ئه‌ڤرۆنيوز:
رێڤه‌به‌ريا گشتى يا كه‌شناسيێ وبيڤه‌له‌رزان ل هه‌رێما كوردستانێ راگه‌هاند، پێله‌كا ب هيز يا گه‌رمێ ل حه‌فتيا بهێت دێ هه‌رێما كوردستانێ ڤه‌گريت.
كه‌شناسيا هه‌رێمێ دياركر” ل رۆژا دوشه‌مبى پێله‌كا ب هێز يا گه‌رمێ دێ به‌ر ب ده‌ڤه‌رێن جودا جودا يێن هه‌رێما كوردستانێ كه‌ت وپلێن گه‌رمێ دێ ب شێوه‌كێ به‌رچاڤ بلندبن وگه‌هنه 47 “.
خوياكر كو ئه‌ڤ پلێن بلند يێن گه‌رمێ هه‌تا رۆژا پێنشه‌مبى دێ دبه‌رده‌وام بن وپاشى دێ بۆ 40 نزم بن.
ئه‌ڤرۆنيوز:
ژئه‌گه‌رێ كيسه‌كێ چيمه‌نتوى، دو عه‌شيره‌تێن مه‌زن ل قه‌زا سه‌يد ده‌خيل ل پارێزگه‌ها زيقار ب شه‌ر چوون ودئه‌نجامدا كه‌سه‌ك برينداربوو.
ژێده‌ره‌كێ ئه‌منى ل پارێزگه‌ها زيقار دداخۆيانيه‌كا رۆژنامه‌ڤانى دا گۆت” شه‌ر دناڤبه‌را دو عه‌شيره‌تێن ده‌ڤه‌رێ رودا، كو دبنه‌ره‌ت دا ل سه‌ر كيسه‌كێ چيمه‌نتويێ بوو وكه‌سه‌ك ژى بريندار بوويه”.
مالپه‌رێ سكاى پرێس يێ عيراقى به‌لاڤكر كو دوى شه‌رى دا چه‌كێ سڤك وناڤه‌ندى هاته بكارئينان وته‌قه‌كا زۆر ژى هاته كرن وژئه‌گه‌رێ شه‌رى ده‌زگه‌هێن ئه‌منى قه‌ده‌غه‌كرنا هاتنوچوونێ راگه‌هاند ل ده‌ڤه‌رێن نێزيكى شه‌رى.
ئه‌ڤرۆنيوز:
هه‌ردو شاندێن هه‌رێمێ وعيراقێ دكۆمبوونا ئه‌ڤرۆ ئێكشه‌مبى 5 ته‌باخا 2018 ل باژێرێ پردێ گه‌هشتنه رێككه‌فتنێ ل سه‌ر ڤه‌كرنا رێيا هه‌ولێر – كه‌ركووك.
ل دووڤ پێزانينێن كوردستان تى ڤى به‌لاڤكرين، هه‌رێما كوردستانێ وعيراق گه‌هشتنه رێككه‌فتنێ ل دۆر ڤان خالان:
ئه‌و رێككه‌فتنه تنێ ئيمزا هه‌ردو وه‌زيرێن ناڤخوه يێن هه‌ريما كوردستانێ وعيراقێ مايه وبريار ئه‌وه به‌رى جه‌ژنا قوربانى ئه‌و رێ بهێته ڤه‌كرن.
ئه‌ڤرۆنيوز:
رۆژناما ( الوطن) يا سعودى داخوازا لێبۆرينێ ژ سه‌رۆك مه‌سعود بارزانى دكه‌ت كو ژئه‌گه‌رێ به‌لاڤكرنا راپۆرته‌كێ ل سه‌ر سامانێ چه‌ند سه‌ركرده وسياسه‌تمه‌دارێن عيراقێ ناڤێ سه‌رۆك بارزانى ئينابوو.
رۆژناما سعودى، دناما داخوازا لێبۆرينێ دا ئه‌وا به‌لاڤكرى دنڤيسيت” ئه‌و راپۆرتا پشت به‌ستن ل سه‌ر هاتيه كرن ژدو لايه‌نێن ده‌ره‌كى هاتبوو ده‌ركرن وناڤێ سه‌ركرده وبه‌رپرسێن سياسى يێن عيراقى تێدا بوو وناڤێ سه‌رۆك بارزانى تێدا هاتيه زێده‌كرن”.
