ئه‌ڤرۆ نيوز:
ژێدەرێن دەنگوباسێن سعودی راگەھاندیە کو ئێڤاریا دوھی رۆژا چارشەمبی بەرەڤانیا عەسمانی ل سعودی تووشی چەند مووشەکێن بالیستی یێن حوسیان بوو.
ئەڤان ژێدەران ئاشکەرا ژی کر کو بەری ئەو مووشەک بگەھنە جھێ ئارمانجێ کو پارێزگەھا “جازان” بوو ل باشوورێ سعودیێ.
د ڤان حەفتیێن دووماھیێ دا حوسی حەفتیانە مووشەکێن بالیستی دھاڤێژنە باژێرێن باشوورێ سعودیێ ب تایبەت باژێرێ جازان و نەجران کو ل سنورێ باکوورێ یەمەنێ د نێزیکن.
ئەڤرۆ نیوز:
بڕیکارێ بەرێ یێ وەزارەتا دارایی یا عیراقێ رادگەھینیت کو حوکمەتا عیراقێ بەری جەژنا قوربان 317 ملیار دینارێن مووچێ فەرمانبەرێن ھەرێما کوردستانێ رەوانە کەت.
فازل نەبی، گۆت: “وەزارەتا دارایی یا عیراقێ بۆ مە راگەھاندیە کو بەری جەژنا قوربان دێ کۆژمێ 317 ملیار دینارێن مووچێ فەرمانبەرێن ھەرێما کوردستانێ ھنێرن”.
ئاماژە ب وێ چەندێ ژی کر کو ھەموو فەرمانبەرێن حوکمەتا عیراقێ ل بەری جەژنا قوربان مووچەیی وەرگرن، د ڤی چارچۆڤەیی دا پشکا ھەرێما کوردستانێ دێ ھێتە رەوانە کرن، ژ بەر کو ھەموو ھەیڤان ل دەمێ بەلاڤکرنا مووچێ فەرمانبەرێن خوە، مووچێ فەرمانبەرێن ھەرێما کوردستانێ ژی رەوانە کەن.
ئه‌ڤرۆ نيوز:
ڤەکۆلینێن نوو ل زانکویا بوزیلی یا ئیتالی ھاتنە ئەنجام دان، شرۆڤەکرنا داتایێن ساخلەمی و خوارنێ ل سەر ملیون و نیڤ کەسان ھاتەکرن بۆ ماوێ 10 سالان، دیسان پێداچوون ل سەر دو ڤەکۆلینێن خوارنێ ھاتەکرن کو ئێک ژ وانا 25 کەسان پشکداری تێدا کر بوو و ڤەکۆلینا دیتر ژی 23 کەسان پشکداری تێدا کر بوون.
ئەنجامێن ڤەکۆلینێ دوپاتکر کو خوارنا مەعکەرونێ چەندین جاران د حەفتیێ دا چو کارتێکرنێ ل سەر قەلەویا مرۆڤی ناکەت، بەلێ رێیا چێکرنا وێ دیار دکەت چەند مفا یان زەرەر دگەھیتە لەشی.
نابیت روونێ زێدە دگەل مەعکەرونێ بھێتە چێکرن، بەلکو گەلەک کێم روون دناڤ دا بیت داکو مفایێ مەعکەرونێ بگەھیتە لەشی چونکۆ ئێک ژ مفایێن وێ ئاستێ کولسترولا زیانبەخش د لەشی دا کێم دکەت، ھەروەسان ئەگەر مەعکەرون ب زەیتا زەیتونان بھێـتە لێنان باشترە بۆ ساخلەمیا دلی و دەمارێن وی، دیسان مێشکی ژی ژ خەرفتنێ دپارێزیت.
ئه‌ڤرۆ نيوز:
فێقیێن ھاڤینی گەلەک جورن و تاما ھەموویان ژی یا خۆشە، بەلێ نەخۆشێ ئێشا شەکرێ نەشێت ھەموو جوران بخۆت ژ بەر وێ رێژا بلند یا شەکرێ دناڤ دا، ژ بۆ پاراستنا ساخلەمیا خوە.
