ئەڤرۆ نيوز:
ب چاڤدێریا سەرۆک مەسعود بارزانی، ئەڤرۆ 7 تەباخا 2018 ئێکەتیا لاوێن دیموکراتا کوردستانێ دێ کۆنگرێ خوە یێ ھەشتێ ب ناڤێ (کۆنگرێ پێشمەرگە) ل ھۆلا سەعد عەبدوللا ل ھەولێرێ ئەنجام دەت.
د کۆنگرەی دا 260 ئەندام دێ پشکداریێ تێدا کەن کو بۆ دەمێ دۆ رۆژان دێ یێ بەردەوام بیت و تێدا سکرتێر و ستافەکێ نوو بۆ مەکتەبا سکرتاریەتا ئێکەتیا لاوێن دیموکراتا کوردستانێ دێ ھێنە ھەلبژارتن.
وەکو دیار کۆنگرێ ھەشتێ یێ ئێکەتیا لاوێن دیموکراتا کوردستانێ بۆ 7-8-2018 ھاتبوو پاشخستن.
ئەڤرۆ نیوز ، زنار تۆڤی:
بڕیارا وه‌زاره‌تا چاندنا عیراقێ بۆ نووكرنا گرێبه‌ستا چاندنێ یا وان عه‌ره‌بێن نفوسا سالا (1957) هه‌ی، زیانەکا مەزن دگه‌هینیتە جوتیارێن كوردان ب شێوه‌کێ کو 150 هه‌زار دۆنەمێن ئەردێ كوردان ل كه‌ركوكێ دهێتە دان ب وان عه‌ره‌بێن کو مفادارن ل سه‌رده‌مێ سه‌دام حسێنی.
مه‌ردان ره‌حمان سه‌رۆكێ لقێ كه‌ركوكێ یێ سه‌ندیكا جوتیارێن كوردستانێ گوتیە، ئەڤ بریاره دێ 150 هزار دۆنەمێن ئەردێ كوردان ڤەگەرینیت بۆ وەلاتیێن عه‌ره‌ب ل دەڤەرێن: شوان، دوبز، ساله‌یی، قه‌ره‌هه‌نجیر، ناحیا پردێ و له‌یلان.
هەروەسا جوتیارێن كورد نه‌خستینه ناڤا پلانا چاندنێ یا ساڵانه، ب بهانەیا نه‌بوونا گرێبه‌ست و تاپۆیێ و ئێكلایی نه‌بوونا كێشا زه‌ڤیان و د ئاماده‌نینن تۆڤی و كیمیایێ و ئامیران بدەنێ.
گۆتیە ژی: هەکە چو چاره‌سه‌ری بۆ ڤێ كێشێ نەهێتە دیتن، جوتیارێن كورد دێ ل ده‌رڤەی پلانا ساڵانه یا چاندنێ دا بیت و ل دوماهێ به‌رهه‌مێ گەنمێ وان ژێ ناهێتە وەرگرتن.
ئەڤرۆ نیوز ، زنار تۆڤی:
پەیمانگەها ئاشتی و ئابووری یا جیهانی، لیستا وان وەلاتێن عەرەبی و جیهانی راگەهاندینە کو ب ترسناکترین وەلات دهێتە هژمارتن ژ روویێ ئێمناهیێ و ئاشتیێ ڤە.
ئەو راپۆرتە پێکهاتیە ژ دیارکرنا بارودۆخێ ئەمنی یێ 198وەلاتێن جیهانێ، هەروەسا ل 23 وەلاتان زۆرترین رێژا توند و تیژیێ و ململانێ و ناکۆکیێ و شەری تێدا هاتینە دیارکرن ب رێژا 99% یە.
دیسا دیارکرنا ترسێ و توندوتیژیێ و بارودۆخێ شەری د پێنج وەلاتێن جیهانی و عەرەبیدا ب ڤی رەنگی یە:
سوریا ل پلا ئێکێ دهێت، ئەفغانستان ل پلا دویێ، باشورێ سودانێ ل پلا سییێ، عیراق ل پلا چارێ، سۆمال ل پلا پێنجێ دهێت.