وێ رۆژنامێ ل سه‌ر به‌لاڤكرنا وێ راپۆرتێ داخوازا لێبۆرينێ كر ودياركر” مه پشت به‌ستن ل سه‌ر وان ژێده‌رێن ده‌ره‌كى كريه كو گه‌له‌ك د لاوازن بۆ سه‌لماندنێ ودبێ به‌لگه‌نه ودبيت مه‌ره‌مه‌كا دى ل پشت بيت، له‌وما ژ روانگا پشه‌ييبوونا رۆنامه‌ڤانى، رۆژنامه گه‌له‌ك داخوازا لێبۆرينێ ژبه‌ر وێ شاشيێ ژ به‌رێز مه‌سعود مسته‌فا بارزانى سه‌رۆكێ پارتى ديموكراتى كوردستان دكه‌ت كو بێ مه‌به‌ست هاتيه كرن ودێ ڤه‌كۆلينێ ل ژێده‌رى ژى كه‌ين”.
ئه‌ڤرۆنيوز:
په‌يڤدارێ حوكمه‌تا عيراقێ راگه‌هاند، دانوستاندنێن دناڤبه‌را هه‌رێمێ وبه‌غدا ژئه‌گه‌رێ پرۆسا هه‌لبژارتنان راوه‌ستابوون، به‌لێ پشتى كۆمبوونا حه‌يده‌ر عه‌بادى سه‌رۆك وه‌زيرێن عيراقێ ونێچيرڤان بارزانى سه‌رۆك وه‌زيرێن هه‌رێما كوردستانێ ل حه‌فتيا بۆرى، دانوستاندن جاره‌كادى هاتنه ده‌ستپێكرن.
سه‌عد حه‌ديسى، په‌يڤدارێ حوكمه‌تا عيراقێ دداخۆيانيه‌كا رۆژنامه‌ڤانى دا گۆت” دده‌مێن بۆرى كارێن گه‌له‌ك باش دناڤبه‌را حوكمه‌تا عيراقێ وهه‌رێما كوردستانێ بۆ ده‌ربازكرن وچاره‌سه‌ركرنا كێشێن دناڤبه‌را هه‌ردو لايه‌نان دا هاتبوو ئه‌نجامدان”.
گۆت ژى” ئه‌و خالێن ناكۆك كو نوكه دانوستاندن ل دۆر دهێته كرن، ڤه‌كرنا رێيێن هه‌ولێر – كه‌ركووك ودهۆك – مووسل وهنارتنا په‌ترۆلا كه‌ركووكێ به ب رێيا هه‌رێما كوردستانێ بۆ به‌نده‌رێ جه‌يهان يێ توركى”.
ئەڤرۆ نیوز ، تۆڤی:
وه‌زاره‌تا كاره‌با حومه‌تا هه‌رێما كوردستانێ دیارکریە، کو حوکمه‌تێ گۆژمێ 300 ملیۆن دۆلاران ته‌رخانكرینه ب شێوێ به‌ش به‌ش ب مه‌رەما دانانا پیڤەرێ زیره‌ك و سیمكارتان.
محمه‌د ئه‌مین هه‌ورامی پەیڤدارێ وه‌زاره‌تا كاره‌با حوکمه‌تا هه‌رێما كوردستانێ گۆتیە پرۆسا ب سیمكارتكرنا پیڤەرێ كاره‌بێ چوویە وارێ جێبه‌جێكرنێ و ل گه‌ل كۆمپانیەکا بیانی گرێبه‌ست هاتیە كرن بۆ دابینكرنا پێدڤیێن دانانا پیڤەران، حوکمه‌تێ ژی گۆژمێ 300 ملیۆن دۆلاران بۆ ڤر پڕۆژه‌ی ته‌رخانكرینه، ئەو پارە دێ ب شێوێ بەش بەش هێتەدان، نەکو ب ئێکجاری.
ئەڤ پرۆژە دێ پتری 18 هەیڤان ڤەکێشیت ، ئارمانجا سه‌ره‌كی یا حوکمەتێ ژڤی پڕۆژه‌ی بۆ نه‌هێلانا ته‌جاوزاتان و ئه‌وێن پیڤەر نەیی و ئه‌وێن کارەبا بێ مۆله‌ت برین، ل گه‌ل هندێ ژی ئەڤە دێ رێگریێ کەت ل هه‌ده‌ردانا كاره‌بێ.