ئێک ژ تایبەتمەندێن خوارنێ دبێژیت: ھەموو فێقیێ ھاڤینی بوھایێ خوارنێ یێ بلند ھەیە، بەلێ بۆ نەخۆشی شەکرێ ھندەک فێقی نە باشن و دڤێت خوە ژێ دوور بکەت مینا مانگو و ھژویر و تری، چونکۆ رێژەکا بلند یا شەکرێ دناڤ دایە، کارتێکرنێ ل نەخۆشێ شەکرێ دکەت، بەلێ ھندەک
فێقیان نەخۆشێ شەکرێ دشێت بخۆت بێ ترس:
ــ فێقیێ گیایێ سنوبەری: رێژەکا بلند یا فیتامیناتا دناڤا دا ھەیە، ئەلیاف دناڤ ھەنە، رێژا کولوکوزێ دناڤ دا یا کێمە، رێژا شەکرێ د خوینێ دپارێزیت.
ــ سێف: یا زەنگینە ب ئەلیافا و رێژا کولیسترولا خوینێ کێم دکەت و ئاستێ شەکرێ د خوینێ دا پارێزیت.
ــ خوخ: ژ فێقیێن گرنگە بۆ نەخۆشێ شەکرێ رێژا شەکرێ د خوینێ دا کێم دکەت و ئاستێ وی پارێزیت.
ئه‌ڤرۆ نيوز:
سەرۆک کۆمارێ تورکیا، رەجەب تەیب ئەردوگان، دبێژیت: “ئەو پێلا عەردھەژا کو نھا ئابوورێ تورکیا ڤەگرتی دێ د دەمەکێ گۆنجایی دا دەرباز بیت.
ئەردوگان دوھی پێشوازی ل سەرۆکێ ئێکەتیا بۆرسا و ئودەیان ل تورکیا، رەفعەت ھەسجارجیکلی ئوغلۆ و شاندێ ل گەل دا کر.
ب گۆرەیی میدیایێن تورکیا، د وێ ھەڤدیتنێ دا زێدەتر بەحس ل رەوشا ئابووری و ئەو پێلا عەردھەژێ یا کو ژ بەر ئالوزیا پەیوەندیێن ئەمریکا و تورکیا، ئابووریا وی وەلاتی ڤەگرتی، ھاتە کرن.
رۆژناما میلیەت دایە زانین کو ئەردوگان د کۆمبوونێ دا گۆت: “ئەڤ قەیرانا نھا یا دەمی یە و د دەمەکێ گۆنجای دا ب دووماھی ھێت، ژ بەر وێ ژی بلا چو کەس نەترسیت.
ب گۆرەیی ھەمان ژێدەرێ دەنگوباسان رەجەب تەیب ئەردوگان یێ سەرۆک کۆمارێ تورکیا گۆت: “گەل دزانیت ئەو قەیران و کێشە چاوان و ژ کیڤە ھاتینە”.
ئه‌ڤرۆ نيوز:
دانا پرا ئاسنى و زالگه‌ها هه‌ڤپشك د رێيا هه‌ولێر – كه‌ركووك دا ده‌سپێكر و بڕياره به‌رى جه‌ژنێ ئه‌و رێ بێته ڤه‌كرن.
فه‌رهاد نيعمه‌تولا، نوونه‌رێن حوكمه‌تا هه‌رێما كوردستانێ ل به‌غدا راگه‌هاند كو پشتى 8ى ڤێ هه‌يڤێ رێكه‌فتنا دووماهيێ ده‌رباره‌يى ڤه‌كرنا رێيا هه‌ولێر – كه‌ركووك كرى، ژ ئه‌ڤرۆ پێنگاڤێن ڤه‌كرنێ ده‌ست پێ دكه‌ن. گۆتژى: “ئه‌ڤرۆ ده‌ست ب دانانا پرێن ئاسنى ل پردێ هێته كرن و حوكمه‌تا هه‌رێمێ دێ وێ پرا ئاسنى دانيت”.
