ئه‌ڤرۆ نيوز:
شاندھکێ جڤاتا سووریا یا دیمۆکراتیک د چھند رۆژێن بۆری دا سھردانا شاما پایتھختا سووریێ کر و ب رایھدارێن حوکمەتا سووریێ را ھھڤدیتن پێکئینان. پەیەدێ دانوستاندنێن خوە ل گەل حوکمەتا سوریا وەکو رێکخستیا پەیوەندیان ب ناڤ دکەت.
بەرپرسێ کۆمیتا پەیوەندیێن دبلۆماسی یا تەڤدەمێ سالح موسلم ژی ب دوور نابینیت کو د ئەنجاما وان دانوستاندنان دا ھەڤکاری و کارێ ھەڤپشک د ناڤبەرا ھەدەسێ و لەشکرێ سوریا دا دەسپێبکەت.
پتر ژ حەفتیەکێ یە جڤاتا سوریا دیموکرات “مسدێ” رێیا شامێ گرتبوو و ل گەل بەرپرسێن حوکمەتا سوریا مژوولی دانوستاندنان بوو، مسدێ وان ھەڤدیتنان ب ل ھەڤ تێکگەھشتن ژ بۆ رێکخستنا پەیوەندیان د ناڤبەرا وان و سوریا دا ب ناڤ دکەت.
سالح موسلم د داخۆیانیەکێ دا دوور نابینیت کو ھاریکاریا لەشکری یا ھەڤپشک د ناڤبەرا ھێزێن وان و لەشکرێ سوریێ دا بھێتە کرن ھەتا کو وەکو ئەو دبێژیت باکوورێ سوریێ بھێتە رزگارکرن د ناڤ دا ژی دەڤەرێن ل بن کونترۆلا لەکشرێ تورکیا ژی دا.
موسلم دبێژیت کو نابیت رازی ببن کو پشکەک ژ ئاخا سوریێ یا داگیرکری بیت. چو ب رەنگەکێ ئێکسەر یان ژی نەیێ ئێکسەر. پێدڤیە دووماھی ب ڤێ رەوشێ بھێت و ھەموو ئاخا سوریا بھێتە رزگار کرن.
سەرۆکێ تەڤدەمێ بەحس ل وێ چەندێ ژی دکەت کو دبیت ل گەل رژێمێ کار بکەن ب مەرەما رزگارکرنا ئاخا خوە ژ دەست داگیرکەرێن تورکیا.
ددەتە زانین ژی کو ئەڤێ چەندێ پەیوەندی ب وێ ڤە نینە کو ل عەفرین ئەو ھاریکاریا مە بکەن و ئەم ل دلبێ ل گەل وان بین، بەلێ مژار ب وێ چەندێ ڤە گرێدایە کو ئەم و ئەو ب ھەڤرا کار بکەین.
نيشاندان
