NO IORG
Facebook

ئەڤرۆ نیوز:
جێگرێ وە‌زیرێ دە‌رڤە یێ روسیا راگەھاند کو چارە‌یا ھە‌ری گونجای بۆ پرسگرێک ئانکۆ شە‌رێ ناڤخوەیێ سووریێ بجە کرنا سیستە‌مێ فید‌رالیێ یە و سیستە‌مێ فیدرالی دێ ھە‌موو نە‌تە‌وە و باوە‌ریان د ناڤ یە‌ک دە‌ولە‌تە‌کا یە‌کگرتی دا کۆم کە‌ت و وە‌سا خوە‌یا دکە‌ت ھە‌کە فید‌رالی نە‌بیت یە‌کگرتنا گە‌لان د ناڤ دە‌ولە‌تە‌کا ناڤەندی دا سەرناگریت.
سیرگێی ریابکۆڤ جێگرێ وە‌زیرێ دە‌رڤە یێ روسیا بۆ مالپە‌را سپوتنیک نیوز یا روسیا راگەھاند کو نھا ل پرانیا دە‌ڤە‌رێن سووریێ ئاگربە‌ست ب رە‌نگە‌کی ئە‌رە‌نی برێڤە دچیت و ب تنێ ل ھندە‌ک دە‌ڤە‌رێن وە‌ک حە‌لە‌ب و نێزیکی گرێ سپی تیرۆرستێن د‌اعشێ و ئە‌لنوسرا ب رە‌نگە‌کی دژوار ھێرشی ھێزێن کوردی و رژێما سووریێ دکە‌ن و گۆت: (ئە‌م وە‌ک روسیا دخوازین ئاگربە‌ست بگەھیتە ئە‌نجامە‌کی ئە‌رە‌نی و ب رە‌نگە‌کی سیاسی و ب قە‌بوولکرنا ھە‌موو ئالیێن ل سووریێ چارە‌کا یە‌کجاری پە‌یدا بکەین و د ڤێ مژارێ دا ئە‌م و ئە‌مریکا گە‌لە‌ک نێزیکی ھە‌ڤدو بووینە. نھا ل دە‌ڤە‌را عە‌زازێ و حە‌لە‌بێ کۆما تیرۆرست یا ئە‌لنوسرا ھێرشی ھێزێن کوردی دکە‌ت و ل حە‌لە‌بێ ژی شە‌رێ ل گەل داعشێ بە‌ردە‌وام دکە‌ت و ھە‌تا ب تە‌مامی داعش و ئە‌لنوسرا بھێنە ژناڤبرن ئە‌م دێ ب ھە‌موو ھێزا خوە ھە‌ڤکاریا کوردان و حوکمەتا سووریێ بکەین).
ل دۆر پاشە‌رۆژا سووریێ ژی جێگرێ وە‌زیرێ دە‌رڤە یێ روسیا راگەھاند ژی کو ل دووڤ ھزرا وان باشترین چارە‌سە‌ری و سیستە‌م بۆ پاشە‌رۆژا سووریێ سیستە‌مێ فیدرالیە و ئە‌ڤ سیستە‌م دشێت سووریێ یە‌کگرتی بھێلیت و گۆت: (د ڤێ دە‌ربارێ دا مە نە ل گەل ئە‌مریکا و نە ژی چو ئالیە‌کی دی رێککە‌ڤتن نە‌کریە و دێ بریارا ل سە‌ر پاشە‌رۆژا سووریێ ژ ئالیێ گە‌ل و ئالیێن سیاسی یێن سووریێ ڤە ھێتە دان و ئە‌م دێ ھە‌ڤکاریا وان بکەین دا کو وە‌لاتێ وان جارە‌کا دی ئارام بیت).
جۆن کێربی پە‌یڤدارێ وە‌زارە‌تا دە‌رڤە یا ئە‌مریکا ژی راگەھاند ھە‌کە ئە‌ڤ بزاڤا وان یا ئاگربە‌ستێ سە‌رنە‌گریت دێ بەرنامەکا دی بێخنە د وارێ بجیە کرنێ دا و گۆت: (ئارمانجا مە سە‌رخستنا ئاگربە‌ستێ و چارە‌کا سیاسی یە لێ ھە‌کە ئە‌ڤ بزاڤا مە سە‌رنە‌گریت ئە‌م نەچارین رێیە‌کا دی ببینین و پرسگرێکا سووریێ چارە بکەد‌ن، لێ ھە‌تا نھا مە نە ل دۆر فید‌رالیێ نە ژی ل دۆر پارچە‌کرنا سووریێ مە ھە‌ڤدیتن ل گەل چو ئالیە‌کێ نەکرینە.

