ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 23ى ئيلۆنا 2018ێ بهايێ زێر و زيڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 گرام زێرێ (ع) 18 | 36000 |
| 1 گرام زێرێ (ع) 21 | 42500 |
| 1 گرام زێرێ (ع) 22 | 44500 |
| 1 گرام زيڤ | 3000 |
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 23ى ئيلۆنا 2018ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:3
| 100 دولارێ ئه‌مريكى | 121.000 دينار |
| 100 يۆرۆيێ ئه‌ورۆپى | 140.100 دينار |
| 100 ليرێ توركى | 19.000 دينار |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نيوز:
د راگه‌هاندنه‌كێ دا ده‌رباره‌يى چوونا شاندێ پارتى ديموكراتى كوردستان بۆ به‌غدا، مه‌كته‌با سياسى يا پارتى ديموكراتى كوردستان راگه‌هاند كو پێداگريێ ل سه‌ر وه‌رگرتنا پۆستێ سه‌رۆك كۆماريێ چو به‌هانه‌يا موقنع نينه.
ئاماژه ب وێ چه‌ندێ ژى كريه كو هه‌كه ئێكه‌تى به‌حس ل رێكه‌فتنا سالا 2005ێ يا ناڤبه‌را سه‌رۆك بارزانى و مام جه‌لالێ ره‌حمه‌تى بكه‌ت، نوكه نه بارزانى سه‌رۆكێ هه‌رێما كوردستانێ يه و نه پۆستێ عيراقێ ژى يێ مام جه‌لاله و هه‌موو كاودان ژى هاتينه گوهۆڕين.
ده‌قێ راگه‌هاندنا مه‌كته‌با سياسى يا پارتى ديموكراتى كوردستان
هاوڵاتیانی بەڕێز…
لای هەموتان روون و ئاشكرایە كە پارتی نەك هەر لە دوای هەڵبژاردنی ئەنجومەنی نوێنەرانی عێراقەوە، بەڵكو هەمیشە پەرۆشی پێكەوەیی و یەكڕیزی بووە و هەموو هەوڵەكانیشی لەو پێناوەدا بووە.
سەبارەت پۆستی سەرۆك كۆماری عێراق، ئێمە لە كۆبونەوەكانمان لەگەڵ برایانی یەكێتی هەمیشە دووپاتمان كردۆتەوە كە ئەو پۆستە بەش و ئیستیحقاقی گەلی كوردستانە و هەرگیز تاپۆ و پاوانی حزبێكی دیاریكراو نییە. لە دوایین كۆبونەوەشمان لە بارەگای بەرێز كاك كۆسرەت جارێكی دیكە ئەم بابەتەمان لەگەڵ تاوتوێ كردن، زۆر بە راشكاوی پێمان گوتن لەبەرئەوەی چەند جاری رابردوو پۆستی سەرۆك كۆمار لە لای یەكێتی بووە، پێمان باشە بۆ ئەم جارە پۆستەكە لە لایەن پارتیمانەوە كاندیدی بۆ دیاری بكرێت و لەبەرامبەردا یەكێتی پۆست و ئیستحقاقی دیكە پڕ بكاتەوە، بڕیاریش وابوو لە نێوخۆیاندا گفتوگۆی زیاتر لەسەر ئەم پرسە بكەن و دواتر وەڵاممان لێ بگێڕنەوە. بەڵام بە داخەوە لە بری ئەوە لە راگەیاندنەكانەوە بیستمان كە تاك لایەنە و بێ مشوەرەت لەگەڵ پارتیمان و لایەنەکانی دیکەی کوردستان و، بێ گوێدانە داواكارییەكەی ئێمە، كاك بەرهەم ساڵحیان گەڕاندەوە نێو یەکێتی و کاندیدیان کرد بۆ پۆستی سەرۆک کۆمار، بۆیە جێی سەرسوڕمانە كە دەبیستین یەكێتی چوونی وەفدی ئێمە بۆ بەغدا بە هەڵوێستێكی تاك لایەنە دەزانێ.
لە راستیدا پێداگیریی یەكێتی لەسەر وەرگرتنی ئەو پۆستە هیچ بەهانەیەكی موقنعی نییە، ئەگەر باسی رێكەوتنی ساڵی 2005ی نێوان سەرۆك بارزانی و مام جەلالی رەحمەتی دەكەن، ئەوا لە ئێستادا نە سەرۆك بارزانی سەرۆكی هەرێمە و نە پۆستەكە بۆ مام جەلالە و كۆی هەل و مەرجەكەش گۆڕاوە. جگە لەوەی زۆر لە بڕگەكانی ئەو رێكەوتنە چوار خاڵییە و تەنانەت رێكەوتنی ستراتیژی 2007 یش لە لایەن خودی یەكێتییەوە دەمێكە پشتگوێ خراون. خۆ ئەگەر ئیستحقاقی ئینتیخابییش پێوەر بێت، مەعلومە كە پارتی وەك هێزی براوەی یەكەم لە هەموان موستەحەقترە بۆ وەرگرتنی پۆستی باڵا.
