ئه‌ڤرۆ نيوز:
ته‌قينه‌كێ ده‌ڤه‌ره‌كا كابۆل يا پايته‌ختێ ئه‌ڤغانستانێ كره ئارمانج ل نێزيك بالوێزخانێن وه‌لاتێن بيانى و ئاڤاهيێن حوكمه‌تێ هه‌ر وه‌كو رۆیتەرز دايه دياركرن.
هه‌تا نوكه ژمارا قوربانيان و زيانێن وێ ته‌قينێ ئاشكه‌را نه‌بووينه، ئه‌و ته‌قين پشتى حه‌فتيه‌كێ يه ژ هێرشا خويناوى يا سه‌ر ئوتێله‌كا نێڤده‌وله‌تى ل كابۆل يا پايته‌ختێ ئه‌ڤغانستانێ.
ئه‌ڤرۆ نیوز ، نه‌وزاد هلۆرى:
سپێده‌هیا ئه‌ڤرۆ ل ناحیا به‌غدادى یا سه‌ر ب پارێزگه‌ها ئه‌نبار ، فروكێن ئه‌مریكا هێرشه‌ك بو سه‌ر هێزێن عیراقى ئه‌نجام دا و تێدا 22 كه‌س كرنه قوربانى.
دڤى واریدا ژێده‌ره‌كێ ژ نه‌خوشخانا پارێزگه‌ها ئه‌نبار بو شه‌فه‌ق نیوز گۆت: ( هژمارا قوربانیێن بومبه‌باراكرنا فروكێن ئه‌مریكا بو سه‌ر هێزێن عیراقى ل ناحیا به‌غدادى گه‌هشته 22 كه‌سان ، كو ژ وان ژى حه‌فت كه‌س هاتینه كوشتن و یێن دن ژى بریندارن)
ب گوره‌ى زانیاریان هێرشا ئه‌مریكا بو سه‌ر هێزێن حه‌شدا شه‌عبى و پولیسێن فیدرالى بوویه ل ناحیا به‌غدادى یا سه‌ر ب پارێزگه‌ها ئه‌نبار ، به‌لێ هه‌تا نها ئه‌گه‌را ئه‌وێ هێرشێ نه‌هاتیه زانین.
ئەڤرۆ نیوز، نەوزاد ھلۆری:
سێ پرێن ئاسنی ل گەلیێ زنتا یا سەر ب ناحیا دینارتە ھەنە و ئاکرێ و دینارتە ل گەل زێدەتری 200 گوندان پێکڤە گرێددەن ، بەلێ خرابپوونا ئەوان پران بویە سەدەم کوت ایرێن ترومبێلان ب پەقن و کارتێکرنێ ل ھاتن و چوونا ترۆمبێلان بکەت ، رێڤەبەرێ رێک و پرا ل قەزا ئاکرێ ژی دیارکر کو پرێن گەلیێ زنتا بو ھاتن و چونێ د باش نینە و پێدڤی یە بھێنە گوھرین.
موسلح تاھیر شوفێرەکێ سنوورێ ناحیا دینارتێ یە و رۆژانە ھاتن و چوونێ ب رێیا گەلیی َزنتا بو ئاکرێ دکەت بۆ ئەڤرۆ نیوز گۆت: (رێیا گەلیێ زنتا زێدەباری کو رێیەکا تەنگە و یا گونجای نینە بو ھاتن و چوونێ دھەمان دەم دا ئەو پرێن کو لسەر رووبارێ زنتا لگەلیێ زنتا ژی ھاتینە چێکرن ب چوو شێوەیەکێ ب کێر ھاتن و چوونی َناھێن و تایرێن ترومبێلان دپەقینن و کارتێکرن ل ھاتن و چوونێ کریە).
زێدەتر گۆت: (رێیا گەلیێ زنتا دزڤریت بو سالێن شێستا و رژێما عیراقێ بو مەرەمێن لەشکرکێشی و سەربازی بو داگیرکرنا دەڤەرا بارزان و زێبار و نەھێلانا شورەش و بزاڤێن کوردی چێکریە ، و ھێشتا ھەر ئەو رێکە و ھەتا نھا نەھاتیە بەرفەرھکرن و ھەمان پر ژی لسەر سیستەمێ کەڤن و ب شێوەیێ ئاسن ھاتیە چێکرن ژبەرڤێ گرنگە دووبارە سەر ژ نوو بھێنە چێکرن و نوکە چەند تیک کەفتینە پرێ و برغیێن وێ سست بووینە و دەرکەفتینە).
