ئه‌ڤرۆ نيوز:
مەسرور بارزانی د چارچووڤێ پێشوازيكرنێ ل وه‌زيرێ ناڤخوه‌يێ عيراقێ راگه‌هاند: پێدڤيه رێککەفتنا شنگال بهێته بجهئينان و میلیشا و هێزێن چەکدارێن نه‌قانوونى ل وێ ده‌ڤه‌رێ ده‌ربچن.
سەرۆکێ حکومەتا هه‌رێما كوردستانێ ئاماژە ب بەردەوامییا سیاسەتا گوهۆرینا دیموگرافی و زێده‌گاڤییا سەر وه‌لاتیێن کورد و داگیرکرنا زه‌ڤییان ل کەرکووکێ و ده‌ڤه‌رێن کوردستانی ژ دەرڤه‌ى ئیدارەیا هەرێمێ کر و گۆت: ئەو ره‌وشا نه‌ئاسایی ونه‌دەستووریی، د بەرژەوەندیا خەلکێ ئیراقێ دا نینە و پێدڤییه رێگری لێ بهێته گرتن.
ئه‌ڤرۆ نيوز:
وه‌زيرێ به‌ره‌ڤانيا ئه‌مريكا راگه‌هاند، ئه‌و گرۆپێ چه‌كدار ئه‌وێ ڤێ سپێدێ ل سنورێ عيراق بۆ سووريا مه كريه ئارمانج هه‌مان ئه‌و گرۆپه بوو كو هێرش كريه سه‌ر هه‌ولێرێ.
سپێده‌هيا ئه‌ڤرۆ فرۆكێن شه‌رى يێن ئه‌مريكا گرۆپه‌كێ چه‌كدار يێ نێزيك ژ ئيرانێ، ل سنورێ سووريا بۆ عيراقێ كره ئامانج، د ئه‌نجامدا 17 چه‌كدار كوشتن.
ئه‌ڤرۆ:
د.جوتيار عادل په‌يڤدارێ حوكمه‌تا هه‌رێما كوردستانێ به‌رى چه‌نده‌كێ راگه‌هاند كو خواندن ل ناڤه‌ندێن په‌روه‌ردێ دێ يا به‌رده‌وام بيت ب پابه‌ندبوون ب رێنماييێن خوه‌پاراستنێ ژ ڤاپرۆسێ كۆرۆنا و گۆت: ڤايرۆسێ گوهۆرى گه‌له‌ك زوو به‌ر به‌رلاڤ دبيت، پێدڤيه فه‌رمانبه‌ر ژى ل سازيێن حوكمه‌تێ خوه ب پارێزن.
ئەڤرۆ نیوز:
رێڤەبەربەرێ گشتی یێ چاڤدێری و گەشەپێدانا جڤاکی ل پارێزگەها دهۆکێ راگەهاند، ل سالا بوری دا وان چاڤدێریا ١٣٣ زارۆیێن بێ سەمیان ژ هەردو رەگەزان کرییە، دیسان ١٤٦ دوسەیێن ژنان ژی ژ ئالیێ وان ڤە هاتینە چارەسەرکرن.
شێرزاد حەمید، رێڤەبەرێ گشتی یێ چاڤدێری و گەشەپێدانا جڤاکی ل پارێزگەها دهۆکێ د کونگرەیەکێ رۆژنامەڤانی دا ئامارێن سالا ٢٠٢٠ بەلاڤکرن و دیار کر، وان چاڤدێریا ١٣٣ زارۆیێن بێ سەمیان ژ هەردو رەگەزان و ٢٤ کەسێن د مالا دانعەمرا دا کرییە.
گۆت ژی: وان سەرەدانا نێزیکی هزار خێزانا کرییە دوور ژ راگەهاندنێ، هەڤدەم وان سەرپەرشتیا ١٣٣ زارۆیێن بێ سەمیان ژ هەردو رەگەزان کرییە، نوکە ٢٤ کەس د مالا دانعەمردا د ژین.
دیسان گوت ژی، حکومەتا هەرێما کوردستانێ دو جورێن هاریکاریان ل سەر وەلاتیان دا دابەشکرینە، ئێک ژ وان پارە بوویه و پەری چار ملیار دیناران بووینە و دو ئاهێن خوارنێ بووینە کو هژمارا وان ١٦٥ هزار و ٩٥٠ سەلکێن ئەرزاقی بووینە، وان ل سەر خێزانێن هەژار دا بەلاڤکرینە.
ئه‌ڤرۆ نیوز ، زنار تۆڤى:
ئه‌ندازیارێ سه‌رپه‌رشتێ پرۆژێ ئه‌نده‌رباسا نێزیك ته‌له‌ڤزیۆنا دهۆكێ بۆ ئه‌ڤرۆ نیوز دیار كر: ئه‌و ئه‌نده‌رپاسه هزار و 330 مه‌تران یا دریّژه و نوكه هه‌ر دو ئالیێن ویچ ئه‌نده‌رپاسێ هاتینه ڤه‌كرن و دوهى ژى سێ پرێن هاتنوچوونێ ل گه‌ل سێ پرێن په‌یاده ل وێ ئه‌نده‌رپاسێ هاتینه سه‌به‌كرن.
كاروان سالحى گۆت ژى: پشتى ڤێ قووناغێ دێ ئه‌و پرۆژه هێته قێركرن و كٍێلبستون و كه‌سكاتى دێ لێ هێته دانان، دهێته پێشبینی كرن ژى، كو به‌رى نه‌ورۆزێ ئه‌و پرۆژه بكه‌ڤیته د خزمه‌تا خه‌لكێ باژێرێ دهۆكێ دا.
پرۆژێ ئه‌نده‌رپاسێن جادا بارزان ژ پێنج قووناغان پێك دهێت و هه‌تا نوكه سێ ژ وان ئه‌نده‌رپاسان ب ته‌مامى كه‌فتینه د خزمه‌تا وه‌لاتیان دا و ئه‌ڤ پرۆژه ژى ل نێزیك دێ كه‌ڤیته د خزمه‌تا وه‌لاتیان دا، كوژمێ گشتى یێ ئه‌نده‌رپاسیچن جادا بارزان 74 ملیار دینارێن عێراقینە.
نيشاندان