ئەڤرۆ نیوز، عەلی حاجی :
ل گورەی سەرچاوەیەکێ باوەر پێکری ل دەروازێ نێڤدەولەتیا ئیبراهیم خەلیل بۆ ئەڤرۆ نیوز دیار کر نوکە دا هەلگرێن پاسەپورتێن بیانی و هەر دیسان پاسەپورتێن عێراقی ب مەرجەکێ دگەل پاسەپورتا عێراقی پشتگیریا ئاکنجیبوونا وەلاتەکێ بیانی دگەل دا بیت کو دشێت دەربازی ناڤ ئاخا وەلاتێ تورکیا بیت ب رێیا دەرگەهێ سنوریێ ئیبراهیم خەلیل ب وی مەرجی فیزەیا وەلاتێ تورکیا هەبیت.
هەر وی سەرچاوەیێ ئاشکەرا ژی کر بۆ وان دو جورێن پاسەپورتا بتنێ رێک پێ هاتیە دان دەربازی ناڤ ئاخا وەلاتێ تورکیا بن و بەروڤاژی وێ چەندێ چو کەسێ ماف نینە قەستا وەلاتێ تورکیا بکەت ب مەرەما رێکارێن خوە پاراستنێ ژ ڤایروسێ کورونایێ.
ئەڤرۆ نیوز، زنار تۆڤی:
ئەڤرۆ پێنجشەمبی 18.6.2020 ب بەهانەیا هەبوونا گەریلایێن پەکەکێ، جارەکا دی هێزێن ئەسمانی یێن سوپایێ تورکیا گەلیێ بێشیلێ ل بنارا چیایێ مەتینا ل دەڤەرا بەرواری بالا یا سەر ب قەزا ئامێدیێ ڤە بوردۆمان کر، د ڤان رۆژان دا ئەڤە جارا دویێ یە دهێتە بوردۆمان کرن.
پشتی نیڤرۆیا ئەڤرۆ و ل دەمژمێر 1:20 خولەک، فرۆکێن سۆپایێ تورکی ب دژواری گەلیێ بێشیلێ بوردۆمان کر و ڤێ جارێ ئەو جهێ بۆمبە لێداین، گەلەک نێزیکی مالان بوویە دیسان دەنگەکێ ب هێز ژ وان بۆمبەیان هاتیە و ترس ل دەف خەلکێ وان گوندان پەیدا کریە.
ئه‌ڤرۆ نیوز:
رێڤه‌به‌رێ كونترولا كاره‌با هه‌رێما كوردستانێ راگه‌هاند
كاركرنا یه‌كه‌یێن كاره‌بێ ب گازوائیلی مه‌زاختیێن وان رۆژانه 500 ملیۆن دینارن.
ئومێد ئه‌حمه‌د رێڤه‌به‌رێ كونترولا كاره‌با هه‌رێما كوردستانێ راگه‌هاند هنده‌ك یه‌كه‌یین كاره‌بێ نوكه ب ئه‌گه‌ری نه‌بوونا سوته‌مه‌نیی ئانكو یێن غازا سرۆشتی كار ناكه‌ن، ئه‌ڤه ژی په‌یوه‌ندی ب دانا غاز و وه‌زاره‌تا سامانێن سروشتی ڤه هه‌یه، ئیستگه‌هێن كاره‌با دهۆكێ غازا سرۆشیت بوو نه‌چویه ب ئه‌گه‌ری قه‌یرانا دارای و نیڤا یه‌كه‌یان ب گازوائیلێ كار دكه‌ن، د شه‌ڤ و رۆژه‌كێ دا 500 هزار لترێن گازوائیلێ د مه‌زێخن، مه‌زاختیێن وێ گازوائیلێ ژی دبیته 500 ملیۆن دینار ئه‌ڤه ژی زۆره.
رێڤه‌به‌رێ كونترولا كاره‌با هه‌رێما كوردستانێ ئه‌و چه‌نده ژی راگه‌هاند به‌رهه‌ڤكاری هاتینه‌كرن ل ده‌مێ بلند بوونا پله‌یێن گه‌رماتیێ زۆرترین كاره‌با بهێته دان و ده‌مژمێرین كاره‌بێ بهێنه زێده‌كرن.
ئه‌ڤرۆ نیوز:
رێڤه‌به‌راتیا گشتی یا خویكێ و خانوبه‌ریا میری سه‌ر ب وه‌زاره‌تا دارای و ئابووری یا حكومه‌تا هه‌رێما كوردستانێ بریاره‌كا نو ده‌ر خست.
رێڤه‌به‌راتیا گشتی یا خویك و خانوبه‌ریا میری نڤیساره‌ك به‌لاڤكریه و تێدا هاتیه كۆ ل سه‌ر ره‌زامه‌ندیا وه‌زیرێ دارایی و ئابووری یێ حكومه‌تا هه‌رێما كوردستانێ بریار دایه ب درێژكرنا ده‌مێ یاسایێ خویكده‌ران بۆ ماوه‌یێ سی هه‌یڤان ژ 1/7/2020 هه‌تا 30/9/2020.
