ئەڤرۆ نیوز:
پشتی 72 دەمژمێران، قەدەغەیا هاتنوچوونێ ل پارێزگەها دهۆکێ ب دووماهی هات و ژیان ل وێ پارێزگەهێ ئاسایى بووڤە.
ماجد سەید سالح جێگرێ پارێزگارێ دهۆکێ دیار کر: ل ئێڤاریا ئەڤرۆ پێنجشەمبی قەدەغەیا هاتنوچوونێ ب دووماهی هات و ژ بلی هۆلێن داوەتان، کافی و جهێن نارگیلان، هەموو جهێن دی دێ هێنە ڤەکرن و هاتنوچوون دناڤبەرا پارێزگەها دهۆک بۆ پارێزگەهێن دیتر دێ لدووڤ بریارێن وەزارەتا نافخۆ بیت.
جێگرێ پارێزگارێ دهۆکێ گۆت ژی: مزگەفت و جهێن ئایینی یێن دیتر دێ هێنە ڤەکرن، بەلێ داخوازێ ژ وەلاتیان دکەین، کو خوە دوور بکەن ژ جهێن قەرەبالغ و پابەندی رێنمایێن ساخلەمیێ بن.
ئه‌ڤرۆ نیوز:
یانا به‌رشه‌لۆنا پشتى ل ڤه‌گوهاستنێن هاڤینا بورى نه‌شیاى هه‌ڤبه‌ستێ ل ستێرا خوه یا به‌رى نوكه یا به‌رازیلى نیمارى ئیمزا بكه‌ت به‌رپرسێن وێ یانێ جاره‌كا دى ده‌ست ب لڤینا كریه بوو ڤه‌گه‌راندنا وى یاریزانێ به‌رازیلى بۆ ناڤ رێزێن پێكهاتیێ وێ یانا كه‌ته‌لونى.
رۆژناما سپۆرت یا كه‌ته‌لۆنى دیار كریه :به‌رپرسێن یانا پاریس رازیبووینه ده‌ستا ژ ستێرا خوه یا به‌رازیلى نیمارى به‌رده‌ن بۆ یانا به‌رشه‌لۆنا، لێ ب مه‌رجه‌كى ئه‌و ژى پێدڤیه به‌رشه‌لۆنا كوژمێ 175 ملیۆن یورۆیان پێشكێشى وێ یانا فره‌نسى بكه‌ت.
هه‌ژى گوتنێ یه ل ڤه‌گوهاستنێن هاڤینا 2017 یانا پاریس كوژمێ 220 ملیون یورۆیا پێشكێشى به‌رشه‌لۆنا كربوون به‌رامبه‌ر ڤه‌گوهاستنا نیمارى.
ئه‌ڤرۆ نیوز:
لژنا ب رێڤه‌برنا یاریان دخۆلا ئنگلته‌را بریاره‌كا نوو دا بۆ یاریێن مایین دخولێ دا پشتى ل ماوێ بورى ئه‌و خول هاتیه راوستاندن ژبه‌ر ڤایروسێ كۆرۆنا یێ.
وێ لژنێ بریار دایه ل 9 یاریێن بهێت یێن خۆلا ئنگلته‌را یانێن پشكدار ل شونا 3 گوهۆرینا ماف هه‌یه د هه‌ر یاریه‌كێ دا 5 یاریزانان ب گوهۆریت د هه‌ر یاریه‌كێ دا و هه‌ردیسان ل شونا 7 یاریزان ل سه‌ر ته‌ختێ یه‌ده‌گ یێ یاریزان روینشتن ماڤ هه‌یه بو ئه‌وان یاریێن مایى 9 یاریزان روینن ل سه‌ر ته‌ختێ یه‌ده‌كا.
ئەڤرۆ نیوز:
وەزارەتا ساخلەمیا عیراقێ راگەهاند: د 24 دەمژمێرێن بوری دا پشکنینێن ڤایرۆسێ کۆرۆنا یێ بۆ 11 هزار و 960 کەسێن دی هاتینە کرن و ئەنجامێ پشکنینێن 672 کەسان پۆزەتیڤ بووینە، د هەمان دەمدا 15 کەسێن دی گیانێ خوە ژ دەستداینە.
672 تووشبوویێن نوو ب ڤی رەنگینە:
بەغدا: 363 تووشبوو
سلێمانی: 57 تووشبوو
کەربەلا: 50 تووشبوو
میسان: 42 تووشبوو
واست: 31 تووشبوو
بەسرە: 28 تووشبوو
موسەنا: 19 تووشبوو
بابل: 18 تووشبوو
نەجەف: 18 تووشبوو
زیقار: 12 تووشبوو
کەرکووک: 11 تووشبوو
دیالە: 10 تووشبوو
دیوانیە: 6 تووشبوو
هەولێر: 4 تووشبوو
سەلاحەدین: 2 تووشبوو
ئەڤرۆ نیوز:
وەزارەتا ساخلەمیا هەرێما کوردستانێ راگەهاند: شەش کەسێن دی ل دهۆکل تووشی ڤایرۆسێ کۆرۆنا یێ بوون، ک دو ژن و چار زارۆکن.