ئێمە كە داوا دەكەین ئەمجارە پارتی پۆستی سەرۆك كۆمار بگرێتە دەست، شەڕمان بۆ پلە و پایە نییە و رابردووش شاهیدە كە ئێمە هەرگیز خوازیاری پلە و پۆست نەبووین، بەڵام مەبەستمان ئەوەیە بە پشتیوانیی هەموو لایەك وا بكەین لەمەودوا ئەو پۆستە رۆڵ و كاریگەرییەكی باشتری هەبێت و داكۆكیكار بێت لە بەرژەوەندییەكانی كوردستان و بە كەڵكی میللەتەكەمان بێت نەك بێ تەئسیر و بێ سوود.
ئێمە ئێستاش پەرۆشی یەكرێزی و پێكەوەیین، داواشمان ئەوەیە لەگەڵ برایانی یەكێتی بگەڕێنەوە بۆ درێژەدان بە گفتوگۆیەكانی دوا كۆبونەوەمان و هیواداریشین ئەو راگەیاندراوەی بە ناوی مەكتەبی سیاسی یەكێتی بڵاوكراوەتەوە، هەڵوێستی هەموو یەكێتی نەبێ.
مەكتەبی سیاسی
پارتی دیموكراتی كوردستان
23ی ئەیلول 2018
ئه‌ڤرۆ نيوز:
ل دور بەرنامەیا بانگەشەیێن خوە، زەری نەوزاد رەسول ، بەربژێرا ژمارە 48 ل سەر لیستا 183 یا پارتی دیموکراتی کوردستان دبێژیت: راستە دچارچووڤێ وی بەرنامێ لیستا پارتی دانای، ئەم ھەمی دێ پێکڤە کارکەین بۆ جێبەجێکرنێ، لێ ئەز وەک رۆژنامەڤانەک باش دزانم کا مە ل کیڤە کێماسی ھەنە و رەنگە کەسژی ھندی کاندیدێن رۆژنامەڤان نەزانیت کا ئێش و ئازارو داخوازیێن ڤی خەلکی چنە، لەوا ئەم پرەک بووین بۆ گەھاندنا وان داخوازی و کێشەیان ب ھەمی تەخ و چوینڤە بۆ دەستھەلاتێ و برێکا دەزگەھێن راگەھاندنێ، ئەگەر خەلکێ مە باوەریێ بدەنە مە، بێگومان دێ پەیاما خۆ درێژیێ پێدەم و ل پەرلەمانی پێویستی ب دەزگەکەی نابم کو وەک پرەکێ داخوازی و گازندێن خەلکی بگەھینم، بەلکی دێ د لژنەیێن پەرلەمانیدا ئێکسەر کار لسەرکەین، بۆ نموونە ئەم دکارین کار لسەر راستڤەکرنا مووچەیێن پێشمەرگەیان بکەین، بۆچی پلەدارەکێ پێشمەرگەی دێ خۆدان مووچەیەکێ کێم بیت و ھەمان پێشمەرگە ل جھەک دی دێ خۆدان مووچەیەکێ جودابیت، ئەڤە کارەکێ زەحمەت نینە ئەگەر مە ئیرادە ھەبیت، ئەز بێی دوو دڵی دبێژم: ب ھیچ رەنگەکی نە رەوایە کو تا نھا رێکا سەرەکیا دھۆک-ھەولێر ئێکسایدبیت، د سالا ئێکێ دا دێ ھەمی شیانێن خوە مەزێخین کو ئاریشا ڤێ رێیێ چارە ببیت، دانا سۆزان کارەکێ ب ساناھیە،لێ بجھئینان شیان و ئیرادە و داکوکیکرن بۆ دڤێت، لێ ئەز دبێژم: ھەر تشتێ مە ڤیا د بەرژەوەندا خەلکێ مەدابیت و حکومەتێ گوھداریا مەنەکر، کەسێ دەستێ مە نەگرتیە دێ لسەر شاشێن تەلەفزیۆنا راستیان بۆ خەلکێ خۆ بێژین و ب ھەمی جورئەت و بلا ل وی دەمی دلێ پارتا من ل من بمینیت ، بەس نەیێ خەلکێ مە و وژدانا مەیا ئارام بیتھەرچەندەئەزلوێباوەرێمەھەکەتشتەکدخزمەتامللەتیدابیتدڤێتپارتامنژیپشتەڤانوریخوشکەربیت. “
بەربژێرا ژمارە 48 دیارکر ھەردەما دوژمنێن کوردستانێ دخوازن پلانا لاوازکرنا کوردستانێ دانن، ئێکسەر بیر ل ھندێ دکەن چەوا پارتی لاواز بکەن، لەو ژی د دیرۆکێدا ھەمی دەما نەحەزێن کوردان پیلانێن مەزن داناینە بۆ پارتی، لێ دیرۆکا نوی شاھدە کو پارتی سەر سەرکەفتیە و داستانێن سحێلا و پردێ ژی شاھدێن ساخن یێن کو ھێشتا سالەک ژی ب سەردا دەرباز نەبوویە،باوەربکەن پارتی نەبایە نوکە ھەولێر و سلێمانی و دھۆک وەکو کەرکووکێ بایە، لەو دەنگدان بۆ پارتی ئانکو جێبەجێکرنا پلانا ئاڤاکرنا کوردستانەکا بھێز ژ ھەمی لایان ڤە”.