دا زانين ژى كو ئه‌ڤ زالگه‌ها هه‌ڤپشك دێ د ناڤبه‌را چه‌په‌رێن هه‌ردولا دا هێته دانان و زالگه‌ها كه‌ڤن يا هه‌ولێرێ هه‌ر دێ ل جهێ خوه مينيت و ناهێته راكرن.
ئه‌ڤرۆ نيوز، فاتما مزوورى:
بڕياره ئه‌ڤرۆ 9ى ته‌باخا 2018ێ 25 وه‌لاتيێن په‌نابه‌رێن هه‌رێما كوردستانێ كو ژ لايێ توركيا ڤه هاتبوونه گرتن، بۆ هه‌رێما كوردستانێ دهێنه ڤه‌گه‌راندن.
ئارى جه‌لال، سه‌رپه‌رشتيارێ گشتى يێ فيدراسيۆنا په‌نابه‌ران ل هه‌رێما كوردستانێ بۆ ئه‌ڤرۆ نيوز گۆت: “بڕياره ئه‌ڤرۆ ژماره‌كا وان كۆچبه‌ر و په‌نابه‌رێن كو د زيندانێن توركيا دا بوون و هاتينه ئازادكرن بۆ هه‌رێما كوردستانێ و عيراقێ بهێنه ره‌وانه كرن”.
زێده‌تر گۆت: “بزاڤێن مه د به‌رده‌وامن بۆ ئازادكرنا وان وه‌لاتيێن هه‌رێمێ يێن وه‌كو په‌نابه‌ر د زيندانێن وه‌لاتێ توركيا دا و بۆ ڤێ چه‌ندێ ژى نوكه 25 كه‌س هاتينه ئازادكرن و دێ ب رێيا فرۆكخانا نێڤده‌وله‌تى يا هه‌ولێرێ ڤه‌گه‌رنه هه‌رێما كوردستانێ”.
خۆيا كر ژى كو فيدراسيۆنا په‌نابه‌را كاوربارێن قانوونى بۆ هه‌موو په‌نابه‌رێن گرتى يێن د زيندانێن توركيا دا گرتينه به‌ر و بڕياره ب چه‌ند قووناغان هه‌موو ئه‌و په‌نابه‌ر بهێنه ئازادكرن.
ئەڤرۆ نیوز، نەوزاد ھلۆری:
پرانیا زاروکێن سەنتەرێ ناحیا شێلادزێ و کومەلگەھا سیریێ یا سەر ب دەڤەرا ئامێدیێ پایسکلا دھاژون، و ئەڤە زێدەباری کو مەترسی بو سەر ژیانا وان ھەیە ، دھەمان دەم دا بێزارییەکا زور ژی بو مال و شوفێر و بازاران درۆست دکەن.
نەسروللا عەبدوللا ئێکە ژ وان زاروکێن کو پایسکل ب چەند شێوازێن سەرنجراکێش دھاژوت بۆ ئەڤرۆ نیوز گۆت: (ئەڤە سێ سالە ئەز پایسکلێ دھاژوم، و دەستپێکێ ئەز گەلەک دکەفتم ،بەلێ نھا ئەز فێربویمە و ناکەڤم، و ئەم پایسکلێ لسەر جاددە و کولانێن نێزیک مالا خوە دھاژوین ، و ب شەڤ و رۆژ ژی دھاژون ، و ھندەک جاران ھەتا نێزیکێ دەمژمێر 3:00ێ ب شەڤ لسەر جادداینە).
زێدەتر گۆت: (بێگومان مال و وەلاتی و شوفێر گەلەک گازندا ژ مە دکەن، بەلێ پا ئەم ژی قوتابی نە و ب ھەلکەفتا دوماھی ھاتنا خواندنێ ئەم ژی دەمێن خوە ب پایسکلان د بورینین).
