ئەڤرۆ نیوز:
هەڤال ئەبوبەکر پارێزگارێ سلێمانیێ راگەهاند کو ژ بۆ پاراستنا وەلاتیان و رێگریکرن ژ بەلاڤبوونا ڤایرۆسێ کۆرۆنایێ وان بریار داینە هاتنوچوونا ترۆمبێلان بۆ ناڤ بازارێ سلێمانیێ هەتا ئێکێ مەها حەفت بهێتە قەدەغەکرن.
ناڤهاتی دیار ژی کر کو وەلاتی دشێن ب پیادە هاتنوچوونا ناڤ بازاری بکەن لێ دڤێت هەموو مەرجێن ساخلەمیێ بجه بینن.
پارێزگارێ سلێمانیێ راگەهاند هەر دەمێ مووچە بهێتە بەلاڤکرن ژی وەلاتی دشێن بچن و مووچێ خوە وەربگرن لێ دڤێت پێگیریێ ب رێنمایان بکەن.
ئەڤرۆ نیوز:
ئاوات محەمەد قایمقامێ سلێمانیێ راگەهاند کو پشتی چەندین پشکنین بۆ هاتینە کرن دیار بوویە کو تووشی ڤایرۆسێ کۆرۆنایێ بوویە.
ناڤهاتی راگەهاند کو نها رەوشا وی یا ساخلەمیێ گەلەک باشە و ل مالێ خوە کەرەنتین کریە.
قایمقامێ سلێمانیێ داخواز ژ هەموو وەلاتیان ژی کر کو خوە ب پارێزن دا تووشی کارەساتان نەبن.
ئەڤرۆ نیوز:
ل گۆر راپۆرتەکا ئاژنسا سپوتینگ فرۆکێن ئیسرائیلێ ئەڤرۆ ل رۆژهەلاتێ باژێرێ حەما هێرشی بنگەهێن سەربازی یێن هێزێن سووریێ و هەروەسا هێزێن سەر ب ئیرانێ کرن کو ل گۆر زانیاریێن دەستپێکی د ئەنجاما هێرشا فرۆکێن ئیسرائیلێ دا ١٤ کەس هاتینە کوشتن و ٤٠ کەس ژی بریندار بووینە.
هەتا نها ئیرانێ و رژێما بەشاری ل دۆر هێرشا ئیسرائیلێ چو داخۆیانیەک بەلاڤ نەکرینە.
ئەڤرۆ نیوز:
زانایێن بریتانی دیار دکەن کو تووشبوونا هژمارەکا زێدە ژ وەلاتیان نیشانا دەستپێکرنا پێلا دویێ یا کۆرۆنایێ یە، چونکو دەمەکە رۆژ ب رۆژێ هژمارا تووشبوونا وەلاتیان ب کۆرۆنایێ زێدەتر دبیت.
زانایێن بریتانی داخواز ژ حوکمەتا وەلاتێ خوە دکەن کو جارەکا دی دەست ب پێرابوونێن توند بکەن و پێدڤیە وەلاتی ژی پتر ژ جاران پێگیریێ ب رێنمایێن ساخلەمیێ بکەن، چونکو بەرۆڤاژی هندێ دێ رەوش مەترسیدارتر لێ هێت.
ئه‌ڤرۆ نیوز:
ئه‌ڤرۆ 75 سالیادا سه‌ركه‌فتنا ئێكه‌تیا سوڤێتێ یه ده‌می سه‌ركه‌ڤتین ل سه‌ر نازیێن ئه‌لمانی ل شه‌ری دوێ یێ جیهانی، ب نمایشه‌كا سه‌ربازی ل موسكیا پایته‌ختێ روسیا هاته ساخكرن.
نه‌هێ ئایارا هه‌موو ساله‌كێ روسیا سالیادا سه‌ركه‌فتنا وه‌لاتێ خو ب سه‌ر نازیان دا دكه‌ت كۆ ل شه‌ری دوێ یێ جیهانی ل سالێن 1941 -1945 روودابوو ئه‌و رۆژ ب رۆژا سه‌ركه‌فتنێ دهێته دانان، ئه‌ڤ سال ب ئه‌گه‌رێ به‌لاڤبوونا ڤایرۆسێ كورونایێ هاته پاش خستن بۆ ئه‌ڤرۆ كۆ ل مه‌یدا سور ل موسكویا پایته‌ختێ روسیا هاته برێڤه برن.