بەربژێرا ژمارە 48 ئاماژە ب وێ یەکێ کر ژی کو سۆزێن مەزن یین بێکریار و شیان خەلکێ مە ژێ تێر بوویە، لێ ئەز دبێژم” پارتی حوکمرانەکێ سەرەکیە ل کوردستانێ ، لەو دبێژم بەشێ مەزنێ گونەھا پاشکەوتکرنا مووچەی و چەندین مەھان گیرۆبوون پتر دستوویێ پارتیا مەدایە، لێ پارتی ھەست ب بەرپرسیارەتیێ دکەت و ژێ نارەڤیت، ئەگەر ئەم دەرچووین دێ لگەل ھەڤکارێن خوە یێن پەرلەمانتار سوزێ دەین دادپەروەری د دابەشکرنا داھاتیداھەبیت، خوە بێدەنگ ناکەین لسەر جیوازیا مووچەیێن پێشمەرگەی کو ل ھند جھان ھەمان پلەدارێ پێشمەرگە ب شێوەیێن جودا جودا مووچە بۆ ھاتیە دابینکرن”.
زەری نەوزاد ئاماژە ب وێ یەکێ کر کو د پرۆژێ وێ دایە کو کار ل سەر پرۆژەکێ بکەت بۆ دانانا یەکەیێن ئاکنجیبوونێ بۆ گەنجێن تازە خێزانێ پێکدئینن و گۆت: ئەڤ پرۆژە وەکو ێدقە جاریە دێ لێھێت، گەنجێن تازە خێزانێ پێکدئینن، کو ھەمی پێدڤیێن ژیانێ بۆ بھێنە تەرخانکرن، ب مەرجەکی کو بۆ دەمەکێ دەستنیشانکری بیت، وەکو دو سالان تا پینج سالان پشتی ھینگی ئەو بخۆ ژیانا خوە برێڤەببەن و ھندەک دیتر بھێنە جھێ وان، و ب ڤی رەنگی ئەڤ پرۆسە بەردەوام بیت، کو رۆژەک بھێت ھەمی بەرەبابێن داھاتی مفای ژ ڤی پرۆژە ببینیت، چونکو ب ھێزخستنا کوردستانێ دێ کەڤیتە سەر ملێن گەنجان ب ھەمی بیاڤێ خوەڤە، مللەت دێ مفایی ژێ بینیت و ئێدی بھانەیێن بیکاریێ و کێمدەرامەتیێ ژی نامینن، ئەڤ ھزرە دبیت مەزاختنەکا رێژەیی بخوەڤە بگریت و یا گونجای بیت، کو نەبیتە بارگرانی ژی ل سەر گەنجینا وەلاتی.
ئه‌ڤرۆ نيوز:
سه‌رۆكێ ته‌ڤگه‌را سه‌در، موقته‌دا سه‌در و نێچيرڤان بارزانى جێگرێ سه‌رۆكێ پارتى ديموكراتى كوردستان ئه‌ڤرۆ ل نه‌جه‌ف كۆبوون.
نڤيسينگه‌ها راگه‌هاندنێ يا موقته‌دا سه‌در، راگه‌هاندنه‌ك به‌لاڤكر و تێدا ئاشكه‌را كر كو ئه‌ڤرۆ 23ى ئيلۆنا 2018ێ موقته‌دا سه‌در، سه‌رۆكێ ته‌ڤگه‌را سه‌در و نێچيرڤان بارزانى جێگرێ سه‌رۆكێ پارتى ديموكراتى كوردستان كۆمبوون.
دا زانين ژى كو د چارچۆڤێ وێ كۆمبوونێ به‌حس ل ره‌وشا سياسى و گرنگيا له‌زاتيا پێكئينانا حوكمه‌تێ هاته كرن.