ئه‌ڤرۆ نیوز: ڤه‌ده‌ر ره‌شاڤایی:
هه‌ژماره‌كا پێشمه‌رگه‌یێ كوردستانێ ل بنگه‌هه‌كێ سه‌ربازی ل باكۆرێ ئه‌لمانیا مه‌شقێن سه‌ربازی ژ ئالیێ سۆپایێ ئه‌لمانیا ڤه‌ وه‌ردگرن بۆ به‌رهنگاربوونا تیرۆرستێن داعش،  كه‌نالێ (AlAlam) به‌شێ ئینگلیزی چه‌ندين دیمه‌ن ژێ به‌لاڤكرینه‌.
ئه‌و مه‌شقێن پێ دهێنه‌كرن نه‌ بتنێ تایبه‌ته‌ بۆ شه‌رێ داعش به‌لكو دێ پێشمه‌رگه‌ی فێركه‌ت و ئاماده‌كه‌ت كو ل دژی هه‌ر دوژمنه‌كی ل هه‌ر ره‌وشه‌كێ دا شه‌ری بكه‌ت و به‌رگریێ ژ وه‌لاتئ خوه‌ بكه‌ت.

968

ل گەل بەربەلاڤبوونا نەخۆشیێن ب مەترسی و بلندبوونا داخوازیێن ژیانا رۆژانە، تشتەکێ ب زەحمەتە مرۆڤ ب شێوەیەکێ رێکخستی قەستا نوشداران بکەت بۆ دیارکرنا نەخوشیێن خوە، بەلێ ژبۆ پشت راستبوون کو ئەم د ساخلەمیەکا باش داینە، کۆمەکا نیشانان ھەنە کو نوشدار ھەموو ل سەر رێککەفتینە کو مرۆڤ یێ ساخلەمە ژوانژی:
• پێدڤیە لێدانێن دلێ تە 70 جار بن د ھەر خولەکەکێ دا و ھەکە کێمتر بن پێدڤیە ل سەر تە ھندەک راھێنانێن وەرزشی بکەی داکو خوینگێر و دەمارێن خوینێ بەرفرەە ببن.
• پێدڤیە نینووکێن تە ب ساخلەمیەکا باش بن و دشدیای بن و رەنگێ وان یێ دروست بیت.
• رەنگێ دەستئاڤێ یێ ڤەبووی بیت و تاری نەبیت، ئەڤە رامانا وێ چەندێ ددەت کو کارێن ڤەژەنا لەشی ب دروستی ب کارێ خوە رادبن.
• تو بشێی بۆ دەمێ 15 خولەکان بکەیە غار ئەڤەژی نیشانا باشیا ساخلەمیا لەشی یە.
• تو بشێی رۆژانە ل ژڤانەکێ دەستنیشانکری ھشیارببی ئەو نیشانا وێ چەندێ یە کو کوئەندامێ ھەرسکرنێ ل دەڤ تە ب دروستی کاردکەت.
• سەنگێ تە یێ ھەڤسەنگ بیت ل گەل درێژیا لەشێ تە.
• دلێ تە ڤەگەریتەڤە بۆ شێوێ خوە یێ سروشتی پشتی بوورینا پێنج خولەکان ژ وەرزشکرنەکا دژوار.

190

ئه‌ڤرۆ نیوز:
به‌رپرسێ مه‌كته‌با په‌یوه‌ندیێن ده‌رڤه‌ یێن پارتى دیمۆكراتى كوردستان راگه‌هاند، ئالیه‌ك ب پشته‌ڤانیا ده‌رڤه‌ى هه‌رێما كوردستانێ یێ مژوولى كڕینا چه‌كى یه‌ ب مه‌ره‌ما ده‌لیڤه‌ دیتنا نه‌رازیبوونێن وه‌لاتیان و دروستكرنا ئالۆزیان و گۆت:(هیڤیدارین كه‌س هزر ل كوده‌تایان نه‌كه‌ت).
هێمن هه‌ورامى بۆ NRT راگه‌هاند كو ئه‌و دوهى ل گه‌ل نوونه‌ر و قونسلخانێن وه‌لاتان كۆمبوون و په‌یاما پارتى ل دۆر ره‌وشا نوكه‌ یا هه‌رێمێ دا وان و گۆت:(كۆمه‌كا زانیاریان و به‌لگێن تمام ل به‌ر ده‌ستێ پارتى دیمۆكراتن كو ئالیه‌ك بزاڤا دروستكرنا ئالۆزیان و جوداكرنا پشكه‌كا ئاخا هه‌رێمێ دكه‌ت و هیڤیدارین كه‌س هزر ل كوده‌تایان نه‌كه‌ت، چونكو هه‌رێما كوردستانێ رووباره‌كێ خوینێ یێ رێتى و ئه‌ڤه‌ ژكه‌سێ ناهێته‌ قه‌بوولكرن).

