ئەڤرۆ نیوز:
د. هێرش سەلیم جێگرێ رێڤەبەریا گشتی یا ساخلەمیا سلێمانیێ دیار کر کو ئەڤرۆ ٥ تووشبوویێن دی یێن کۆرۆنایێ ل سلێمانیێ جانێ خوە ژ دەست داینە و گۆت: (هەر ٥ کەسێن کو جانێ خوە ژ دەست داینە چەند رۆژ بوو کو بارێ ساخلەمیا وان گەلەک خراب بوو).
ناڤهاتی دیار ژی کر کو کەسێن جانێ خوە ژ دەست داینە ژیێ وان د ناڤبەرا ٣٥ هەتا ٦٨ سالیێ دا بوون.
ئه‌ڤرۆ نیوز، عه‌لى حاجى :
رێڤه‌به‌رێ ناحیا ده‌ركارێ د داخویانیه‌كێ دا بۆ ئه‌ڤرۆ نیوز دیار كر سوپاێ توركیا روژانه چه‌ند ده‌ڤه‌ره‌كێن سه‌ر ب ناحیا وان ڤه توپباران دكه‌ن و هێزه‌كا نوو یا سوپایێ توركیا ب چاڤ هاتیە دیتن كو د سنورێ دناڤبه‌را كوردستان و توركیا دا هاتینه دناڤ ئاخا كوردستانێ دا .
زێده‌تر زێره‌ڤان موسا گۆت: (هێزەکا نوو یا سوپایێ توركیا کو دناڤ ئاخا كوردستانێ دا و هاتینە دیتن ژی و ئەو هێزە هەتا گوندێ كولكێن دیشیشێ ئانكو گوندێ دێشیشا كه‌ڤن هاتینه كو پشت وى گوندى ههتا سنورێ دناڤبه‌را مه و توركیا دا نێزیكى شه‌ش گوندانه كو د ماوه‌یێ وه‌كو رێڤه‌به‌رێ ناحیا ده‌ركارێ دا بۆ ئێكه‌م جاره سوپایێ توركیا ب ڤى ره‌نگى دهێته دناڤ ئاخا هه‌رێما كوردستانێ دا و دیفچوونێن مه ژى د به‌رده‌وامن ل سه‌ر ڤێ چه‌ندێ، روژانه سوپایێ توركیا توپبارانا چیایێن ناحیا مه دكه‌ن ب تایبه‌تى ژى چیایێ خامتیرى كو ژ ده‌ستپێكا راگه‌هاندنا ئوپه‌راسیونێ ژلایێ سوپایێ توركیا ڤه ل دژى هێزێن په‌كه‌كێ كو ب شێوه‌یه‌كێ چر ئه‌و چیایه دهێته بوردومان كرن .
ناڤبرى خویا كر ژى هه‌ر دیسان ل گوندێ په‌ره‌خا كه‌ڤن و ده‌روروبه‌رێن وێ روژانه دهێته توپباران كرن به‌لێ چو كه‌س د وى گوندى دا نه‌مایه ژ به‌ر كو گونده‌ك نووتر هاتیه ئاڤا كرن، ههتا نوكه چو گونده‌ك نه‌هایته توپباران كرن ل سنورێ ناحیا مه كو دشێین بێژن وه‌لاتى تێدا ئاكنجى بن و هه‌ر دیسان مه رێگرى ژى ل چوونا وه‌لاتیان كریه بۆ جهێن گه‌شت و گوزارى و گوندێن مه‌ترسیا توپبارانێ ل سه‌ر هه‌ى .
ئەڤرۆ نیوز:
سەبارەت ب ئالۆزیێن ڤێ دووماهیێ ل سەر سنوری و توپبارانکرنا ئاخا هەرێمێ ژ ئالیێ تورکیا و ئیرانێ ڤە پارتی دیموکراتی کوردستان د راگەهاندنەکێ دا دیار دکەت کو هەبوونا پەکەکێ و گرۆپێن دی وەسا کریە کو ئیران و تورکیا ئاخا هەرێمێ توپباران بکەن کو مخابن زیانێن گەلەک مەزن ژی گەهشتینە هەرێما کوردستانێ.
پارتی دیموکراتی کوردستان هەروەسا دیار دکەت کو ئەو پشتەڤانیێ ل هندێ دکەن کو پرسا کوردی ل پارچێن دی یێن کوردستانێ دور ژ شەری و ب رێیێن سیاسی بهێتە چارەسەرکرن و ئەو پشتەڤانیێ ل هەر بزاڤەکا سیاسی بۆ چارەسەرکرنا پرسا کوردی کەن.