ژ لايه‌كێ دى ڤه، موقته‌دا سه‌در به‌حس ل گرنگيا وێ چه‌ندێ ژى كر كو حوكمه‌تا داهاتى دڤێت ده‌رگه‌هێن نشتيمانى ل هه‌مبه‌ر ئايين و نه‌ته‌وێن عيراقى ڤه‌كه‌ت و دڤێت ل گه‌ل هه‌موو هيڤيێن گه‌لى بگۆنجيت و خزمه‌تان پێش كێش بكه‌ت.
ئه‌ڤرۆ نيوز:
رێڤه‌به‌ريا كونترۆلكرنا ئينان و دروستكرنا ده‌رمان، ئامير و پێدڤيێن نوشدارى پشتراستيا ته‌مام دده‌ته وه‌لاتيان كو دێ يا به‌رده‌وام بيت ل سه‌ر چاڤدێريكرنا بازارێ ده‌رمانان و ده‌ست ب سه‌رداگرتنا ده‌رمانێن نه‌يێن قانوونى ل هه‌موو كوردستانێ.
رێڤه‌به‌ريا كونترۆلا ئينان و دروستكرنا ده‌رمان، ئامير و پێدڤيێن نوشدارى ل كوردستانێ راگه‌هاندنه‌ك ل مالپه‌رێ خوه يێ فه‌رمى به‌لاڤكريه و دايه زانين كو د ماوێ بۆرى دا، رێڤه‌به‌ريا وان ب به‌رده‌وامى و ماندونه‌نياسى روو ب روويێ ده‌رمانێن نه‌قانوونى بوويه و دێ يا به‌رده‌وام ژى بيت ژ بزاڤێن خوه هه‌تا كو ب باشترين و بلندترين كوالێتى ده‌رمانان پێشكێشى وه‌لاتيان بكه‌ت.
رێڤه‌به‌ريا كونترۆلا ئينان و دروستكرنا ده‌رمان، ئامير و پێدڤيێن نوشدارى ل كوردستانێ داخوازێ ژ وه‌لاتيان دكه‌ت كو هه‌ماهه‌نگى و هاريكاريا تيمێن وان بكه‌ت ل هه‌ر جهه‌كى كو ده‌رمانێن نه‌قانوونى هه‌بن، تێمێن وان ئاگه‌هدار بكه‌ن و ده‌رمانان ژى ب تنێ يێن قانوونى بكڕن.
كۆنترۆلا جۆرى يا ده‌رمانان دبێژيت: “هوشداريێ ژى دده‌ينه هه‌موو ده‌رمانخانه و كۆگه‌هێن ده‌رمانان دا كو مامه‌لا ئه‌وان ب تنێ ل گه‌ل ده‌رمانێن قانوونى بيت و داخواز ژێ دكه‌ين كو هه‌ر ده‌رمانه‌كێ نه‌يێ قانوونى ل ده‌رمانخانه و كۆگه‌هان هه‌بيت، راده‌ستى كوالێتى كونترۆل بكه‌ن، هه‌كه نه ده‌ست ب سه‌ردا بهێته گرتن دێ سزا د دووڤ دا هه‌بن”.
ئه‌ڤرۆ نيوز:
به‌رى ده‌مه‌كێ كێم ل زاخۆ و د كۆنگره‌كێ رۆژنامه‌ڤانى، عه‌لى ته‌ته‌ر به‌رپرسێ لقا هه‌شت يا پارتى ديموكراتى كوردستان هاتنا 140 كه‌سان ژ ناڤ رێزێن هه‌ڤپه‌يمانيێ بۆ ناڤ رێزێن پارتى ديموكراتى كوردستان راگه‌هاند.
د به‌رامبه‌ر دا، به‌رپرسێ تايێ باتيفا يێ هه‌ڤپه‌يمانيێ و ئه‌ندامێ جڤاتا زاخۆ د كۆنگره‌كێ رۆژنامه‌ڤانى دا راگه‌هاند كو سۆزێن د. به‌رهه‌م چو د راست نه‌بوون و گۆت: “د. به‌رهه‌م وه‌كو گۆتنێن خوه ده‌رنه‌كه‌فت”.
دا زانين ژى كو د. به‌رهه‌م وه‌سان بۆ وان دياركربوو كو دێ هنگى ڤه‌گه‌ريته ناڤ ئێكه‌تيێ ده‌ما مام جه‌لال دڤه‌گه‌ريته ژيانێ و ئه‌ڤه ژى چو جاران نابيت.
د به‌رامبه‌ر دا، د. عه‌لى ته‌ته دا زانين ژى كو ئه‌و دگه‌شبينن كو ئه‌ڤ كۆما گه‌نجان ڤه‌گه‌رياينه ناڤ پارتى پشتى بێ رێزى ل هه‌مبه‌ر ده‌نگێن وان هاتينه كرن و كرين و فرۆتن ب ده‌نگێن وان هاتيه كرن.