466

ئه‌ڤرۆ نیوز:
پشتى پارێزگه‌ها دهۆكێ و ئه‌نجوومه‌نێ پارێزگه‌هێ چه‌ند بڕیار ل دۆر كێمكرنا بهایێن كه‌لوپه‌ل و كرێیان و وان پێدڤیێن رۆژانه‌ یێن گرێداى ب ژیانا وه‌لاتیان ڤه‌ ده‌رئێخستین، ئه‌ڤرۆ كۆمبوونه‌كا به‌رفره‌ه ل گه‌ل لایه‌نێن په‌یوه‌ندیدار هاته‌ كرن و تێدا بڕیار هاته‌ دان چه‌ند لژنه‌ بۆ ب جهئینانا وان بڕیاران ب ره‌نگه‌كێ سه‌ركه‌فتى و بێ ئاسته‌نگ بهێنه‌ پێكئینان.
به‌هزاد عه‌لى ئاده‌م، جێگرێ پارێزگه‌رێ دهۆكێ دیار كر هه‌ر ژ 1/3/2016 و وێڤه‌ دێ بڕیار كه‌ڤنه‌ د وارێ ب جهئینانێ دا، هه‌ر كه‌سێ پێگیریێ ب وان بڕیاران نه‌كه‌ت ل دووڤ قانوونێن تایبه‌ت ب هه‌ر بیاڤه‌كى ڤه‌ سه‌رده‌رى دێ ل گه‌ل وان لایه‌ن و كه‌سان هێته‌كرن”.

ئه‌ڤرۆ نیوز:
حوكمه‌تا هه‌رێما كوردستانێ بۆ رێكخستنا په‌یكه‌رێ ئیدارى دێ ژمارا وه‌زاره‌تان ژ 19 وه‌زاره‌تان و سێ وه‌زیرێن هه‌رێمێ بۆ 10 وه‌زاره‌تان كێم كه‌ت.
ئه‌ڤ پرۆژێ رێكخستنا په‌یكه‌رێ حوكمه‌تا هه‌رێما كوردستانێ ژ ئالیێ سه‌رۆكێ دیوانا ئه‌نجومه‌نێ وه‌زیران هاتیه‌ به‌رهه‌ڤكرن و راده‌ستى جڤاتا وه‌زیران هاتیه‌ كرن.
نێچیرڤان ئه‌حمه‌د سه‌رۆكێ دیوانا ئه‌نجومه‌نێ وه‌زیران راگه‌هاندیه‌” بڕیار ل سه‌ر پرۆژه‌ى دره‌چوویه‌ و لژنه‌یه‌ك هاتیه‌ پێكئینان بۆ به‌حسكرنا ڤى پرۆژه‌ى و پاشان ئه‌نجامێن وێ دێ ئاراسته‌ى جڤاتا وه‌زیران هێته‌ كرن بۆ وێ یه‌كێ دووماهى بڕیار ل سه‌ر پرۆژه‌ى بهێته‌ دان”.
ل دووڤ پرۆژه‌ى، په‌یكه‌رێ نوكه‌ یێ سه‌رۆكایه‌تیا ئه‌نجومه‌نێ وه‌زیران ل سه‌ر بنه‌مایێ كارگێریا هه‌ڤچه‌رخ و ل دووڤ په‌یره‌وێ ناڤخو یێ سه‌رۆكایه‌تیا جڤاتا وه‌زیران هاتیه‌ دانان، ئه‌گه‌ر رازیبوون ل سه‌ر هاته‌ كرن، په‌یكه‌ر و په‌یره‌وێ نوكه‌ نامینیت”.

