ئەڤرۆ نیوز:
وەزارەتا ئەوقاف و کاروبارێن ئایینی یا هەرێما کوردستانێ د کۆنگرەکێ رۆژنامەڤانیدا رۆژا ئێکشەمبێ 24-5-2020 وەک ئێکەم رۆژا جەژنا رەمەزانێ دیار کر.
رۆژا ئێکێ یا جەژنا رەمەزانێ ل هەرێما کوردستانێ هاتە دیار کرن
نووترين نووچه
- بنگەهێ لالش خزمەتەكا بەرچاڤ یا جڤاكێ ئێزدیاتیێ كریە
- مەسرور بارزانی: پێدڤییە بەرپرسێن پارتی زێدەتر خزمەتا خەلكی بكەن
- هیڤیدارین حوكمەتا فیدرال مووچەی نەكەتە پرسەكا سیاسی
- بەغدا مووچەی وەك كارەتەكا فشارا سیاسی بەرانبەر هەرێما كوردستانێ ب كار دئینیت
- مافێ چارەنڤـیس، مافـەكێ سروشتیێ نەتـەوەیا كـوردە
- نێچیرڤان بارزانی ب فەرمی بۆ وەلاتێ قەتەرێ دهێتە ڤەخواندن
- نێچیرڤان بارزانی و مەسرور بارزانی پیرۆزباهیێ ل شیرەتكارێ نوو یێ ئەلمانیایێ دكەن
- سەرۆكێ حوكمەتا هەرێمێ دوپاتیێ ل بهێزكرنا پەیوەندییان ل گەل هندستانێ دكەت
- خسرۆ گۆران: روودانێن دەڤەرێ كاریگەری ل سەر هەلبژارتنێن ئیراقێ نابیت
- نێزیكی 50 هزار تیرۆرست و كەسوكارێن وان مووچەیێ شەهیدان ژ حوكمەتا ئیراقێ وەردگرن
سهرهكى Facebook
سعوودیێ رۆژا ئێکێ یا جه‌ژنا ره‌مه‌زانێ دیار كر
ئەڤرۆ نیوز:
فه‌له‌كناسێ سعوودیه سوبەهی وه‌ك تمامكه‌را هەیڤا ره‌مه‌زانێ راگه‌هند و گوتیە: رۆژا ئێکشه‌مبی رۆژا ئێکێ یا جه‌ژنا ره‌مه‌زانێ یه.
عه‌بدوللا خزه‌یری، فه‌له‌كناسێ سعوودیێ راگه‌هاندیە: ل ئێڤاریا ئه‌ڤرۆ ژشتی رۆژئاڤابوونێ هەیڤ نه‌دیتیه، لەوما سوبەهی شه‌مبیێ تمامكه‌را هەیڤا ره‌مه‌زانێ یە.
گوتیە ژی: رۆژا ئێكشه‌مبی ئێكه‌م رۆژا جه‌ژنا رمه‌زانێ یه.
زاخۆ: رێک هاتیەدان خەلک نڤێژا جەژنێ بکەن و بچنە سەر گورستانێ
ئەڤرۆ نیوز، عەلی حاجی :
ئەندامەکێ لژنا بلند یا بەرهنگار بوونا ڤایروسێ کۆرۆنا یێ ل زاخۆ بۆ ئەڤرۆ نیوز ئاشکرا کر: چوونا وەلاتیان ل ئێکەم رۆژا جەژنا رەمەزانا پیرۆز دا بۆ سەر گورستانێ دێ یا رێ پێدایی بیت و دێ نڤێژا جەژنێ ژی هێتە ئەنجام دان.
زێدەتر ئەدیب جەعفەر گۆت : وەکو لژنا بلند یا بەرهنگار بوونا ڤایروسێ کۆرۆنا یێ هەموو بەرهەڤی کرینە بۆ دانانا زالگەهان دناڤ سەنتەرێ باژێری و ناحی و کومەلگەهێن سەر ب قەزا زاخۆ ڤە و دێ هەر زالگەهەکێ دا پولیس و پولیسێن هاتنوچوونێ و کارمەندێن ئاسایشێ بن و ئەو بەرنامێ هاتیە دارێژتن ژی مەرەم پێ ئەوە دا کو د روژانێن جەژنێ دا بشێن کونترولا قەدەغەیا هاتن و چوونێ بکەن و دخازین ژی وەلاتی هاریکار بن د جێبەجێ کرنا قەدەغەیا هاتن و چووونێ دا.