ئەندازیار محەمەد سەعید عەبدولکەریم رێڤەبەرێ رێک و پرا ل قەزا ئاکرێ بو ئەڤرۆ نیوز گۆت: (رێیا گەلیێ زنتا رێیەکا گرنگ و قەرەبالغ و ستراتیجیە ، بەلێ ژ ئەگەرا نەبوونا پرێن رێک و پێک و کونکرێتی ل سەر رووبارێ گەیێ زنتا کارتێکرن لسەر ھاتن و چونێ کریە).
زێدەتر گۆت: ( شوفێر زور گلەیێ لسەر پرێن گەلیێ زنتا دکەن، بەلێ ژ بەر قەیرانا دارایی ھەتا نھا مە نەشیایە ئەوان پران بو کونکرێتی بگوھرین ، و دنھادا بتنێ دکارین سەخبێریێ لسەر وان پران بکەین و ھەردەما تیک و شەق کەفتنێ یان برغی سست بوون دووبارە پەیت بکەین ڤە و نەھێلین ببیتە سەدەم کوت ایرێن ترومبێلان ب پەقن).
ناڤبری دیارکر ژی کو د پلان دایە ھەرسێ پرێن گەلیێ زنتا بھێنە راکرن و ل شوونا وان سێ پرێن دن یێن کونکرێتی بھێنە درۆستکرن و گۆت: (ھەردەما قەیرانا دارایی نەما ژبلی چێکرنا ئەوان ھەرسێ پرا ، دھەمان دەم دا دێ رێیا گەلیێ زنتا ژی ھێتە بەفرھکرن و ل زور جھێن گەلیێ زنتا رێک دێ بیتە جوتساید و ل ھەردوو لایێن رووباری دێ جاددە چیت و ھندەک جھان ژی دی َھەر ئێک ساید بیت بەلێ دێ ھێتە بەفرەھکرن ژ بەرکو رێیا گەلیێ زنتا رێیەکا گرنگ و ستراتیجیە و سالانە ھزاران گەشتیار ب تایبەتی گەشتیارێن ناڤەراست و باشوورێ عیراقێ قەستا ھاڤینگەھێن گەلیێ زنتا و سرۆشتێ وێ دکەن و ب شەڤ ژی دمینن.
ئه‌ڤرۆ نيوز، قائید میرۆ:
بەرپرسەکێ کۆمسیۆنا بلندا ھەلبژارتنێن عێراقێ ئەشکرەکر، کۆمسیۆنا کارتا دەنگدانا تایبەت پیچکریە و بڕیارە ھەیڤا ئادارا داھاتی کارتەکا نوو بۆ دەنگدانا تایبەت بھێتە بەلافکرن ھەروەسا دیارکر، دێ رۆژەکا تایبەت بۆ رێڤەچوونا دەنگدانا تایبەت ھێتە دیارکرن.
عەلی قادر، سەرۆکێ لقا ھەولێرێ یا کۆمسیۆنا بلندا سەربخۆیا ھەلبژارتنێن عێراقێ بۆ رۆژناما ئەڤرۆ گۆت” کۆمسیۆنا بلندا ھەلبژارتنێن عێراقێ کارتا دەنگدانا تایبەت رەتکریە و ھاتیە پوچکرن، ئەڤا لسالا 2014ێ ھاتیە چاپکرن، بەلێ بڕیارە کارتەکا نوو بۆ دەنگدانا تایبەت بھێتە چاپکرن و ل ھەیڤا ئادارێ دێ لسەر ئەڤان کەسان ھێتە بەلافکرن یێن بڕیارا دەنگدانا تایبەت ڤەدگریت، ھەر وەلاتیەکێ پشکداری د پڕۆسا بایۆمەتری دا نەکربیت مافێ وەرگرتنا کارتا دەنگدانا تایبەت نابیت و دێ ھێتە بێ بەھرکرن.