پارتی د راگەهاندنا خوە دا دیار ژی دکەت کو ژ بەر پەکەکێ ٥٠٠ گوندێن هەرێما کوردستانێ نەهاتینە ئاڤاکرن، ژ بەر هندێ ژی دڤێت هەم پەکەکێ و هەم ژی پارتێن دی یێن کوردی ئاخا هەرێمێ ل دژی وەلاتێن جیران بکار نەئینن.
ئه‌ڤرۆ نیوز، عه‌لى حاجى :
رێڤه‌به‌رێ هاتن و چوونا زاخۆ د داخویانیه‌كێ دا بۆ ئه‌ڤرۆ نیوز دیار كریا پێدڤیه ل ده‌ستپێكا ده‌روازا زاخۆ پره‌كا پیاده بهێته دانان و به‌رده‌وام ژى وان كامیره‌یێن هاتنوچوونێ داناینه ده‌ستپێكا ده‌روازێ .
زێده‌تر عه‌قیدێ هاتنوچوونێ ره‌شید ئاده‌م گۆت: (پرانیا وان روودانێن ڤێ داویێ ل زاخۆ دروست بووین كو تێدا چه‌ند كه‌سه‌كان گیانێ خوه ژده‌ست دا بوون بۆ ئه‌گه‌رێن ب كارئینانا له‌زاتیێ و خرابیا جادده‌یان ڤه‌دگه‌ریت كو ب تایبه‌تى ژى روودانا ل سه‌ر رێیا بێتاسێ بۆ گوندێ دولا كو خرابیا وێ جادده‌یێ و له‌زاتیا شوفێر روودانه‌كا دل ته‌زین ژبه‌ریا دوو حه‌فتیان په‌یدا كر و هه‌ر دیسان ئه‌م وه‌كو رێڤه‌به‌ریا هاتن و چوونا زاخۆ گه‌ل وێ چه‌ندێ نه پره‌كا پیاده ل به‌رامبه‌ر هه‌پى پارك بۆ لایێ دیترێ جادده‌یێ بهێته دیتن ژبه‌ر كو جادده‌یه‌كا سه‌ره‌كى یه و شوێر ژى ل وى جهى له‌زاتیێ ب كار دئینن و ههتا بویه ئه‌گه‌ر گه‌نجه‌ك گیانێ خوه ژده‌ست بده‌ت،بۆ كونترول كرنا له‌زاتیێ و شوفێران روژانه ئه‌م كامیره‌یێن هاتن چونێ دانین ده‌ست پێكا ده‌روازا زاخۆ ژبه‌ر كو له‌زاتیه‌كا زێده ل وى جهى دهێته كرن) .
ناڤبرى ئاشکرا ژى كر روودانێن به‌ری نوكه ل زاخۆ كو مرن ل دووڤ خوه ئیناین پرانیا وان كه‌سان ژى سنێله و گه‌نج بوون و پێدڤیه ئێدى بۆ به‌رژه‌وه‌ندیا خوه و به‌رامبه‌رى خوه شوفێر پێگێریێ ب رێنمایا بكه‌ت پێخه‌مه‌تى پاراستنا گیانێ خوه .
ئه‌ڤرۆ نیوز:
رێڤه‌به‌راتیا گشتی یا سه‌قا ناسی و بیڤه‌له‌رزان یا هه‌رێما كوردستانێ د راگه‌هاندنه‌كێ دا به‌لاڤكر تێدا هاتیه فه‌له‌ك ناسان زوو ئاماژه ب روودانا رۆژ عه‌یرینێ كر بوو كۆ دێ ل 21/6/2020 روو ده‌ت و سوبه‌هی ل هه‌رێما كوردستانێ ئه‌ڤ روودانه هێته دیتن، ئه‌و وه‌لاتێن وه‌كو كوردستانێ رۆژ غه‌یرین تێدا روو ده‌ت زۆرن، به‌لێ ئه‌وێن ل سه‌ر ئه‌وێ هێلا مه كۆ نه‌یجه‌ر و چاد و باشوورێ لیبیا و مسر و فه‌له‌ستین و ئوردن و لبنان و سوریا و هه‌رێما كوردستانێ و باكوری ئیرانێ و توركمانستان و ئورزه‌بكستان و باكورێ كازاخستانێ و مه‌نگولیا و باكورێ رۆژهه‌لاتا چینێ و هه‌ردو كوریا باشور و باكور ژاپونێ هێته دیتن.
