ئه‌ڤرۆ نیوز، له‌زگین جوقی:

رێڤه‌به‌رێ‌ گشتی یێ‌ ساخله‌میا پارێزگه‌ها دهۆكێ‌ دیاركركو هه‌موو ستافێ سێ‌ ده‌زگه‌هێن سه‌ره‌كیی بۆ به‌رهه‌نگاری و چاره‌سه‌ری و ده‌ستنیشانكرنا كۆرۆنایێ‌ ل دهۆكێ‌ ب شه‌ڤ ورۆژ دئه‌ركی‌ دانه‌ ئه‌و هه‌ر سێ‌ ده‌زگه‌ه بۆ وه‌رگرتنا خه‌لاتی هاتینه‌ ده‌ست نیشانكرن، ئه‌وژی ده‌زگه‌هێ‌ خوه‌ پاراستنا ساخله‌میا دهۆكێ‌ و تاقیگه‌ه بۆ ده‌ست نیشانكرنا نه‌خۆشان و چاره‌سه‌ری ژی ئه‌و نۆژدارێن دروستاهی‌ و رێك وپێك چارسه‌ریێ ب دروستاهی‌ چاره‌سه‌ری دكه‌ن.

د. نزار عصمه‌ت رێڤه‌به‌رێ‌ گشتی یێ‌ ساخله‌میا پارێزگه‌ها دهۆكێ‌ دیاركركو هه‌ر ئێك ژ د. مۆئه‌یه‌د ئه‌غالی به‌رپرسێ‌ چاره‌سه‌ریا نه‌خۆشێن كۆرۆنایێ‌ و د. سیروان محمه‌د ئه‌سود رێڤه‌به‌رێ‌ كاروبارێن خوه‌ پاراستنا ساخله‌میێ‌ و د. ره‌وند عبدالخالق به‌رپرسێ‌ تاقیگه‌ه ده‌ست نیشانكرنا نه‌خۆشیا كورۆنایێ‌ هاتینه‌ خه‌لاتكرن ب خه‌لاتێن قه‌ره‌مانیێن فیدراسیۆنا جیهانیا كوبۆ ئه‌ڤه‌ رامانه‌كا مه‌زن ده‌ت بۆ پشته‌ڤانیكرنا ده‌زگه‌هیێن ساخله‌میێ‌ ل دهۆكێ‌ كو سێ‌ قه‌ره‌مانیێن فێدراسیۆنا جیهانیا كوبۆ ل كوردستانێ‌ خه‌لاتیێن خوه‌ وه‌كو رێزگرتن ژبه‌ر رولێ‌ وان نۆژداران یێن رۆژانا كارێ‌ به‌رهه‌نگاری و چاره‌سه‌ری و ده‌ستنیشانكرنا كۆرۆنایێ‌ ل سه‌رانسه‌رێ‌ پارێزگه‌ها دهۆكێ‌ دكه‌ن پێشكێشی وان كرن راستی ژی نه‌ شه‌ڤ نه‌ رۆژ هه‌نه‌ بۆ ده‌ستنیشانكرنا نه‌خۆشیا و كه‌ره‌نتینكرنا وه‌لاتیان و چاره‌سه‌ریا نه‌خۆشان وهوشیاركرنا وه‌لاتیان داكو ئه‌م بشین ئه‌ڤ نه‌خۆشیا یا راگرتی بیت و نه‌هێته‌ ناڤ پارێزگه‌ها مه‌ دا ئه‌و حاله‌تێن په‌یدا ژی بن زوو بهێنه‌ ده‌ست نیشانكرن وكونترۆل لسه‌ر ره‌وشێ‌ بهێته‌ كرن.

ناڤهاتی ئه‌وژی ئاشكه‌را كركو فیدراسیۆنا جیهانی كوبۆ ده‌ستپێشخه‌ریه‌كا گرنگ ئه‌نجامدایه‌ ئه‌ڤ هانداره‌ بۆ ساخله‌میی پشته‌ڤانیه‌كا زۆر مه‌زنه‌ ئه‌م ژی سوپاسیا وان دكه‌ین وقه‌ره‌مانیێن هه‌ره‌ مه‌زن وه‌لاتیێن پارێزگه‌هێ‌ نه‌ هه‌كه‌ پێگیر بن ورێنمایان بجه بینن ئه‌ز وێ‌ باوه‌ری دامه‌ ئه‌م دێ‌ ژ ڤێ‌ ئاستی ده‌رباز بن دێ‌ كێم زیانێ ده‌ین ل دهۆكێ‌ لێ‌ هه‌كه‌ پێگیر نه‌بن و رێنمایان بجه نه‌هینن دێ‌ مه‌ترسیی زێده‌تر بیت له‌ورا ئه‌م بێژین قه‌ره‌مانیێن ئێكێ وه‌لاتیێن مه‌ نه‌ وهیڤیا ژی خه‌لكێ‌ خوه‌ دكه‌ن بیێ‌ ده‌ستگورك و كه‌مامه‌ ژ مال نه‌ ده‌ركه‌ڤن بلا ببیته‌ كه‌لتوره‌ك دناڤ خه‌لكێ‌ مه‌ دا به‌رده‌وام كه‌مامه‌ و ده‌ستگوركا بكاربینن خوه‌ پارێزی باشترین رێك بۆ چاره‌سه‌ری.

