ئه‌ڤرۆنيوز:

ئه‌ڤرو 7/5/2018  فه‌رهاد ئه‌مین پارێزگه‌رێ دهۆكێ‌ ب نوونه‌راتیا نێچیرڤان بارزانی سه‌رۆكێ‌ حوكمه‌تا هه‌رێما كوردستانێ‌ پشكدارى د پرسا سه‌ره‌خوشیێ‌ ل قوربانیێن ئاڤ رابوونا رۆژا شه‌مبيێ 7/5/2018  كو تێدا چار كه‌س بووينه‌‌ قوربانێ‌ سێ‌ ژوان خه‌لكێ‌ كومه‌لگه‌ها كه‌له‌كچی كر.

پارێزگه‌رێ‌ دهۆكێ‌ بناڤێ‌ نێچیرڤان بارزانی سه‌رۆكێ‌ حوكمه‌تا هه‌رێمێ‌ و بناڤێ‌ كارگێریا پارێزگه‌ها دهۆكێ‌ سه‌ره‌خوه‌شی ل كه‌سوكارێن وان قوربانیان كر و هیڤی خواست كو خودایێ‌ مه‌زن ب به‌هه‌شتا خوه‌ شاد بكه‌ت و هه‌دارێ‌ ب ده‌ته‌ كه‌سوكارێن وان و دووماهی نه‌خوه‌شیا وان بيت

ئه‌ڤرۆنيوز:

ئه‌ڤرو سێشه‌مبى 7/5/2018 فه‌رهاد ئه‌مین پارێزگه‌رێ‌ دهۆكێ‌ سه‌ره‌دانا سنورێ‌ قه‌زا شێخان كر و ژلایێ‌ قایمقامێ‌ شێخان و به‌رپرسێ‌ لقا 20 و هژماره‌كا زۆر یا خه‌لكێ‌ ده‌ڤه‌رێ‌ ڤه‌ هاته‌ پێشوازی كرن , پاشی ل كوندێ‌ ئیسیان یێ‌ سه‌ر ب ناحیا باعه‌درێ‌ ڤه‌ بنگه‌هێ‌ ساخله‌میێ ‌ژ جۆرێ‌ B ب كوژمێ‌ 450 هزار دۆلاران هاته‌ ڤه‌كرن كو ژلایێ‌ كۆمپانیا (هانت ئویل) ڤه‌ هاتیه‌ ئاڤاكرن و دێ‌ خزمه‌تا خه‌لكێ‌ ده‌ڤه‌رێ‌ هه‌موويێ كه‌ت.

ددوڤدا به‌رێ‌ بنیاتی بۆ نووژه‌نكرنا رێيا مرێبا- خنس هاته‌ دانان كو ژلایێ‌ رێكخراوا (گولف كیستون ) ڤه‌ دهێته‌ پشته‌ڤانی كرن ب كوژمێ‌ 520 هزار دۆلاران و خزمه‌تا گوندین سه‌رب وێ‌ ده‌ڤه‌رێ‌ ڤه‌ دكه‌ت.

پاشی ل سنورێ‌ ناحیا قه‌سرۆكێ‌ ئاڤاهیێ‌ باغچه‌كێ‌ زارۆكان هاته‌ ڤه‌كرن كو ژلایێ‌ رێكخراوا IOM ڤه‌ هاتیه‌ چێكرن ب كوژمێ‌ 100 هزار دۆلاران هه‌روه‌سا قوتابخانه‌كا 18 رێزی یا مودرێن ل سه‌نته‌رێ‌ ناحیا قه‌سرۆكێ هاته‌ ڤه‌كرن ب كوژمێ‌ 2 ملیۆن و 35 هزار دۆلاران كو ژلایێ‌ رێكخراوا GIZ یا ئه‌لمانی ڤه‌ هاتیه‌ جێكرن .

پاشی ل كومه‌لگه‌ها كه‌له‌كچی قوتابخانه‌كا 18 رێزی هاته‌ ڤه‌كرن كو ژ 3 نهومان پێك دهێت و هه‌موو كه‌لوپه‌ل بۆ هاتینه‌ دابینكرن ژلایێ‌ رێكخراوا GIZ یا ئه‌لمانی ڤه‌ و كوژمێ‌ ملیۆنه‌ك و 885 هزار دۆلار لێ‌ هاتینه‌ خه‌رجكرن.

هه‌ر ل كومه‌لگه‌ها كه‌له‌كچی به‌رێ‌ بنیاتێ‌ بۆ پرۆژێ‌ بارسڤككرن و به‌رفره‌هكرنا هێلێن كاره‌با گشتی ل ناحیا كه‌له‌كچی و كومه‌لگه‌ها چره‌ی هاته‌ دانان ب پشته‌ڤانیا رێكخراوا UNP ب كوژمێ‌ 452 هزار دۆلاران بۆ هاتینه‌ ته‌رخان كرن.

ل دووماهیێ‌ به‌رێ‌ بنیاتی بۆ چێكرنا رێيا سه‌ره‌كی یا كومه‌لگه‌ها چره‌ی ب كوژمێ‌ 400 هزار دۆلاران هاته‌ دانان و ب پشته‌ڤانیا رێكخراوا UNP درێژاهیا رێ‌ زێده‌تر ژ 5 كم بۆ كومه‌لگه‌ها كه‌له‌كچی و گوندێ‌ زیناڤا .

