ئەڤرۆ نیوز:
پشتی کو وەزیرێ بەرەڤانیێ یێ یونانێ راگەهاند هەکە تورکیا ل سەر هەلویستێ خوە یێ دروستکرنا ئالۆزیان ل سەر سنورێ وان بەردەوام بیت ئەو دێ خوە بۆ هەر ئەگەرەکێ بەرهەڤ کەن و تێدا بابەتێ شەری ژی هەیە و هێزێن وان خوە بۆ هندێ بەرهەڤ دکەن.
ل هەمبەر داخۆیانیا وەزیرێ بەرەڤانیێ یێ یونانێ، هولوسی ئاکار وەزیرێ بەرەڤانیێ یێ تورکیا راگەهاند کو هێزێن وان ل هەمبەر هەر مەترسیەکێ کو ل سەر تورکیا دروست بیت دێ بەرەڤانیێ ژ ئاخا تورکیا کەن.
ئەڤرۆ نیوز:
د روونشتنا ئەڤرۆ یا پەرلەمانێ عیراقێ دا حەفت وەزیرێن دی یێن کابینا عیراقێ باوەریا پەرلەمانی بدەستڤە ئینان و بوونە وەزیر و کابینا نوو یا حوکمەتێ ژی تەمام بوو.
د روونشتنا پەرلەمانی دا د. فوئاد حوسێن وەکو وەزیرێ دەرڤە یێ عیراقێ هاتە هەلبژارتن و هەروەسا حاکم سالار عەبدولستار وەکو وەزیرێ داد، ئێحسان عەبدولجەباوەر وەکو وەزیرێ نەفت، عەلا عەبدولحەسەن وەزیرێ بازرگانی، ئیڤان فایق بۆ وەزارەتا کۆچ، عەلی محەمەد کەریم وەزیرێ چاندنێ و عەلی نازمی وەکو وەزیرێ رەوشەنبیری هاتنە هەلبژارتن.
ئه‌ڤرۆ نیوز:
سه‌رۆكێ به‌رازیلێ راگه‌هاند رێكخراوا ساخله‌میا جیهانێ رێكخراوه‌كا سیاسیه.
جیر بولسونارو سه‌رۆكێ به‌رازیلێ د كۆنگره‌یه‌كێ رۆژنامه‌ڤانی دا راگه‌هاند رێكخراوا ساخله‌میا جیهانێ دووباره رێك دا ده‌رمانێ مه‌لاریا وه‌ك چاره‌سه‌ریا كورونایێ بهێته بكارئینان، ژبه‌ركو به‌لگه‌یێن پێدڤی نین ل سه‌ر نه‌كارایی یا ئه‌وی ده‌رمانی د چاره‌سه‌كرنێ دا.
سه‌رۆكێ به‌رازیلێ ئه‌و چه‌نده ژی راگه‌هاند رێكخراو بوویه رێكخراوه‌كا سیاسی ب شیوه‌یه‌كی لایه‌نگیریا مامه‌له‌یێ دكه‌ت ل به‌رهنگاربوونا ڤایرۆسێ كورونایێ، هه‌كه رێكخراوا ساخله‌میا جیهانی ده‌ستان ژ ئه‌ڤان كاران به‌رنه‌ده‌ت ئه‌ڤه به‌رازیل دێ خۆ ژێ ڤه‌كێشیت.
ئه‌ڤرۆ نیوز:
جڤاتا بلندا ساخله‌میێ و خۆپارێزێ ب سه‌رۆكاتیا مسته‌فا كازمی سه‌رۆك وه‌زیرێ عیراقێ كۆمبوون و بریار دان قه‌ده‌غه‌یا ته‌ڤاییی یا هاتنوچونێ بۆ ده‌مێ هه‌فتیه‌كا دی بهێته درێژكرن هه‌تا 13 ئه‌ڤێ هه‌یڤێ.
جڤاتا بلندا ساخله‌میێ و خۆپارێزیێ ل عیراقێ د راگه‌هاندنه‌كێ دا به‌لاڤكریه د پێخه‌مه‌تا پاراستنا گیانێ وه‌لاتیان و رێگریكرن ژ زێده‌ترا به‌لاڤبوونا ڤایرۆسێ كورونایی، 10 رێكارێن نوو دێ هێنه بجهكرن و قه‌ده‌غه‌یا هاتنوچونێ هه‌تا 13 ئه‌ڤێ هه‌یڤێ دێ هێته درێژكرن.
د ئه‌وێ راگه‌هاندنێ دا هاتیه ژی كۆ پێدڤیه ته‌ڤایا وه‌لاتیان ل ده‌مێ سه‌ره‌دانكرنێ بۆ فه‌رمانگه‌هان و ده‌زگه‌هێن ناحكومی ب ئارمانجا بریڤه‌برنا كارێن خۆ كه‌مام و ده‌ستگۆركان بكار بینن.
جڤاتا بلندا ساخله‌میێ و خۆپاریزێ ئه‌و چه‌نده ژی دازانین بزاڤ بۆ كێمكرنا قه‌ره‌بالغیێ دهێنه‌كرن، هه‌روه‌سا چایخانه و خارنگه‌هـ وبۆ ده‌مه‌كێ دی ب گرتی بمینن و ئه‌و پارێزگه‌هێن كۆ جهێن ئاینی تێدا ب ته‌مامی هاتنوچون دێ تێدا هێته قه‌ده‌غه‌كرن.