فه‌رشید عیسا سه‌رۆكێ‌ فیدراسیۆنا جیهانیا كوبۆ ل كوردستانێ‌ دیاركركو ئه‌ڤ خه‌لات وه‌كو رێزگرتن بۆ كار و خزمه‌تا ساخله‌میی هاته‌ پێشكێشكرن راستی شیاینه‌ ژیانا خه‌لكێ‌ هه‌تا نوكه‌ بپارێزن و به‌ره‌ڤانیی ژ وه‌لاتیان بكه‌ن نه‌هێلن ڤایرۆسێ كۆرۆنایێ‌ زیانێ بگه‌هینته‌ وه‌لاتیان ب شه‌ڤ و رۆژ چه‌په‌رێن پیشیێ دانه‌ بۆ به‌رهه‌نگاریا وچاره‌سه‌ریا نه‌خۆشیێن كۆرۆنایێ‌ ل دهۆكێ‌ ئه‌م ده‌ستخوشی ساخله‌میێ‌ دكه‌ین هیڤدارین وه‌لاتیی ژی هه‌ڤكاربن بجه ئینانا رێنمایێن ساخله‌میێ‌.

ئه‌ڤرۆ نیوز:

رێڤه‌به‌رێ گشتی یێ سه‌قا ناسی و بیڤه‌له‌رزان ل هه‌رێما كوردستانێ راگه‌هاند پێله‌كا گه‌رماتیێ دێ روو ل هه‌رێما كوردستانێ كه‌ت و ل هنده‌ك ده‌ڤه‌ران پله‌یا گه‌رماتیێ هه‌تا 48 پله‌یێن سه‌دی بلند بیت و ئه‌ڤ پێله‌ هه‌تا رۆژا سێ شه‌مبا بهێت دێ به‌رده‌وام بیت.

فازل ئیبراهیم رێڤه‌به‌رێ گشتی یێ سه‌قا ناسی و بیڤه‌له‌رزان ل هه‌رێما كوردستانێ راگه‌هاند وه‌رزێ هاڤینێ ب تایبه‌تی ژ روویێ فه‌له‌كی ڤه‌ ژ 21/6/2020 ژ نیڤا ته‌پكا عه‌ردی یا باكوری، كۆ هه‌رێما كوردستانێ كه‌تیه‌ سه‌ر ئه‌وێ نیڤا باكوری، وه‌رزێ هاڤینێ و گه‌رمایێ ل كوردستانێ ده‌ست پێكریه‌ و دبینین پله‌یێن گه‌رماتیێ ل ئاستێ ئاسایێ خودانه‌ ب تایبه‌ت ل سه‌نته‌ری باژێران، لگۆری ئه‌وی نه‌خشه‌یی به‌رده‌ست، پێشبینی دهێته‌كرن پله‌یێن گه‌رماتیێ بلند بن، هه‌تا رۆژا سێشه‌مبا بهێت دێ به‌رده‌وام بیت، به‌لی داكه‌تنا پله‌یا گه‌رماتیی هوسا نینه‌ كو سه‌قا هین بیت، به‌لكو پله‌یێن گه‌رماتیێ دێ گه‌هته‌ 41 بۆ 42 پله‌یێن گه‌رماتیێ.

رێڤه‌به‌راتیا گشتی یا سه‌قا ناسی و بیڤه‌له‌رزان ل هه‌رێما كوردستانێ ئه‌و چه‌نده‌ ژی راگه‌هاند پله‌یێن گه‌رماتیێ ل كه‌ركووك و خانه‌قین و گه‌رمیان و مه‌خمور و شنگالی هه‌تا 47 بۆ 48 پله‌یێن گه‌رماتیێ بلند بن، هاتنا ئه‌ڤێ پێلا گه‌رماتیێ ل چار رۆژێن بهێت ده‌ست پێ كه‌ت.