فه‌رهاد ئه‌مین  دداخویانیه‌كێ‌ دا بۆ راگه‌هاندنێ‌ پیروزباهیا خه‌لكێ‌ وان ده‌ڤه‌را كر یێن پرۆژێن وان ئه‌ڤرۆ هاتینه‌ ڤه‌كرن و به‌رێ‌ بنیاتی بۆ هاتیه‌ دانان و دیاركر كو خزمه‌تكرنا وه‌لاتیان ئه‌ركێ‌ سه‌ره‌كی یێ‌ حوكمه‌تا هه‌رێما كوردستانێ‌ یه‌ و هه‌كه‌ بارێ‌ گرانێ‌ ئابووری و برینا بودجێ‌ ژلایێ‌ حوكمه‌تا به‌غدا ڤه‌ نه‌با، ل سنورێ‌ پارێزگه‌ها دهۆكێ‌ پلان و به‌رنامێن ستراتیژی هاتینه‌ دانان بۆ گه‌هاندنا هه‌موو خزمه‌تان بۆ وه‌لاتیان و دانانا به‌رێ‌ بنیاتێ‌ ڤان پرۆژان و ڤه‌كرنا هژماره‌كا دی چ په‌یوه‌ندی ب بانگه‌شا هه‌لبژارتنان ڤه‌ نینه‌ و ل هه‌موو ده‌مان حوكمه‌تا هه‌رێمێ‌ خزمه‌تا وه‌لاتیان كریه‌ و دێ‌ یا به‌رده‌وام بیت و ل هه‌ركاڤه‌كا بودجا پێدڤی په‌یدا بوو هه‌ر پرۆژه‌كی بیێ‌ دو دلی دێ‌ ده‌ست بجهئینانا وی هێته‌ كرن.دیار كر كو پلانێن باش بۆ هه‌ر ده‌ڤه‌ره‌كێ‌ هاتینه‌ دانان ل دووف پێدڤیێن وان ده‌مێ‌ په‌یدا بوونا بودجێ‌ دێ‌ هێنه‌ بجهئینان .

ئەڤرۆ نیوز:

کارگێرەکێ لقێ 18 یێ پارتی دیموکراتی کوردستان ل ئامیدیێ دیارکر کو چوار بەربژارێن سەر ب قەوارە و لیستێن ئێکەتی و ھاوپەیمانی دەستکارکێشایە.

عەونی ئەرتیسی کارگێر و بەرپرسێ راگەھاندنا لقێ 18ێ پارتی ل ئامیدیێ بو ئەڤرۆ نیوز گۆت: (ئەڤرۆ چوار بەربژارێن ئێکەتیا نیشتمانیا کوردستانێ و ھاوپەیمانی بو دیموکراسی و دادپەروەری ل سنورێ قەزا ئامێدیێ دەستکارکێشا خوە راگەھاند).

زێدەتر گۆت: (بەرھەڤی دھێنەکرن و دەمەکێ دن د کونگرەیەکێ رۆژنامەڤانی دا دێ ناڤێت وان ھێنە ئاشکراکرن).

ئەڤرۆ نيوز:‏

پشتی سەربەست ترووانشی بەرپرسێ لقێ ئێک سەرەدانا وان تاخ و خانیێن ب بەر زیانێن باران و لەھیان کەفتین یێن نێزیک رووبارێ ‏ھشکە روو کرین، دوھی ھەر ب مەرەما قەرەبوو و چارەسەریا ئاریشێن وان و نەھێلانا مەترسیێ ل سەر گیان و خانیێن وان و گەھاندنا ‏داخوازیێن وەلاتیێن ناڤھاتی بۆ دامودەزگەھێن حکومی، ل بارەگایێ لقێ ئێکێ پارتی سەربەست ترووانشی بەرپرسێ لقێ پێشوازی ل ‏ھژمارەکا زیانڤێکەفتیێن باران و لەھیان کر.‏

د ھەڤدیتنەکێ دا سەرەرایی بخێرھاتنێ ل زیانڤێکەفتیان، سەربەست ترووانشی دلگرانیا خوە بەرامبەر وان زیانێن بەر ب ھژمارەکا ‏خانیێن وەلاتیێن ھەژار ل نێزیک رووبارێ ھشکەڕوو کەفتین دیارکر و ھەر ل گەل دروستبوونا وان زیانان، لقێ ئێکێ پارتی ئامادەیا ‏خوە ژ بۆ ڤەگوھاستنا وان خێزانان بۆ ناف ئۆتێلان دیار کر ھەتا کو دام و دەزگەھێن حکومی ب کارێ خوە راببن.‏

ھەر د ھەڤدیتنا خوە دا ل گەل وان خێزانان، بەرپرسێ لقێ ئاماژە دا سەرەدانێن مەیدانی یێن نێچیرڤان بارزانی سەرۆکێ حوکمەتا ‏ھەرێما کوردستانێ بۆ وان تاخێن زیان ب بەرکەفتین و ئێکسەر ھایداری رەوشا وان خێزانان بوویی و سەرەدان و بڕیارێن سەرۆکێ ‏حوکمەتێ بلند نرخاندن ژ بۆ چارەکرنا رابوونا ئاڤێ و نەھێلانا مەترسیێ ل سەر مالێن وەلاتیان.‏

ھەروەسان سەربەست ترووانشی دیارکر کو پارتی ھەردەم گرنگی ب تەخا ھەژار و زیانڤێکەفتیان دایە و رێز و بھایەکێ بلند ب ‏داخوازیێن وان داینە، لەوران بۆ ھەر کارەکێ پێدڤی دێ خزمەتکرنا ڤێ تەخێ ب ئەرکەکێ پیرۆز ل سەر ملێت خوە دبینیت.‏

ژ لایێ خوە ڤە سەرۆکێن وان خێزانان سۆپاسیا ھەلویست و سەرەدانێن سەرۆکێ حوکمەتێ و لقێ ئێکێ پارتی و ئیدارا پارێزگەھا ‏دھۆکێ کرن کو ئێکسەر ل سەر ڤان زیان و مەترسیان ھاتینە سەر خەت. ‏