نیھاد بێوار ئەو ژی زاروەکێ دی یە و پایسکل دھاژوت بۆ ئەڤرۆ نیوز گۆت: (زێدەتر ژ 80% زاروکێن دەڤەرا مە پایسکلا دھاژون ، و نیڤا وان ژی نوزانن لێبخورین بەلکو خوە فێر دکەن، و زور جاران بویە سەدەم کو مرۆڤ بکەڤیت و ترومبێل بێزاریەکا تەمام ژ مە ببینن ، بەلێ ئەم ژی نەچارین و چوو جھێن تایبەت نینن بو ھاتژوتنا پایسکلا).
زێدەتر گۆت: (ھاژوتنا پایسکلا لدەڤ مە بتنێ زەوقە و خوشی یە، و پتریا ئەو پایسکلێن کو ژلایێ زاروکان دھێنە بکارئینان ، ب ھەکلەفتا دەرچون ژ قوتابخانێ بو کرینە ، و کوالێتی و جورێ وان باش نینە و ب بچوکترین کەفتن مروف بریندار دبیت چونکی چوو مەرجێن سلامەتیێ تێدا نینن).
نزار عومەر بابێ ئێک ژ وان زاروکایە ئەو بو ئەڤرۆ نیوز دبێژیت: (ب ھەلکەفتا دەرچون ل قوتابخانێ و مەزن بوون و چاڤلێکرنا زاروکێن دن ، بابێن زاروکا پایسلا بو زاروکان دکرن ، داکو دەمێن خو یێن ھاڤینێ ببورینن، ئەڤ یەک مەزنترین شاشیە ژ بەرکو ئەڤ زاروکە ژبەر نەبوونا چو جھێن تایبەت بو ھاژوتنا وان ، نەچارن دناڤ مال و بازار و سەر جاددا پایسکلا ب ھاژون ، و زێدەباری کو مەترسی بو سەر ژیانا وان دروست دبیت دھەمان دەم دا بێزاری ژی ل وان درۆست دبیت).
زێدەتر گۆت: (پێدڤی یە دایبابێن زاروکان ژیێن زاروکان ل گەل چەوانیا ھاژوتنێ ل بەر چاڤ بگرن پاشان پایسکلێ بو زاروکێ خو بکرن، و ب ھزرا من دڤێت دایک و باب زاروکێن خوە فێر بکەن ئاستێ زانستیێ وان بلند بکەن داکو ل ئایندە بشێن ببنە کەسانێن رەوشەنبیر و تێگەھشتی و خودان کار و پێشە و باوەرنامەیێن بلند ب تایبەتی د وەرزێ ھاڤینێ دا کو زاروکان دەمەکێ زور ھەیە).
ئه‌ڤرۆ نيوز:
ئەو باسکێ ئێکەتیێ کو بکارێ خیانەتا 16 ئۆکتۆبەرێ رابوویە دڤێن پۆستێ پارێزگارەیا کەرکووک ددەستنێن وانا دابیت، بەرپرسەکێ پارتی دیموکراتی ل کەرکووک دبێژت، چو جارەکێ ڕێ نادەینە وان کەسان یێن دەست د خیانەتا 16 ئۆکتۆبەرێ دا وی پۆستێ ئیداری وەربگریت.
پەیڤدارێ جڤاتا سەرکرداتی پارتی دیموکراتی کوردستان سا کەرکووک ـ گەرمیان بۆ رۆژناما ئەڤرۆ، راگەھاند، نوەکە ل باژێرێ کەرکووکێ حوکمڕانیا لەشکری یە و چو حسابەک بۆ ئیدارا باژێری نا ھێتە کرن، چەندین بڕیارە ھاتینە دەرکرن کو ئیدارا باژێرێ ھەر ئاگەە ژێ نینە.