عەلی قادر گۆتژی” دەنگدانا تایبەت ھێزێن ئێمناھیێ و زیندانی و نەخۆشخانا ڤەدگریت و بڕیارە رۆژەکا تایبەت بھێتە دیارکرن بۆ رێڤەچوونا پڕۆسا دەنگدانا تایبەت، چونکە بڕیارە 12 ھەیڤا گولانێ ھەلبژارتن بھێنە رێڤەبرن و دەنگدانا تایبەت دێ رۆژەکا دی ھێتە رێڤەبرن، ھەروەکی د ھەلبژاراتنێن بۆری دا رۆژەک بۆ ھاتیە دیارکرن.
ئه‌ڤرۆ نیوز ، نه‌وزاد هلۆرى:
شه‌ر و په‌ڤچونێن سوپایێ توركیا و شه‌رڤانێن یه‌په‌كێ د ئوپه‌راسیونا چله‌یا زه‌یتوون ل عه‌فرینێ به‌رده‌وامه و ئه‌ڤێ یه‌كێ ژى ره‌نگڤه‌دانێن زۆر لسه‌ر جڤاكێ نیڤده‌وله‌تى كریه ، و چاڤدێره‌ك دده‌ت دیاركرن كو ره‌نگه پشتى عه‌فرینێ و مه‌نبجێ توركیا ب هه‌ڤكاریا عیراقێ ل شنگاڵى ژى بده‌ت ، ژبه‌رڤێ گرنگه هه‌رێما كوردستانێ ل هێزه‌كێ بگه‌ریێت كو لسه‌ر وان یا زاڵ بیت و نه‌هێلیت كارتێكرن لسه‌ر وان بكه‌ت.
كرمانج چاڵى چاڤدێرێ سیاسى دیاركر كو ئه‌گه‌ر هه‌رێم شه‌رى نه‌ئێخیته ناڤا توركیا و ئیرانێ ، ئه‌و دێ شه‌رى ئێخن ناڤ هه‌رێمێ و بو ئه‌ڤرۆ نیوز گۆت: ( دناڤبه‌را عیراق و توركیا و ئیرانێ هێزه‌كا راسته‌قینه هه‌یه كو ئه‌و ژى هه‌رێما كوردستانێ یه ، ژبه‌رڤێ گرنگه هه‌رێما كوردستانێ ژ بو پاراستنا پێگه‌هێ خوه ل هێزه‌كێ بگه‌ریێت كو بكاریت شه‌رى ل گه‌ل توركیا و ئیرانێ بكه‌ن ل عیراق و سوریێ ، و ئه‌ڤ هێزه لسه‌ر وان یا زاڵ بیت و به‌رژه‌وه‌ندیێن وان ل ده‌ڤه‌رێ تێكبده‌ت و ئه‌وان نه‌چار بكه نكو ده‌ستا ژ هه‌رێما كوردستانێ به‌رده‌ت ، ژلایه‌كێ دنڤه ئه‌و هێز ل هه‌موو ئه‌وان ژێده‌رێن ئابوورى ژى بده تكو ژلایێ توركیا و ئیرانێ هه‌یى ب تایبه‌تى وان ژێده‌رێن ئابووریێن كو ل عیراقێ هه‌یى نه‌ك ل هه‌رێما كوردستانێ ، ژبه‌ركو دڤێت هه‌رێما كوردستانێ ده‌ڤه‌ره‌كا ئارام هه‌بیت ب تایبه‌تى د هه‌ردوو سكته‌رێن ئابوورى و ئاسایشێ دا بو خه‌لكێ خوه ، ره‌نگه ئه‌ڤ یه‌ك ببیته سه‌ده‌م كو توركیا و ئیران پێداچوونێ د به‌رژه‌وه‌ندیێن خوه دا بكه‌ن ، بێگومان بو گه‌هشتنا ڤێ مه‌ره‌مێ ژى هه‌ردوو دێ پێدڤى ب هه‌رێما كوردستانێ بن )