به‌رپرسێ لقا هه‌شت يا پارتى ديموكراتى كوردستان د وى كۆنگرێ رۆژنامه‌ڤانى دا گره‌نتى ژى دا وان و خه‌لكێ كوردستانێ كو ل گه‌ل پارتى ديموكراتى كوردستان ده‌نگێن وان ب هه‌روه ناچن.
ئه‌ڤرۆ نيوز:
ب مه‌ره‌ما ديدارا ل گه‌ل سه‌رۆكێ ته‌ڤگه‌را سه‌در، موقته‌دا سه‌در، نێچيرڤان بارزانى سه‌رۆك وه‌زيرێن هه‌رێما كوردستانێ سپێده‌هيا ئه‌ڤرۆ گه‌هشته پارێزگه‌ها نه‌جه‌ف و ل گه‌ل موقته‌دا سه‌در كۆمبوو.
سه‌ره‌دانا نێچيرڤان بارزانى بۆ نه‌جه‌ف و ديدارا ل گه‌ل موقته‌دا سه‌در، ب مه‌ره‌ما دانوستاندن ل سه‌ر حوكمه‌تا نوو يا عيراقێ يه و گه‌هشتنه رێكه‌فتنه‌كێ بۆ هه‌لبژارتنا سه‌رۆك كۆمار و سه‌رۆك وه‌زيرێن عيراقێ.
دوهى نێچيرڤان بارزانى جێگرێ پارتى ديموكراتى كوردستان سه‌ره‌دانا به‌غدا كربوو و تێدا چاڤ ب هه‌ر ئێك ژ حه‌يده‌ر عه‌بادى سه‌رۆك وه‌زيرێن نها يێن عيراقێ و عه‌مار حه‌كيم و ئه‌ياد عه‌لاوى و نورى مالكى و هادى عامرى كه‌فت بوو ب هه‌مان مه‌ره‌م.
ئه‌ڤرۆ نيوز، نيوار محه‌مه‌د سه‌ليم:
ئەو کوردێ فەیلی یێ خوە بۆ پۆستێ سەرۆک کۆمارێ عیراقێ بەربژێر کری راگەھاند کو ژ لایێ چو پارتەکا کوردستانی و عیراقێ ڤە ناھێتە پشتەڤانیکرن، بەلێ وەکو ئەو ب خوە دبێژیت کوردێن فەیلی دێ پشتەڤانیێ لێ کەن.
پرۆفیسۆر د. کەمال عەزیز کەیتولی، مامۆستایێ کولیژا نوشدار ل زانکۆیا دھۆک رۆژا پێنجشەمبی ل بەغدا خوە بۆ پۆستێ سەرۆک کۆماریێ بەربژێر کریە و سیڤیێ خوە پێشکێشکی لژنا قانوونی کریە.
کەمال عەزیز کەیتولی راگەھاند کو پەیوەندیا وی ل گەل پارت و کەساتیێن کوردستان و عیراقێ یا باشە، خوە ژ ھەژی پۆستێ سەرۆک کۆمارێ عیراقێ ژی دزانیت و گۆت: “دڤێت سەرۆک کۆمار کەسەکێ سەربەخۆ بیت و شارەزا د سیاسەتا نێڤدەولەتی و دبلۆماسی دا ھەبیت و ئەڤ شیانە یێ ل دەف من ھەین”.
زێدەتر دبێژیت: “بەری سیڤیێ خوە پێشکێش بکەم، من بزاڤ کر ھەماھەنگیێ ل گەل پارتێن کوردستانێ بکەم و من نامە بۆ پارتی دیموکراتی کوردستان و چەند لایەنێن دی ھنارت، بەلێ بەرسڤا ناما من نەھاتیە دان و نوکە ژی ب تنێ کوردێن فەیلی پشتەڤانیا من دکەن”.
د. کەمال عەزیز ل سالا 1954ێ ل بەغدا ژ دایکبوویە و ماستەر و دکتورا د کیمیا نوشداری دا ل بریتانیا ب دەست ڤە ئینایە، بەری سالا 2009ێ بۆ ماوێ چار سالان نوونەرێ حوکمەتا ھەرێمێ بوویە ل رۆژھەلاتێ ئاسیا.
دەربارەیی ئارمانجێن خوە ژی، د. کەمال عەزیز دبێژیت: “من ھەردەم بزاڤ کریە خزمەتا گەلێ خوە بکەم، ل سالا 1991ێ من ئەو نەھامەتیە دیت یا ب سەرێ کوردان ھاتی، ئەز ئەو کەس بووم یێ من بزاڤ کری دەڤەرەکا دژی فرینێ و دەڤەرەکا ئارام بۆ باشوورێ کوردستانێ بھێتە دروستکرن، ئەڤە ژی کارەکێ باش بوو. نوکە ژی من دڤێت ب رێیا وی پۆستی خزمەتا ھەموو گەلێ عیراقێ ب کورد و ھەموو پێکھاتێن وێ ڤە بکەم.