دەربارەی رێ پێدانێ ب هندەک جهان د روژانێن جەژنێ دا ناڤبری خویاکر: د هەر سێ روژانێن جەژنا رەمەزانا پیروز دا دێ رێک ب نانپێژ و مارکێت و دەرمانخانان هێتە دان کو جهێن خوە ڤەکەن ل بەرامبەر وەلاتیان و هەر دیسان رێک ب وەلاتیان هاتیە دان نڤێژا جەژنێ د روژا ئێکێ دا ئەنجام دان و د ئێکەم روژ ژی دا دێ چوونا وەلاتیان بۆ ناڤ گورستانێ دا یا رێ پێدایی بیت .
دو کەس ل پارێزگەها دهۆکێ تووشی کۆرۆنایێ بوون
ئەڤرۆ نیوز:
وەزارەتا ساخلەمیێ یا حوکمەتا هەرێما کوردستانێ راگەهاند کو دو کەس ل پارێزگەها دهۆکێ تووشی ڤایرۆسێ کۆرۆنایێ بووینە.
وەزارەتا ساخلەمیێ دیار دکەت کو ئێک ژ کەسێن تووشبووی ٢٨ سالیە و ئاکنجیێ قەزا ئاکرێ یە، یێ دی ژی ٥٨ سالیە و شوفێرە و ئاکنجیێ باژێرێ هەولێرێ یە و هەر دو ژی ژ بەغدا ڤەگەراینە هەرێمێ.
ئەمریکا: پتر ژ ٩٦ هزار کەسان جانێ خوە ژ دەست داینە
ئەڤرۆ نیوز:
بەرپرسێن ساخلەمیێ ل ئەمریکا دیار کرن کو د ماوەیێ ٢٤ دەمژمێرێن بۆری دا ١٣٧٣ کەسێن دی ب ڤایرۆسێ کۆرۆنایێ ل ئەمریکا جانێ خوە ژ دەست داینە و ب گشتی هەتا نها ل ئەمریکا ٩٦ هزار و ٣٨٩ کەسان ژ بەر کۆرۆنایێ جانێ خوە ژ دەست داینە.
ل گۆر بەرپرسێن ساخلەمیێ ل ئەمریکا هژمارا کەسێن کو تووشی ڤایرۆسێ کۆرۆنایێ بووینە ب گشتی گەهشتیە ئێک ملیون و ٦٢٢ هزار و ٣٤٢ کەسان.
دو سەربازێن ئیرانێ هاتنە کوشتن
ئەڤرۆ نیوز:
بەرپرسەکێ سەربازی یێ ئیرانێ راگەهاند کو ئەڤرۆ د شەرەکێ دا ل پارێزگەها سیستان و بەلوچستان دو سەربازێن ئیرانێ جانێ خوە ژ دەست داینە.
هەمان بەرپرسی بۆ دەزگەهێن راگەهاندنا ئیرانێ دیار کریە کو شەر د ناڤبەرا سەربازێن ئیرانێ و گرۆپەکێ چەکدارێن نەنیاس دا ل سەر سنوری روو دایە و دو سەرباز ژی هاتینە کوشتن.
٥ رۆژ قەدەغەیا هاتنوچوونێ ل کەرکووکێ هاتە راگەهاندن
ئەڤرۆ نیوز:
دلێر شوانی ئەندامێ ژوورا ئۆپەراسیۆنان ل کەرکووکێ راگەهاند کو ژ بەر مەترسیا کۆرۆنایێ ل کەرکووکێ و دەوروبەرێن وێ وان وەکو ژوورا ئۆپەراسیۆنێن کەرکووکێ ٥ رۆژ قەدەغەیا هاتنوچوونێ ل کەرکووکێ راگەهاندینە.
ناڤهاتی دیار ژی کر کو مەترسیا کۆرۆنایێ ل سەر کەرکووکێ زێدەتر لێ هاتیە و داخواز ژ وەلاتیان ژی کر کو ب هەموو رەنگەکێ پێگیریێ ب رێنمایان بکەن.