زێده‌تر گۆت: ( توركیا دخوازه پشتى كو ب هه‌ڤكاریا عیراقێ بچیته ناڤا شنگال ، ئه‌گه‌ر ئه‌ڤ یه‌ك راست بیت دێ د هه‌یڤا ئایارێ دا رووده‌ت كون ه گه‌له‌ك یا دویره ، و بێگوم ل وى ده‌مى هێزێن توركیا دێ د دوو رێیان دا گه‌هنه شنگال ئه‌و ژى رێیا ده‌روازه‌یا فیشخابوور كو ئه‌و ژى ب رێیا رێكه‌فتن ل گه‌ل پارتى كو ئه‌ڤ یه‌ك یا ب زه‌حمه‌ته و پارتى بڤێ یه‌كێ رازى نابیت ، یان ژى هێرشێ بو سه‌ر پێشمه‌رگه‌ى بینن ژلایێ توركیا و ملشیاتێن عیراقێ ژلایێ باشوور ڤه ، و رێیا دوویێ ژى ئه‌وه توركیا دخوازیت كو رۆژئاڤایێ كوردستانێ دورپێچكه‌ت و په‌یوه‌ندیێن وێ ب هه‌رێمێ ڤه قوت بكه‌ت و راسته‌وخو بارزگانیێ ب عیراقێ ڤه بكه تكو ئه‌ڤ یه‌ك ژى مه‌ترسیه و ب هزرا من د سه‌ره‌دانا ئه‌ردوگانى بو ته‌هرانێ ئه‌ڤ یه‌ك هاتیه دارشتن)
چالى د درێژاهیا ئاخفتنێن خودا دیاركر ژى كوه ێرشێن توركیا بو عه‌فرین ده‌ستپێكا ئه‌وێ دارشتنا توركیا و ئیرانێ یه و له‌وران ئیران نها بێده‌نگه به‌لێ ئه‌گه‌ر شنگال ئێخستبایه به‌را عه‌فرین ل وى ده‌مى ئیران بێده‌نگ نه‌دبوو و گۆت ژى: ( پێدڤى یه دڤێ كاوكێشێى دا كورد و پارت و لایه‌نێن سیاسیێن كورد ل هه‌موو پارچه‌یان په‌یوه‌ندیێن ب هێز هه‌بن و به‌رگریا لسه‌ر كوردان ل هه‌موو ده‌ڤه‌ران خورت بكه‌ن ، و كه‌ركوكێ ژى رزگار بكه‌ن به‌رى كو ئیران ره‌وشا نافخوه چاره‌سه‌ر بكه تكو ژبه‌ر خونیشاندانان ئاوز بوویه و نه‌هێلن عه‌فرین بكه‌ڤیت داكو شنگال ژى مینا عه‌فرین بهێته پاراستن).
ئه‌ڤرۆنيوز:
سه‌رۆك مه‌سعود بارزانى دديداره‌كێ دا ل گه‌ل كه‌نالێ بى بى سى يێ بريتانى راگه‌هاند ئه‌و يێ په‌شێمان نينه ژ ريفراندۆمێ وچو جاران ژى ژ ده‌نگێ سێ مليۆن ده‌نگده‌ران ئه‌وێن ده‌نك بۆ سه‌ربخوه‌يا كوردستانێ داى په‌شێمان نابيت، ئاماژى دا ژى كو كه‌ركووك يا داگيركريه وگه‌لێ كوردستانێ وجڤاكێ نێڤده‌وله‌تى دزانيت ئه‌و گرۆپێ خيانه‌ت كرى ل دۆر كه‌ركووكێ كى يه.
ده‌قێ ديدارا سه‌رۆك بارزانى ل گه‌ل كه‌نالى بى بى سى يێ بريتانى:
سه‌رۆك بارزانى: ئه‌م دنيگه‌رانين وهيڤى خوازين ئه‌و ئۆپه‌راسيۆنه ب زووترين ده‌م ب دووماهى بهێت، چونكى چو ده‌مه‌كى شه‌ر وتوندوتيژى چاره‌سه‌رى نينه بۆ كێشان.