دا زانین ژی کو نوکە ل جیھانێ ھەموویێ کەسانێن سەربەخۆ یێن دشێن ھەموو لایەنێن سیاسی کۆم بکەن خوە بەربژێر دکەن، ل کوردستانێ ژی ھەموو لایەنێن سیاسی نەشیاینە کەسەکێ حزبی دەست نیشان بکەن بۆ ڤی پۆستی کو مافێ کوردانە و گۆت: “ژ بەر ھندێ ژی ئەڤە 40 سالە ئەز خزمەتێ دکەم وەکو کەسەکێ بێ لایەن و ژ لایێ زانستی ڤە کەسەکێ پێگەھشتی مە و ژ ھەژی مە بۆ ڤی پۆستی بھێنە ھەلبژارتن ژ بەر کو پرۆفیسۆرم”.
دەربارەیی وێ چەندێ کو پۆستێ سەرۆک کۆماریێ یێ بێ دەستەلاتە و تشتەکێ رەمەزی یە، بەربژێرێ سەرۆک کۆماریێ گۆت: “ئێک ژ ئەگەرێن وێ چەندێ کو دێ خوە بەربژار کەم ئەوە کو سەرۆک کۆمارێن بەری نوکە چو دەستەلات نەداینە خوە، ب گۆرەیی دستووری ماددێ 73 یێ دستوورێ عیراقێ دەستەلاتێن سەرۆک کۆماری گەلەک ب ھێزن، بەلێ ھەکە کەسەک نەشێت کار پێ بکەت یان نەڤێت کارەکی بکەت، دێ چاوان کار کەت”.
د. کەمال زێدەتر گۆت: “سەرۆک کۆمارێ عیراقێ نیشانا ھەبوونا پێکھاتێن عیراقێ یە و نە تشتەکێ نیشانی یە، ھەکە دەستەلاتێ نەدەن ژی ئەز دێ دەمە خوە و شول کەم و دەستەلاتێ دەمە خوە”.
ل دووماھیێ ژی گۆت: “خەلک وەسان ھزر دکەت کو حزبی مە، بەلێ د راستی دا کەسەکێ سەربەخۆ مە و بابێ من ژی پارتیەکێ ب ھێز بوویە و من ژی چار سالان ل رۆژھەلاتێ ئاسیا ل گەل حوکمەتا ھەرێما کوردستانێ کار کریە. ئەز ل سەر وێ چەندێ کار دکەم کو وەکو کەسەکێ سەربەخۆ بۆ سەرۆک کۆماریا عیراقێ بھێمە ھەلبژارتن و ل سەر ئاستێ عیراقێ ھەموویێ دھێمە نیاسین”.
مامۆستایەکێ زانکۆیا دھۆک بەربژارێ سەرۆک کۆماریێ یە
د. کەمال کەیتولی: ئەو کەسێن بەری نوکە ئەو پۆست وەرگرتی ڤالاتیەکا مەزن یا خستیێ
ئەو کوردێ فەیلی یێ خوە بۆ پۆستێ سەرۆک کۆمارێ عیراقێ بەربژێر کری راگەھاند کو ژ لایێ چو پارتەکا کوردستانی و عیراقێ ڤە ناھێتە پشتەڤانیکرن، بەلێ وەکو ئەو ب خوە دبێژیت کوردێن فەیلی دێ پشتەڤانیێ لێ کەن.
پرۆفیسۆر د. کەمال عەزیز کەیتولی، مامۆستایێ کولیژا نوشدار ل زانکۆیا دھۆک رۆژا پێنجشەمبی ل بەغدا خوە بۆ پۆستێ سەرۆک کۆماریێ بەربژێر کریە و سیڤیێ خوە پێشکێشکی لژنا قانوونی کریە.
کەمال عەزیز کەیتولی راگەھاند کو پەیوەندیا وی ل گەل پارت و کەساتیێن کوردستان و عیراقێ یا باشە، خوە ژ ھەژی پۆستێ سەرۆک کۆمارێ عیراقێ ژی دزانیت و گۆت: “دڤێت سەرۆک کۆمار کەسەکێ سەربەخۆ بیت و شارەزا د سیاسەتا نێڤدەولەتی و دبلۆماسی دا ھەبیت و ئەڤ شیانە یێ ل دەف من ھەین”.
زێدەتر دبێژیت: “بەری سیڤیێ خوە پێشکێش بکەم، من بزاڤ کر ھەماھەنگیێ ل گەل پارتێن کوردستانێ بکەم و من نامە بۆ پارتی دیموکراتی کوردستان و چەند لایەنێن دی ھنارت، بەلێ بەرسڤا ناما من نەھاتیە دان و نوکە ژی ب تنێ کوردێن فەیلی پشتەڤانیا من دکەن”.