ئه‌ڤرۆ نیوز، بارزان مزوورى:
شێرزاد غازى، به‌رپرسێ ناوه‌ندا وه‌رزش و لاوێن شێخان بۆ ئه‌ڤرۆ نیوز ئاشكرا كر: كو بۆ ئێكه‌م جاره كچێن شێخان فێرى هاژوتنا ترۆمبێلێ دبن، ژبه‌ركو به‌رى نها ج جارا بزاڤ نه‌هاتینه دان ئه‌ڤ خولێن فێركرنا شوفێریێ بهێنە ڤه‌كرن.
ناڤبرى ئاشكرا كر ژی: كو ئه‌ڤ خوله بۆ ماوێ هه‌یڤه‌كێ دێ به‌رده‌وام بیت و خول هاتیه ڤه‌كرن د چارچوڤێ پرۆژێ دناڤبه‌را رێڤه‌به‌ریا لاوان /دهۆك ب هه‌ماهه‌نگى دگه‌ل رێكخراوا یونسیف ب هه‌ڤكارى دگه‌ل ناوه‌ندا وه‌رزش و لاوێن شێخان ئه‌ڤ خولا شوفێریێ بۆ 15 كچێن ئاواره و په‌نابه‌ر کو ژ هه‌موو نه‌ته‌وا هاتیه ڤه‌كرن ژ پرۆژێ قوناغا چارێ یا پرۆژێ پێش ئێخستنا شیانێن لاو سنێله یان داینه و هانده‌رێن گوهۆرینا جڤاكى ب رێیا پشکداریا وان د كومه‌لگه‌هێ دا.
ناڤبرى گوت ژى كو ئه‌ڤ خوله ب رێیا نڤیسینگه‌ها تایبه‌ت یا فێربوونا هاژوتنا ترومبێلان دهێتە رێڤه‌برن دڤێ خولێ دا ووركشوپ ژى تێدا هه‌نه لدور چاوانیا لێخورینا ترومبێلێ .
ئه‌ڤرۆ نيوز: ئاراس ره‌شاڤايى:
گه‌نجه‌كێ دهۆكێ پشكدارى د پرۆگرامێ سه‌ركردێن گه‌نجێن گه‌روك يێن جيهانى دا دكه‌ت، ميعاد سه‌عيد سالح دوسكى شيا ل سه‌ر ئاستێ عيراقێ ببيته ئێكه‌م د بوارێ جڤاكێ سڤيل و پێكڤه ژيانێ و ژ ئاليێ ئه‌مريكا ڤه هاته هه‌لبژارتن كو پشكدارى د به‌رنامێ سه‌ركردێن جيهانێ دا بكه‌ت.
ميعاد سه‌عيد سالح دوسكى بۆ ئه‌ڤرۆ نيوز دياركر كو بۆ ماوێ 24 هه‌تا 30 روژان وه‌كو سه‌ركرده پشكدارى به‌رنامه‌ى بووين و سه‌ره‌دانا وان جهێن تايبه‌ت بكارى مروڤى ڤه مه كرن و مروڤ فێرێ سه‌ركردايه‌تيێ دكه‌ت كو گرنگيا وێ ئه‌وه هزر و بير ل ئێك بهێته گوهارتن و ل پاشه‌رۆژێ سه‌ركرده دروست ببن و دخزمه‌تا وه‌لاتێ خوه دابن، كو سالانه 5 هزار كه‌س ل سه‌رانسه‌رى جيهانى پشكدار دبن.
ئه‌ڤرۆ نیوز:
ب چاڤدێریا سه‌رۆك مه‌سعود بارزانی، سوبه‌هی 7 ته‌باخا 2018 ئێكه‌تیا لاوێن دیموكراتا كوردستانێ دێ كۆنگرێ خوه یێ هه‌شتێ ب ناڤێ (كۆنگرێ پێشمه‌رگه) ل هۆلا سه‌عد عه‌بدوللا ل هه‌ولێرێ گێڕیت.