سه‌رۆك بارزانى: ڤرێكرنا پێشمه‌رگه‌ى بۆ ڤى شه‌رى كێشێ چاره‌سه‌ر ناكه‌ت، باشترين پالپشتى كو بشێين بكه‌ين ئه‌وه كو بزاڤێ بكه‌ين هێرش ب دووماهى بهێن.
سه‌رۆك بارزانى: من يا گۆتى ئه‌ز يێ په‌شێمان نينم وچو جاران په‌شێمان نابم، دوباره ژى دێ بێژم ژده‌نگێ سێ مليۆن ده‌نگده‌ران په‌شێمان نابم، ريفراندۆم يا سه‌ركه‌فتى بوو، چونكى 93% ژ خه‌لكى ده‌نگێ (به‌لێ) بۆ سه‌ربخوه‌يێ دا.
سه‌رۆك بارزانى: ئه‌وا نوكه ئه‌م دبينين ژ ئه‌نجامێ سياسه‌تا به‌غدايه كو ل سالا 2014 بودجا خه‌لكێ كوردستانێ بريه، هه‌روه‌سا شه‌رێ دژى داعشێ وهاتنا خوار يا بهايێ په‌ترۆلێ بوونه هۆكار بۆ ڤێ ره‌وشێ، ل بيرا هه‌وه بيت مه نێزيكى دو مليۆن ئاواره وپه‌نابه‌ران ژى يێن هه‌ين، كه‌واته بۆچى ريفراندۆمێ ب نه‌سه‌ركه‌فتى بزانين.
سه‌رۆك بارزانى: به‌رى هه‌موو تشته‌كى، ئه‌نجامدانا ريفراندۆمێ تاوان نينه، ملله‌ته‌كى خواستا خوه بۆ پاشه‌رۆژێ ب رێيه‌كا ئاشتيانه ده‌ربرى، ئه‌وێن دگۆت ده‌مێ وێ يێ گونجاى نينه، چو ده‌مێن گونجاى وه‌كو به‌ديل پێشنياز نه‌كريه وچو شوينگر ژى به‌رچاڤ نه‌كر، ريفراندۆم تاوان ننيه ورێيه‌كا ديموكراسيانه ومافێ ملله‌ته‌كى يه.
سه‌رۆك بارزانى: ئه‌ز ب شاشى نزانم وژئه‌نجامدانا ريفراندۆمێ ژى يێ په‌شێمان نينم، ئه‌وا ل كه‌ركووكێ رووداى خيانه‌ته‌ك بوو ژلايێ گرۆپه‌كێ ناڤخوه‌يێ كوردستانێ، من پێشتر ژى يا گۆتى پيدڤيه كه‌ركووك وه‌كو نموونه‌يه‌كا پێكڤه‌ژيانێ بمينيت.
سه‌رۆك بارزانى: به‌رى ريفراندۆمێ ژى دهاته گۆتن كو ده‌رزه‌ك ل ناڤمالا كوردى دا يا هه‌ى، به‌لێ راستى ئه‌وبوو كو زێده‌تر ژ 93% خه‌لكى ده‌نگێ (به‌لێ) بۆ سه‌ربخوه‌يێ دا وپشكداريه‌كا به‌رچاڤ هه‌بوو، هه‌كه بزاڤ بۆ ئازاديێ وسه‌ربخوه‌يێ هه‌بيت، دێ قوربانى ژى هه‌بيت، گه‌لێ كوردستانێ ژى به‌رده‌وام ئه‌و قوربانيى يا داى، ئه‌نجامدانا ريفراندۆمێ دژى دستوورێ عيراقێ نه‌بوو، هه‌كه خيانه‌تا وێ گرۆپێ ل ناڤخوه‌يا كوردستانێ نه‌با، خه‌لكى وه‌كو ڤى شێوێ نوكه ئازار نه‌دديت، به‌لێ ئه‌و ره‌وشه ژى يا ده‌مكى يه ومه باوه‌رى يا هه‌ى خه‌لكێ مه دێ ژڤێ قۆناغێ ده‌رباز بيت.