ئه‌ڤرۆ نیوز:
جڤاتا كۆمسیارا كۆمسیونا بلندا سه‌ربه‌خویا هه‌لبژارتنێن عیراقێ راگه‌هاند: ب هه‌ماهه‌نگی ل گه‌ل جڤاتا وه‌زیرێن عیراقێ لژنه بۆ به‌رهه‌ڤكرنا پێدڤیێن هه‌لبژارتنان پێك ئینان و ره‌تكر تانوكه چ رێكه‌تن ل گه‌ل كۆمپانیێن گرێدای ئه‌ڤی بیاڤی دا كر بن.
جڤاتا كۆمسیارا كۆمسیونا بلندا سه‌ربه‌خو یا هه‌لبژارتنان د راگه‌هاندنه‌كێ دا به‌لاڤكریه، ئه‌و لژنه‌یه هاتینه پێك ئینان بۆ پێداچوون ل گرێبه‌ستێن به‌رێ دا بكه‌ت تایبه‌ت بوون ب دابینكرنا ئامیرێن رۆژا هه‌لبژارتنان، پرۆسه‌یا ده‌نگدان و جوداكرنا ده‌نگان و راپۆرته‌ك ژی ده‌ربارێ پێدڤیێن لوجستی و ته‌كنیكی ئاراسته‌ی حكومه‌تا عیراقی دكه‌ت.
جڤاتا كۆمسیارا كۆمسیونا بلندا سه‌ربه‌خو یا هه‌لبژارتنان د راگه‌هاندنه‌كێ دا به‌لاڤكریه و تێدا هاتیه كۆ ئامیرێن جوداكرنا ده‌نگان كۆ ژلایێ كۆمپانیه‌كا كوری ڤه هاتینه دروستكرن ب هه‌ڤبه‌شی نوونه‌راتیا نه‌ته‌وه‌یێن ئێكگرتی و ئاژانسا ئه‌مریكا بۆ پێشڤه‌برنا نێڤ ده‌وله‌تی USAID، به‌حسی پێشخستنا ئه‌وان ئامێران نه‌هاته‌كرن كۆ كۆمپانیا به‌رهه‌م ئینانا ئامیری به‌رهه‌ڤیا خو ده‌ربریه بۆ گه‌شه‌پێدان و نووكرنا ئاماران ده‌ربریه.
به‌رهه‌ڤكاری بۆ هه‌لبژارتنێن پێش وه‌خت ئێكه ژ سوزێن مسته‌فا كازمی سه‌رۆك وه‌زیرێ عیراقێ یه كۆ د كارنامه‌یا حكومه‌تێ دا جهگرتیه، بۆ ئه‌ڤێ مه‌به‌ستێ ژی جڤاته‌كا نوو بۆ برێڤه‌برنا كۆمسیونا بلندا هه‌لبژارتنان دیاریكر.
ئه‌ڤرۆ نیوز:
وه‌لاتێن ئه‌ندام ل كۆمه‌له‌یا G20 سوزا دابینكرنا زێده‌تری 21 ملیار دۆلاران بۆ به‌رهنگاربوونا ڤایرۆسێ كورونایێ د جیهانێ دا.
لگۆری ئاژانسا رویته‌رز، ئه‌ڤرۆ كۆمه‌له‌یا G20 د به‌یاننامه‌یه‌كێ دا به‌لاڤكریه، ئه‌ندامێن كۆمه‌له‌یێ سوزداینه 21 ملیار دۆلاران بۆ پشته‌ڤانیا به‌رهنگاربوونا ڤایرۆسێ كورونایێ و سه‌رمایه‌داركرنا رێكخراوا ساخله‌میا جیهانێ دابین بكه‌ن.
هه‌ر دوێ به‌یاننامه‌یا G20 هاتیه بۆدجه بۆ پشكنین و ڤه‌كۆلینێن پێشخستنا چاره‌سه‌ر و ڤاكسینا دژی كورونایی دهێته بكار ئینان.
26 نیسانا ئیسال كۆمه‌له‌یا وه‌لاتێن G20 ده‌ست پێشخه‌ریه‌كا نێڤ ده‌وله‌تی بۆ خرڤه‌كرنا هه‌شت ملیار دۆلاران راگه‌هاند، ب مه‌به‌ستا گه‌هاندنا پێدڤیێن نوژداری و ده‌رمانان بۆ ئه‌وان ده‌ڤه‌رین كۆ ب ئه‌گه‌ری ڤایرۆسێ كوروناێ زیان به‌ركه‌تین.
ئه‌ڤرۆ نیوز:
سپێده‌هیا ئه‌ڤرۆ بهایێ پترۆلێ ل بازارێن جیهانێ بلند بوون توماركر و چه‌نده رۆژه بهایێ پترۆلێ بلنده و دهێته چاڤه‌رێكرن هێشتا بلند بیت ژی.
لگۆری ئاژانسا رویته‌رز، ئه‌ڤرۆ بهایێ به‌رمیلا پترۆلا برێنت ب 42.30 دۆلاران ل بازارین جیهانێ كرین و فرۆتن پی هاتیه‌كرن.
ئه‌گه‌رێن بلندبوونا بهایێ پترۆلێ شاره‌زا هوسا دده‌نه‌خویاكرن هه‌لگرتنا رێكارێن دژی كورونایێ ده‌ستپێكرنا پشكه‌كێ ژ چالاكیێن ئابووری ل ته‌ڤایا جیهانێ پالده‌رێن بلندبوونا بهایێ پترۆلێ یه.
نيشاندان