هه‌ر د ڤی واری دا، ئه‌ڤرۆ نێچیرڤان بارزانی جێگرێ سه‌رۆكێ پارتی دیمۆكراتی كوردستان ل گه‌ل سكرتێر و ئه‌ندامێن سكرتاریه‌تێ و به‌رپرسێن ناڤه‌ندێن بالا یێن باژێر و باژێركێن ئێكه‌تیا لاوێن دیمۆكراتا كوردستانێ كۆمبوو.
د كۆمبوونێ دا، جێگرێ سه‌رۆكێ پارتی كار و چالاكیێن ئێكه‌تیا لاوان بلند هه‌لسه‌نگاندن، ب تایبه‌تی د وێ ره‌وشا نه‌خواستی دا كو شه‌رێ تیرۆرستێن داعش و قه‌یرانا دارایی و كێشێن د ماوێ بۆری دا هاتینه خۆلقاندن.
ب گرنگی ڤه دوپاتی ل رۆل و كاریگه‌ریا ته‌خا لاوان د رووبرووبوونا هه‌ر مه‌ترسیه‌ك و پێشڤه‌برنا وارێ كلتووری، وه‌رزشی و وارێن جودا یێن جڤاكی دا كر.
ژ ئالیێ خوه ڤه، ئێكه‌تیا لاوان سه‌ره‌رای سوپاسیێ كو به‌رده‌وام پشته‌ڤانیێ ل داخواز و ئارمانج و كار و پرۆژێن ته‌خا لاوان دكه‌ت، كورتیه‌ك ل دۆر پلانا وان یا تایبه‌ت ب پێشخستنا ئێكه‌تیا لاوان و گوهۆڕینان د پێكهاته و میكانزما كاركرنێ و ئه‌جندا كارێن رێكخراوێ پێشكێشكرن ب ره‌نگه‌كی كو خزمه‌تێن زێده‌تر و ب به‌رهه‌متر پێشكێشی لاوان بكه‌ت.
ئه‌ڤرۆنيوز:
رێكخراوا نه‌ته‌وێن ئێكگرتى بۆ په‌روه‌ردێ وفێركرنێ وره‌وشه‌نبيريێ (يونسكۆ) نڤيسه‌ره‌كێ كورد خه‌لات دكه‌ت.
جه‌ميل تۆران بازيدى، نڤيسه‌ر، خه‌لكێ باژێرێ ئاگرى يه ل باكوورێ كوردستانێ، پشتى كوده‌تايا له‌شكرێ توركى ل 12 ئيلۆنا 1980 بۆ ده‌مه‌كى هاتبوو ده‌سته‌سه‌ركرن وپشتى ئازادبوونا وى وه‌كو په‌نابه‌ر چوو يونانى وهه‌تا نوكه ل وێرێ دژيت.
ئه‌و نڤيسه‌ره ل سه‌ر رومانا وى ( ناڤێ من ئازاده) هاتيه خه‌لاتكرن كو تێدا به‌حسێ ژيان ومشه‌ختبوونا خێزانه‌كا كورد يا خه‌لكێ هه‌له‌بجه دكه‌ت كو پشتى كيميابارانكرنا هه‌له‌بجه نه‌چاربووين وه‌كو په‌نابه‌ر بچنه ده‌رڤه.
گۆت ژى” چيرۆكا رومانا من يا راسته كو ده‌مێ دايك وبابێن ئازادى ل گه‌ل زارۆيێن خوه بزاڤێ دكه‌ن بگه‌هنه يونانێ، تنێ ئازاد قورتال دبيت ودگه‌هيته يونانێ وپۆليسێن توركى دايك وباب وخوشكا ئازادى ده‌سته‌سه‌ر دكه‌ن ودبێژنێ كورێ وان ( ئازاد) يێ دده‌ريايێ دا خه‌ندقى وپاشى ئه‌و خێزانه بێ ئازاد دهێنه راده‌ستكرن بۆ حوكمه‌تا عيراقێ”.
ئەڤرۆ نیوز،باسم قاسم شنگالی
نيگاركێشەكى بیانی ل وەلاتێ ئەلمانيا ل باژارێ كولن كارەكى سەرنج راكێش نەمايشکر ب دروستكرنا چەندين ئالايێن وەلاتان ودناڤ وان ئالان دا ئالايێ كوردستانێ دروست کر ل سەر ئەردى.