د وێ نمایشا سه‌ربازی دا بلند راگرتنا هه‌لكه‌فتێ هاته ئه‌نجام دان و نێزیكی 14 هزار سه‌ربازان پشكداری تێداكر و ل گه‌ل 75 فرۆكه‌یان و هه‌لیكۆپته‌رێن شه‌ری، چه‌ندین جورێن تانك و زریپوشێن سه‌ربازی هاتنه نمایشكرن، كۆ دیارترین تانكا ژ جورێ تی 35 یا رووسی بوو.
د ئه‌ڤی هه‌لكه‌فتێ دا ڤلادیمیر پوتن سه‌رۆكێ روسیا په‌یڤه‌ك پێشكێشكر و تێدا راگه‌هاند گه‌لێن ئێكه‌تیا سوڤێتێ كو نوكه پارڤه‌بووینه ب سه‌ر چه‌ندین كۆماران لێ به‌رده‌وام سالیادا سه‌ركه‌فتنا سوڤێه‌تێ ب سه‌ر فاشیێن ئه‌لمانی ب بلند رابگرن، ئه‌و سوڤێت بوو شیا توخیبه‌كی بۆ زێده‌گاڤیێن نازیان دابنیت، هه‌كه ل ئه‌وی ده‌می دا گه‌لێ سوڤێتێ نه‌شیابا نازیان رابوه‌ستینن دیار نه‌بوو چاره‌نڤیسێ جیهانێ به‌ره‌ڤ كیڤه دچوو.
ئەڤرۆ نیوز:
وەزیرێ دەرڤە یێ ئەمریکا مایک پۆمپیۆ راگەهاند کو هێرشا تیرۆرستی یا فرۆکێن بێ فرۆکەڤان یێن تورکیا ل سەر گوندەکێ کۆبانێ کو د ئەنجاما وێ هێرشا دا سێ ژن بووینە قوربانی ب توندی شەرمزار دکەین.
وەزیرێ دەرڤە یێ ئەمریکا داخواز ژ تورکیا ژی کر کو دەستان ژ هێرشێن وەسا بەردەت، چونکو هەر هێرشەک کو ببیتە ئەگەرێ مرنا وەلاتیێن سڤیل هێرشەکا تیرۆرستیە و دڤێت شەرمزار بکەین.
ئەڤرۆ نیوز:
د ئەنجاما پەقینەکێ دا ل گوندێ تل حەلەف یێ سەر ب باژێرێ سەرێکانیێ ل رۆژئاڤایێ کوردستانێ ٨ کەسان جانێ خوە ژ دەست دان و ١٥ کەس ژی ب گرانی بریندار بوون.
ژێدەریێن میدیایی ل رۆژئاڤایێ کوردستانێ دیار کرن کو پرانیا کوشتی و برینداران چەکدارێن سەر ب تورکیا نە و هەتا نها ژی دیار نینە کو چ گرۆپەکێ ئەو پەقینە ئەنجام دایە.
ئەڤرۆ نیوز، زنار تۆڤی:
دوهی بەری نیڤرۆ وەلاتیەک د رووبارێ زێ یێ مەزن دا خەندقیە و هێشتا تەرمێ وی نەهاتیە دیتن.
شەعبان خەلیل بەرواری رێڤەبەرێ ناحیا دینارتێ، بۆ ئەڤرۆ نیوز دیار کر: دوهی سێشەمبی وەلاتیەک ب ناڤێ یاسر شیمال رەشید، کو خەلکێ گوندێ بیرەگەپرا یە، یێ سەر ب ناحیا دینارتێ ڤە، خوە هاڤێتیە ئاڤێ د رووبارێ زێ یێ مەزن دا، د ئەنجامدا خەندقیە و هەتا نوکە تەرمێ وی نەهاتیە دیتن.
ناڤهاتی گۆت ژی: هەر ژ دوهی وەرە مە گەلەک بزاڤکرینە، کو تەرمێ وی ژ ئاڤێ بینینەدەر، لێ هێشتا مە نە دیتیە و لێگەریان یا بەردەوامە، دیسان مە تیمێن نقومڤانیێ ژ بلێ ئیناینە و یێ لێ دگەرن، لێ هێشتا تەرمێ وی یێ بەرزەیه و نەهاتیە دیتن.
نيشاندان