هەروەسا دیار کریە: د بەردەوامیا پشکنین و لێگەریانێ لدووڤ گومانلێکریان و تووشبوویان، شەش تووشبوویێن دی یێن ڤایرۆسێ کۆرۆنا یێ ل دھۆكێ هاتنە دەست نیشانکرن، ژ وان ژی دو ژن د ژیێن 35 و 34 سالیێ دانە، ل گەل چار زارۆیان د ژیێن 13 و 9 و 8 و 3.5 سالیێ دانە، هەمی بەرکەفتیین تووشبوویێن بەرێنە و ئاکنجیێن دهۆکێ نە.
ئەڤرۆ نیوز:
وەزارەتا ساخلەمیێ یا حوکمەتا هەرێما کوردستانێ راگەهاند کو ٧ کەسێن دی ل هەولێرێ تووشی ڤایرۆسێ کۆرۆنایێ بووینە.
وەزارەتا ساخلەمیێ دیار ژی دکەت کو ٣ تووشبوویێن نوو زەلامن د ژیێ ٦٠، ٢٦ و ٢٠ سالیێ دانە و هەروەسا سێ ژی ئافرەتن کو ژیێ وان ٥٧، ٢٧ و ٢٣ سالن و هەروەسا کچەکا تەمەن ١٦ سال ژی تووشی ڤایرۆسێ کۆرۆنایێ بوویە و هەموو ژی بەرکەفتیێن تووشبوویێن بەرێ نە.
ئەڤرۆ نیوز:
دانوستاندنێن د ناڤبەرا هەر دو جڤاتێن کوردی یێن رۆژئاڤایێ کوردستانێ ب رەنگەکێ باش بەردەوام دکەن و خەلکێ باژێرێ کۆبانێ یێ رۆژئاڤایێ کوردستانێ ژی دیار دکەن کو تنێ ب ئێکەتیا هەر دو جڤاتێن کوردی و هەموو هێزێن دی یێن سیاسی ل رۆژئاڤایێ کوردستانێ دێ دەستکەفتێن کوردان هێنە پاراستن.
خەلکێ کۆبانێ داخواز ژ هەر دو جڤاتێن کوردی ژی دکەن کو د زووترین دەم دا رێککەفتنەکا بەرفرەه ب پشکداریا هەموو هێزێن سیاسی ئیمزا بکەن دا ئەو یەک کارتێکرنا خوە ل هەموو بیاڤێن ژیانێ ل رۆژئاڤایێ کوردستانێ بکەت.
ئەڤرۆ نیوز:
بەری دەمەکێ ل پەرلەمانێ تورکیا ب دەنگێ پرانیا ئەندامێن پەرلەمانی ب تایبەتی ژی هەر دو پارتێن ئاکپارتی و پارتیا بزاڤا نەتەوەپەرست ئەندامەتیا هەر ئێک ژ لەیلا گوڤەن و موسا فارسی ئوغوللاری پەرلەمنتارێن هەدەپێ ژێ هاتە وەرگرتن.
پەرلەمانێ تورکیا هەروەسا مافێ پەرلەمانتاریێ ژ ئەنیس بەربەرئوغلو ئەندامێ پەرلەمانێ تورکیا ژ پارتا کۆماریا گەل ژی وەرگرت و پشتی کۆمبوونا پەرلەمانی هەموو ئەندامێن پەرلەمانێ تورکیا ژ هەر دو فراکسیۆنێن هەدەپێ و پارتا کۆماریا گەل نەرازیبوونا خوە دیار کرن.
ئه‌ڤرۆ نیۆز، عه‌زیز هه‌ورامی:
ئه‌مڕۆ نوسینگه‌ی سه‌رۆكی په‌رله‌مانی عێراق ڕای گه‌یاند ناوی كاندیده‌كانی ئه‌و وه‌زاره‌تانه‌ی پڕنه‌كرابوونه‌وه گێشتنه په‌رله‌مان، به‌شیر حه‌داد جێگری سه‌رۆكی په‌رله‌مان ده‌ڵێ ڕۆژی شه‌ممه په‌رله‌مان كۆده‌بێته‌وه كورد كاندیدی وه‌زاره‌تی ده‌ره‌وه و دادی دیاری كردووه.
دكتۆر به‌شیر حه‌داد جێگری سه‌رۆكی په‌رله‌مانی عێراق، تایبه‌ت به ئه‌ڤرۆ نیۆز ڕای گه‌یاند:” ناوی ته‌واوی ئه‌و كاندیدانه‌ی بۆ ئه‌و وه‌زاره‌تانه‌ی له‌كاتی پێكهێنانی حكوومه‌تی عێراق به‌رده‌ست نه‌بوون یان ده‌نگیان نه‌هێنا گێشتووه‌ته په‌رله‌مان و ڕۆژی شه‌ممه كۆبووه‌نه‌وه‌ی په‌رله‌مان ده‌كرێت.
حه‌داد ئاماژه‌ی به‌وه‌شكرد:” كورد ناوی هه‌ردوو وه‌زاره‌تی ده‌ره‌وه و دادی ڕه‌وانه‌كردووه، دكتۆر فوئاد حوسێن بۆ وه‌زاره‌تی ده‌ره‌وه له پارتی و سالار عه‌بدولستار كاندیدی یه‌كێتییه بۆ وه‌زاره‌تی داد.
ناوبراو گوایشی:” ئێستا كۆبوونه‌وه‌یه‌ك هه‌یه بۆ دیاری كردنی كارنامه‌ی په‌رله‌مانی عێراق بۆ كۆبوونه‌وه‌ی ڕۆژی شه‌ممه، تایبه‌ت به ده‌نگدان به وه‌زیره‌كان و چه‌ند بابه‌تێكی تر.
نيشاندان