هەروەسا دێ پڤە‌ر دێ ل سه‌ر ب گۆران ژی هێنە دانان بۆ هندێ کو هێلێن كاره‌با زێده نەهێنە راکێشان، دێ شێوازێ پاره وه‌رگرتنێ ژ وەلاتیان و جهێن بازرگانی ب شێوێ وه‌سلێ بیت، به‌لێ دێ حوکمه‌ت زێدەتر یا ده‌ست ڤەکری بیت بۆ وه‌رگرتنا وی پاره‌ی، وه‌كو كێمكرنا ئه‌مپێری یان هنارتنا نامێ هەتا دگەهیتە برینا كاره‌بێ، لەوما وەلاتی نەشێت پارێ خوە نه‌دەت.
ناڤهاتی گۆتیە ژی قه‌رێن وه‌زاره‌تا كاره‌بێ لدەف به‌شداربوویان 600 ملیار دینار دەربازکرینە، د سیسته‌مێ نوودا دێ قه‌رێن كەڤن یێن كاره‌بێ یێن لدەف به‌شداربوویان هێنە داخلکرن، بۆ هندێ بهێتە زانین کو هەر وەلاتیەک چەند یێ قه‌ردارە.
ئەڤرۆ نیوز ، تۆڤی:
پەیڤدارێ حوکمه‌تا هه‌رێما كوردستانێ دیارکر، کو ب هاتنا جه‌ژنا قوربانێ بۆ ماوێ حه‌فتیەکێ دێ بیتە بهێنڤەدانا فه‌رمى ل سه‌رجه‌م داموده‌زگهێن حوکمه‌تا هه‌رێمێ.
ئه‌ڤرۆ ئێکشه‌مبێ 5 تەباخێ ، سه‌فین دزه‌یى پەیڤدارێ حوکمه‌تا هه‌رێمێ گۆت، کو بهێنڤەدانا جه‌ژنا قوربانێ دێ ژ 19 تەباخێ هەتا 25 بیت و رۆژا 26 تەباخێ ده‌واما فەرمی یە.
پەیامەک ژ پەیڤدارێ فەرمی یێ حوکمەتا هەرێما كوردستانێ:
ب بۆنا هاتنا جەژنا قوربانا پیرۆز پیرۆزباهیێن گەرم ل خێزانێن شەهیدان و پێشمەرگێن قارەمانەكان و هەموو موسلمانێن كوردستانێ و عیراقێ وجیهانێ دكەین و هیڤیخوازین ئەڤ جەژنە ببیتە مایێ ئێكرێزیێ و سەقامگیریێ و خۆشگوزەرانیێ بۆ هەموو خەلکێ كوردستانێ.
بۆ وەلاتیێن خۆشتڤی یێن خەلکێ كوردستانێ رادگەهینین کو بهێنڤەدانا جەژنا قوربانیا پیرۆز ژ رۆژا ئێكشەمبێ 2018/8/19 دێ دەست پێکەت و هەتا رۆژا شەمبیێ 2018/8/25 دێ یا بەردەوام بیت و رۆژا ئێكشەمبی 2018/8/26 دێ دەواما فەرمی دەست پێکەت.
سەفین دزەیی
پەیڤدارێ فەرمی یێ حوکمەتا هەرێما كوردستانێ.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 5ى ته‌باخا 2018ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 120.3 |
| 1 يۆرۆيێ ئه‌ورۆپى | 140.0 |
| 1 ليرێ توركى | 250 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نيوز:
ئەو کەسێن ب ئەرێنی ھزر د ژیانێ دا دکەن ھندەک تایبەتمەندی لدەف ھەنە ژ وان ژی:-
– چ جاران کەربێ بەرامبەر کەسێ بکار نائینن.
– ھزر د وان کارا دا ناکەن یێن کو سەرکەفتن تێدا نەئینای، بەڵکو بزاڤێ بۆ ب دەستڤەئینانا وان دکەن.
– دەمێ ئاریشەک پەیدا دبیت مەزن ناکەن، بەلکو بزاڤێ دکەن چارەسەریەکێ بۆ ببینن.
– ناھێلن ھزر کرنا نەرێنی کارتێکرنێ ل ژیانا وان بکەت.
– خوە ژ راستیان نا ڤەشێرن.
– زوو ژ تشتا بێزار نابن.
نيشاندان