د ئه‌وی نڤیسارا وه‌زاره‌تا داریی و ئابووری یا حكومه‌تێ دا هاتیه كۆ بریار خویكا ژێبرینا راسته‌وخو یا كارمه‌ندێن كه‌رێ تایبه‌ت بۆ بجهكرنا كارێ پێدڤی بخوڤه ناگریت.
ئه‌ڤرۆ نیوز:
وه‌زیرێ ساخله‌میا حكومه‌تا هه‌رێما كوردستانێ راگه‌هاند ژ نها پێدا رۆژانه ب ده‌هان كه‌س ب ئه‌گه‌رێ ڤایرۆسێ كورونایێ گیانێ خو ژ ده‌ست دده‌ن ئه‌گه‌ر ژی پیگیرنه‌بوونا وه‌لاتیانه ب رێنمایێن ساخله‌میێ .
د.سامان به‌رزنجی وه‌زیرێ ساخله‌یا حكومه‌تا هه‌رێما كوردستانێ راگه‌هاند ب گرنگ نه‌وه‌رگرتنا كورونایێ و پێگیر نه‌بوون ب رێنمایێن ساخله‌میێ و خاڤ بوونا رێكارێن خۆپارێزیێ، گه‌فه‌كا ترسناك و ده‌ستپێكه‌كه بۆ پێشبینیكرنا به‌ربه‌لاڤ بوونا ب سه‌دان توشبوویان و رێژا مرنێ ژی د رۆژێ دا ب ده‌هان بیت.
ئەڤرۆ نیوز،عەلی حاجی :
رێڤەبەرێ ناحیا باتیفا بۆ ئەڤرۆ نیوز دیار کر د ماوەیێ ڤێ حەفتیێ دا نابیت گەشتیار قەستا جهێن گەشت و گوزاری ل سنورێ ناحیا باتیفا بکەن ژ ئەگەرێ هەبوونا کورونایێ و توپبارانا سوپایێ تورکیا.
زێدەتر دلشێر عەبدولسەتار گۆت : ل دوهی رۆژا چار شەمبێ ب رۆژ و شەڤ ل هندەک گۆندێن سەر ب ناحیا باتیفا ڤە ژلایێ هێزێن سوپایێ تورکیا ڤە هاتینە بومبە باران کر بەلێ ل سپێدەهیا ئەڤرۆ رۆژا پێنچ شەمبێ رەوش ئارامە و چو گۆندەک نەهاتیە بومبەباران کرن و هەتا نوکە ژی گۆندێن شیلانێ و هندەک گۆندێن دیتر نەهاتینو چول کرن و خەلکەک مایە ل دەڤەرێن خوە،بەلێ مەترسیا توپبارانێ هەیە و مەترسی ژی ل دەف وەلاتیان پەیدابویە،مە دگەل گەشت و گوزارا زاخۆ ژی ئاخڤتی یە کو نابیت ئەو جهێن گەشتیاری ل سنورێ ناحیا باتیفا وەلاتی قەستا وان جهان بکەن ژبەر کو ل نێزیک وان جهێن گەشتیاری هاتیە توپباران کرن و پێدڤی یە وەلاتیان ئاگەهی ل سەر ڤێ چەندێ هەبیت .
ناڤبری گۆت ژی : وەکو ناحیا باتیفا ئەم رێکێ ب چو کەسێ نادەین قەستا جهێن گەشتیاری ل سنورێ ناحیا باتیفا بکەت ژ ئەگەرێ کورونایێ و توپبارانا هێزێن تورکیا یا بەردەوام ل سەر هندەک گوند و جهێن گەشتیاری .
ئەڤرۆ نیوز:
رێڤەبەریا گشتی یا ساخلەمیا پارێزگەها دهۆكێ راگەهاند: کو چار تووشبوویێن دی یێن کۆرۆنایێ ل دهۆکێ باس بووینە.
هەروەسا گۆتیە: چار تووشبوویێن دی یێن ڤایرۆسێ كۆرۆنا یێ ل دهۆكێ کو ل نه‌خۆشخانێ بوون، پشتی ئه‌نجامدانا پشكنینێن نۆشداری بۆ وان، ده‌ركه‌فتیە کو ب ته‌مامی باش بووینە و هاتینە ره‌وانه کرن بۆ مال.
هەتا نوکە سەرجەمێ وان تووشبوویێن ل پارێزگەها دهۆكێ ب ته‌مامی باش بووین، گه‌هشته 92 كه‌سان و 43 كه‌س ژی هێشتا د نه‌خۆشخانێ دا ماینە.
نيشاندان