەرنامێ خوە یێ چاکسازیێ ب رەنگەکێ سەرکەفتی برێڤە ببەت و نها دهێتە خواستن کو ئەم هەموو پێکڤە بەرەڤانیێ ل هەرێما کوردستانێ و هەموو مافێن دستووری یێن خەلکێ کوردستانێ بکەین.
نيشاندان