مەهدی حەسەن چالاکڤانێ ئێزدی ژ وی جهی بۆ ئەڤرۆ نیوز دا زانین، ئەڤ کار ماوێ سێ رۆژان یێ بەردوام بۆ هەر ژ رێکەفتی 3/8/2018 هەتا 5/8/2018 بەرامبەر كەنيسا كولن يا ناڤداروھەر گه‌شتيارەكى دھات ژكيش وەلاتی با، دا ھندەك پارەي دانيتە سەر ئالايێ وەلاتێ خوه ، بەلێ تشتێ مرۆڤ پێ سەرفراز سەر ئالايێ كوردستانێ گه‌له‌ك دراڤێ يۆرۆى بو وھەر كوردەكێ د ھات دراڤ دانا سەر ئالايێ كوردستانێ و ئالایێ کوردستانێ بۆ ئێکەم ئالا ژ وان هەموو ئالايێن وان وەلاتێن دى کو تژى بۆ ژ دراڤێ یۆرۆى.
ئه‌ڤرۆنيوز:
ژێده‌ره‌كى ژ شانا راگه‌هاندنا حكومى ل عيراقێ بۆ ئه‌ڤرۆنيوز دياركر كو پتر ژ هزار بريكارێن ئاهێن خوارنێ ل عيراقێ يێن هاتينه سزادان وپێرابوون دگه‌لدا هاتينه كرن.
وى ژێده‌رى زێده‌تر گۆت” وه‌زاره‌تا بازرگانى يا عيراقى پێرابوون دژى 1003 بريكارێن ئاهێن خوارنێ ل به‌غدا وپارێزگه‌هان وه‌رگرتينه دده‌مێ حه‌فت هه‌يڤێن بۆرى دا ژبه‌ر سه‌رپێچيا وان بۆ رێنمايێن كارى”.
ل دۆر جۆرێ وان پێرابوون وسزايان ژى گۆت” سزا دجۆرا وجۆر بوون وه‌كو ڤه‌گوهاستنا به‌روه‌خت يا خێزانان ژ ده‌ف هنده‌ك بريكاران و ئاراسته‌كرنا هوشداريا دووماهيێ بۆ هنده‌كێن دى وهوشداريا ده‌ستپێكێ ژى بۆ هنده‌ك ژوان وبريكاريا 23 كه‌سان ژى هاتيه هه‌لوه‌شاندن و4 بريكارێن ئاهێن خوارنێ ژى هاتينه هنارتن بۆ لژنێن ڤه‌كۆلينێ”.
ئه‌ڤرۆنيوز:
په‌يڤدارێ پارتى ديموكراتى كوردستان رۆهنكرنه‌كێ ل سه‌ر داخۆيانيه‌كا قوباد تاله‌بانى ل دۆر هه‌لبژارتنێن په‌رله‌مانێ كوردستانێ به‌لاڤ دكه‌ت.
مه‌حموود محه‌مه‌د، په‌يڤدارێ پارتى ديموكراتى كوردستان درۆهنكرنێ دا دبێژيت” ل رۆژا دوشه‌مبى 6/8/2018 ل مه‌راسيمێن ڤه‌كرنا تێرمينالا نوو يا فرۆكخانا سلێمانيێ، رێزدار قوباد تاله‌بانى راگه‌هاند: هه‌موو حزب ل گه‌ل پاشخستنا هه‌لبژارتنانه، به‌لێ كه‌س نه‌وێريت بێژيت”.
په‌يڤدارى پارتى دياركر” نه‌دبوو قوباد تاله‌بانى وى مافى بده‌ته خوه ب ناڤێ هه‌موو حزبان باخڤيت، چونكى هه‌ر حزبه‌كێ هه‌ر بۆچوون وهه‌لويسته‌ك هه‌بيت، دێ ب رێيا دامه‌ده‌زگه‌هێن خوه راگه‌هينيت”.
زێده‌تر گۆت” ب رۆهنى رادگه‌هينين كو پارتى ديموكراتى كوردستان ب چو شێوه‌كى ل گه‌ل پاشخستنا هه‌لبژارتنان نينه”.
نيشاندان