لگۆری ئه‌وێ راگه‌هاندنا رێڤه‌به‌راتیا گشتی یا سه‌قا ناسی و بیڤه‌له‌رزان یا هه‌رێما كوردستانێ دا هاتیه، ده‌ستپیكێ ل هه‌رێما كوردستانێ ل ده‌مژمێر 7:34:52 یا سپێدێ رۆ غه‌یرین ده‌ست پێكه‌ت و ههتا ده‌ژمێر 8:38:47 به‌رده‌وام بیت، ده‌مژمێر 9:50:24 رۆژ عه‌یرین ته‌مام دبیت دوماهی ب ئه‌ڤێ دیارده‌یێ دهێت، ئانكو ل هه‌ریما كوردستانێ رۆژ غه‌یرین دو ده‌مژمێر و 15 حوله‌ك و 32 چركه‌یان به‌رده‌وام بیت.
ئه‌ڤرۆ نیوز:
بهایێ پترۆلێ به‌رده‌وام نه‌جیگیره و پشتی داكه‌تنا بهایێ وێ ل بازارێن جیهانێ دا.
بهایێ به‌رمیلا پترۆلێ یا برێنت زێده‌تری 1% بهایێ بلند بوو كو گه‌هشتیه 41.96 دۆلاران، یا ئه‌مریكی 1.5% بلندبوویه كه گه‌هشته 39.47 دۆلاران كرین و فروتن پێ هاتیه‌كرن.
ب ئه‌گه‌رێ به‌لاڤبوونا ڤایرۆسێ كورونایێ، بهایێ پترۆلێ نه‌جیگیره د بلندبوون و داكه‌تنێ، ل ئه‌ڤان هه‌فتیین بوری پشكه‌كا بهایێ خو بده‌ستڤه ئینا.
ئه‌ڤرۆ نیوز:
ژماره‌یا توشبوویێن كورونایێ ل جیهانێ ژ 9 ملیۆن كه‌سان نێزیك دبیت و زێده‌تری 460 هزار كه‌س ب ڤایرۆسی ل جیهانێ گیانێ خو ژ ده‌ست داینه.
ل گۆری دوماهی ئامارێن ل سه‌ر توشبوویێن كورونایێ ل هه‌موو جیهانێ كۆ 8 ملیۆن و 76 هزار و 448 كه‌سن و 462 هزار و 897 كه‌سان گیانێ خو ژ ده‌ست دایه.
لگۆری ئه‌و ئامارێن ههتا نوكه هاتینه راگه‌هاندن كۆ زرۆترین رێژه‌یا توشبوون و گیان ژ ده‌ست دانێ ل وه‌لاتێ ئه‌مریكایه زیده‌تری 2 ملیۆن كه‌سان توشی ڤایرۆسی بوون و زێده‌تری 121 هزار كه‌سان ژی گیانێ و ژ ده‌ست دایه.
ل عیراقێ 27 هزار و 352 توشبوویێن ڤایرۆسێ كورونایی بووینه و 925 كه‌سان ژی گیانێ خو ژ ده‌ستدایه ب ئه‌گه‌رێ ڤایرۆسی.
ئه‌ڤرۆ نیوز:
ب بریارا لژنا بلندا به‌رهنگاربوون و ئوپراسیونا سلیمانیێ بۆ ده‌مێ هه‌فتیه‌كێ ده‌واما فه‌رمی ل ته‌ڤایا فه‌رمانگه‌هان ل سلیمانێ دێ بیته بهێنڤه‌دان.
لژنا بلندا به‌رهنگاربوون و ئوپراسیونێ ل سلێمانێ راگه‌هاند ب مه‌به‌ستا رێگریكرن ژ زێده‌تر به‌لاڤبوونا ڤایرۆسێ كورونایێ كوڤید 19 بۆ ده‌مێ هه‌فتیه‌كێ ده‌واما فه‌رمی ل فه‌رمانگه‌هێن ل سلێمانێ دێ بیته بهێنڤه‌دان و بریار ژی ژ سوبه‌هی ئێك شه‌مبی 21/6/2020 دهێته بجهكرن و تاكو 28/6/2020 به‌رده‌وام بیت.
لژنا ناڤبری ه‌و چه‌نده ژی راگه‌هاند زێده‌باری راگرتنا ده‌واما فه‌رمی لژنه‌یێ هه‌ر ئه‌ڤرۆ بریارا داخستنا هنده‌ك جهێن گشتی یێن جێ مه‌ترسیا به‌لاڤبوونا زێده‌تار ڤایرۆسێ كورونایێ ژی دهێته‌كرن دا.
نيشاندان