ئەڤرۆ نیوز، مه‌حمود نهێلى :
ل گوندێ دێره‌شى یێ سه‌ر ب قه‌زا ئامێدیێ پتر ژ 200 ته‌نێن سلكان ئه‌ڤ ساله به‌رهه‌م هاتینه و جوتیارێن گوندى دخازن حكومه‌ت خوه ل چاندنێ بكه‌نه خودان .
موحمه‌د دێره‌شى خه‌لكێ گوندێ دێره‌شێ بو ئەڤرۆ نیوز دیاركر: كو هه‌موو سالان جوتیارێن گوندێ دێره‌شێ ب كارێ چاندنا سلكان رادبن گۆت: ئه‌ڤ ساله به‌رهه‌مێ سلكێ گه‌له‌كێ باش بوویه بتایبه‌تى ژى یێ گوندێ دێره‌شێ و ب شێوه‌كى گه‌له‌ك باش چێبوویه و به‌رهه‌مه‌كى ساخله‌م و بێ نه‌خوه‌شى بوویه.
دیار كر: دورێن 20 جوتیارێن گوندى ب كارێ چاندنا سلكێ رادبن و به‌رهه‌مێ جوتیاره‌كى ژى دناڤبه‌را 5 تا 15 ته‌نێن سلكان به‌رهه‌م دئینت.
ده‌ربارێ كارێ فروتنا وان ناڤهاتى دیاركر: كو سلك ل وه‌رزێ بهارێ دهێته چاندن ل پایزێ دكه‌ڤیته به‌رهه‌مى وپشتى هه‌لكێشان و شوشتنا وان دناڤ كیسێن نایلونى دا دهێنه هه‌لگرتن و دهێنه ره‌وانه‌كرن بو بازارێن ده‌ڤه‌رێ و گومركا ل دهوكێ كو بهایێ وێ دناڤبه‌را 500 بو 1000 دیناران دایه.
ناڤهاتى داخاز ژى كر: دڤێت لایه‌نێن په‌یوه‌ندیدار به‌رده‌وام سه‌را جوتیار و ده‌رامه‌تى ده‌ڤه‌رێ بكه‌ن و پتر هاریكار بن دگه‌ل جوتیارى ژلایێ شیره‌تكاریێ ڤه بو وێ یه‌كێ به‌رهه‌مێ جوتیارى ژى یێ سه‌ركه‌فتى بیت.
هیڤى ژى خواستن : جویێن ئاڤدانێ یێ گوندێ بهێنه سه‌بكرن و چێكرن چونكى رێژه‌كا زۆرا ئاڤێ تا گه‌هێته چه‌مى ب هه‌ده‌ر دچیت و چێكرنا جویان ژلایێ جوتیارى ژى ڤه دبیته بارگرانى بۆ وانا.
دیار ژى كر: كو ئه‌ڤ جاده‌یێن دچنه ناڤ چه‌مى هه‌مى یێن یێن بێ سه‌روبه‌ر و ژ كار كه‌فتینه و گۆت: هیڤیا مه ئه‌وه ئه‌ڤ جاده‌یه بهێنه چێكرن و بهێنه تێكه‌ل كرن داكو جوتیار بشێت ترۆمبێلێن خوه ببنه ناڤ چه‌مى و به‌رهه‌مێ خوه پێ ڤه‌گوهێزن.
نيشاندان