د. کەمال عەزیز ل سالا 1954ێ ل بەغدا ژ دایکبوویە و ماستەر و دکتورا د کیمیا نوشداری دا ل بریتانیا ب دەست ڤە ئینایە، بەری سالا 2009ێ بۆ ماوێ چار سالان نوونەرێ حوکمەتا ھەرێمێ بوویە ل رۆژھەلاتێ ئاسیا.
دەربارەیی ئارمانجێن خوە ژی، د. کەمال عەزیز دبێژیت: “من ھەردەم بزاڤ کریە خزمەتا گەلێ خوە بکەم، ل سالا 1991ێ من ئەو نەھامەتیە دیت یا ب سەرێ کوردان ھاتی، ئەز ئەو کەس بووم یێ من بزاڤ کری دەڤەرەکا دژی فرینێ و دەڤەرەکا ئارام بۆ باشوورێ کوردستانێ بھێتە دروستکرن، ئەڤە ژی کارەکێ باش بوو. نوکە ژی من دڤێت ب رێیا وی پۆستی خزمەتا ھەموو گەلێ عیراقێ ب کورد و ھەموو پێکھاتێن وێ ڤە بکەم.
دا زانین ژی کو نوکە ل جیھانێ ھەموویێ کەسانێن سەربەخۆ یێن دشێن ھەموو لایەنێن سیاسی کۆم بکەن خوە بەربژێر دکەن، ل کوردستانێ ژی ھەموو لایەنێن سیاسی نەشیاینە کەسەکێ حزبی دەست نیشان بکەن بۆ ڤی پۆستی کو مافێ کوردانە و گۆت: “ژ بەر ھندێ ژی ئەڤە 40 سالە ئەز خزمەتێ دکەم وەکو کەسەکێ بێ لایەن و ژ لایێ زانستی ڤە کەسەکێ پێگەھشتی مە و ژ ھەژی مە بۆ ڤی پۆستی بھێنە ھەلبژارتن ژ بەر کو پرۆفیسۆرم”.
دەربارەیی وێ چەندێ کو پۆستێ سەرۆک کۆماریێ یێ بێ دەستەلاتە و تشتەکێ رەمەزی یە، بەربژێرێ سەرۆک کۆماریێ گۆت: “ئێک ژ ئەگەرێن وێ چەندێ کو دێ خوە بەربژار کەم ئەوە کو سەرۆک کۆمارێن بەری نوکە چو دەستەلات نەداینە خوە، ب گۆرەیی دستووری ماددێ 73 یێ دستوورێ عیراقێ دەستەلاتێن سەرۆک کۆماری گەلەک ب ھێزن، بەلێ ھەکە کەسەک نەشێت کار پێ بکەت یان نەڤێت کارەکی بکەت، دێ چاوان کار کەت”.
د. کەمال زێدەتر گۆت: “سەرۆک کۆمارێ عیراقێ نیشانا ھەبوونا پێکھاتێن عیراقێ یە و نە تشتەکێ نیشانی یە، ھەکە دەستەلاتێ نەدەن ژی ئەز دێ دەمە خوە و شول کەم و دەستەلاتێ دەمە خوە”.
ل دووماھیێ ژی گۆت: “خەلک وەسان ھزر دکەت کو حزبی مە، بەلێ د راستی دا کەسەکێ سەربەخۆ مە و بابێ من ژی پارتیەکێ ب ھێز بوویە و من ژی چار سالان ل رۆژھەلاتێ ئاسیا ل گەل حوکمەتا ھەرێما کوردستانێ کار کریە. ئەز ل سەر وێ چەندێ کار دکەم کو وەکو کەسەکێ سەربەخۆ بۆ سەرۆک کۆماریا عیراقێ بھێمە ھەلبژارتن و ل سەر ئاستێ عیراقێ ھەموویێ دھێمە نیاسین”.
ھەتا نوکە 157 قوتابخانەیێن شنگالێ ھاتینە داخستن `
ئه‌ڤرۆ نيوز:
ھژمارەکا زۆرا قوتابیێن ئاوارێن ئێزدی یێن خواندنا کوردی ڤەگەریاینە دەڤەرێن خۆ ل شنگالێ، لێ ژ بەر نەبوونا پۆلا دوازدێ ئامادەیی نکارن بەردەوامیێ بدەنە خواندنا خۆ و حکوومەتا عیراقێ ژی دەلیڤێ نادەت قوتابخانێن کوردی ل شنگال بھێنە ڤەکرن. رێڤەبەرێ پەروەردا شنگال یا خواندنا کوردی دیار کر،نھا ل شنگالێ ب تنێ 14 قوتابخانێن ڤەکری ھەنە و ل پارێزگەھا دھۆکێ ژی 42 قوتابخانە بۆ ئاوارەیێن قەزا شنگالێ ل کەمپان ھاتینە ڤەکرن و ھەتا نوکە ل قەزا شنگالێ 154 قوتابخانە ھاتینە داخستن، چونکو بەری ھاتنا داعش 170 قوتابخانە و پەیمانگەھەک ل قەزا شنگالێ ھەبوون، بەلێ پشتی داعش شنگال داگیرکری، قوتابخانێن شنگال ھەموو ھاتبوونە داخستن.
