ئەڤرۆ نیوز:
وەزارەتا ساخلەمیێ راگەهاند، توشبوویەکێ نوو یێ ڤایرۆسێ کۆرۆنا یێ ل سلێمانیێ هاتە دەستنیشان کرن.
وەزارەتا ساخلەمیا حوکمەتا هەرێما کوردستانێ راگەهاند، توشبوویەکێ نوو یێ ڤایرۆسێ کۆرۆنا یێ ل سلێمانیێ هاتە دەستنیشان کرن، کو زەلامەکێ د ژیێ ٥٠ سالیێ دایە.
هەروەسا دیار کریە: ئەو زەلام ئاکنجیێ ناڤ باژێرێ سلێمانیێ ب خوەیە، ژبەر دەرکەفتنا نیشانێن کۆرۆنا یێ پشکنین بۆ وی زەلامی هاتینە کرن، ئەنجام پۆزەتیڤ دەرچووینە.
ئه‌ڤرۆ نیوز:
پشتى زێده‌تر ژ دو هه‌یڤان هه‌ڤركیێن خۆلا كاتشیو یا ئیتالی هاتینه راوستاندن ژبه‌ر ره‌وشا كورونا یێ. لێ چاڤه‌رێ دهێته‌كرن ل هەیڤا بهێت جاره‌كا دى ده‌ست ب هه‌ڤركیێن وێ خولێ بهێنه كرن.
رۆژناما “كورییری دیللو سپورت” یا ئیتالى ئاشكرا كریه: لژنا به‌ریكانان ل ئێكه‌تیا ته‌پا پێ یا ئیتالى پشتى رەزامه‌ندیا وه‌زاره‌تا ساخله‌میا ئیتالیا وه‌رگرتى بریار دایه ل 13 هەیڤا بهێت جاره‌كا دى ده‌ست ب هه‌ڤركیێن خولێ بهێنه كرن.
دیسان وێ رۆژنامێ دیار كریه ژى: د حه‌فتیێ دا دێ دو گه‌ر هێنه كرن ئانكو هه‌ر دناڤبه‌را 3 هه‌تا 4 رۆژان دێ یارى هێنه ئه‌نجامدان ب مه‌ره‌ما وێ چه‌ندێ هه‌ڤركیێن خولێ ب زووترین ده‌م ب دووماهى بهێت.
ئه‌ڤرۆ نیوز:
پشتى ل ماوێ چه‌ند رۆژێن بورى یانا ریال مه‌درید راگه‌هاندى، کو ئه‌و گه‌هشتینه رێككه‌فتنێ ل گه‌ل ستێرا خوه یا به‌رازیلى كاسیمێرو بۆ درێژكرنا هه‌ڤبه‌ستا وى ل گه‌ل یانێ هه‌تا سالا 2023.
مالپه‌رێ “دیفنسا سنترال” یێ ئیسپانى ئاشكرا كریه: کو یانا ریال مه‌درید مووچێ وى یاریزانێ به‌رازیلى بلند كریه، سه‌ره‌راى نوكه زوربه‌یا یانێن جیهانى د قه‌یرانه‌كا دارایى دا د بورن، لێ ژ ترسا ده‌ستدانا وى یاریزانى، به‌رپرسێن وێ یانێ موچه‌یێ وى بلندكریه كو نوكه دێ دناڤبه‌را 8 هه‌تا 8.5 ملیون یورۆیان وه‌رگریت وه‌كو مووچێ سالانه كو به‌رى نوكه 5.25 ملیون یورۆ وه‌ردگرتن.
ئەڤرۆ نیوز، بارزان مزووری:
سەردار یەحیا عەبدولعەزیز، قائیمقامێ قەزا شێخان بۆ ئەڤرۆ نیوز گوت: ئەڤرۆ ١٣/٥/٢٠٢٠ لیژنا چاڤدێریا بازاری ب هەماهەنگی ل گەل لژنا هەڤپشک سەرەدانا جەندین جها دا دناڤ سەنتەرێ شێخان کارگەهەکا دروست کرنا تەحینێ ل گەل کارگەهەکا دروستکرنا شریناهیان هاتنە سزادان بۆ ماوێ حەفتیەکێ هاتنە داخستن و هەر ئێک ژ وان ژی ب گۆژمێ ٢٥٠ ھزارا ھاتنە سزادان.
ناڤهاتی خویاکر: ئەو جهێن هاتینە داخستن ژبەر نەپێگیری کرنا رێنمایێن ساخلەمیێ و گەلەک ژبەرهەمێن هاتینە دروستکرن ماوێ وان ب سەرڤەچووبوو دناڤ کارگەهێ دا هاتبوونە دانان.