سه‌رۆك بارزانى: ريفراندۆم برياره‌كا كه‌سايه‌تى نه‌بوو، يان ئێك لايه‌نێ سياسى وچه‌ند لايه‌نه‌ك نه‌بوو، به‌لكو بريارا هه‌موو پارتان وپه‌رله‌مانى وخه‌لكێ كوردستانێ بوو، هنده‌ك لايه‌نان تێبينى ل سه‌ر ده‌مێ وێ هه‌بوو، به‌لێ ئه‌وژى دژى ريفراندۆمێ نه‌بوون، ئه‌وا ل كه‌ركووكێ رووداى ژئه‌نجامێ ده‌رزه‌كێ دناڤمالا كوردى دا نه‌بوو، به‌لكو ئه‌نجامێ خيانه‌تا گرۆپه‌كێ بوو دناڤ كوردان ب خوه‌دا.
سه‌رۆك بارزانى: خه‌لكێ كوردستانێ وجڤاكێ نێڤده‌وله‌تى ژى دزانيت كى بوون.\
سه‌رۆك بارزانى: گرنگترين خال ئه‌وه كو 93% خه‌لكى ده‌نگ بۆ دا، ئه‌و جۆرێ دى يێ خه‌لكى يێ شرۆڤه‌كا دى بۆ دكه‌ت ل ده‌ف مه بهايێ خوه نينه.
سه‌رۆك بارزانى: دانوستاندن نوكه يا به‌رده‌وامه، كه‌ركووك وده‌ڤه‌رێن كوردستانى يێن دى نوكه دداگيركرى نه وپێدڤيه ئه‌ڤ كێشه ل دززڤ دستوورێ عيراقێ بهێته چاره‌سه‌ركرن.
سه‌رۆك بارزانى: به‌لێ، نوكه يا داگيركريه
سه‌رۆك بارزانى: دانوستاندن هه‌تا نوكه يا به‌رده‌وامه ل گه‌ل به‌غدا وهيڤيدارين بگه‌هينه رێككه‌فتنێ، به‌لێ به‌رده‌واميدان ب سه‌پاندنا ئه‌مرێ واقع، ناهێته قه‌بوولكرن.
سه‌رۆك بارزانى: هيڤيدارين دسه‌ركه‌فتى بن، به‌لێ هه‌كه نه‌گه‌هشتنه ئه‌نجامه‌كى، وى ده‌مى دێ بريارێ ده‌ين.
ئه‌ڤرۆنيوز:
ئێڤاريا ئه‌ڤرۆ ئه‌ينيێ 26/1/2018، پشك كێشانا هه‌ردو ياريێن قۆناغا به‌رى دووماهيێ ژجاما ئيسپانيا هاته ئه‌نجامدان.
هه‌رچار يانێن به‌رشه‌لونا وڤالنسيا وئه‌شبيليه وليجانيس گه‌هشتبوونه قۆناغا به‌رى دووماهيێ يا جاما ئيسپانيا ودئه‌نجامێ وێ پشك كێشانێ دا، دێ به‌رشه‌لونا ل گه‌ل ڤالنسيا وئه‌شبيليه ل گه‌ل ليجانيس ياريێ كه‌ن كو ياريا هاتنێ دێ ل 31 ڤێ هه‌يڤێ و1/2/2018 هێنه ئه‌نجامدان وياريێن چوونێ ل 7 و8 -2-2018 هێنه ئه‌نجامدان.
ئه‌ڤرۆ نیوز، نه‌وزاد هلۆرى:
ل ژاپوونێ سالانه ڤیسته‌ڤالێن تایبه‌ت بۆ وان كچ و كوران دهێنه گێران ئه‌وێن كو دگه‌هنه ژیێ پێگه‌هشتنێ و به‌رهه‌ڤ بن ژ بو شووكرن و ژنئینانێ ئانكو به‌رهه‌ڤن بۆ پرۆسه‌یا هه‌ڤژینیێ.
ل ژاپوونێ ژیێ 20 سالیێ دیاركریه بۆ پێگه‌هشتنا كچ و كوران ، به‌روڤاژى گه‌له‌ك ژ وه‌لاتێن جیهانێ كو ژیێ 18 سالیێ هاتیه ده‌ستنیشانكرن.
نيشاندان