حسێن خدر، رێڤەبەرێ پەروەردا شنگال یا خواندنا کوردی، بۆ ئەڤرۆ ئاشکەراکر، ئەڤە نێزیکی سالەکێ یە پرۆسا خواندنا کوردی ل شنگال باش برێڤە ناچیت، ل سالا بۆری یا خواندنێ مە چەند ھەول دان بکارن پەرتۆک و پێدڤیێن دی یێن قوتابخانێ بگەھیننە دەڤەرا شنگال، لێ ژبەر نەبوونا ئێمناھیێ نەگەھشتن و حکوومەتا عیراقێ ژی دەلیڤێ نادەت قوتابخانێن کوردی ل شنگال بھێنە ڤەکرن و خزمەتا خواندنا کوردی ل شنگال بھێتە کرن.
خویاژی کر، بۆ ئیسال ژی مە ھەول داینە و ب فەرمی داخواز ژ (UNICEF)کریە بەری ھەیڤا (10) پەرتۆکان بگەھیننە شنگال، ئەگەر رەوش ب ڤی شێوەی بیت، پۆلا دوازدێ ل وێدەرێ ڤەنابیت، ژ بەر کو حەشدا شەعبی و ھێزێن دی رێگریێ دکەن ل ھەمبەر ڤێ چەندێ و ھەر جارا رێیا سحێلە ھاتە ڤەکرن و ئێمناھی ھاتە دابینکرن دێ چینە شنگال ڤە و پۆلا 12 بۆ قوتابیان ڤەکەین.
رێڤەبەرێ پەروەردا شنگال یا خواندنا کوردی ئەو یەک ژی ئاشکرا کر کو نھا ل شنگالێ ب تنێ 14 قوتابخانێن ڤەکری ھەنە و ل پارێزگەھا دھۆکێ ژی 42 قوتابخانە بۆ ئاوارەیێن قەزا شنگالێ ل کەمپان ھاتینە ڤەکرن و ھەتا نوکە ل قەزا شنگالێ 154 قوتابخانە ھاتینە داخستن، چونکو بەری ھاتنا داعش 170 قوتابخانە و پەیمانگەھەک ل قەزا شنگالێ ھەبوون، بەلێ پشتی داعش شنگال داگیرکری، قوتابخانێن شنگال ھەموو ھاتبوونە داخستن و پشتی شنگال ھاتیە ئازادکرن ژی ب تنێ 14 قوتابخانە ھاتینە ڤەکرن، ئەو ژی ھەموو ب زمانێ عەرەبی نە و چو قوتابخانە ل شنگال ب زمانێ کوردی نەھاتینە ڤەکرن.
حسێن خدر، رێڤەبەرێ پەروەردا شنگال یا خواندنا کوردی ل پارێزگەھا دھۆکێ خویاکر کو نھا پتر ژ 28000 قوتابی ب سەر پەروەردەیا وان ڤە نە و ب رێژەیا 90% وەکو ئاوارە ل کەمپێن پارێزگەھا دھۆکێ خواندنا خوە دبەنە سەر و میلاکێ پەروەردا شنگالێ ژی بەری شەرێ داعش نێزیکی 1800 ماموستایان بوو، بەلێ گەلەک ژ مامۆستایان چوونە دەرڤەی وەلاتی و چوونە ھەولێر و سلێمانیێ و نھا ب تنێ نێزیکی 1200 مامۆستایان ل سەر میلاکێ پەروەردا مە ھەنە.
حسێن خدر ئەو یەک ژی دا زانین کو قوتابخانێن ل دھۆکێ چو ئاریشە ل سەر نینن، بەلێ قوتابخانێن ل شنگالێ ھەین مەترسی ل سەر ھەیە و قوتابخانێن کوردی ژی ب چو رەنگان نەھاتینە ڤەکرن و گۆتیشی: بەری حەشد شەعبی بچیتە دناڤا شنگالێ دا نێزیکی 4000 قوتابیان د قوتابخانێن شنگالێ دا خواندنا خوە دبرە سەر، بەلێ پشتی حەشد ھاتینە دناڤا شنگالێ دا نێزیکی 2000 قوتابیان دیسا شنگال بجە ھێلا و نھا نێزیکی 2000 قوتابیان ل شنگال دخوینن.
نيشاندان