ئه‌ڤرۆ نیوز:
راپورتێن رۆژنامه‌ڤانى ل ئیسپانیا ئاشكرا كرینه: کو یانا به‌رشه‌لۆنا پشتى ل ماوێ بورى ده‌ست ب لڤینا كرى بۆ ڤه‌گوهاستنا ستێرا سربى و یانا یوڤانتوس میرالیم بیانیتچ بۆ ڤه‌گوهاستنێن هاڤینا بهێت، لێ به‌رپرسێن وێ یانا ئیسپانى یاریزانه‌كێ دى ژى یێ وێ یانا ئیتالى كریه ئارمانجا خوه بۆ ڤه‌گوهاستنێن بهێت.
رۆژناما ماركا ئیسپانى دیار كریه: یانا به‌رشه‌لۆنا دخوازیت ل ڤه‌گوهاستنێن هاڤینا بهێت هه‌ڤبه‌ستێ ل گه‌ل به‌ره‌ڤانى لایێ راستێ یێ یانا یوڤانتوس ماتیا دی تشیلیو ئیمزا بكه‌ت وه‌كو پێگوهور ل جهێ نیلسون سێمیدو كو پێشبینى دهێته‌كرن په‌یوه‌ندى ب یانه‌كا دى بكه‌ت ل هاڤینا بهێت.
هه‌ژى گوتنێ یه ماتیا دی تشیلیو یێ 27 سالى خودانێ 39 یاریێن نیڤده‌ولى یه ل گه‌ل هه‌لبژارتیێ ئیتالیا و ده‌ستپێكا ژیانا خوه ل گه‌ل میلان ده‌ستپێكر بوو ل سالا 2012 ژ تیما 19 دوێ یا میلان هاتبوو سه‌رئێخستن و هه‌تا 2017 ل گه‌ل وێ یانێ یارى كر شیابوو 133 یاریان د ماوێ 5 سالان دا ل گه‌ل میلان ئه‌نجام بده‌ت و ل هاڤینا 2017 هاته ڤه‌گوهاستن بۆ یوڤانتوس هه‌تا نوكه ل گه‌ل یوڤى شیایه 60 یاریان بكه‌ت .
ئەڤرۆ نیوز:
نوری مالكی سه‌رۆكێ ئیئتیلافا ده‌ولەتا قانوونێ راگه‌هاند: ئیئتیلافا وان دێ پشتەڤانیێ ل هه‌ر پێنگاڤەکێ کەت، یاکو حوکمه‌تا عیراقێ ب سه‌رۆكاتیا مسته‌فا كازمی، ژ پێخەمەتی خزمه‌تگوزاری و پارێزگاریكرنێ ل هه‌یبه‌ت و سه‌روه‌ریا ده‌وله‌تێ و سه‌پاندنا قانوونێ بهاڤێت.
میدیا یێن عێراقی دیار کرینە، کو مالكی گوتیە: هەڤپەیمانیا دێ پشتەڤانیێ ل کازمی کەت، هەکە پێنگاڤ د بەرژەوەندیا عیراقێ دا هاڤێتن، به‌لێ ئه‌گه‌ر پێنگاڤێن خەلەت هاڤێتن و زیان گەهاندە به‌رژه‌وه‌ندیا گشتی و وەلاتیان و خزمه‌تگوزاری و سه‌ره‌وه‌ریا وەلاتی، دێ ل دژی وی راوەستین.
مالكی گوتیە ژی: هیڤیدارم حوکمه‌تا نوو پابه‌ندی وی ئه‌ركێ خوە بیت، یێ بۆ هاتیە دیار كرن، گرنگترین تشت ژی ڤەگه‌راندنا هه‌یبه‌تا ده‌وله‌تێ و ئه‌نجامدانا ئاماده‌كاریان بۆ هه‌لبژارتنێن پاقژ و پێشوه‌خت و چاره‌سه‌ركرنا كێشێن ئابووری و پێشێلكاریێن ئه‌منی.
ئەڤرۆ نیوز:
وەزارەتیا ساخلەمیا ئیرانێ راگەهاند: د دەمێ 24 دەمژمێرێن بوری دا 50 کەسێن دی ب ڤایرۆسێ کۆرۆنا یێ گیانێ خوە دەستداینە و هزار و 958 کەسێن دی ژی تووشی کۆرۆنا یێ بوون.
هەتا نوکە شەش هزار و 783 کەسان ل ئیرانێ ب کۆرۆنا یێ گیانێ خوە ژ دەستداینە و هژمارا تووشبوویان ژی گەهشتە 112 هزار و 725 کەسان.
ئەڤرۆ نیوز:
وەزارەتا ساخلەمیا عێراقێ دیار کر: ١١٩ حالەتێن نوو یێن توشبوون ب کۆرۆنا یێ و سێ حالەتێن گیان ژ دەستدانێ و ٦٠ حالەتێن چێبوونێ هاتینە تۆمار کرن.
وەزارەتا ساخلەمی و ژینگەها عیراقێ ئاشکرا کر ژی: د دەمێ ٢٤ دەمژمێرێن بوری دا ١١٩ حالەتێن نوو یێن توشبوون ب کۆرۆنایێ هاتینە تۆمار کرن، کو ٨٢ حالەت ل بەغدا و ٣٢ ل بەسرا و دو ل موسەنا، دو ل موسل و ئێک ژی ل دیالا، دیسان سێ کەسان ژی ب ۆرۆنا یێ ل بەغدا گیانێ خوە ژ دەستداینە.