ئه‌ڤرۆ نیوز:

سه‌رۆك بارزانى ب مه‌ره‌ما راوێژ و لێگوهۆرینا بیرو بوچوونان سه‌باره‌ت بریار و دانانا میكانزمه‌كێ سه‌باره‌ت پرۆسا چاكسازیێ دوهى ل گه‌ل جڤاتا دادوه‌ریێ و ده‌سته‌یا ده‌ستپاكیێ و دادوه‌رێن ڤه‌كولینا ده‌ستپاكیێ و دیوانا چاڤدێریا دارایى كۆمبوو و راگه‌هاند” بۆ سه‌ركه‌فتنا پرۆسا چاكسازیێ، ب تمامى پشته‌ڤانیێ هه‌وه‌مه‌ و دێ ل گه‌ل وه‌بم و ئه‌ز ب خوه‌ دێ به‌رامبه‌ر وى كه‌سى راوه‌ستم یێ ئالوز و ئاسته‌نگان بۆ پرۆسا چاكسازیێ دروست بكه‌ت، یان ژى بریاران بجه نه‌ئینیت”.
سه‌رۆك بارزانى هه‌روه‌سا راگه‌هاند” د پرۆسا چاكسازیێ دا، نابیت چ لایه‌ن و كه‌سه‌ك ل هه‌ر پله‌ و پۆسته‌كى دا بیت،  بهێته‌ ئستیسنا كرن و به‌ره‌ڤانى لێ بهێته‌ كرن ژ لێپێچینێ، بۆ ڤێ مه‌ره‌مێ ژى دێ هه‌موو شیانێن خوه‌ مه‌زێخم بۆ وێ یه‌كێ ده‌ستهه‌لاتا دادوه‌ریێ و ده‌سته‌یا چاڤدێریا كوردستانێ بشێن ب باشترین شێوه‌ پرۆسا چاكسازیێ بجه بینن”..
بارزانى ئه‌و یه‌ك ژى دووپات كر كو چ كه‌سه‌ك ژ چاره‌نڤیس و ئیرادا گه‌لى بلند تر نینه‌ و گه‌لى ژى دادپه‌روه‌رى و چاكسازى دڤێت و گۆت” چاره‌نڤیسێ مه‌ ب سه‌ركه‌فتنا چاكسازیێ ڤه‌ یێ گرێدایی یه‌”.
د به‌رامبه‌ردا به‌رهه‌ڤبوویان سوزدان بریارێن چاكسازیێ یێن سه‌رۆك بارزانى بجه بینن و یا د شیانێن وان دابیت بۆ سه‌رخستنا چاكسازیێ خه‌مساریێ ناكه‌ن.

ئه‌ڤرۆ نيوز: رێوار
په‌رله‌مانتاره‌كا كورد ل جڤاتا نوونه‌رێن عیراقێ دیار كر كو د ڤێ حه‌فتیێ دا پارێ گه‌نم و حه‌هێ جۆتیارێن هه‌رێما كوردستانێ و كه‌ركووكێ دێ هێته‌ مه‌زاختن.
د. ئه‌شواق جاف، په‌رله‌مانتارا كورد ل جڤاتا نوونه‌رێن عیراقێ ئاشكرا كر كو پشتى وان گه‌له‌ك بزاڤ و دانوستاندن بۆ مه‌زاختنا پارێ جۆتیارێن هه‌رێمێ د گه‌ل وه‌زیرێ بازرگانی ل عیراقێ كرین دوهى رۆژا 1/3/2016ێ ئه‌و پشتراست كرن كو پارێ گه‌نم و جه‌هێ جۆتیارێن هه‌رێمێ و كه‌ركووكێ یێ هاتیه‌ به‌رهه‌ڤكرن و د ڤێ حه‌فتیێ دا دێ هێته‌ مه‌زاختن.
ناڤهاتیێ بۆ باسنیۆز گۆت: “محه‌مه‌د شیاع سودانى، وه‌زیرێ ب وه‌كاله‌تێ بازرگانیا عیراقێ بۆ مه‌ دیاركریه‌ كو پارێ گه‌نم و جه‌هێ جۆتیارێن پارێزگه‌ها دهۆكێ، شه‌ش ملیار و 516 هزار دینارن و یێن پارێزگه‌ها هه‌ولێرێ هه‌شت ملیار و 693 هزار دینارن و یێن پارێزگه‌ها سلێمانیێ شه‌ش ملیار و 96 هزار دینارن و یێن پارێزگه‌ها كه‌ركووكێ سێ ملیار و 300 هزار دینارن”

website security
WP Facebook Auto Publish Powered By : XYZScripts.com