ئەڤرۆ نیوز:
وەزارەتا ساخلەمیا هەرێما کوردستانێ دیار کر: 16 کەسێن دی ل سلێمانیێ تووشی ڤایرۆسێ کۆرۆنا یێ بوون، کو هەشت زەلام و شەش ژن، کچەک و کورەکێ گەنجن.
هەروەسا گۆتیە: د بەردەوامیا پشکنین و لێگەریانێ لدووڤ گومانلێکریان، شازدە تووشبوویێن دی یێن ڤایرۆسێ کۆرۆنا یێ ل سلێمانیێ هاتنە دەست نیشانکرن، هەشت زەلام و شەش ژن و کچەک و کورەکێ گەنجن، چاردە تووشبوویی بەرکەفتیێن تووشبوویێن بەرێنە، دو تووشبوویێن دیتر نیشانا وێ نەخۆشیێ ھەیە، ھەموو ژی خۆجهێن ناڤا باژێرێ سلێمانیێ نە.
ئەڤرۆ نیوز، عەلی حاجی :
ئەندامەکێ لژنا دووڤچوونا بازاری ل زاخۆ بۆ ئەڤرۆ نیوز دیار کر: ئەڤرۆ چارشەمبێ ٢٧/٥/٢٠٢٠ ب هاریکاریا پولیس و ئاسایشا زاخۆ لژنەیا وان زێدەتری ٣٠٠ جهان کری یە ژ وان ژی چار جهـ هاتنە دائێخستن.
زێدەتر وەلات هەجەر گۆت : ئەڤرۆ ل روژا چارشەمبێ لژنا دیفچوونا بازاری ل قایممقامیا زاخۆ ب هەڤکاری دگەل پولیس و ئاسایشا زاخۆ سەرەدانا زێدەتری ٣٠٠ جهان کرینە و ژبەر نەپێگیریا چار سەرتراشخانەیان ب رێنمایان ئەو جهە بۆ ٧٢ دەمژمێران هاتنە دائێخستن و هاتنە ئاگەهدار کرن ژی هەر دەما رێنما جێبەجێ نەکرن دێ ب سزایەکی توندتر هێنە سزادان و ئەڤە دبیتە ئێکەم دەرکەڤتنا لژنەیامە پشتی ب دوماهی هاتنا جەژنا رەمەزانا پیروز،هەر دیسان هەمی جهـ هاتینە ئاگەهداە کرن ژی کو پێدڤی یە رێنمایێن خوە پاراستن ژ ڤایروسێ کورونایێ جێبەجێ بکەن دا کو توشی چو سزایێن ماددی و دائێخستنێ نەبن ژلایێ لژنەیا وان ڤە .
ئەڤرۆ نیوز:
بریارە پشتی جەژنێ شاندێ حوکمەتا ھەرێما کوردستانێ سەرەدانا بەغدا بکەت ،ژ بۆ گۆتوبێژان دەربارەی سەرجەم وان ئاریشێن دناڤبەرا هەولێر و بەغدا دا ماینە هەلاویستی.
بەختیار حاجی، ئەندامێ شاندێ حوکمەتا ھەرێمێ و ڕێڤەبەرێ گشتی یێن پەیوەندیێن حوکمەتا ھەرێما کوردستانێ ل بەغدا دیار کریە: ھەردو حوکمەتێن عیراقێ و ھەرێما کوردستانێ رازیبوون نیشاندایە، کو ئاریشێن دناڤبەرا خوە دا چارەسەر بکەن و پشتی بھێنڤەدانا جەژنا رەمەزانێ شاندێ حوکمەتا ھەرێما کوردستانێ دێ سەرەدانا بەغدا کەت، ئەو ئاریشێن ھەین دێ ھێنە چارەسەر کرن.
هەروەسا گۆتیە: حوکمەتا عیراقێ رازیبوون نیشاندایە پشتی جەژنێ ٤۰۰ ملیار دیناران بۆ هەرێمێ رەوانە بکەت .