هەروەسا گۆتیە: ٦٠ کەسێن دی ژ وێ نەخۆشیێ چێبووینە، کو ٢٦ کەس ل بەسرا، ١٣ ل بەغدا، نەهـ ل میسان و حەفت ل کەربەلا، سێ ل موسەنا و دو ژی ل کەرکوکێ.
ئه‌ڤرۆ نیوز، بارزان مزووری:
شێروان دوبه‌ردانێ ئه‌ندامێ په‌رله‌مانێ عێراقێ بۆ ئه‌ڤرۆ نیوز گۆت: (هه‌موو كارئاسانی هاتینه كرن دگه‌ل ئیدارا مووسل حكومه‌تا هه‌رێما كوردستانێ بۆ ڤه‌كرنا رێكا دناڤبه‌را مووسل بۆ هه‌رێما كوردستانێ د نها دا بریار هاتیە دان كو رێكا خازر بهێتە ڤه‌كرن لدوڤ رێنمایێن وه‌زاره‌تا نافخوە و ته‌ندرۆستی یێن حكومه‌تا هه‌رێما كوردستانێ كو هه‌ر كه‌سێ مووسل ده‌ربازی هه‌رێما كوردستانێ بیت پشكنین یێن ڤایرۆسێ كورونایێ بۆ بهێتە كرن ل ده‌روازه‌یا خازر ژلایێ تیمێن تایبه‌ت).
ناڤهاتی خویاكر ل رۆژێن ئێكشه‌مبی رێك بۆ فه‌رمانبه‌را دهێتە ڤه‌كرن ل رۆژێن پێنجشه‌مبی بۆ وه‌لاتیان ئه‌وێن پشتگیریا”ئاكنجیبوونێ” هه‌ی.
ئه‌ندامێ په‌رله‌مانێ عێراقێ دیار ژی کر وه‌لاتیێن مووسل ژی دشێن سه‌ره‌دانا هه‌رێمێ بكه‌ن یێن هه‌رێمێ ژی دشێن سه‌ره‌دانا مووسل بكه‌ن ل دووڤ وان رێنمایێن هه‌ردو وه‌زاره‌تێن ناڤخوە و ته‌ندروستیێ.
ئەڤرۆ نیوز، عەلی حاجی :
سکرتێرێ مەکتەبا سیاسی یا پارتی دیموکراتی کوردستان سەرەدانا باژێرێ زاخۆ کر و ژلایێ بەرپرسێ لقا هەشتێ یا پارتی دیموکراتی کوردستان و چەندین بەرپرسێن حزبی و حوکمی و ئەمنی ڤە هاتە پێشوازی کرن.
د کونگرەیەکێ روژنامەڤانی دا فازل میرانی دیار کر شەهیدێن کوردستانێ ٤٠٪ بەر ب زاخۆ دکەڤیت ژ بەر کو رۆلەکێ کارا هەنە د بیاڤێن نشتیمانی و حزبی دا، شەراکەتا ئێکەتیا نیشتیمانیا کوردستانێ و پارتی دیموکراتی هەلناوەشیت و پەیوەندیێن وان دێ دگەل وێ حزبێ د بەردەوام بن ژ بەر کو هەر دو حزب پێدڤی ب شەراکەتێ نێ.
ل دور پێکئینانا حوکمەتا نوو یا عێراقێ د وی کونگرەیێ روژنامەڤانی دا ناڤبری گۆت: (سەرۆک وەزیرێن نوو یێن عێراقێ مستەفا کازمی شانسەکێ باش هەبوویە ژ بەر کو ئەمریکا و ئیرانێ و وەلاتێن عەرەبی و پێکهاتەیێن عیراقێ ژ شیعە و سوننە و کوردان پشتەڤانیا وی کریە د پێکئینانا حوکمەتێ دا و بەرنامەکێ باش ژی هەیە ب گشتی بۆ عێراقێ و ب تایبەتئ ژی بۆ کوردستانێ).
ل دۆر نە ئەنجامدانا کونگرێ ١٤ێ یێ پارتی ژی فازل میرانی گۆت: ( بریارا ئەنجامدانا کونگرێ ١٤ێ ژلایێ سەرکردایەتیا پارتی ڤە هاتیە دان بەلێ ژ بەر هاتنا کۆرۆنایێ نەشیاینە هەتا نوکە کونگرەیێ تایبەت ب حزبا خوە ڤە ئەنجام بدەین و هەکە کۆرۆنا نەهاتبایە نوکە دا کونگرە هاتبوو ئەنجام دان و بەلێ بەردەوام لیژنێن تایبەتێن ئەنجامدانا کونگرەی کارێ خوە ئەنجام ددەن و هەر دەم رەوش بەرەڤ ئاسایی بوونێ ڤە چوو دێ کونگرێ ١٤ هێتە ئەنجام دان) .
نيشاندان