عەدنان کەرکووکی گۆت: مە وەک پارتی ھەر ل دستپێکێ مەیا گۆتی مە نەڤێت شەرعیەتێ بدەینە ھێزێن داگیرکەر ل کەرکووکێ، لەوڕا نە پارتی و نەخلکێ کەرکووک ژی قەبوول ناکەن، چو کەسەکێ دەست ل گەل خیانەتا 16 ئۆکتۆبەرێ ھەبیت ببینە پارێزگارێ کەرکووکێ، چونکی وانا بەرانبەری فرۆشتنا کەرکووکێ پاداشتێ خوە ژ وەلاتێن دەوبەر وەردگرن کو تێرا ھەموو رەڤشتێن وانا دکەت، زێدەباری وێ چەندێ چەوا دێ خیانەتکار ھێنە پاداشت کرن؟.
ھەروەسا ناڤبری گۆت: نوکە رۆژانە نێزیکی (170) ھەزار بەرمیلێن پەترۆلێ ژ ئالیێ وان ھێزێن ل کەرکووکێ دھێنە دزین، و پشکا تایبەتا سەرانێن خیانەتکارێن 16 ئۆکتۆبەرێ تێدا ھەیە، نوکە کەرکووک یا دھێتە کاڤل کرن.
ئه‌ڤرۆ نيوز:
ھەرچەندە پشتی دووماھی ھاتنا پڕۆسا ھەلبژارتنێن 12ی ئایاری بۆری ھژمارەک شاندێن عیراقی سەرەدانا ھەرێما کوردستانێ کربوو، بۆ بدەستڤە ئینانا پشتەڤانیا کوردان.
رێناس جانۆ پەرلەمانتارێ بەرێ یێ پارتی ل پەرلەمانێ عیراقێ بۆ رۆژناما ئەڤرۆ گۆت: بدیتنامن ھێشتا پارتی چو رێکەفتن ل گەل لایەنێن عیراقی بۆ پێکئینانا حوکمەتا نوویا عیراقێ نەکرینە، راستە پارتی خەتێن سۆر ل سەر حەیدەر عەبادی و چو کەسێن دی بۆ وەرگرتنا پۆستێ سەرۆک وەزیران نینە، بەلێ مەرجێ بەروەختێ پارتی بۆھەر کەس و لایەنەکی ئەڤە بەرژەوەندیا مللەتێ کوردستانێ بەرچاف بھێتە وەرگرتن، واتە ھەر کەس و لایەنەکێ داخوازیێن خەلکێ ھەرێما کوردستانێ بجە بینیت دێ پارتی دگەل ئەڤی کەس و لایەنی رێکەڤیت، ھەتا نوکە چو رێکەفتنێن کۆنکرێتی نەھاتینەکرن بۆڤێ مەرەمێ ھێشتا بڕیارا دوماھیێ نەھاتیە دان پارتی دێ ھەڤپەیمانیێ دگەل چو لایەنەکی گرێدەت و پشتەڤانیا کیش بەربژێری بۆ وەرگرتنا پۆستێ سەرۆک وەزیران کەت، ئەف دانوستان و سەردانێن نوکەژی تێنەکرن کارەکێ نۆڕمال پێنگاڤن بۆ پێکئینانا کابینا نوویا حوکمەتێ.
رێناس جانۆی دیارکر”بابەتێ پۆستێ سەرۆک کۆمارێ عیراقێ زێدەتر گرێدایی ناف مالا کوردایە، کو بگەھنە ئەنجامەکی دێ کی بیتە بەربژێرێ کوردان بۆ وەرگرتنا ئەڤی پۆستی، پێدڤیە بەری کورد بچنە بەغدا و دەست ب رێکەفتنێ بکەن دگەل لایەنێن عیراقی ئەڤی بابەتی ئێکلا بکەن دناڤبەرا خوەدا، چونکە ھێشتا نەھاتیە ئێکلاکرن دێ کیش لایەن و کەس پۆستێ سەرۆک کۆماری وەرگریت.
نيشاندان