ئەڤرۆ نیوز:
راپورتێن رۆژنامه‌ڤانى ل ئیسپانیا ئاشكرا كرینه دبیت ب رێژه‌یا هه‌ره مه‌زن به‌رشه‌لۆنا و یوڤانتوس نه‌گه‌هنه رێككه‌فتنێ ل گه‌ل ئێك بو ڤه‌گوهاستنا ستێرا بوسنى و یانا یوڤانتوس میرالیم بیانیتچ كو ئەو یانا ئیتالى دخوازیت وى یاریزانێ خوه ب گوهوریت ل گه‌ل ئارسر میلو به‌رپرسێن به‌رشه‌لۆنا ژى وێ چه‌ندێ ناخوازن ژ به‌ر كو ئەوان دیاركریه ل ماوێ بهێت گه‌له‌ك پێدڤى ب وى یاریزانێ خوه یێ به‌رازیلى هه‌یه.
ئەوان رۆژنامان دیاركرینه ژى به‌رشه‌لۆنا وه‌كو ئارمانجا ئێكێ بیانیتچ كریه ئارمانجا خوه بۆ هاڤینا بهێت لێ هه‌كه نه‌شیان هه‌ڤبه‌ستێ ل گه‌ل وى یاریزانى ئیمزا بكه‌ن ئەوان یاریزانه‌كێ دى ل خۆلا ئیسپانیا ده‌ست نیشانكریه وه‌كو پێگوهورێ وى هه‌ڤبه‌ستێ ل گه‌ل ئەیمزا بكه‌ن ئەوژى یاریزانێ فره‌نسى و یانا ریال بتیس نه‌بیل فه‌قیر.
ئه‌ڤرۆ نیوز:
راهێنه‌رێ یانا چێلسى یا ئینگلیزى فرانك لامپارد ژ به‌رپرسێن یانا خوه خواستى یه هه‌ڤبه‌ستێ ل گه‌ل ستێره‌كا خۆلا پورتوگال ئیمزا بكه‌ن.
رۆژناما دیلى ستار یا بریتانى دیاركریه یانا چێلسى ده‌ست ب لڤینا كریه بوو ده‌ستڤه ئینانا یاریزانێ مه‌كسیكى و هێلا ناڤینا یانا پورتو خیسوس كورونا.
خیسوس كورونا یێ 27 سالى ل هێلا ناڤین لایێ راست و چه‌پى یاریێ دكه‌ت ل هاڤینا 2015 ژ یانا توێنتى یا هوله‌ندى هاتبوو ڤه‌گوهاستن بۆ پورتو هه‌تا نوكه ل گه‌ل وێ یانێ یێ به‌رده‌وامه كو ل وه‌رزێ ئه‌ڤساله 41 یارى ئە‌نجامداینه و شیایه 2 گولان تومار بكه‌ت ل گه‌ل 17 ئه‌سیستان .
ئەڤرۆ نیوز:
دەزگەهێن راگەهاندنا تورکیا دیار دکەن کو هەر دو پارتێن نوو یێن تورکیا کو ب سەرۆکاتیا هەر یەک ژ داوود ئوگلۆ و باباجانی هاتینە راگەهاندن دێ شێن کارتێکرنەکا گەلەک مەزن ل ئاکپارتیێ کەن و ژ بەر هندێ ژی نها ئەردۆغان و سەرکردێن دی یێن ئاکپارتیێ ل چارەسەریەکا نوو دگەرن دا نەهێلن پێگەهێ پارتیا وان گەلەک لاواز ببیت.
بەری نها ژی سەرۆکێ پارتا بزاڤا نەتەوەپەرست یا تورکیا دیار کربوو کو دڤێت قانوونەکا نوو بهێتە دەرخستن دا رێ نەهێتە دان چو ئەندامێن پەرلەمانی ژ پارتەکا سیاسی دەربازی پارتەکا دی ببن.
نيشاندان