سەرۆکێ حوکمەتێ دێ گۆتارەکێ پێشکێش کەت
ئه‌مریكا ژ رێكه‌تنا ئاسمانێ ڤه‌كری ل گه‌ل روسیا په‌شێمان بوو
ئه‌ڤرۆ نیوز:
ئه‌مریكا ژ رێكه‌تنا ئاسمانێ ڤه‌كری په‌شێمان بوو كۆ دناڤبه‌را 35 وه‌لاتان ل 2002 هاتیه ئیمزاكرن.
دونالد تره‌مپ سه‌رۆكێ ئه‌مریكا راگه‌هاند په‌یوه‌ندیه‌كا باش مه ل گه‌ل روسیا هه‌یه، به‌لێ روسیا پێگیر نه‌بوویه ژ رێكه‌تنا ئاسمانێ ڤه‌كری، له‌ورا ئه‌وی ده‌مێ روسیا پێگیر نه‌بیت ب په‌یماننامه‌یێ ئه‌مریكا دێ خۆ ڤه‌كێشینیت ژ وێ رێكه‌تنێ.
به‌رپرسێن كوچكا سپی راگه‌هاندن كۆ روسیا برگه‌یێن رێكه‌تنامه‌یێ بن پێكرینه له‌ورا ب فه‌رمی ژ رێكه‌تنێ ل ماوه‌یێ 6 هه‌یڤان دێ خۆ ژێ ڤه‌كێشین، ئه‌ڤ چه‌نده ژی پشتی دانوستاندن لسه‌ر رێكه‌تێ هاتیه‌كرن، گه‌هشتینه ئه‌وی ئه‌نجامی كۆ دبه‌رژه‌وه‌ندا ئه‌مریكا دا نینه، له‌ورا ژ رێكه‌تنێ په‌شێمان بووین.
هه‌مبه‌ر ئه‌ڤێ چه‌ندێ، وه‌زاره‌تا ده‌رڤه‌یا روسیا راگه‌هاند: وه‌لاتێ وی چ بن پێكرن نه‌كرینه و دشیێن ل سه‌ر ئاریشه‌یێن ته‌كنیكی دانوستاندنێ بكه‌ین، كۆ ئه‌مریكا ب خه‌له‌ت و بن پێكاری دزانیت.
په‌یماننامه‌یا ئاسمانێ ڤه‌كری ل سالا 2002 دناڤبه‌را 35 وه‌لاتێن جیهانێ هاته ئیمزاكرن، ئارمانج ژ ئه‌ڤێ رێكه‌تنێ رێگرتن ژ هێرشان و وه‌لاتێن ئه‌ندام دشیان فرۆكه‌یێن بێ چه‌ك بۆ سیخوریێ بهنێره سه‌ر وه‌لاتێن ئێك.
وه‌زاره‌تا چاندنێ: گومركێن فێقی د رۆژێن جه‌ژنێ دا دێ دڤه‌كری بن
ئه‌ڤرۆ نیوز:
وه‌زاره‌تا چاندنێ و ژێده‌رین ئاڤێ یین حكومه‌تا هه‌رێما كوردستانێ د راگه‌هاندنه‌كێ دا به‌لاڤكریه و تیدا هاتیه ده‌رگه‌هێن گومركێن فێقی و كه‌سكاتیێ ل رۆژێن جه‌ژنێ دێ دڤه‌كری بن.
د راگه‌هاندنا وه‌زاره‌تا چاندنێ و ژێده‌رێن ئاڤێ یا حكومه‌تا هه‌رێما كوردستانێ هاتیه كۆ لبه‌رچاڤگرتنا وه‌رزێ پێگه‌هشتنا به‌رهه‌مێ ناڤخویی، پشتی دانوستاندنین وه‌زیرا چاندنێ و وه‌زیرێ ناڤخو، ب تایبه‌ت ب ڤه‌كرنا ده‌رگه‌هێن گومركێن فێقی و كه‌سكاتیێ د رۆژێن چه‌ژنی دا، بریار هاته دان ژبلی رۆژا ئێكێ دێ رێ ب ڤه‌كرنا گومركان هیته‌دان ڤه‌كری بن.
د راگه‌هاندنا وه‌زاره‌تا چاندنێ و ژێده‌رێن ئاێ ئاماژه ب وێ چه‌ندێ دایه كۆ رۆژا دوێ و سیێ یا چه‌ژنێ دێ هه‌موو گومركێن فێقی و كه‌سكاتیێ د ڤه‌كری بن.
نيشاندان
WP Facebook Auto Publish Powered By : XYZScripts.com