ئه‌ڤرۆ نیوز،عه‌لی حاجی :
ساله‌ك ده‌رباز بوو ل سه‌ر نه‌دیتنا ته‌رمێ وه‌لاتیه‌كێ زاخۆ بناڤێ مێهڤان ئاڤده‌ل ده‌ما ل رێكه‌ڤتی 20/6/2020 ب مه‌ره‌ما مه‌له‌ڤانیكرنێ ل باژێرێ زاخۆ ل نێزیكی پرا ده‌لا خه‌ندقیت .
رائید بێوار عه‌بدولعه‌زیز به‌رپرسێ راگه‌هاندنا به‌ره‌ڤانیا باژێری ل زاخۆ بۆ ئه‌ڤرۆ نیوز گۆت : 20/6/2020 دبیته ساله‌ك ل سه‌ر خه‌ندقینا گه‌نجێ زاخۆ مێهڤان ئاڤده‌لی و هه‌تا نوكه ژی ته‌رمێ وی نه‌هاتیه دیتن و نه‌دیتنا ته‌رمێ وی ژی بۆ چه‌ند ئه‌گه‌رێن سه‌ره‌كی ڤه‌دگه‌ریت یا كو ژهه‌میان ژی سه‌ره‌كیتر بلندبونا ئاڤێ بوو د وی ده‌می دا، تیمێن مه‌یێن نقومه‌ڤانی ل پارێزگه‌ها دهوكێ بۆ ماوه‌یێ زێده‌تری سێ هه‌یڤان هه‌می هه‌ول ئه‌نجام دان بۆ دیتنا ته‌رمێ وی گه‌نجی به‌لێ هه‌ر یا بێ مفا بوو و هه‌تا فروكه ژی هاته ب كار ئینان و لێگه‌ریان هه‌ر ژ ئاڤا خابیری دناڤ سه‌نته‌رێ زاخۆ دا بوو هه‌تا سكرێ موسل و چو ته‌رمه‌ك نه‌هاته دیتن ب درێژاهیا ئاڤا خبیری، گه‌له‌ك جاران تیمێن مه‌یێن نقومه‌ڤانی بۆ دیتنا ته‌رمه‌كێ دیترێ خه‌ندقی یان ژی ده‌ما ئه‌نجام دانا لێگه‌ریانه‌كا گشتی دا ل ته‌رمێ وی گه‌نجی ژی دگه‌ریان .
ناڤبری گۆت ژی : زێده‌باری وان هه‌می هه‌ولان ژی مه هه‌تا ماسی گر ژی ئاگه‌هدار كرینه كو ده‌ما كاركرنێ دا ئه‌و ژی به‌رده‌وام بن ل سه‌ر لێگه‌ریانا وی ته‌رمی ژبه‌ر كو یا گرنگ بۆ مه دیتنا وی ته‌رمی یه دا كو راده‌ستی مالباتا وی كه‌سی ببكه‌ن ژبه‌ر كو هه‌تا نوكه ژی چاڤه‌رێ دیتنا ته‌رمێ كورێ خوه مێهڤانی نه .
نيشاندان
